જૂનાગઢ ક્રાઈમ બ્રાન્ચે બાઈક ચોરને દબોચ્યો:મોટરસાયકલ ચોરી કરનાર રાજકોટનો શખ્સ ઝડપાયો,ભવનાથ અને જોષીપરામાંથી ચોરેલા ₹1.30 લાખના બે બાઈક રિકવર, રાજકોટનો સાગરીત વોન્ટેડ.

જૂનાગઢ શહેરમાં વધતા જતા ચોરીના બનાવોને રોકવા અને વણશોધાયેલા ગુનાઓ ઉકેલવા માટે પોલીસ દ્વારા ખાસ ડ્રાઈવ ચલાવવામાં આવી રહી છે. જેને લઈ જૂનાગઢ ક્રાઈમ બ્રાન્ચે ટેકનિકલ સર્વેલન્સ અને બાતમીદારોના આધારે પેટ્રોલિંગ દરમિયાન જૂનાગઢ અને ભવનાથ વિસ્તારમાંથી મોટરસાયકલ ચોરી કરનાર અર્જુન ધનજીભાઈ સોલંકી નામના રીઢા શખ્સને ઝડપી પાડવામાં સફળતા મેળવી છે. પોલીસે આરોપી પાસેથી બે બાઈક કબજે કરી આગળની તપાસ હાથ ધરી છે. ​ક્રાઈમ બ્રાન્ચની ટીમ શહેરના ખામધ્રોડ રોડ વિસ્તારમાં પેટ્રોલિંગમાં હતી, ત્યારે એક યુવાન શંકાસ્પદ હાલતમાં મોટરસાયકલ સાથે મળી આવ્યો હતો. પોલીસે તેની અટકાયત કરી પૂછપરછ કરતા અને બાઈકના કાગળો માંગતા તે સંતોષકારક જવાબ આપી શક્યો નહોતો. પોલીસની કડક પૂછપરછમાં તેણે કબૂલાત કરી હતી કે આ બાઈક તેણે ચોરી કરેલું છે.પકડાયેલા આરોપી અર્જુન ધનજીભાઈ સોલંકીએ પોલીસને જણાવ્યું કે તેણે દસેક દિવસ પહેલા તેના મિત્ર વનરાજ ઉર્ફે ટકા સાથે મળીને ભવનાથ વિસ્તારમાંથી એક બાઈક ચોર્યું હતું. આ ઉપરાંત, તેણે જોષીપરા વિસ્તારના અગ્રાવત ચોકમાંથી પણ અન્ય એક મોટરસાયકલની ચોરી કરી હોવાની કબૂલાત કરી હતી. પોલીસે કુલ ₹1,30,000 ની કિંમતના બે મોટરસાયકલ કબજે કર્યા છે.આ ગુન્હામાં સંડોવાયેલ વનરાજ ઉર્ફે ટકો રવજીભાઈ હાડાને પકડવા તપાસ હાથ ધરી છે. ​ક્રાઈમ બ્રાન્ચના પીઆઈ કૃણાલ પટેલ, પીએસઆઈ પી.કે. ગઢવી, ડી.કે. ઝાલા તથા હેડ કોન્સ્ટેબલ વનરાજસિંહ ચુડાસમા, આઝાદસિંહ સિસોદીયા, ઇન્દ્રજીતસિંહ ઝાલા અને કોન્સ્ટેબલ ચેતનસિંહ સોલંકી, જેઠાભાઈ કોડીયાતર સહિતના સ્ટાફે આ સફળ કામગીરી કરી હતી. હાલ પકડાયેલા આરોપીને વધુ તપાસ માટે બી-ડિવિઝન પોલીસ સ્ટેશનને સોંપવામાં આવ્યો છે.

વલસાડમાં ઉત્તરાયણ પૂર્વે પતંગ-દોરીની ધૂમ ખરીદી:સ્ટેશન રોડ પર ગ્રાહકોની ભીડ, વેપારીઓને સારો વેપાર મળ્યો

વલસાડ શહેરમાં ઉત્તરાયણ પર્વની પૂર્વ સંધ્યાએ પતંગ અને દોરીની ખરીદી માટે ભારે ઉત્સાહ જોવા મળ્યો હતો. શહેરના સ્ટેશન રોડ પર પતંગ રસિકોની મોટી ભીડ ઉમટી પડી હતી. ગ્રાહકો વિવિધ પ્રકારના પતંગો, દોરીઓ, બ્યુગલ અને ચશ્માં સહિતની સામગ્રીની ખરીદી કરતા નજરે પડ્યા હતા. વેપારીઓ પણ ગ્રાહકો સાથે ભાવતાલ કરીને પતંગો વેચવામાં વ્યસ્ત જોવા મળ્યા હતા. સ્ટેશન રોડ પર છેલ્લા છ વર્ષથી ઉત્તરાયણ પૂર્વે પતંગ ખરીદીનો આ ટ્રેન્ડ સતત યથાવત રહ્યો છે. રસ્તા પર પાથરણા પાથરી પતંગનો વેપાર કરતા વેચાણકારોને એક જ દિવસમાં સારો એવો વેપાર મળ્યો હોવાનું જાણવા મળ્યું છે. વર્ષના પ્રથમ તહેવાર ઉત્તરાયણને લઈ શહેરમાં આનંદ અને ઉત્સાહનું વાતાવરણ જોવા મળ્યું હતું. પતંગ રસિકોએ તૈયાર દોરી તેમજ વિવિધ વેરાયટીના પતંગોની ઉત્સાહભેર ખરીદી કરી હતી.

ભરૂચ A ડિવિઝન પોલીસે બાળકોને પતંગોનું વિતરણ કર્યું:ઉતરાયણ પૂર્વે સ્લમ વિસ્તારોમાં અનોખી પહેલ કરી

ઉતરાયણ પર્વની પૂર્વ સંધ્યાએ ભરૂચ શહેર એ ડિવિઝન પોલીસે માનવતા અને સંવેદનશીલતાનું ઉમદા ઉદાહરણ રજૂ કર્યું છે. પોલીસ પ્રજાનો મિત્ર છે આ વાતને આજે એ ડિવિઝન પોલીસે કાર્યરત રીતે સાબિત કરી બતાવી છે. એ ડિવિઝન પોલીસ સ્ટેશનના પીઆઈ આર.એમ.વસાવા ના માર્ગદર્શન હેઠળ પોલીસ પરિવાર દ્વારા પોલીસ મથક વિસ્તારમાં આવતા સાબુગઢ, ઈન્દિરા નગર,દાંડિયા બજાર તેમજ માતરિયા તળાવ સામે આવેલા સ્લમ વિસ્તારોમાં રહેતા ગરીબ અને વંચિત પરિવારોના બાળકો માટે ઉતરાયણ પર્વ નિમિત્તે વિશેષ આયોજન કરવામાં આવ્યું હતું. આ પ્રસંગે અંદાજીત 1100 થી વધુ પતંગોનું વિતરણ કરવામાં આવ્યું હતું. પોલીસ કર્મચારીઓ દ્વારા બાળકોને પોતાના હાથે પતંગો આપવામાં આવતા બાળકોના ચહેરા પર ખુશીની ઝલક જોવા મળી હતી. કાર્યક્રમ દરમિયાન પીઆઈ,પીએસઆઈ સહિતના પોલીસ અધિકારીઓ અને કર્મચારીઓ પણ હાજર રહી બાળકો સાથે સંવાદ સાધ્યો હતો.પોલીસની આ સેવાભાવના અને સમાજપ્રતિની લાગણીને સ્થાનિક લોકોએ પણ બિરદાવી હતી.

નારગોલમાં વર્ગ ખંડમાં ઊંઘી રહેલા શિક્ષક સામે તપાસના આદેશ:રૂબરૂ બોલાવી નિવેદન લેવાશે, દોષિત ઠરશે, તો કડક શિક્ષાત્મક પગલાં લેવામાં આવશે

વલસાડ જિલ્લાના ઉમરગામ તાલુકાના નારગોલ ગામની એક પ્રાથમિક શાળામાં એક શિક્ષક વર્ગખંડમાં ઊંઘતા ઝડપાયા હતા. આ ઘટનાનો વીડિયો સોશિયલ મીડિયા પર વાયરલ થયા બાદ શિક્ષણ વિભાગે તાત્કાલિક તપાસના આદેશ આપ્યા છે. નારગોલ ગામની નવા તળાવ પ્રાથમિક શાળામાં ધોરણ 1 થી 5 માં ફરજ બજાવતા શિક્ષક યાજ્ઞિકભાઈ ટંડેલનો એક વીડિયો વાયરલ થયો હતો. આ વીડિયોમાં તેઓ ટેબલ પર માથું રાખીને ઊંઘતા જોવા મળ્યા હતા. ગામના પૂર્વ સરપંચે શાળાની અચાનક મુલાકાત લીધી ત્યારે આ સમગ્ર ઘટના પ્રકાશમાં આવી હતી. પૂર્વ સરપંચે આ વીડિયો સોશિયલ મીડિયા પર વાયરલ કર્યો હતો અને સંબંધિત ઉચ્ચ અધિકારીઓને ફરિયાદ કરી હતી. આ વીડિયો વાયરલ થતાં વાલીઓ અને સ્થાનિકોમાં રોષ જોવા મળ્યો હતો. ઘટનાની ગંભીરતાને ધ્યાનમાં લઈને જિલ્લા પ્રાથમિક શિક્ષણાધિકારીએ આ મામલે કડક વલણ અપનાવ્યું છે. તેમણે ઉમરગામ તાલુકા પ્રાથમિક શિક્ષણાધિકારી (TPEO) ને લેખિતમાં તપાસ કરી રિપોર્ટ સોંપવા સૂચના આપી છે. રિપોર્ટ આવ્યા બાદ સંબંધિત શિક્ષકને રૂબરૂ બોલાવી તેમનું નિવેદન લેવામાં આવશે. જો તેઓ દોષિત ઠરશે, તો તેમની સામે કડક શિક્ષાત્મક પગલાં લેવામાં આવશે. જો શિક્ષક શારીરિક અસ્વસ્થતાનું કારણ આપશે, તો તેમનું મેડિકલ સર્ટિફિકેટ પણ તપાસવામાં આવશે. આ ઘટના બાદ શિક્ષણ વિભાગે તમામ શાળાઓમાં CRC અને BRC ને મોનિટરિંગ વધારવા સૂચના આપી છે. શૈક્ષણિક સત્રના અંતે બાળકોના અભ્યાસ પર કોઈ માઠી અસર ન પડે તે માટે શિક્ષકોને પોતાની ફરજ પ્રત્યે બેદરકાર ન રહેવા તાકીદ કરવામાં આવી છે.

વેડરોડમાં બેરોજગાર પુત્રે માતાના ખભામાં ખંજર મારીને હત્યા કરી:'કામધંધો કર' એમ કહેવું માતાને ભારે પડ્યું; જે માતાએ નવ માસ કૂખે રાખ્યો, તે જ પુત્રએ રહેંસી નાખી

સુરત વેડરોડ વિસ્તારમાં 32 વર્ષીય અવિનાશ સાળીએ પોતાની જ 57 વર્ષીય માતા ચંદ્રકલાબેનની તીક્ષ્ણ હથિયારના ઘા ઝીંકી નિર્મમ હત્યા કરી નાખી છે. હત્યા પાછળનું મુખ્ય કારણ એ હતું કે, અવિનાશ છેલ્લા 2 વર્ષથી કોઈ કામધંધો કરતો નહોતો. જ્યારે તેની માતા અને મોટા ભાઈ તેને ઘર ચલાવવા માટે નોકરી કરવાનું કહેતા, ત્યારે તે ઉશ્કેરાઈ જતો હતો. આખરે, આજે બપોરે જમવાનું બનાવવા જેવી સામાન્ય બાબતે થયેલી તકરારમાં અવિનાશે તેની માતાના ડાબા ખભાના ભાગે જીવલેણ હુમલો કરી દીધો હતો, જેના કારણે તેમનું કરુણ મોત નીપજ્યું છે. જોકે ચોક બઝાર પોલીસે આરોપી પુત્રની ધરપકડ કરી છે. 'કંઈક કામ કર અને પૈસા ઘરે આપ'વેડરોડની લક્ષ્મીનગર સોસાયટીમાં રહેતા આ પરિવારમાં લાંબા સમયથી કંકાસ ચાલતો હતો. મૃતક ચંદ્રકલાબેનનો મોટો પુત્ર રાજેશ હીરાના કારખાનામાં મજૂરી કરીને ઘરનું ગુજરાન ચલાવતો હતો, પરંતુ નાનો પુત્ર અવિનાશ સાવ નવરો બેસી રહેતો હતો. માતા વારંવાર તેને ટોકતી હતી કે, 'કંઈક કામ કર અને પૈસા ઘરે આપ.' આ શિખામણ અવિનાશને એટલી હદે કડવી લાગી હતી કે તેણે અગાઉ પણ ધમકી આપી હતી કે જો તેને કામ કરવાનું કહેશો તો તે મર્ડર કરી નાખીશ. આ મુદ્દે ઘરમાં મોટો ઝઘડો થયો હતો, જે આજે લોહીયાળ અંજામમાં ફેરવાઈ ગયો. તીક્ષ્ણ હથિયાર કાઢી માતાના ખભાના ભાગે જોરથી મારી દીધું13 જાન્યુઆરી 2026ના રોજ બપોરે આશરે 1:00 વાગ્યે જ્યારે ઘરમાં મોટો પુત્ર હાજર નહોતો, ત્યારે અવિનાશે જમવા બાબતે માતા સાથે ફરી રકઝક કરી હતી. આ દરમિયાન આવેશમાં આવી જઈને તેણે તીક્ષ્ણ હથિયાર કાઢી માતાના ખભાના ભાગે જોરથી મારી દીધું હતું. હુમલો એટલો ભયાનક હતો કે ચંદ્રકલાબેનનું લોહી વહેવા માંડ્યું હતું. પાડોશીઓએ તેમને બચાવવા પ્રયાસ કર્યો અને 108 મારફતે સ્મીમેર હોસ્પિટલ ખસેડ્યા, પરંતુ સારવાર મળે તે પહેલા જ ડોક્ટરોએ તેમને મૃત જાહેર કર્યા હતા. કામ પર જવાનું નામ લેતા જ ઘર છોડીને ભાગી જતો આરોપી અવિનાશ છેલ્લા બે વર્ષથી કામ પર જવાનું નામ લેતા જ ઘર છોડીને ભાગી જતો હતો અને ક્યારેક એક અઠવાડિયા સુધી ગુમ રહેતો હતો. તેની આ આદતથી પરિવાર પરેશાન હતો, પણ તે સગી જનેતાનો જીવ લેશે તેવી કલ્પના કોઈએ કરી નહોતી. પાડોશમાં રહેતા કવિતાબેને જણાવ્યું કે, હુમલો કર્યા બાદ અવિનાશ ઘટનાસ્થળેથી ફરાર થઈ ગયો હતો. હીરાના કારખાનામાં કામ કરતા મોટા ભાઈ રાજેશને જ્યારે આ વાતની ખબર પડી ત્યારે તેના પગ નીચેથી જમીન સરકી ગઈ હતી. 'હું તારું કે માતાનું મર્ડર કરી નાખીશ'પોલીસ તપાસમાં જાણવા મળ્યું છે કે અવિનાશે મર્ડર કરવાની ધમકી ગત રાત્રે 8:00 વાગ્યે જ આપી દીધી હતી. તેણે સ્પષ્ટ શબ્દોમાં કહ્યું હતું કે,'જો કામ બાબતે ઝઘડો કરશો તો હું તારું કે માતાનું મર્ડર કરી નાખીશ'. આજે બપોરે જમવાનું બનાવવાની તકરાર માત્ર એક નિમિત્ત બની હતી, અસલી ગુસ્સો તો માતા દ્વારા અવારનવાર મળતા કામધંધાના ઠપકાનો હતો. પોલીસે હાલમાં રાજેશ સાળીની ફરિયાદ નોંધીને ફરાર આરોપી અવિનાશને ની ધરપકડ કરી છે.

મકરસંક્રાંતિની પૂર્વ સંધ્યાએ પતંગની દોરી બની જીવલેણ:ભરતનગરમાં 16 વર્ષીય વિદ્યાર્થીને ગળામાં દોરી વાગતા ગંભીર ઈજા, 12 ટાંકા લેવાયા

શહેરના ભરતનગર વિસ્તારમાં એક વિદ્યાર્થી ટ્યૂશનમાં જઇ રહ્યો હતો તે વેળાએ પતંગની દોરી ગળામાં આવતા ગંભીર ઈજાઓ પહોંચી હતી. સ્થાનિકો દ્વારા 108 મારફતે ઇજાગ્રસ્ત વિધાર્થીને સારવાર અર્થે સર્ટી હોસ્પિટલ ખસેડવામાં આવ્યો હતો. યુવકને ગળાના ભાગે 12 જેટલા ટાકા આવ્યામકરસંક્રાંતિની પૂર્વ સંધ્યાએ ભાવનગર શહેરના ભરતનગર વિસ્તારમાં ભરતનગર વિસ્તારનો રહેવાસી વિવેક ચિરાગભાઈ ઉજેનિયા (ઉં.વ.16) ધોરણ 11માં અભ્યાસ કરે છે. જે ભરતનગર સીતારામ ચોક નજીક બાઈક પર ટ્યૂશનમાં જઇ રહ્યો હતો. તે સમયે તેને ગળામાં પતંગની દોરી આવી જતા ગંભીર ઈજાઓ પહોંચી હતી. જેમાં સ્થાનિકો દ્વારા 108 મારફત સારવાર માટે સર્ટી હોસ્પિટલ ખસેડવામાં આવ્યો હતો. જ્યા હાલ સારવાર ચાલી રહી છે અને પ્રાથમિક મળતી માહિતી મુજબ ઇજાગ્રસ્ત યુવકને ગળાના ભાગે 12 જેટલા ટાકા આવ્યા હોવાનું જાણવા મળી રહ્યું છે. હાથ, ગળાના ભાગે અને કાનના ભાગે દોરી વાગીઆ અંગે યુવકના પિતાએ ચિરાગ ઉજેનીયા જણાવ્યું હતું કે, ભરતનગર વિસ્તારના સીતારામ ચોક પાસે મારો દીકરો સાંજે ટ્યુશનમાં જઈ રહ્યો હતો, ત્યારે તેને આડે પતંગની દોરી પડી હતી તેને દોરીથી બચાવા ઘણા પ્રયાસો કર્યા તેમ છતાં હાથ, ગળાના ભાગે અને કાનના ભાગે દોરી વાગી છે અને ટાંકા આવે તેવી ગંભીર હાલત છે. ત્યારે લોકોને પણ અપીલ કરું છું કે, આગામી બે દિવસ શહેરીજનો અને ખાસ બાળકો પતંગની દોરીથી બચે અને સાવચેતી રાખે.

IAS કેડરમાં ગુજરાતને બે નવા અધિકારીઓ મળ્યા:ખેડા-નડિયાદ અને રાજકોટમાં સુપરન્યુમરરી એડિશનલ કલેક્ટરની નિમણૂક

ગુજરાત સરકાર દ્વારા IAS કેડરમાં બે નવા અધિકારીઓની મહત્વપૂર્ણ નિમણૂક કરવામાં આવી છે. કેન્દ્ર સરકારના કર્મચારી અને તાલીમ વિભાગની સૂચના બાદ રાજ્યના સામાન્ય વહીવટ વિભાગે આ અંગે અધિકૃત જાહેરનામું બહાર પાડ્યું છે. જાહેરનામા મુજબ, અવની ચિત્તરાંજન વોરાને ગુજરાત સ્ટેટ કો-ઓપરેટિવ ટ્રિબ્યુનલ, અમદાવાદના સભ્ય તથા રજિસ્ટ્રાર તરીકેની જવાબદારીમાંથી પ્રમોશન આપી ખેડા-નડિયાદ ખાતે નવી રીતે સર્જાયેલ સુપરન્યુમરરી એડિશનલ કલેક્ટર તરીકે નિયુક્ત કરવામાં આવ્યા છે. તે જ રીતે, ટેકચંદ છત્રભુજ તિર્થાણી, કૃષિ અને ગ્રામિણ વિકાસ બેંક, રાજકોટમાં જોઇન્ટ રજિસ્ટ્રાર (ઓડિટ) તરીકે ફરજ બજાવતા હતા, તેમને રાજકોટ ખાતે સુપરન્યુમરરી એડિશનલ કલેક્ટર તરીકે નિમણૂક આપવામાં આવી છે. રાજ્ય સરકારના જણાવ્યા અનુસાર, બંને અધિકારીઓની નિમણૂકથી જિલ્લાકક્ષાના વહીવટમાં વધુ ગતિ, પારદર્શિતા અને કાર્યક્ષમતા આવશે. આ નિમણૂકો 13 જાન્યુઆરી, 2026થી અમલમાં આવશે.

ગોધરા-લુણાવાડા હાઈવે પર બસ-ટેમ્પો અકસ્માત:શહેરા નજીક હોસેલાવ પાસે પિકઅપ ચાલકને ગંભીર ઈજા

ગોધરા-લુણાવાડા હાઈવે પર શહેરા નજીક હોસેલાવ પાસે એસટી બસ અને પિકઅપ ટેમ્પો વચ્ચે ગંભીર અકસ્માત સર્જાયો હતો. આ ઘટનામાં પિકઅપ ટેમ્પોના ચાલકને ગંભીર ઈજાઓ પહોંચી હતી. પ્રાથમિક માહિતી અનુસાર, પિકઅપ ટેમ્પો ચાલકે એસટી બસને ઓવરટેક કરવાનો પ્રયાસ કરતી વખતે સ્ટીયરીંગ પરનો કાબૂ ગુમાવ્યો હતો. જેના કારણે આ અકસ્માત સર્જાયો હતો. કાબૂ ગુમાવતા ટેમ્પો અચાનક એસટી બસના આગળના ભાગે આવી ગયો હતો. ત્યારબાદ ટેમ્પો રોડની સાઈડમાં આવેલી રેલિંગ તોડીને અંદર ઘૂસી ગયો હતો. આ અકસ્માતમાં ટેમ્પો ચાલકને ગંભીર ઈજાઓ થતાં તેને તાત્કાલિક 108 એમ્બ્યુલન્સ મારફતે સારવાર માટે હોસ્પિટલ ખસેડવામાં આવ્યો હતો. મોડાસાથી સુરત જઈ રહેલી એસટી બસના મુસાફરોને જોકે કોઈ પણ પ્રકારની ઈજા કે જાનહાનિ થઈ ન હતી.

મોરબીમાં નવલખી પોર્ટની અસુવિધા સામે ટ્રાન્સપોર્ટરો-ડ્રાઇવરોનો ચક્કાજામ:વે બ્રિજ ચાર્જ મુદ્દે વિરોધ, અધિકારીની બાહેંધરીથી મામલો થાળે

મોરબીના પીપળીયા ચાર રસ્તા પાસે ટ્રાન્સપોર્ટરો અને ડ્રાઇવરોએ ચક્કાજામ કર્યો હતો. નવલખી પોર્ટ પર સુવિધાઓના અભાવ અને વે-બ્રિજના ઊંચા ચાર્જ મુદ્દે આ વિરોધ પ્રદર્શન કરવામાં આવ્યું હતું. ચક્કાજામના કારણે કચ્છ-જામનગર હાઈવે પર વાહનોની લાંબી કતારો લાગી ગઈ હતી. પોર્ટ અધિકારીઓએ સ્થળ પર પહોંચી વે-બ્રિજના ચાર્જમાં વધારો નહીં કરવાની ખાતરી આપી હતી અને સુવિધાઓ પૂરી પાડવા લેખિત બાહેંધરી આપતા મામલો થાળે પડ્યો હતો. ત્યારબાદ ટ્રાફિક પૂર્વવત કરવામાં આવ્યો હતો. નવલખી પોર્ટ પર ઇન્ડોનેશિયાથી કોલસો જહાજો દ્વારા આવે છે. અહીંથી ટ્રક, ડમ્પર અને ટ્રેલર જેવા વાહનોમાં કોલસો લોડ કરીને ગુજરાતના વિવિધ રાજ્યો તેમજ ગુજરાત બહાર મોકલવામાં આવે છે. દરરોજ હજારો ટ્રકોની અવરજવર આ પોર્ટ પર થાય છે. ટ્રક ચાલકો માટે પોર્ટ પર કોઈ સુવિધા ઉપલબ્ધ નથી. અકસ્માત જેવી ઘટના બને તો ડ્રાઇવરોને તાત્કાલિક સારવાર મળી શકે તેવી પણ કોઈ વ્યવસ્થા નથી. કેન્ટિન જેવી મૂળભૂત સુવિધાઓનો પણ અભાવ છે. નવલખી ટ્રક ટ્રાન્સપોર્ટ એસોસિએશન દ્વારા અગાઉ આ સમસ્યાઓ અંગે નવલખી પોર્ટના અધિકારીઓને અનેક વખત લેખિત રજૂઆતો કરવામાં આવી હતી. આ ઉપરાંત, કલેક્ટરથી લઈને મુખ્યમંત્રી સુધીના ઉચ્ચ અધિકારીઓને પણ નવલખી પોર્ટની સમસ્યાઓ અંગે લેખિતમાં જાણ કરવામાં આવી હતી. તેમ છતાં, ટ્રક ટ્રાન્સપોર્ટરો અને ડ્રાઇવરોના પ્રશ્નોનો કોઈ ઉકેલ આવ્યો ન હતો, જેના કારણે તેઓમાં રોષ વ્યાપ્યો હતો. આ રોષના પગલે આજે મોરબીની પીપળીયા ચોકડી પાસે ચક્કાજામ કરવામાં આવ્યો હતો, જે લગભગ એક કલાક સુધી ચાલ્યો હતો. ટ્રાન્સપોર્ટરો રમેશભાઈ આહીર, અમિતભાઈ આહીર અને દિનેશભાઈ મિયાત્રા સહિતનાઓએ ચીમકી ઉચ્ચારી હતી કે જો તેમના વ્યાજબી પ્રશ્નોનો તાત્કાલિક ઉકેલ નહીં આવે તો આ આંદોલન વધુ ઉગ્ર બનશે.

ગાંધીનગરમાં આજે ટાઈફોઈડના નવા 6 કેસ:માર્ગ મકાન વિભાગના એક ઉચ્ચ અધિકારીનો રિપોર્ટ પણ પોઝિટિવ, આંકડા છુપાવાતા હોવાનો કોંગ્રેસનો આક્ષેપ

ગાંધીનગરમાં છેલ્લા કેટલાક સમયથી ફાટી નીકળેલા ટાઈફોઈડના રોગચાળામાં હવે તંત્ર અને વિપક્ષ સામસામે આવી ગયા છે. એક તરફ મ્યુનિસિપલ કોર્પોરેશન એવો દાવો કરી રહ્યું છે કે, લિકેજ બંધ થતા હવે ટાઈફોઈડની ગતિ ધીમી પડી છે, ત્યારે બીજી તરફ કોંગ્રેસે અસરગ્રસ્ત વિસ્તારોમાં રૂબરૂ સર્વે કરી મનપાના આંકડાઓને ખોટા ગણાવ્યા છે. આ રોગચાળાની ગંભીરતા એટલી છે કે, માર્ગ અને મકાન વિભાગના ઉચ્ચ અધિકારી પણ પણ ટાઈફોઈડની ઝપેટમાં આવી ગયા હોવાનું વિશ્વસનીય સુત્રોનું કહેવું છે. આજે નવા 8 કેસ નોંધાયા, કેસ ઘટ્યાનો મનપાનો દાવોમનપાની સત્તાવાર યાદી મુજબ, 29 ડિસેમ્બર પછી પ્રથમ વખત ગઈકાલે 12 તારીખે નવા કેસનો આંકડો સિંગલ ડિજિટ એટલે કે 7 પર પહોંચ્યો છે. તંત્રએ જણાવ્યું હતું કે,નવા લિકેજની સંખ્યા શૂન્ય થઈ છે અને ક્લોરિન ટેસ્ટમાં પાણી પીવાલાયક હોવાનું જણાયું છે. જ્યારે 85 ટીમો દ્વારા 7982 ઘરોમાં ડોર-ટુ-ડોર સર્વે કરવામાં આવ્યો છે. અને 57 દર્દીઓ સારવાર હેઠળ છે, જ્યારે 20 દર્દીઓને રજા આપવામાં આવી છે. આજે સોમવારે છ દર્દીઓ નવા મળી આવ્યા છે. તેમજ 22 દર્દીઓને ડિસ્ચાર્જ કરાયા છે. હાલમાં 41 દર્દી સારવાર હેઠળ છે. ગાંધીનગરનો આદિવાડા વિસ્તાર સૌથી વધુ અસરગ્રસ્તનોંધનીય છેકે,ગાંધીનગરમાં 24 કલાક પાણી આપવાના પ્રોજેક્ટ હેઠળ 25 કરોડના ખર્ચે નવી પાઇપલાઇન નાખવામાં આવી હતી. પરંતુ આ પ્રોજેક્ટ બાદ ઠેરઠેર લિકેજના કારણે ગટરનું દૂષિત પાણી પીવાના પાણીમાં ભળતા ટાઈફોઈડ વકર્યો હોવાનું મનાય છે. સેક્ટર-24, 26, 28 અને આદિવાડા જેવા વિસ્તારો સૌથી વધુ અસરગ્રસ્ત છે. ગાંધીનગર મનપા આંકડા છુપાવતી હોવાનો કોંગ્રેસનો આક્ષેપકોંગ્રેસ ધ્વારા આક્ષેપ કરાયો છેકે તંત્ર આંકડા છુપાવે છે વાસ્તવિકતા અલગ છે. કોંગ્રેસના દાવા મુજબ અસરગ્રસ્ત વિસ્તારોમાં 300 જેટલા ઘરોની મુલાકાત લીધી હતી. કોંગ્રેસના નેતાઓના જણાવ્યા મુજબ, શહેરમાં આશરે 2000 જેટલા કેસ છે. માત્ર 250 કેસ તો કોંગ્રેસે કરેલા નાના સર્વેમાં જ મળી આવ્યા છે. કેટલાય દર્દીઓને સિવિલમાં યોગ્ય સારવાર ન મળતા તેઓ ખાનગી હોસ્પિટલોમાં દાખલ થયા છે. કોંગ્રેસે મ્યુનિસિપલ કમિશનરને પુરાવા સાથે આમને-સામને આવવા પડકાર ફેંક્યો છે. કોંગ્રેસની માંગ છેકે, ટાઈફોડમાં મૃત્યુ પામેલી બાળકીના પરિવારને 4 લાખની સહાય આપો.ખાનગીમાં સારવાર લેનાર દર્દીઓનો ખર્ચ મનપા ભોગવે.પાઇપલાઇન નાખનાર ભ્રષ્ટ કોન્ટ્રાક્ટરોને બ્લેકલિસ્ટ કરો અને અધિકારીઓ સામે પગલાં લો. ટાઈફોઈડના સાચા આંકડા જાહેર કરી જવાબદારો સામે 'માનવવધ'નો ગુનો દાખલ કરો. જોકે આ માંગણીઓ નહીં સંતોષાય તો મેયર, કમિશનર અને કોર્પોરેટરોના ઘરનો ઘેરાવો કરવાનો હંમેશાની માફક દાવો કરવામાં આવ્યો છે.

બોરતળાવ હુમલા કેસના બે આરોપી ઝડપાયા:બંને આરોપીઓને સાથે રાખી ઘટનાનું રિકન્સ્ટ્રકશન કરાયું, ફરિયાદનો ખાર રાખી હુમલો કર્યો હતો

ભાવનગર શહેરના કુંભારવાડામાં રહેતા સાળા બનેવી ગત તા.9 જાન્યુઆરીના રોજ કામે જતા હતા તે સમયે મોતીતળાવ વિસ્તારમાં બે શખસે સાળાની નજર સામે જ બનેવીને તે કેમ અગાઉ અમારી સામે ફરિયાદ કરી હતી તેમ કહી જીવલેણ હુમલો કરી છરીના ઘા માર્યા હતા. જે મામલે આજે બોરતળાવ પોલીસે બન્ને શખસની ધરપકડ કરી ઘટના સ્થળ પર લઈ જઈ રિ-કંટ્રકશન કરવામાં આવ્યું હતું. ફરિયાદીનો ખાર રાખી હુમલો કરાયો હતોઆ બનાવ અંગે બોરતળાવ પોલિસ મથકથી મળતી માહિતી મુજબ ભાવનગર શહેરના કુંભારવાડા વિસ્તારની બાનુબેનની વાડીમાં રહેતા રોહિતભાઈ મહેન્દ્રભાઈ ગોહેલ એ ગત તા.9 જાન્યુઆરીના રોજ બોરતળાવ પોલીસ મથકમાં બટુક બલોચ અને તૌફિક સામે ફરીયાદ નોંધાવી હતી કે, શહેરના કુંભારવાડા, અક્ષરપાર્કમાં રહેતા તેના બનેવી સુરેશભાઈ પ્રવિણભાઈ મેર બાઈક લઈને મોતીતળાવથી જઈ રહ્યા હતા ત્યારે દુકાને માવો ખાવા ઉભા રહેતા બટુક બલોચ અને તેનો મીત્ર તોફિક આવી તેના બનેવી સુરેશભાઈ મેર ને તે કેમ અગાઉ અમારી વિરુદ્ધ ફરીયાદ કરી હતી તેમ કહી સુરેશભાઈને છાતીમાં છરીના ઘા મારી ગંભીર ઈજા પહોંચાડી આજ તો તુ બચી ગયો છો હવે અમારી વિરુધ્ધમાં ફરીયાદ કરી તો જાનથી મારી નાખીશુ તેવી ધમકી આપી હતી. જે મામલે પોલીસે બીએનએસ એક્ટ 109(1), 115(2), 352, 351(3), 54, તેમજ જીપી એક્ટ 135 મુજબ ગુનો દાખલ કર્યો હતો. બંને આરોપીને સાથે રાખી ઘટનાનું રિકન્સ્ટ્રકશન કરાયુંજ્યારે આ બનાવ અંગે બોરતળાવ પોલીસ તપાસ હાથ ધરી બટુક ઉર્ફે નદીમ કરીમભાઈ બલોચ અને તૌફિક ફિરોજભાઈ પઠાણની ધરપકડ કરી લઈ તેને પોલીસ કાફલા સાથે મોતી તળાવ ઘટના સ્થળ લઈ જઈ રિ-કંટ્રકશન કરાવ્યુ હતુ. તે સમયે મોટી સંખ્યામાં લોકોના ટોળા ઉમટી પડયા હતા.

કડીમાં ઘાયલ પક્ષીઓ બચાવવા ડોક્ટરોની ટીમ તૈનાત:પશુ દવાખાના ખાતે મેડિકલ કેમ્પ, ફોરેસ્ટ વિભાગ સાથે સામાજિક કાર્યકર્તાઓની ટીમ પણ ખડેપગે

ગુજરાત સરકાર દ્વારા છેલ્લા ઘણા વર્ષોથી ઉતરાયણ પર્વ નિમિત્તે કરુણા અભિયાન ચલાવવામાં આવે છે. આ અંતર્ગત ઘાયલ પક્ષીઓને બચાવવા માટે કડી પશુ દવાખાના ખાતે મેડિકલ કેમ્પ ઊભો કરવામાં આવ્યો છે. મકરસંક્રાંતિના તહેવાર દરમિયાન ડોક્ટરો અને સામાજિક કાર્યકર્તાઓની ટીમ સતત તૈનાત રહેશે. રાજ્યભરમાં પક્ષી બચાવો અભિયાન અંતર્ગત કરુણા અભિયાન ચાલી રહ્યું છે. કડી પશુ દવાખાના અને વન વિભાગની કચેરી ખાતે 10 જાન્યુઆરીથી 20 જાન્યુઆરી સુધી ડોક્ટરો અને સામાજિક કાર્યકર્તાઓની ટીમ સજ્જ રહેશે. ઉતરાયણના તહેવારમાં પતંગની ઘાતક દોરીથી અનેક પક્ષીઓ ઇજાગ્રસ્ત થતા હોય છે. આ ઉપરાંત માનવજીવને પણ ઇજાઓ પહોંચતી હોય છે. આ પરિસ્થિતિને ધ્યાનમાં રાખીને ઘાયલ પક્ષીઓની સારવાર માટે વિશેષ વ્યવસ્થા ગોઠવવામાં આવી છે. કડી પશુ દવાખાનાના ડો. નિમેશ પટેલે જણાવ્યું કે, કરુણા અભિયાન અંતર્ગત ઘાયલ પક્ષીઓની સારવાર માટે વિવિધ આયોજન કરાયા છે. ત્રણ ડોક્ટરો સહિત 10 કર્મચારીઓની ટીમ, સામાજિક કાર્યકર્તાઓ અને એનજીઓ તેમજ ફોરેસ્ટ વિભાગની ટીમ ખડેપગે સેવા આપશે. ડો. પટેલે વધુમાં જણાવ્યું હતું કે, જો આસપાસ કોઈ ઘાયલ પક્ષી જોવા મળે તો તાત્કાલિક નજીકના સેન્ટર પર મોકલી આપવા વિનંતી છે. તેમણે ચાઈનીઝ દોરીનો ઉપયોગ ન કરવા અપીલ કરી હતી, કારણ કે તે પક્ષીઓના પગ, પાંખો અને જીવ માટે અત્યંત ઘાતક સાબિત થાય છે.

સૈજપુર બોઘા વોર્ડમાં કોંગ્રેસ ‘આપને દ્વાર’ અભિયાનની શરૂઆત:પ્રદેશ પ્રમુખે બે પેજના જનતા મેનિફેસ્ટો ફોર્મનું વિતરણ કર્યું, નાગરિકોએ પાણીની સમસ્યાને લઈને રોષ વ્યક્ત કર્યો

સ્થાનિક સ્વરાજ્યની ચૂંટણી પહેલા જનતાને આકર્ષવા માટે કોંગ્રેસ દ્વારા જનસંપર્ક અભિયાન શરૂ કરવામાં આવ્યું છે. રાજ્યભરમાં કોંગ્રેસ આપને દ્વાર નામના સ્લોગન સાથે કાર્યક્રમની શરૂઆત કરવામાં આવી છે. શહેરના સૈજપુર બોઘા વોર્ડમાં ડોર ટુ ડોર સંપર્ક અભિયાન ગુજરાત કોંગ્રેસના પ્રદેશ પ્રમુખ અમિત ચાવડા દ્વારા શરૂ કરવામાં આવ્યું હતું. પ્રદેશ પ્રમુખ અમિત ચાવડા સહિતના નેતાઓ સૈજપુર બોઘા વોર્ડમાં ડોર-ટુ-ડોર ફરી નાગરિકોને મળ્યા હતા. કોંગ્રેસ આપને દ્વાર અભિયાનમાં જનતાની શું સમસ્યા છે તે સાંભળવામાં આવી હતી. તેમજ બે પેજના જનતા મેનિફેસ્ટો ફોર્મનું પણ ઘરે ઘરે જઈને વિતરણ કરવામાં આવ્યું હતું. જે દરમિયાન સ્થાનિકોએ પાણીની સમસ્યાને લઈને રોષ વ્યક્ત કર્યો હતો. સ્થાનિક સ્વરાજ્યની ચૂંટણી પહેલા નાગરિકોને રિઝવવા પ્રયાસગુજરાત કોંગ્રેસ સ્થાનિક સ્વરાજ્યની ચૂંટણી પહેલા જ નાગરિકોને રિઝવવા માટેનો પ્રયાસ શરૂ કરી દીધો છે. પહેલા કોંગ્રેસ દ્વારા ખેડૂતો માટે ખેડૂત આક્રોશ યાત્રા યોજી હતી. તે બાદ તમામ જિલ્લાઓમાં ગામડાઓ સુધી જઈને જન આક્રોશ યાત્રાની શરૂઆત કરવામાં આવી હતી. જેમાં કોંગ્રેસના નેતાઓ બાઇક રેલી, ટ્રેક્ટર રેલી અને પદયાત્રા કરીને લોકોને ઘર સુધી જઈને તેમની શું સમસ્યા છે તે જાણવા માટે અલગ અલગ કાર્યક્રમ પણ કર્યા હતા. કોંગ્રેસ ‘આપને દ્વાર’ અભિયાન શરૂ કરાયુંજો કે હવે સ્થાનિક સ્વરાજ્યની ચૂંટણી નજીક આવી રહી છે તે માટે કોંગ્રેસે ગ્રામ્ય વિસ્તારો, જિલ્લા પંચાયત બેઠક અને 5200 તાલુકા પંચાયત બેઠકોના નાગરિકો સાથે સીધો સંવાદ કરવાનું નક્કી કર્યું છે. નાગરિકો સાથે સીધો સંવાદ કરી તેમની શું સમસ્યા છે તે જાણવા માટે કોંગ્રેસ આપને દ્વાર અભિયાન પણ શરૂ કરવામાં આવ્યું છે. ગ્રામ્ય વિસ્તારમાં જન સંવાદના કાર્યક્રમ અને શહેરી વિસ્તારમાં આપને દ્વાર કાર્યક્રમ થકી કોંગ્રેસ જનતા સાથે સીધો સંવાદ કરી રહી છે. સૈજપુર બોઘા વોર્ડમાં ડોર-ટુ-ડોર સંપર્ક કરવા સૂચનાત્યારે અમદાવાદના અલગ અલગ વોર્ડમાં પણ કોંગ્રેસ આપને દ્વાર અભિયાનની શરૂઆત કરવામાં આવી હતી. સૈજપુર બોઘા વોર્ડમાં પ્રદેશ પ્રમુખ અમિત ચાવડા દ્વારા અભિયાનની શરૂઆત કરવામાં આવી હતી. જે બાદ કોંગ્રેસના નેતાઓ સૈજપુર બોઘા વોર્ડમાં ડોર-ટુ-ડોર સંપર્ક કરીને સ્થાનિક નાગરિકોના સૂચનો અને અભિપ્રાયો લીધા હતા. તેમજ તમામ નાગરિકોને બે પેજનું જનતા મેનિફેસ્ટોના ફોર્મનું પણ વિતરણ કરવામાં આવ્યું હતું. હવે જનતાના અભિપ્રાય આવ્યા બાદ કોંગ્રેસ સ્થાનિક સ્વરાજ્યની ચૂંટણીમાં જનતાનો મેનિફેસ્ટો તૈયાર કરશે. રોજિંદા જીવન સાથે જોડાયેલા પ્રશ્નો……આ દરમિયાન કોંગ્રેસ આગેવાનો દ્વારા જનતાના રોજિંદા જીવન સાથે જોડાયેલા પ્રશ્નો સાંભળવામાં આવ્યા હતા. સ્થાનિક લોકોએ પીવાનું શુદ્ધ પાણી, રસ્તાઓની દુર્દશા, ડ્રેનેજ અને સ્વચ્છતાની ગંભીર સમસ્યાઓ, વીજ પુરવઠાની સમસ્યા, આરોગ્ય સેવાઓની અછત, શિક્ષણની ઘટતી ગુણવત્તા, રોજગારના અવસરોની કમી તથા વધતી મોંઘવારી જેવા મુદ્દાઓ રજૂ કર્યા. જનતાએ આ પ્રશ્નોના કાયમી ઉકેલ માટે કોંગ્રેસ પાસે માંગ કરી હતી.

ડૉ. હેમાંગ જોષીનું પંચમહાલમાં અભિવાદન:નવનિયુક્ત ભાજપ યુવા મોરચા પ્રદેશ અધ્યક્ષનો સમારોહ

પંચમહાલ જિલ્લા ભાજપ કાર્યાલય 'કમલમ' ખાતે નવનિયુક્ત ભાજપ યુવા મોરચાના પ્રદેશ અધ્યક્ષ ડૉ. હેમાંગ જોષીનો અભિવાદન સમારોહ યોજાયો હતો. ગોધરા તાલુકાના ગદુકપુર સ્થિત કાર્યાલય ખાતે આ કાર્યક્રમનું આયોજન કરાયું હતું. પ્રદેશ અધ્યક્ષ બન્યા બાદ ડૉ. જોષીની પંચમહાલ જિલ્લાની આ પ્રથમ મુલાકાત હતી, જ્યાં જિલ્લા ભાજપ સંગઠન દ્વારા શાલ, ફૂલહાર અને સ્મૃતિચિહ્ન આપી તેમનું સ્વાગત અને અભિવાદન કરવામાં આવ્યું. આ પ્રસંગે આગામી દિવસોમાં યોજાનારા વિવિધ સંગઠનાત્મક અને જનસંપર્ક કાર્યક્રમો અંગે વિસ્તૃત ચર્ચા કરવામાં આવી હતી.આ કાર્યક્રમમાં પંચમહાલના સાંસદ રાજપાલસિંહ જાદવ, જિલ્લા ભાજપ પ્રમુખ મયંકભાઈ દેસાઈ, ગોધરા ધારાસભ્ય સી.કે. રાઉલજી, મોરવા હડફ ધારાસભ્ય નિમિષાબેન સુથાર, કાલોલ ધારાસભ્ય ફતેસિંહ ચૌહાણ સહિત જિલ્લા ભાજપ સંગઠનના વિવિધ હોદ્દેદારો, મંડળ પ્રમુખો અને ભાજપ યુવા મોરચાના કાર્યકરો મોટી સંખ્યામાં ઉપસ્થિત રહ્યા હતા. સમારોહને સંબોધતા ડૉ. હેમાંગ જોષીએ યુવા મોરચાના કાર્યકરોને SIR (Special Electoral Roll Revision) ની કામગીરી દરમિયાન મેપિંગ પ્રક્રિયામાં સમાવિષ્ટ ન થયેલા મતદારોને આવરી લેવા સક્રિય ભૂમિકા ભજવવા અપીલ કરી હતી. તેમણે ભારપૂર્વક જણાવ્યું કે લોકશાહી પ્રક્રિયામાં એક પણ પાત્ર મતદાર વંચિત ન રહે તે માટે યુવા કાર્યકરોએ જવાબદારીપૂર્વક કામગીરી કરવી અત્યંત જરૂરી છે. આ ઉપરાંત, તેમણે VB-GRAM-G બિલ અંગે પણ ચર્ચા કરી હતી. તેમણે કાર્યકરોને સરપંચો અને ગામના અગ્રણીઓને મળીને આ બિલના ફાયદાઓ અંગે જનજાગૃતિ ફેલાવવા અનુરોધ કર્યો. ડૉ. જોષીએ ગ્રામ વિકાસ અને ગામડાની મજબૂતી માટે આ બિલના મહત્વને લોકો સુધી પહોંચાડવાની જરૂરિયાત પર ભાર મૂક્યો. ડૉ. હેમાંગ જોષીએ SIRની કામગીરી દરમિયાન સોશિયલ મીડિયા દ્વારા ભ્રામક વાતો ફેલાવનારા તત્વોને યોગ્ય અને તથ્ય આધારિત જવાબ આપવા માટે પણ કાર્યકરોને હાકલ કરી. તેમણે સ્પષ્ટતા કરી કે સત્ય અને બંધારણીય પ્રક્રિયા પર આધારિત માહિતી દ્વારા જ આવા ભ્રમોને દૂર કરી શકાય છે.

લીંબડીમાં યુવકની છરીના ઘા ઝીંકી હત્યા:અંગત અદાવતમાં 5થી વધુ શખસોએ ઘટનાને અંજામ આપ્યો, પોલીસ કાફલો ઘટનાસ્થળે

સુરેન્દ્રનગર જિલ્લાના લીંબડીમાં જુના બસ સ્ટેન્ડ નજીક એક યુવકની છરીના ઘા ઝીંકી હત્યા કરવામાં આવી છે. આ ઘટનામાં પાંચથી છ અજાણ્યા શખ્સો સંડોવાયેલા હોવાનું સામે આવ્યું છે. પ્રાથમિક માહિતી અનુસાર, આ હત્યા અંગત અદાવતમાં થઈ હોવાનું મનાય છે. મૃતદેહને લીંબડીની આર.આર. હોસ્પિટલ ખાતે પોસ્ટમોર્ટમ માટે ખસેડવામાં આવ્યો છે. આ ઘટનાની જાણ થતા જ મોટી સંખ્યામાં લોકો ઘટનાસ્થળે એકઠા થઈ ગયા હતા. પરિસ્થિતિને કાબૂમાં લેવા લીંબડી ડીવાયએસપી વિશાલ રબારી, પીઆઈ અને પીએસઆઈ સહિતનો પોલીસ કાફલો ઘટનાસ્થળે પહોંચ્યો હતો. પોલીસે કોઈ અનિચ્છનીય બનાવ ન બને તે માટે ચાંપતો બંદોબસ્ત ગોઠવી દીધો હતો. લીંબડી પોલીસે હત્યાનો ગુનો નોંધી આરોપીઓને ઝડપી પાડવા માટે તપાસ શરૂ કરી છે. આ કેસની વધુ તપાસ લીંબડી પીઆઈ ચલાવી રહ્યા છે.

ચાર દરવાજા વિસ્તારમાં પતંગની ખરીદી માટે પતંગરસિકો ઉમટ્યા:7 ફૂટની વિશાળ પતંગે આકર્ષણ જમાવ્યું, યુવકે 1200 રૂપિયાનો પંજો ખરીદ્યો, 4 ફિરકી ભેગી કરીને પતંગ ચગાવવી પડે

વડોદરાના ચાર દરવાજા વિસ્તારમાં પતંગો અને દોરીની ખરીદી માટે મોટી સંખ્યામાં પતંગ રસિકો ઉમટ્યા છે. માંડવી ચાર દરવાજા વિસ્તારમાં પગ મુકવાની જગ્યા નથી એટલી ભીડ જામી છે. મોડી રાત સુધી માર્કેટમાં લોકો ખરીદી કરશે. ખાસ કરીને 7 ફૂટની પતંગે આકર્ષણ જમાવ્યું હતું. યુવકે 1200 રૂપિયાનો પંજો ખરીદ્યો હતો. આ પતંગ ચગાવવા 4 ફિરકી ભેગી કરીને ચગાવવી પડે છે. ‘આ વખતે મોંઘવારી તો ઘણી વધી ગઈ છે’શિનોરથી વડોદરા પતંગ અને દોરાની ફરીથી કરવા આવેલા પાર્થ પટેલે જણાવ્યું હતું કે, અત્યારે તો તડામાર તૈયારીઓ ચાલી રહી છે. આજે ખરીદીનો છેલ્લો દિવસ છે, એટલે અમે પતંગો લેવા આવ્યા છીએ. જોકે આ વખતે મોંઘવારી તો ઘણી વધી ગઈ છે, પણ તેમ છતાં અમે ભાવતાલ કરીને પતંગો અને ફિરકીઓની ખરીદી કરી રહ્યા છીએ. અત્યારે બજારમાં આંટા મારીને બધું જોઈ રહ્યા છીએ અને તૈયારીઓ ફૂલ જોશમાં ચાલુ છે. નવી નવી ડિઝાઇનના પતંગોધાબા પર તો આ વખતે નવી નવી ડિઝાઇનના પતંગો લાવ્યા છીએ. બાકી સ્પીકર અને મ્યુઝિક તો દર વર્ષની જેમ આ વખતે પણ ધૂમ મચાવશે જ. પતંગના દોરા લેવામાં આ વખતે થોડું ધ્યાન રાખવું પડે તેમ છે, કારણ કે બજારમાં ડુપ્લિકેટ દોરા પણ આવી ગયા છે. એટલે બધું વ્યવસ્થિત તપાસીને જ ખરીદી કરી રહ્યા છીએ. 12 વાગ્યે બાદ પણ વેપાર કરવાની છૂટ આપવા વેપારીની માગવેપારી અકીલ ગોલાવાલાએ જણાવ્યું હતું કે, આ વખતે માહોલ ઘણો સારો છે. લોકો ઉત્સાહથી ખરીદી કરી રહ્યા છે. જે રીતે ભીડ જોવા મળી રહી છે, તે જોતા લાગે છે કે લોકો આ વખતે ઉત્તરાયણની ધામધૂમથી મજા માણશે. અત્યારે રાત્રે 12 વાગ્યા સુધી બજાર ચાલુ રહે છે, પણ પોલીસ 12 વાગ્યે દુકાનો બંધ કરાવી દે છે. અમારી માંગ છે કે સમય વધારવો જોઈએ, કારણ કે લોકો મોડી રાત સુધી ખરીદી કરવા આવે છે. પોલીસ દ્વારા જલ્દી બંધ કરાવવાને કારણે ગ્રાહકો માલ લીધા વગર જ પાછા ફરે છે અને વેપારીઓને પણ મુશ્કેલી પડે છે. પતંગ અને દોરીના ભાવમાં અંદાજે 15% થી 20% સુધીનો વધારોતેઓએ વધુમાં જણાવ્યું હતું કે, આ એક સીઝનલ બિઝનેસ છે અને આજે છેલ્લો દિવસ છે, તો જો સમય 1કે 2 વાગ્યા સુધી લંબાવવામાં આવે તો વેપારીઓ માટે ઘણું સારું રહેશે. આ વખતે મટીરિયલમાં ભાવ વધારો જોવા મળ્યો છે. પતંગ અને દોરીના ભાવમાં અંદાજે 15% થી 20% સુધીનો વધારો થયો છે.

ભૂતેડીમાં પાટણવાડા દરજી પરિવારનો ઇનામ વિતરણ કાર્યક્રમ:22 વિદ્યાર્થીઓને મોમેન્ટો આપી સન્માનિત કરાયા

પાલનપુર ખાતે સ્થાયી થયેલા પાટણવાડા દરજી પરિવાર દ્વારા ભૂતેડી ગામમાં આવેલા હરગંગેશ્વર મહાદેવ મંદિરે 25મો ઇનામ વિતરણ કાર્યક્રમ યોજાયો હતો. આ કાર્યક્રમમાં ધોરણ 1 થી ગ્રેજ્યુએશન સુધીના 22 વિદ્યાર્થીઓને મોમેન્ટો આપી સન્માનિત કરવામાં આવ્યા હતા. આ પ્રસંગે મહાદેવ મંદિરના મહંત શ્રી રવિન્દ્ર ગીરી મહારાજે વિદ્યાર્થીઓને આશીર્વચન પાઠવ્યા હતા. કાર્યક્રમમાં સમાજના પ્રમુખ મહેશભાઈ, મંત્રી વાસુંભાઈ, ભોજનના દાતા હરેશભાઈ સહિત સમાજના અનેક અગ્રણીઓ મોટી સંખ્યામાં ઉપસ્થિત રહ્યા હતા.

સુરેન્દ્રનગર પોલીસે ચાઈનીઝ દોરી સામે કાર્યવાહી કરી:બજારમાં ફૂટ પેટ્રોલિંગ કરી પ્રતિબંધિત વસ્તુઓનું ચેકિંગ હાથ ધર્યું

સુરેન્દ્રનગર જિલ્લા પોલીસે આગામી મકરસંક્રાંતિના તહેવારને ધ્યાનમાં રાખીને બજારમાં સઘન ચેકિંગ હાથ ધર્યું છે. જિલ્લા પોલીસ અધિક્ષક પ્રેમસુખ ડેલુંની સૂચના મુજબ, પ્રતિબંધિત ચાઈનીઝ દોરી અને તુક્કલ જેવી વસ્તુઓનું વેચાણ રોકવા આ કાર્યવાહી કરવામાં આવી હતી. આ ચેકિંગ એસઓજી, ક્યુઆરટી અને એ ડિવિઝન પોલીસ સ્ટેશન દ્વારા સંયુક્ત રીતે હાથ ધરવામાં આવ્યું હતું. પોલીસે ભીડભાડવાળી જગ્યાઓ અને બજારોમાં ફૂટ પેટ્રોલિંગ કર્યું હતું. પેટ્રોલિંગ દરમિયાન, ખાસ કરીને ચાઈનીઝ દોરી, તુક્કલ અને અન્ય પ્રતિબંધિત વસ્તુઓના વેચાણ પર નજર રાખવામાં આવી હતી. આ કાર્યવાહીનો મુખ્ય ઉદ્દેશ્ય તહેવાર દરમિયાન આવી વસ્તુઓના ઉપયોગથી થતા અકસ્માતોને અટકાવવાનો છે.

Editor’s View: 20 મિનિટમાં મહાવિનાશ:ચીનની 60+1 ન્યુક્લિયર ફોર્મ્યુલા, ભારત માથે ડબલ ખતરો, અમેરિકા અને રશિયાને પણ ધ્રૂજાવી દીધા

શું તમે જાણો છો કે ચીન માત્ર 20 મિનિટમાં જ તમારી આસપાસની આખી દુનિયાને રાખના ઢગલામાં ફેરવી શકે છે? આ કોઈ ફિલ્મી સ્ટોરી નહીં પણ, ચીને કરેલો દાવો છે. આ વાત યુદ્ધથી પણ આગળ વધી ચૂકી છે. જો કે આ બધુ આપણા ખિસ્સા સાથે પણ જોડાયેલું જ છે. બોર્ડર પર માત્ર એક ભૂલ અને આવતીકાલની સવારના શેરબજારના રોકાણો ઝીરો થઈ જાય. સોના ચાંદીના ભાવ પણ આસમાને પહોંચી શકે. માટે આપણને શું અસર થાય તે જાણવા માટે એ સમજવું જરૂરી છે કે ચીન હાલ કેટલા પરમાણું બોમ્બ બનાવી રહ્યું છે? શું છે તેમની 60 પ્લસ 1 ન્યુક્લિયર ફોર્મ્યુલા? આજના વીડિયોમાં વાત કરીએ ચીનના હાઈડ્રોજન બોમ્બ અને ભારતની સુરક્ષા દિવાલનું સત્ય. શું છે ચીન અને દુનિયાની ન્યુક્લિયર શક્તિ અને કેવી રીતે આપણે જાણતા અજાણતા પણ છેલ્લા શ્વાસ લઈ રહ્યા છીએ તેના વિશે. નમસ્કાર... અમેરિકામાં એક પોલિટિકલ થ્રિલર ફિલ્મ બની છે જેનું નામ છે, અ હાઉસ ઓફ ડાઈનામાઈટ. આ ફિલ્મમાં અમેરિકા પર અજાણ્યા દેશે મિસાઈલથી હુમલો કર્યો હોય છે અને શિકાગોને ટારગેટ બનાવ્યું હોય છે. અમેરિકાના રાષ્ટ્રપતિ પાસે માત્ર 18 મિનિટ હોય છે નક્કી કરવા માટે કે અજાણી મિસાઈલના બદલામાં આખી દુનિયા પર વળતો પરમાણું હુમલો કરવો કે નહીં. અંતે રાષ્ટ્રપતિ નિર્ણય લે તે પહેલા જ ફિલ્મ પૂરી થઈ જાય છે. ડિરેક્ટરે એ વાત આપણને સમજવા આપી દીધી છે કે અમેરિકા હુમલો કરે તો શું અને ન કરે તો શું? જે એક સંદેશ આપી જાય છે કે આપણે કેવા સમયમાં અને કેવી અનિશ્ચિતતાઓ વચ્ચે જીવી રહ્યા છીએ. આ આજની વાસ્તવિકતા છે. કારણ કે ચીન સત્તાવાર રીતે દાવો કરી રહ્યું છે કે તેમની પાસે પરમાણું અને હાઈડ્રોજન એમ બંને બોમ્બ છે. ચીનના ફોર્મર ડિપ્લોમેટ, લોયર અને પ્રોફેસર વિક્ટર ગાઓએ ખુલ્લી ચેતવણી આપતા કહ્યું કે, ‘ચીન પાસે 60+1 ફોર્મ્યુલા ધરાવતી ICBM મિસાઈલ છે. જે માત્ર 20 મિનિટમાં દુનિયાના કોઈપણ ખૂણે તબાહી મચાવી શકે છે. તેને રોકવી અશક્ય છે’. હવે સમજો આ '60+1' ફોર્મ્યુલા શું છે? ચીનનો દાવો છે કે તેમની નવી DF-61 મિસાઈલ 60 પરમાણુ વોરહેડ અને 1 હાઈડ્રોજન બોમ્બ લઈ જઈ શકે છે. એટલે મિસાઈલમાં 60 નાના પરમાણુ વોરહેડ અને 1 મહાવિનાશક હાઈડ્રોજન બોમ્બ ફીટ કરેલા છે. જ્યારે આ મિસાઈલ ફૂટે ત્યારે તે એકસાથે ભારે તબાહી મચાવી શકે છે. ચીનનું એવું પણ કહેવું છે કે ચીન ક્યારેય પહેલો હુમલો નથી કરતું પણ બીજો હુમલો કરવા માટે કોઈનો મોકો પણ નથી આપતું. માત્ર એક બટન અને દુનિયાના કોઈ દેશ કે શહેરનો ધી એન્ડ.... બેઈજિંગની ભૂલ અને ગુજરાતના હીરા-શેરબજાર પર સંકટ આપણે ભલે ગુજરાતમાં બેઠા છીએ પણ બેઈજિંગમાં બેઠેલો મગજ વગરનો કોઈ માણસ ભૂલથી કે જાણી જોઈને પણ કોઈ દેશ પર હુમલો કરવા પરમાણું હુમલાનું બટન દબાવી દે તો પૂરી દુનિયા પર તો તેની અસર પડશે જ પણ સાથોસાથ સુરતના ડાયમંડ બુર્સ, દેશના સ્ટોકમાર્કેટ અને ગુજરાતની રિફાઈનરીઓ પર પણ અસર કરશે. ગ્લોબલ સપ્લાયની ચેઈન એટલી સેન્સેટિવ છે કે ચીનની એક મિસાઈલ અને દુનિયા સહિત આપણો ધંધો ઠપ્પ. હથિયારો પાછળનો અસલી ખેલ: વિસ્તારવાદ અને વેપાર એવામાં એક સવાલ થાય કે ચીન આટલા હથિયારો કેમ બનાવી રહ્યું છે? શું ખરેખર યુદ્ધ કરવાનું છે? ના.... અસલી ખેલ પોતાનું અર્થતંત્ર અને હિતો બનાવી રાખવાનો છે. જ્યારે કોઈ દેશ અંદરથી નબળો પડે છે ત્યારે તે બહાર દુશ્મનો ઉભા કરે છે. ચીન પોતાની વિસ્તારવાદી નીતિથી દુનિયાના વેપારી માર્ગો ખાસ કરીને દક્ષિણ ચીન સાગર પર કબજો કરવા માગે છે. પરમાણું હથિયાર તેના માટે એક ઈન્શ્યોરન્સ પોલિસી છે, જેથી ભારત કે અમેરિકા તેના વેપારમાં દખલ ન કરે. ફિશનથી ફ્યુઝન સુધી: ચીનની ગુપ્ત ન્યુક્લિયર છલાંગ એન્ડ્રુ સ્મોલનું એક પુસ્તક છે ધ ચાઈના-પાકિસ્તાન એક્સિસ. તેમાં એન્ડ્રુ લખે છે કે કેવી રીતે ચીને ગુપ્ત રીતે પોતાની ન્યુક્લિયર ક્ષમતા વધારી છે. 1945માં જાપાનના હિરોશિમા પર પહેલો બોમ્બ ફિશનવાળો અણુબોમ્બ હતો. પણ ચીન હવે ફ્યુઝનવાળા હાઈડ્રોજન બોમ્બ સુધી પહોંચી ગયું છે. માનવ જાતનો અંત અને સુપરપાવર્સનો ન્યુક્લિયર દબદબો હાલ માણસોએ એવી ટેક્નોલોજી નથી વિકસાવી જેનાથી આખી પૃથ્વીને ઉડાવી દેવાય. જો કોઈ દેશને આવો વિચાર શુધ્ધા પણ આવે તો તે દુનિયા પરથી હ્યુમન સિવિલાઈઝેશનનો અંત ગણાશે. વૈજ્ઞાનિકોનું માનવું છે કે હાલ આપણી પાસે જેટલી ન્યુક્લિયર શક્તિ છે તેના 100 ક્વોડ્રિલિયન ગણી શક્તિ આવી જાય તો માણસ પૃથ્વી પણ ઉડાવી શકે છે. મોટાભાગની હ્યુમન સિવિલાઈઝેશનનો અંત કરવા માટે તો માત્ર 300 ન્યુક્લિયર બોમ્બ જ પૂરતા છે. ત્યારે ન્યુક્લિયર સ્ટોકપાઈલ્સની વાત કરીએ તો 90 ટકા હિસ્સો અમેરિકા અને રશિયા પાસે છે. ન્યુક્લિયર પાવર રેન્કિંગમાં ભારત કયા ક્રમે? દુનિયાના 9 દેશ પાસે ન્યુક્લિયર હથિયાર છે. જેમાં ભારત છઠ્ઠા નંબર પર આવે છે. (આ ગ્રાફિક્સ વાંચવાના નથી) કોની પાસે કેટલાં પરમાણું હથિયાર? 1) રશિયા 5,459 2) અમેરિકા 5,177 3) ચીન 600 4) ફ્રાન્સ 290 5) યુકે 225 6) ભારત 180 7) પાકિસ્તાન 170 8) ઈઝરાયલ 90 9) નોર્થ કોરિયા 50 (સોર્સઃ ફેડરેશન ઓફ અમેરિકન સાયન્ટિસ્ટ્સ) ચીનની વિનાશક ક્ષમતા અને શુદ્ધ વેપારી ગણિત રશિયા અને અમેરિકા બંને મળીને હ્યુમન સિવિલાઈઝેશનનને 15થી 50વાર ખતમ કરી શકવાની ક્ષમતા ધરાવે છે. જ્યારે ચીન બેવાર માનવ પ્રજાતિને ખતમ કરી શકે છે. આપણને લાગે કે આ લશ્કરી શક્તિ માત્ર દેખાડા માટે છે પણ એવું નથી, આ ખૂબ જ ખાતક છે. જો કે આ તાકાત નૈતિકતા માટે નહીં પણ શુદ્ધ વેપારી ગણિત માટે હાલ વાપરવામાં આવી રહ્યું છે. અહીં ચીનની વિસ્તારવાદી વૃત્તિ ભારત માટે ખતરનાક છે માટે ચીન પર વધુ ફોકસ કરવું જરૂરી છે. ચીનનું કહેવું છે કે તેની પાસે દુનિયાનો એકમાત્ર હાઈડ્રોજન બોમ્બ છે. પહેલા સમજીએ કે ન્યુક્લિયર બોમ્બ અને હાઈડ્રોજન બોમ્બ શું છે? ન્યુક્લિયર બોમ્બ એટલે વર્ષ 1945માં હિરોશીમા અને નાગાસાકી પર અમેરિકાએ બોમ્બ ફેક્યો હતો તે. એટોમિક બોમ્બમાં જ્યારે યુરેનિયમનો એક અણુ તૂટે છે ત્યારે તે બીજા અનેક અણુઓને પણ તોડે છે. જેને સાઈન્ટિફિક ભાષામાં ફિશન કહેવાય છે. આખી પ્રોસેસ સેકન્ડના લાખમાં ભાગમાં થઈ જાય છે અને પ્રચંડ વિસ્ફોટ થાય છે. પરમાણુ બોમ્બ એટલે શું? વિનાશનું વિજ્ઞાન જ્યારે હાઈડ્રોજન બોમ્બ એટલે... નાના અણુઓને ભેગા કરવામાં આવે. આ સૂર્યની જેમ કામ કરે છે; અને તે પ્રોસેસને વૈજ્ઞાનિક ભાષામાં ફ્યુઝન કહેવાય છે. હાઈડ્રોજન બોમ્બને કામ કરવા માટે કરોડો ડિગ્રી ગરમી જોઈએ અને તે એટોમિક બોમ્બ કરતા હજારો ગણો શક્તિશાળી છે. હાઈડ્રોજન બોમ્બ: સૂર્ય જેવી પ્રચંડ શક્તિ જોવા જેવી વાત અહીં એ છે કે દુનિયાને ડરાવવા અને પોતાનો દબદબો જાળવી રાખવા ચીન કહે છે કે તેની પાસે હાઈડ્રોજન બોમ્બ છે. સૌથી પહેલા સમજીએ આ બંને વચ્ચે ફૂટવાનું અંતર શું છે. અમદાવાદ પર હુમલો થાય તો? 1 કિલો ન્યુક્લિયર બોમ્બ ફુટે તો અમદાવાદના લાલ દરવાજા, રાયપુર, રિવરફ્રન્ટ અને આશ્રમ રોડ સુધી બધુ જ સફાચટ્ટ થઈ જાય. કંઈ જ ન બચે. આસપાસના વિસ્તારોના લોકોમાં પણ કેન્સર અને લાંબાગાળાની બીમારીઓ થાય. 1 કિલો હાઈડ્રોજન બોમ્બ ફૂટે તો આખું અમદાવાદ ઉડી જાય અને માત્ર ધૂળ અને રાખ જ બચે. તેની અસર ગાંધીનગર અને ખેડા જિલ્લામાં પણ થાય. ચીનની ન્યુક્લિયર ક્ષમતામાં થઈ રહેલો વિસ્ફોટક વધારો 2020 300-350 વોરહેડ 2025 600 વોરહેડ 2030 1,000 વોરહેડનું લક્ષ્ય 2035 1,500 વોરહેડનું લક્ષ્ય કઈ મિસાઈલની રેન્જમાં છે ભારતનાં કયા શહેરો? જો તમારી પાસે મોટી બંદૂક હોય, તો કોઈ તમારો વેપાર રોકી શકતું નથી. ચીન આ હથિયારોના જોરે દક્ષિણ ચીન સાગરમાં ભારત જેવા બીજા દેશોના વેપારી જહાજોનો રસ્તો રોકવા માંગે છે. આનો અર્થ એ છે કે ચીન માત્ર હુમલાનો જવાબ આપવા માટે નહીં, પરંતુ યુદ્ધમાં પરમાણુ હથિયારોનો ઉપયોગ કરીને જીતવા માટે તૈયારી કરી રહ્યું છે. ચીને પોતાના ઉત્તર પશ્ચિમ રણમાં અનેક મિસાઈલ તહેનાત કરી છે. તે ગમે ત્યારે છોડી શકાય છે અને મિનિટોમાં કોઈ પણ દેશના શહેરોનો ખાતમો કરી શકે છે. ચીનના હામી, ઓર્ડોસ અને યુમેન રણમાં 350 નવી મિસાઇલ સાયલો છે. અહીંથી નીકળતી મિસાઇલ 12 હજાર કિમી દૂર વોશિંગ્ટન કે દિલ્લી-મુંબઈને ગણતરીની મિનિટોમાં ખાખ કરી શકે છે. યુદ્ધ જીતવાની તૈયારી અને ભારત માટે દરિયાઈ ખતરો ચીન માત્ર અહીં જ નથી અટક્યું. જમીન સિવાય તેણે હવા અને સમુદ્ર એમ ત્રણેય જગ્યા પરથી પરમાણું હમલો કરવાની ક્ષમતા ધરાવી લીધી છે. ચીન પાસે જિન ક્લાસ સબમરીન છે. જે ચીનના સમદ્રી કિનારાથી અમેરિકા અને ભારત સુધી પણ હુમલો કરવાની ક્ષમતા રાખે છે. મિસાઈલની ટાઈપ અને ડિસ્ટન્સની વાત કરીએ તો ચીનની ન્યુક્લિયર મિસાઈલની તાકાત ICBM રેન્જ 12 હજાર કિમી SLBM રેન્જ 9 હજાર કિમી IRBM રેન્જ 4 હજાર કિમી MRBM રેન્જ 2,150 કિમી રણમાં છુપાયેલું મોત: દિલ્હી-વોશિંગ્ટન નિશાના પર આ સમયે એક સવાલ થાય કે ચીન ભારત પર હુમલો કરે તો આપણે બચવા માટે શું કરી શકીએ. દુર્ભાગ્યવશ પરમાણું હુમલા સામે રક્ષણ મેળવવા આપણી પાસે કોઈ બંકર વ્યવસ્થા નથી. સામેની બાજુ ચીને બેઈજિંગ અને શાંઘાઈમાં વિશાળ અંડરગ્રાઉન્ડ બંકર બનાવ્યા છે જેમાં પરમાણુ હુમલા સમયે આંશિક રીતે બચી શકાય. ભારતમાં લોકો માટે નહીં પણ નેતાઓ અને ભારતીય સેના માટે સુરક્ષિત બંકરો ઉપલબ્ધ છે. ભારતનું સુરક્ષા કવચ: S-400 અને એર ડિફેન્સ સિસ્ટમ પણ ચિંતા કરવાની જરૂર નથી. ભારતે પોતાનો BMD પ્રોજેક્ટ વિકસાવ્યો છે. જેનો ઉદ્દેશ્ય છે આવનારી મિસાઈલને હવામાં જ તોડી પાડવી. ભારત પાસે PAD એટલે કે પૃથ્વી એર ડિફેન્સ અને AAD એટલે કે એડવાન્સ એર ડિફેન્સ છે. જે દિલ્લી-મુંબઈ કે અમદાવાદ જેવા શહેરોને સુરક્ષા પૂરી પાડવા સક્ષમ છે. આપણી પાસે રશિયા પાસેથી ખરીદવામાં આવેલી S-400 સિસ્ટમ પણ છે. જો કે બંને 100 ટકા સુરક્ષાની ખાતરી આપતી નથી. કારણ કે મિસાઈલ્સની સંખ્યા વધારે હોય તો સિસ્ટમ ઓવરલોડ થઈ નિષ્ફળ થઈ શકે છે. ચીનની સ્ટ્રેટેજી લશ્કરી તાકાત તો છે જ, પણ સાથે સાથે દેશ અને દુનિયા માટે આર્થિક જોખમ પણ છે. સ્ટોક માર્કેટઃ જો ચીન સાથે તણાવ વધે, તો મોટી કંપનીઓના સ્ટોક્સમાં 20-30%નો ઘટાડો મિનિટોમાં આવી શકે છે. ગોલ્ડ અને સિલ્વરઃ યુદ્ધના ડરે સોનું રાતોરાત 2 લાખને પાર કરી શકે છે. કારણ કે, સુરક્ષિત રોકાણ તરીકે લોકો સોના તરફ દોડશે. સામાન્ય માણસઃ તેલના ડબ્બાના ભાવથી લઈને પેટ્રોલ-ડીઝલ સુધી બધું જ મોંઘું થશે કારણ કે Supply Chain ખોરવાઈ જશે. રૂપિયો ઓલ ટાઈમ તળિયેઃ ડોલર સામે રૂપિયો 90-95 સુધી જઈ શકે છે, જેની સીધી અસર તમારા બાળકોની વિદેશની ટ્યુશન ફી પર પડશે. અને છેલ્લે... પરમાણુ બોમ્બના ડર વચ્ચે ચીન હવે ભારતની જમીન પર પણ દાવો ઠોકી રહ્યું છે. તાજેતરમાં ચીને PoKની શક્સગામ ઘાટીને સત્તાવાર રીતે પોતાનો વિસ્તાર ગણાવી દીધો છે. આ એ જ જમીન છે જે 1963માં પાકિસ્તાને ગેરકાયદેસર રીતે ચીનને ભેટ ધરી હતી. ચીન હવે ત્યાં CPECના નામે જે રસ્તાઓ બનાવી રહ્યું છે, તે માત્ર કોંક્રિટ નથી પણ ભારત ફરતે કસવામાં આવી રહેલો ગાળિયો છે. જો યુદ્ધ થાય, તો ચીન અને પાકિસ્તાન આ રસ્તેથી એકસાથે હુમલો કરી શકે છે. ભારતનું કહેવું છે કે આપણે ચીન-પાકિસ્તાનના કરારને માન્યતા નથી આપતા પણ સવાલ એ છે કે, શું આપણે ભવિષ્યના ટુ-ફ્રન્ટ વોરના ભણકારા સાંભળી રહ્યા છીએ? સોમવારથી શુક્રવાર રાત્રે 8 વાગ્યે તમે જોતા રહો એડિટર્સ વ્યૂ. આવતીકાલે ફરી મળીશું. નમસ્કાર. (રિસર્ચ સમીર પરમાર)

નોકરી પરત મેળવવા અધિકારીએ AMCને અરજી કરી:ફાયર NOC માટે લાંચ ઉપરી અધિકારીના કહેવાથી રકમ લીધી હોવાનો બચાવ કર્યો, સોમવારે નિર્ણય થશે

અમદાવાદ ફાયરબ્રિગેડમાં ફરજ બજાવનારા અધિકારી એરિક રિબેલોને લાંચ લેવાના કેસમાં મ્યુનિસિપલ કોર્પોરેશન દ્વારા તેમને નોકરીમાંથી કાઢી મૂકવામાં આવ્યા હતાં. નોકરીમાં ફરીથી પરત લેવા માટે અપીલ સબ કમિટીમાં રજૂઆત કરી છે. આગામી સોમવારે મળનારી કમિટીમાં તેમને નોકરીમાં પરત લેવા માટે અંગેની દરખાસ્ત મુકવામાં આવી છે. એરિક રિબેલોએ રજૂઆત કરી છે કે મેં કોઈ વહીવટ કર્યો નથી. માંગણી કરી હોવાનો કોઈ પુરાવો નથી, મારા ઉપરી અધિકારી મનીષ મોઢના કારણે આપવામાં આવેલી હોવાનું પણ ફરિયાદીએ કહ્યું છે. આ રજૂઆતને લઈ કમિટીમાં મ્યુનિસિપલ કમિશનર અને ભાજપના સત્તાધીશો નિર્ણય લેશે. ફાયર એનઓસી માટે 25 હજાર લાંચની માંગણી આ અંગેની વિગત એવી છે કે વર્ષ 2021માં ફાયર એનઓસી મેળવવા માટે જે અધિકારી દ્વારા રૂ. 25 હજારની માંગણી કરવામાં આવી રહી હોવાના મામલે દિવ્ય ભાસ્કર દ્વારા કરાયેલા સ્ટીંગ ઓપરેશનમાં મનીષ મોઢ દ્વારા લાંચ માગવામાં આવી હતી. આ સમગ્ર મામલે તપાસ થઈ હતી. રૂપિયા 25000 એરિક રિબેલો નામના ફાયર અધિકારી દ્વારા સ્વીકારવામાં આવ્યું હોવાનો આરોપ મૂકવામાં આવ્યો હતો. અધિકારીને નોકરીમાંથી કાઢી મૂકવામાં આવ્યાજે મામલે સસ્પેન્ડ તેઓને કરવામાં આવ્યા હતા અને બાદમાં તેમને નોકરીમાંથી કાઢી મૂકવામાં આવ્યા હતા. નોકરીમાંથી બરતરફનો હુકમ કરવામાં આવેલા એરીક કોલ્વીન રીબેલો દ્વારા આગામી 19 જાન્યુઆરીના રોજ મળનારી અપીલ સબ કમિટિ સમક્ષ રજૂઆત કરી છેકે, તેમની સામેના આરોપમાં લાંચ લીધાનો આરોપ નથી માટે તેમને નોકરી પર પરત લઇ લેવામાં આવવા જોઇએ. સ્ટીંગ ઓપરેશન ને ખુલાસોફાયર એનઓસી માટે મનીષ મોઢ દ્વારા રૂ. 60 હજારની માંગણી કરાઇ હતી. જે પૈકી પ્રથમ વખત રૂ.15 હજાર અને બીજી વખત રૂ. 10 હજારની રકમ લીધી હતી. જે મામલે સ્ટીંગ ઓપરેશન કરાયું હતું. જોકે આ રકમ એરીક કોલ્વીન રીબેલો દ્વારા લેવામાં આવી હતી. જે મામલે 13મી ડિસેમ્બર 2021ના રોજ આવેલા અહેવાલ બાદ ફાયર કર્મચારી મનીષ મોઢ અને એરીકને ચાર્જશીટ આપી હતી. તપાસમાં એરીક કસુરવાર સસ્પેન્ડ કરવામાં આવ્યો હતો. જે બાદ તેને તત્કાલીક અસરથી બરતરફ કરવામાં આવ્યા હતા. સબ કમિટિમાં અરજી દાખલ, ફરીથી નોકરી પર લેવા માગજોકે આ સસ્પેન્સનના હુકમ સામે એરીકે અપીલ સબ કમિટિ સમક્ષ અપીલ દાખલ કરી છે. મ્યુનિસિપલ કોર્પોરેશનની વિજીલન્સ વિભાગની તપાસમાં તેણે એવો બચાવ લીધો હતો કે, મેં કોઈ વહીવટ નથી કરેલો ફરિયાદી દ્વારા જે ફોન કરવામાં આવ્યો હતો તેમાં ક્યાંય કોઈ ફોન કર્યો અથવા લાંચની માંગ કરી એવું પુરવાર થતું નથી. માત્ર તેમના ઉપરી અધિકારી મનીષ મોઢ દ્વારા તેમને સુચના આપતાં તેના નાણાં લેવા માટે તેઓ ગયા હતા. આ રકમ લાંચની હોવાનું તેમને ખબર ન હતી. જોકે તમામ બાબતો ધ્યાને લીધા બાદ વિજીલન્સ વિભાગે તેમને કસુરવાર ઠેરવ્યા હતા. જે બાદ તેમને 2023માં જ સસ્પેન્ડ કરાયા હતા. જેની સામે તેણે અપીલ સબ કમિટિમાં અરજી દાખલ કરી તેને ફરીથી નોકરી પર લઇ લેવા રજૂઆત કરી છે.

પંચમહાલ SP દુધાતે સિનિયર સિટીઝન ગ્રુપની મુલાકાત લીધી:ગોધરાના ગાયત્રીનગરમાં વરિષ્ઠ નાગરિકોના પ્રશ્નો સાંભળ્યા, સાયબર ક્રાઇમ અંગે માર્ગદર્શન આપ્યું

પંચમહાલ જિલ્લા પોલીસ વડા હરેશ દુધાતે ગોધરા શહેરના ગાયત્રીનગર વિસ્તારમાં સિનિયર સિટીઝન બાંકડા ગ્રુપની મુલાકાત લીધી હતી. આ મુલાકાત દરમિયાન તેમણે વરિષ્ઠ નાગરિકોના વિવિધ પ્રશ્નો, સમસ્યાઓ અને સુરક્ષા સંબંધિત મુદ્દાઓ પર ચર્ચા કરી હતી. કાર્યક્રમમાં ઉપસ્થિત સિનિયર સિટીઝનોએ રોજિંદા જીવનમાં આવતા પ્રશ્નો, સામાજિક સુરક્ષા, ટ્રાફિક વ્યવસ્થા અને સાયબર ગુનાઓ અંગે પોતાની ચિંતાઓ વ્યક્ત કરી હતી. એસ.પી. દુધાતે તમામ પ્રશ્નો ધ્યાનપૂર્વક સાંભળી યોગ્ય માર્ગદર્શન પૂરું પાડ્યું હતું. તેમણે શક્ય તેટલા પ્રશ્નોના સ્થળ પર જ નિવારણ માટે સૂચનો પણ કર્યા. મુલાકાત દરમિયાન, સાયબર ક્રાઇમ અંગે વિગતવાર માહિતી આપવામાં આવી હતી. વરિષ્ઠ નાગરિકોને વધી રહેલી ઓનલાઇન છેતરપિંડી, ફ્રોડ કોલ, ઓટીપી શેર કરવાના જોખમો અને ડિજિટલ અરેસ્ટ જેવા નવા પ્રકારના સાયબર ગુનાઓથી સચેત રહેવા અપીલ કરવામાં આવી. તેમને કોઈપણ શંકાસ્પદ કોલ કે મેસેજ મળે તો તરત જ પોલીસને જાણ કરવા અને કોઈપણ વ્યક્તિગત માહિતી શેર ન કરવા અંગે સમજાવવામાં આવ્યું હતું.આ મુલાકાતથી સિનિયર સિટીઝનોમાં સુરક્ષા અને વિશ્વાસની ભાવનામાં વધારો થયો હતો. સિનિયર સિટીઝન બાંકડા ગ્રુપના સભ્યોએ એસ.પી. હરેશ દુધાતનો આભાર વ્યક્ત કર્યો અને ભવિષ્યમાં પણ આવી માર્ગદર્શક મુલાકાતો યોજાય તેવી માંગણી કરી.

બાલાસિનોરમાં પ્રતિબંધિત ચાઈનીઝ દોરીનો જથ્થો ઝડપાયો:જય અંબે સોસાયટીમાંથી ₹36 હજારની 48 ફીરકી જપ્ત, એકની ધરપકડ

બાલાસિનોર ટાઉન પોલીસે જય અંબે સોસાયટીમાંથી પ્રતિબંધિત ચાઈનીઝ દોરીનો મોટો જથ્થો ઝડપી પાડ્યો છે. પોલીસે ₹36,000ની કિંમતની 48 નંગ ચાઈનીઝ દોરીની ફીરકીઓ જપ્ત કરી એક આરોપીની ધરપકડ કરી છે. મહીસાગર જિલ્લા મેજિસ્ટ્રેટ દ્વારા ઉત્તરાયણ માટે બહાર પાડવામાં આવેલા જાહેરનામાના આધારે આ કાર્યવાહી કરવામાં આવી હતી. જિલ્લા પોલીસ વડા સફીન હસન અને નાયબ પોલીસ વડાની સૂચનાથી, બાલાસિનોર ટાઉન પોલીસ સ્ટેશનના પીઆઈ એ.એન. નિનામાના માર્ગદર્શન હેઠળ આ ઓપરેશન હાથ ધરવામાં આવ્યું હતું. આ કેસમાં મનોજ બાબુભાઈ મહેરા (રહે. રિલાયન્સ પેટ્રોલપંપ સામે, બાલાસિનોર) નામના આરોપીની ધરપકડ કરવામાં આવી છે. જ્યારે સંજય ધીરજભાઈ મહેરા (રહે. જય અંબે સોસાયટી, બાલાસિનોર) નામનો અન્ય એક આરોપી હજુ ફરાર છે અને તેને પકડવા માટે પોલીસે તજવીજ હાથ ધરી છે. બાલાસિનોર ટાઉન પોલીસ સ્ટેશનમાં BNS 2023ની કલમ 223 અને 54 હેઠળ ગુનો નોંધી વધુ તપાસ હાથ ધરવામાં આવી છે.

ગઢડામાં ઉતરાયણ પૂર્વે ખરીદીનો માહોલ જામ્યો:પતંગ, દોરી, ચિકી અને શેરડીની દુકાનો પર ભીડ

મકરસંક્રાંતિના પર્વને હવે ગણતરીના કલાકો બાકી છે, ત્યારે બોટાદ જિલ્લાના ગઢડા શહેરમાં ઉતરાયણ પૂર્વે ખરીદીનો માહોલ જામ્યો છે. શહેરના વિવિધ વિસ્તારોમાં મોટી સંખ્યામાં લોકો ખરીદી કરવા ઉમટી પડ્યા છે. ગઢડાના બોટાદ ઝાંપા, નગરપાલિકા કચેરી સામે અને ટાવર ચોક સહિતના વિસ્તારોમાં પતંગરસિયાઓ રંગબેરંગી પતંગો અને વિવિધ પ્રકારની દોરીની ખરીદી કરતા જોવા મળી રહ્યા છે. ઉતરાયણ પર્વને લઈને બાળકો અને યુવાનોમાં ખાસ ઉત્સાહ જોવા મળી રહ્યો છે. યુવાનો પતંગ ઉડાડવા માટે ચશ્મા, ટોપી અને પપુડા જેવી સામગ્રી ખરીદી રહ્યા છે. બીજી તરફ, ઉતરાયણની પરંપરા મુજબ લોકો શેરડી, તલના લાડુ, મમરાના લાડુ અને ચિકી જેવી મીઠાઈઓ લેવા બજારમાં પહોંચ્યા છે. ઉતરાયણના પાવન પર્વને કારણે ગઢડાના બજારોમાં રોનક છવાઈ ગઈ છે અને સમગ્ર શહેરમાં ઉત્સવનો માહોલ જોવા મળી રહ્યો છે.

લીમડી નજીક ખાનગી ટ્રાવેલ્સે બાઈકને અડફેટે લીધી, બાળકનું મોત:પતંગની ખરીદી કરવા ગયેલા પિતરાઈ ભાઈઓને અકસ્માત નડ્યો, યુવકને ગંભીરઈજા

દાહોદ જિલ્લાના લીમડી નજીક કાળીમહુડી ગામ નજીક આજે અકસ્માતની ઘટના બની હતી. ખાનગી ટ્રાવેલ્સે બાઈકને અડફેટે લેતા અકસ્માત સર્જાયો હતો. જેમાં પતંગ લેવા નીકળેલા પિતરાઈ ભાઈઓ અકસ્માતનો ભોગ બન્યા છે. બાઈક પર સવાર બે પિતરાઈ ભાઈઓને બસે જોરદાર ટક્કર મારી હતી. અકસ્માતમાં 9 વર્ષીય બાળકનું ઘટનાસ્થળે જ કરુણ મોત નિપજ્યું છે. અન્ય એક યુવકને ગંભીર ઈજાઓ પહોંચતા હાલત નાજુક છે. હાલ તાત્કાલિક સારવાર અર્થે ઝાયડસ હોસ્પિટલ ખાતે ખસેડવામાં આવ્યાં છે. ઘટનાને લઈને સમગ્ર વિસ્તારમાં શોક અને અરેરાટી ફેલાઈ છે.

ઘેડના પ્રશ્ને મામલે 'આપ' આક્રમક, .:​'સરકારના વચનો ખોખલા, ઘેડને ફરી ડૂબાડવાની તૈયારી?' જેલમાં બંધ પ્રવીણ રામના પોસ્ટરો સાથે AAPનો કલેક્ટર કચેરીએ વિરોધ,

સૌરાષ્ટ્રના ઘેડ વિસ્તારની દયનીય સ્થિતિ અને પૂરના પ્રશ્ને આજે આમ આદમી પાર્ટીએ સરકાર સામે મોરચો માંડ્યો છે. જૂનાગઢ કલેક્ટર કચેરી ખાતે આજે ‘આપ’ના કાર્યકરો અને નેતાઓએ ઉગ્ર સૂત્રોચ્ચાર સાથે આવેદનપત્ર પાઠવ્યું હતું. આ વિરોધ પ્રદર્શનમાં ખાસ આકર્ષણનું કેન્દ્ર જેલમાં બંધ ‘આપ’ નેતા પ્રવીણ રામના પોસ્ટરો રહ્યા હતા. કાર્યકરોએ પ્રવીણ રામના પોસ્ટરો હાથમાં રાખી સરકારની દમનકારી નીતિનો વિરોધ કર્યો અને ઘેડના પ્રશ્ને સરકારને આડે હાથ લીધી હતી. ​સૌરાષ્ટ્ર ઝોન પ્રમુખ રાજુ બોરખતરીયાએ જણાવ્યું હતું કે, ઘેડ વિસ્તારમાં પૂરના પાણીના કાયમી નિકાલ માટે સરકારે ત્રણ તબક્કાનો માસ્ટર પ્લાન રજૂ કર્યો હતો. જેમાં નદી-નાળા ઊંડા કરવા, સ્ટ્રક્ચર નિર્માણ અને જળ સંરક્ષણની વાતો કરવામાં આવી હતી. પરંતુ વાસ્તવિકતા એ છે કે પ્રથમ તબક્કાની કામગીરી પણ હજુ 'પાપા પગલી' ભરી રહી છે. બીજા અને ત્રીજા તબક્કાનું કામ તો હજુ જોજનો દૂર જણાય છે. ​વિરોધ પ્રદર્શન દરમિયાન 'આપ' નેતાઓએ આક્ષેપ કર્યો કે જાહેર સભાઓમાં મોટા નેતાઓ આવીને 'મોદીની ગેરંટી'ની વાતો કરે છે, પરંતુ ઘેડના ખેડૂતો માટે આ ગેરંટી ક્યાંય દેખાતી નથી. ડિસેમ્બર 2024 થી માર્ચ 2025 સુધીમાં કામગીરી પૂર્ણ કરવાના વાયદા કરવામાં આવ્યા હતા, પરંતુ જૂન ૨૦૨૬ નજીક હોવા છતાં ગ્રાઉન્ડ લેવલ પર કોઈ નક્કર પરિણામ દેખાતું નથી. ​આ આવેદનપત્ર દ્વારા આમ આદમી પાર્ટી મુખ્યત્વે માંગ કરે છે કે સરકાર દ્વારા ઘેડ વિસ્તારના વિકાસ અને પૂર નિયંત્રણ માટે અત્યાર સુધી જેટલું પણ બજેટ ફાળવવામાં આવ્યું છે અને જેટલી કામગીરી પૂર્ણ થઈ છે, તેની વિગતો દર્શાવતું 'શ્વેતપત્ર' સાર્વજનિક કરવામાં આવે. વહીવટી તંત્ર દ્વારા એસ્ટિમેટ, ટેન્ડર અને વર્ક ઓર્ડરની પ્રક્રિયામાં સંપૂર્ણ પારદર્શિતા જાળવી તેની જાણકારી જાહેર જનતાને આપવામાં આવે તે અત્યંત અનિવાર્ય છે. વધુમાં, જૂન ૨૦૨૬ પહેલા નદી-નાળા ઊંડા કરવાની તમામ કામગીરી યુદ્ધના ધોરણે પૂર્ણ કરવાની સમયમર્યાદા નક્કી કરવામાં આવે, જેથી ચોમાસામાં ફરી જાન-માલનું નુકસાન ન થાય. આમ આદમી પાર્ટીએ આકરા શબ્દોમાં ચીમકી આપી છે કે જો આગામી દિવસોમાં સરકાર શ્વેતપત્ર જાહેર નહીં કરે અથવા કામગીરીમાં ગતિ નહીં લાવે, તો ઘેડ વિસ્તારના હિતમાં અને પ્રવીણ રામના માર્ગદર્શન હેઠળ સમગ્ર સૌરાષ્ટ્રમાં ઉગ્ર આંદોલન છેડવામાં આવશે. એક વર્ષ પહેલા પણ આ મુદ્દે રજૂઆત કરવામાં આવી હતી, પરંતુ તંત્ર તરફથી કોઈ પ્રત્યુત્તર ન મળતા આજે ફરી 'આપ' દ્વારા આક્રમક વલણ અપનાવવામાં આવ્યું છે.આ કાર્યક્રમમાં આમ આદમી પાર્ટીના અગ્રણીઓ, કાર્યકરો અને ખેડૂતો મોટી સંખ્યામાં જોડાયા હતા…

સદર બજારમાં પતંગ - દોરીની ખરીદીમાં ભીડ:ફ્રાન્સથી વતન રાજકોટમાં મકરસંક્રાંતિ ઉજવવા આવ્યા, પતંગ રસિયાઓમાં ભારે ઉત્સાહ

રાજકોટની સદર બજારમાં મકરસંક્રાંતિના પર્વને લઈ પતંગ અને દોરાની ખરીદી માટે લોકોનો ખૂબ જ સારો ઉત્સાહ જોવા મળી રહ્યો છે. અહીં ફ્રાન્સથી સ્પેશ્યલ ઉતરાયણની ઉજવણી માટે યુવાન વતન રાજકોટ આવી પહોંચ્યો હતો તો પતંગ રસિયાઓ છેલ્લી ઘડીની ખરીદી માટે ઉમટી પડતા બજારમાં રોનક જોવા મળી રહી છે. મૂળ રાજકોટના અને ફ્રાન્સમાં રહેતા NRI દેવન ભટ્ટે જણાવ્યું હતું કે, સ્પેશ્યલ મકર સંક્રાંતિની ઉજવણી કરવા માટે રાજકોટ આવ્યો છું. ફ્રાન્સમાં ઉતરાયણનો તહેવાર ઉજવાતો નથી. જેથી અહીં આ તહેવારમાં પતંગ ચગાવવા માટે આવી પહોંચ્યો છું. અહીં ખૂબ જ સારો માહોલ જોવા મળી રહ્યો છે. મકર સંક્રાંતિના પતંગ ચગાવી આ તહેવારની મજા માણશું. જ્યારે યુવતી શ્રધ્ધાએ જણાવ્યું હતું કે, સદર બજારમાં અલગ અલગ પ્રકારની પતંગ મળી રહી છે. જેથી તેની ખરીદી માટે આવ્યા છીએ. અહીં ખરીદીનો માહોલ ખૂબ જ સારો જોવા મળી રહ્યો છે. આવતીકાલે મકરસંક્રાંતિના દિવસે આ તહેવારની ખૂબ જ ઉત્સાહ સાથે ઉજવણી કરશું.

હુમલામાં ઘાયલ કડીના યુવકનું 37 દિવસ બાદ મોત:ફિલ્મી ઢબે સલૂનમાંથી અપહરણ કરી માર મરાતા હોસ્પિટલમાં સારવાર હેઠળ હતો, હત્યાની કલમ ઉમેરવા માગ

કડીમાં ગત 3 ડિસેમ્બરના રોજ હેર સલૂનમાંથી ફિલ્મી ઢબે યુવકનું અપહરણ કરી તેના પર જીવલેણ હુમલો કરવાની ઘટનામાં નવો વળાંક આવ્યો છે. ગંભીર રીતે ઈજાગ્રસ્ત અલ્ફાજ ઉર્ફે મકો કાઝીનું મહેસાણાની ખાનગી હોસ્પિટલમાં 37 દિવસની લાંબી સારવાર બાદ કરુણ મોત નિપજતા મામલો ગરમાયો છે. યુવકના અવસાનથી પરિવારમાં શોકનું મોજું ફરી વળ્યું છે, જ્યારે બીજી તરફ મૃતકની બહેને પોલીસ તપાસ સામે ગંભીર આક્ષેપો કરી અન્ય ફરાર આરોપીઓની ધરપકડ ન થાય ત્યાં સુધી મૃતદેહ સ્વીકારવાનો ઇનકાર કર્યો છે. 3 ડિસેમ્બરે સલૂનમાંથી યુવકનું અપહરણ કરી હુમલો કરાયો હતોકડીના કસ્બા વિસ્તારમાં રહેતો અલ્ફાજ ગત 3 ડિસેમ્બરના રોજ રાત્રે તાજ રેસીડેન્સી સામે આવેલા સલૂનમાં દાઢી કરાવી રહ્યો હતો. તે સમયે કરીમ ઉર્ફે લાલો, સચીન ગોસ્વામી અને સકીલ પઠાણ નામના શખ્સો હથિયારો સાથે ધસી આવ્યા હતા અને અલ્ફાજ પર તલવાર તેમજ પાઇપ વડે હુમલો કરી તેને સ્વિફ્ટ કારમાં ઉઠાવી ગયા હતા. આરોપીઓએ તેને દેદીયાસણ નજીક લઈ જઈ ઢોર માર માર્યો હતો અને અર્ધમૃત હાલતમાં ફેંકી ફરાર થઈ ગયા હતા. ધંધાકીય અદાવતમાં આ હુમલો કરાયો હોવાનું પોલીસ ફરિયાદમાં જણાવાયું હતું. પરિવારજનોની હત્યાની કલમ ઉમેરવા માગજોકે યુવકના મોત બાદ તેની બહેન શબનમ બાનોએ પોલીસ તંત્ર પર ગંભીર આક્ષેપો કર્યા છે. તેમણે જણાવ્યું કે આ કેસમાં મુખ્ય સુત્રધાર ગિરી અને અરબાઝ મલેક હજુ પણ પોલીસ પકડથી દૂર છે અને તેઓ ખુલ્લેઆમ ફરી રહ્યા છે. વધુમાં તેણે આક્ષેપ કર્યો કે હોસ્પિટલમાં સારવાર દરમિયાન ગિરીએ એક મહિલાને મોકલી યુવકને નશીલા પદાર્થોનું સેવન કરાવી તેની હાલત વધુ બગાડી હતી. પરિવારે માંગ કરી છે કે, પોલીસ આ કેસમાં હત્યાની કલમ 302 ઉમેરે અને બાકીના આરોપીઓની તાત્કાલિક ધરપકડ કરી તેમનો વરઘોડો કાઢવામાં આવે. હાલમાં કડી પોલીસ હોસ્પિટલ પહોંચી છે અને કાયદેસરની કાર્યવાહી હાથ ધરી છે, પરંતુ પરિવારના ઉગ્ર વિરોધ કરી રહ્યો છે.

વાપીમાં રસ્તાના નવીનીકરણ-પહોળા કરવાની કામગીરી સામે રોષ:રસ્તાના કામમાં અન્યાયનો આક્ષેપ, આદિવાસી મહિલાઓએ કલેક્ટરને આવેદન પાઠવી ન્યાયની માંગ કરી

વલસાડ જિલ્લાના વાપીમાં રસ્તાના નવીનીકરણ અને પહોળા કરવાની કામગીરી સામે સ્થાનિક આદિવાસી પરિવારોમાં ભારે રોષ જોવા મળી રહ્યો છે. આ મામલે આજે મોટી સંખ્યામાં મહિલાઓ અને સ્થાનિકોએ કલેક્ટર કચેરી ખાતે પહોંચી ન્યાયની માંગ સાથે આવેદનપત્ર પાઠવ્યું હતું. સ્થાનિકોના જણાવ્યા અનુસાર, ચલા ચોકડી ફળિયા વિસ્તારમાં મહાનગર પાલિકા દ્વારા રસ્તાનું કામ શરૂ કરવામાં આવ્યું છે. રહેવાસીઓનો આક્ષેપ છે કે, આ કામગીરીમાં ગેરરીતિ થઈ રહી છે. તેમનો મુખ્ય આક્ષેપ છે કે, રસ્તો ખોદીને વ્યવસ્થિત બનાવવાને બદલે તેની પર જ નવું પડ થરવામાં આવ્યું છે, જેના કારણે રસ્તો ઘરના લેવલથી 3 થી 4 ફૂટ ઊંચો થઈ ગયો છે. પાલિકાના અધિકારીઓ દ્વારા રસ્તો વધુ પહોળો કરવા માટે દબાણ કરવામાં આવી રહ્યું છે, જેના કારણે સ્થાનિક આદિવાસીઓના ઘરો અને જમીનને નુકસાન થવાની ભીતિ છે. સ્થાનિકોની સંમતિ વગર જ વર્ષો જૂના વૃક્ષો કાપી નાખવામાં આવ્યા હોવાનો આક્ષેપ પણ કરવામાં આવ્યો છે. ગઈકાલે જ્યારે સ્થાનિકોએ આ કામગીરીનો વિરોધ કર્યો અને આંદોલન પર બેઠા, ત્યારે પોલીસ દ્વારા બળપ્રયોગ કરી મહિલાઓ અને એક સગીર બાળકી સહિત અનેક લોકોની અટકાયત કરવામાં આવી હતી. સ્થાનિકોનું કહેવું છે કે, તેમની ગેરહાજરીમાં જ પાલિકાએ જેસીબી મશીનો ફેરવીને કામગીરી આગળ વધારી દીધી હતી. આજે કલેક્ટર કચેરીએ પહોંચેલી મહિલાઓએ જણાવ્યું હતું કે, અમે રસ્તાના વિરોધી નથી, પરંતુ રસ્તો પહોળો કરવાના બહાને આદિવાસીઓના હક છીનવવામાં આવી રહ્યા છે. આ કામગીરી પાછળના બિલ્ડિંગોને ફાયદો કરાવવા માટે કરવામાં આવી રહી હોય તેવું લાગે છે. કલેક્ટરે આ મામલે યોગ્ય તપાસ કરવાની અને ભવિષ્યમાં કોઈપણ કામગીરી કરતા પહેલા સ્થાનિકોને વિશ્વાસમાં લેવાની ખાતરી આપી છે. જો કે, જો યોગ્ય ઉકેલ નહીં આવે તો આગામી સમયમાં ઉગ્ર આંદોલન કરવાની ચીમકી પણ રહેવાસીઓએ ઉચ્ચારી છે.

70થી વધુ કિશોરીઓના હિમોગ્લોબિનની તપાસ:કુણઘેર ખાતે પૂર્ણા યોજના અંતર્ગત પતંગ મહોત્સવ યોજાયો

પાટણ જિલ્લાના કુણઘેર ગામે મંગળવારે પૂર્ણા યોજના અંતર્ગત 'પૂર્ણા ની ઉડાન' પતંગ મહોત્સવ યોજાયો હતો. આ કાર્યક્રમમાં 70થી વધુ કિશોરીઓએ ભાગ લીધો હતો, જેમની હિમોગ્લોબિનની ચકાસણી પણ કરવામાં આવી હતી. આઈસીડીએસ પ્રોગ્રામ ઓફિસરે કિશોરીઓને પૂર્ણા યોજના વિશે વિસ્તૃત માહિતી આપી હતી. તેમણે પૂર્ણા શક્તિમાંથી બનતી વિવિધ પૌષ્ટિક વાનગીઓનું નિદર્શન કરાવી સ્વાસ્થ્ય અને પોષણ અંગે માર્ગદર્શન પૂરું પાડ્યું હતું. સર્વાધિક હિમોગ્લોબિન ધરાવતી પ્રથમ, દ્વિતીય અને તૃતીય ક્રમાંક પ્રાપ્ત કરનાર કિશોરીઓને ઇનામ આપી પ્રોત્સાહિત કરવામાં આવી હતી. આ ઉપરાંત, તમામ ભાગ લેનાર કિશોરીઓને પૂર્ણા લોગોવાળી ટી-શર્ટ, કેપ, પતંગ અને ફિરકી આપવામાં આવી હતી. પતંગો પર યોજના સંબંધિત સંદેશાઓ લખીને પતંગ મહોત્સવની ઉજવણી કરવામાં આવી હતી.

108 એમ્બ્યુલન્સના પાઇલટ ગુલાબખાન બલોચ નિવૃત્ત:18 વર્ષની માનવસેવા બાદ ભાવભીની વિદાય અપાઈ

108 એમ્બ્યુલન્સ સેવામાં 18 વર્ષ સુધી નિષ્ઠાપૂર્વક ફરજ બજાવનાર પાઇલટ ગુલાબખાન બલોચ નિવૃત્ત થયા છે. તેમની નિવૃત્તિ સાથે 108 એમ્બ્યુલન્સ સેવાનો એક પ્રેરણાદાયી અને માનવસેવાનો અધ્યાય પૂર્ણ થયો છે. ગુલાબખાન બલોચે વર્ષ 2007માં, જ્યારે 108 એમ્બ્યુલન્સ સેવા માત્ર 14 એમ્બ્યુલન્સ સાથે શરૂ થઈ હતી, ત્યારે પોતાની સેવા યાત્રાનો આરંભ કર્યો હતો. ત્યારબાદ લગભગ 18 વર્ષ સુધી તેમણે રાત-દિવસ, તહેવાર કે વ્યક્તિગત પરિસ્થિતિની પરવા કર્યા વિના માનવસેવાને સર્વોચ્ચ સ્થાન આપીને ફરજ બજાવી છે. તેમની સેવા માત્ર સ્થાનિક સ્તર સુધી સીમિત રહી નથી. વર્ષ 2008માં બિહાર રાજ્યમાં કોશી નદીના ભયંકર પૂર દરમિયાન તેઓ સેવા માટે ત્યાં પહોંચ્યા હતા અને કપરા સંજોગોમાં અનેક જરૂરિયાતમંદોને સમયસર મદદ કરીને માનવતાનું ઉત્તમ ઉદાહરણ પૂરું પાડ્યું હતું. આ ઉપરાંત, કોરોના મહામારી દરમિયાન, જ્યારે સમગ્ર દેશ લોકડાઉનમાં હતો, ત્યારે પણ તેમણે જોખમ વચ્ચે સતત ફરજ પર રહી દર્દીઓને સમયસર સારવાર સુધી પહોંચાડવાની જવાબદારી નિભાવી હતી. સાયક્લોન વાવાઝોડા દરમિયાન પોરબંદરના માધાપુરા બીચ દરિયા કિનારે તેઓએ પોતાની એમ્બ્યુલન્સ સ્ટાફ સાથે સ્ટેન્ડબાય ફરજ બજાવી હતી, જે તેમની ફરજ પ્રત્યેની અડગ નિષ્ઠાનું પ્રતિબિંબ છે. સહકર્મચારીઓ અને પરિવારજનો મુજબ, બલોચ હંમેશા શાંત, સંયમિત અને ફરજપ્રધાન સ્વભાવના રહ્યા છે. તેમની ઓળખ કોઈ પદ કે પ્રસિદ્ધિથી નહીં, પરંતુ તેમની ઈમાનદારી, નિષ્ઠા અને સેવા ભાવથી બની છે. અમદાવાદ ખાતે 108 એમ્બ્યુલન્સ સેવાની હેડ ઓફિસમાં આયોજિત નિવૃત્તિ સમારંભમાં COO જસવંત પ્રજાપતિના હસ્તે તેમને સન્માનપત્ર, ચેક તથા રિટાયરમેન્ટ લેટર આપી તેમની દીર્ઘ અને ઉત્કૃષ્ટ સેવાને બિરદાવવામાં આવી હતી. આ ઉપરાંત, પાટણ જિલ્લાના 108, 181, 1962 ધન્વંતરિ રથ, ખીલખીલાટ સહિત તમામ પ્રોજેક્ટના સ્ટાફ દ્વારા પણ તેમને ભાવભીની વિદાય આપવામાં આવી હતી. કાર્યક્રમ દરમિયાન પ્રોગ્રામ મેનેજર બળદેવ રબારી, EMI નરેશભાઈ પટેલ, નિતીન પટેલ, નિખિલ પટેલ, પરેશ પ્રજાપતિ સહિતના અધિકારીઓએ શ્રીફળ, સાકર અને શાલ પહેરાવી સન્માન કર્યું હતું. નિવૃત્તિ પ્રસંગે તેમના પરિવારજનો દ્વારા લાગણીસભર શબ્દોમાં જણાવાયું હતું કે, “તેમણે અમને શબ્દોથી નહીં, પરંતુ પોતાના કાર્ય દ્વારા જીવનના સાચા મૂલ્યો શીખવ્યા છે.” કાર્યક્રમ દરમિયાન EMT નિલેષભાઈ ચેતવાણીએ પોતાના અનોખા અંદાજમાં એન્કરિંગ સાથે શેર-શાયરી દ્વારા સમારંભને સ્મરણિય બનાવ્યો હતો, જ્યારે અંતે પાઇલટ જયસિંહ રાજપુતએ આભારવિધિ કરી હતી. ગુલાબખાન બલોચની નિવૃત્તિ સાથે 108 એમ્બ્યુલન્સ સેવાનો એક મહત્વપૂર્ણ અધ્યાય પૂર્ણ થયો છે, પરંતુ તેમની માનવસેવાની ભાવના અને સંસ્કાર આવનારી પેઢી માટે હંમેશા પ્રેરણારૂપ રહેશે.

ઉત્તરાયણ પર્વ નિમિતે પક્ષી બચાવ અભિયાન શરૂ:ભાવનગર જિલ્લામાં ઇજાગ્રસ્ત પક્ષીઓને તાત્કાલિક સારવાર મળશે

ઉત્તરાયણ પર્વ નજીક આવતા ભાવનગર શહેર અને જિલ્લામાં પક્ષી બચાવ અભિયાન શરૂ કરવામાં આવ્યું છે. પ્રેરણા ફાઉન્ડેશન સંચાલિત જીવદયા હોસ્પિટલ અગિયાળી અને ભાવનગર જિલ્લા વન વિભાગના સહયોગથી આ અભિયાન ચલાવવામાં આવશે. ઇજાગ્રસ્ત પક્ષીઓને તાત્કાલિક સારવાર પૂરી પાડવાનો આ અભિયાનનો મુખ્ય હેતુ છે. પતંગોત્સવ દરમિયાન પતંગની દોરીથી અનેક પક્ષીઓ ઘાયલ થતા હોય છે. આવા પક્ષીઓને બચાવવા માટે જીવદયા રક્ષકો પણ સેવા આપવા તત્પર છે.આ હેતુસર ડોક્ટર અને પ્રશિક્ષિત સ્ટાફ સાથે ચાર હેલ્પલાઇન વાન સતત ફરતી રહેશે. ઉપરાંત, ભાવનગર શહેર અને જિલ્લામાં અનેક જીવદયા રક્ષકો પણ સેવારત રહેશે. જો કોઈને પતંગની દોરીથી ઘાયલ થયેલ પક્ષી નજરે પડે, તો પ્રેરણા ફાઉન્ડેશનના હેલ્પલાઇન નંબર 6356371000 પર ફોન કરીને મદદ મેળવી શકાશે.

મહાશિવરાત્રી મેળાના આયોજનની તૈયારીઓ તેજ.:કલેક્ટર , એસપી, કમિશ્નર સહિતના કાફલાએ ભવનાથ ક્ષેત્રની મુલાકાત લીધી, નડતરરૂપ દબાણો દૂર કરવા આદેશ, મૃગીકુંડમાં સાધુ સંતોના શાહીસ્નાન માટે યોગ્ય વ્યવસ્થા કરાશે.

જૂનાગઢની પાવન તપોભૂમિ ગિરનારની તળેટીમાં આગામી સમયમાં યોજાનારા મિની કુંભ સમાન ‘મહાશિવરાત્રી મેળા’ને લઈ વહીવટી તંત્ર એક્શન મોડમાં આવ્યું છે. આ વર્ષે કમોસમી વરસાદ અને માવઠાના કારણે લીલી પરિક્રમા રદ રાખવામાં આવી હતી, જેથી શિવરાત્રી મેળામાં ભાવિકોનો ભારે ધસારો રહેવાની શક્યતા છે. આ બાબતને ગંભીરતાથી લઈ ભાવિકોની સુરક્ષા, સલામતી અને સુવિધા માટે જૂનાગઢ જિલ્લા કલેક્ટર, પોલીસ તંત્ર અને મહાનગરપાલિકાના ઉચ્ચ અધિકારીઓએ ભવનાથ ક્ષેત્રની સંયુક્ત વિઝીટ યોજી હતી. તંત્ર દ્વારા રૂટ અને પાર્કિંગનું સઘન નિરીક્ષણમેળા દરમિયાન ટ્રાફિકની સમસ્યા ન સર્જાય તે માટે વહીવટી તંત્ર દ્વારા ખાસ પ્લાનિંગ કરવામાં આવ્યું છે. અધિકારીઓના કાફલાએ ભવનાથ મૃગીકુંડ, જિલ્લા પંચાયત પાસે આવેલ પાર્કિંગ પ્લોટ અને સોનાપુરી જેવા સંવેદનશીલ વિસ્તારોની મુલાકાત લીધી હતી. કલેક્ટર અનિલ રાણાવસીયાએ જણાવ્યું હતું કે, ભાવિકોને કોઈ પણ પ્રકારની અગવડ ન પડે તે માટે એન્ટ્રી અને એક્ઝિટ પોઈન્ટ્સનું ચોકસાઈપૂર્વક મોનિટરિંગ કરવામાં આવ્યું છે. સાધુ-સંતોના સ્નાન માટે મૃગીકુંડની વ્યવસ્થામહાશિવરાત્રીના મેળાનું મુખ્ય આકર્ષણ રવેડી અને મૃગીકુંડમાં થતું શાહી સ્નાન છે. આ પરંપરાગત વિધિમાં સાધુ-સંતોને પૂરતી સુવિધા મળે અને લાખો શ્રદ્ધાળુઓ આ દ્રશ્ય નિહાળી શકે તે માટે મૃગીકુંડ અને ભવનાથ મંદિર પટાંગણમાં જરૂરી ફેરફારો કરવામાં આવ્યા છે. મંદિર પરિસરમાં નડતરરૂપ હોય તેવા જૂના સ્ટ્રક્ચર દૂર કરવામાં આવ્યા છે, જેથી રવેડીના માર્ગમાં કોઈ અવરોધ ન આવે. દબાણ હટાવવા કલેક્ટરની કડક સૂચનાભવનાથ ક્ષેત્રમાં વર્ષોથી રહેલા નડતરરૂપ દબાણો સામે તંત્રએ લાલ આંખ કરી છે. અગાઉ ગિરનાર દરવાજાથી ભવનાથ સુધીના રસ્તા પરના દબાણો દૂર કરાયા હતા. કલેક્ટરે સ્પષ્ટ કર્યું હતું કે, આગામી સમયમાં પણ જે કોઈ કાચા-પાકા દબાણો મેળાની વ્યવસ્થામાં કે ટ્રાફિકમાં અવરોધ ઊભા કરતા હશે, તેને વહેલી તકે દૂર કરવામાં આવશે. મેળાના માર્ગોને ખુલ્લા અને સુગમ બનાવવા માટે તંત્ર મક્કમ છે. ભવનાથ મંદિરનું વિશેષ સુશોભન અને લાઈટિંગઆ વર્ષે મહાશિવરાત્રીના પાવન અવસરે ભવનાથ મહાદેવના મંદિરને ભવ્ય રીતે શણગારવાનું આયોજન છે. રાત્રિના સમયે આખું ભવનાથ ક્ષેત્ર ઝગમગી ઉઠે તે માટે અત્યાધુનિક લાઈટિંગ વ્યવસ્થા કરવામાં આવશે. કલેક્ટરે સાધુ-સંતો અને મંદિરના ટ્રસ્ટીઓ સાથે સંકલન સાધીને સુશોભનના પ્લાનિંગ અંગે ચર્ચા કરી હતી. પોલીસ તંત્ર દ્વારા મેળાના રૂટનું નિરીક્ષણ લાખોની મેદનીને નિયંત્રિત કરવા માટે પોલીસ તંત્ર દ્વારા મેળાના રૂટનું નિરીક્ષણ કરવામાં આવ્યું છે. સીસીટીવી કેમેરા, વોચ ટાવર અને પાર્કિંગ વ્યવસ્થા પર ખાસ ભાર મૂકવામાં આવ્યો છે. ખાસ કરીને સોનાપુરી અને જિલ્લા પંચાયત પાર્કિંગમાં વાહનોના જથ્થાને મેનેજ કરવા માટે અલગથી ટીમ તૈનાત કરવામાં આવશે. સાધુ-સંતોની સુવિધાથી લઈને સામાન્ય નાગરિકની સલામતી માટે ચર્ચાવહીવટી તંત્ર દ્વારા અત્યાર સુધીમાં ચારથી વધુ વખત સ્થળ મુલાકાત લેવામાં આવી છે. કલેક્ટર અનિલ રાણાવસીયાના માર્ગદર્શન હેઠળ તમામ વિભાગો વચ્ચે સંકલન સાધીને મેળાને યાદગાર અને સુરક્ષિત બનાવવાની નેમ છે. સાધુ-સંતોની સુવિધાથી લઈને સામાન્ય નાગરિકની સલામતી સુધીની તમામ બાબતોનું ઝીણવટભર્યું નિરીક્ષણ કરી આખરી શરૂ કરી દેવામાં આવી છે.

ડ્રગ્સ મુક્ત ગુજરાત માટે મહત્વનો નિર્ણય:ગુજરાત એન્ટી નાર્કોટિક્સ ટાસ્ક ફોર્સ દ્વારા ડ્રગ્સની બાતમી આપવા માટે નવો વોટ્સએપ નંબર જાહેર

ગુજરાતને ડ્રગ્સ મુક્ત બનાવવાના સંકલ્પ સાથે રાજ્ય સરકાર અને ગુજરાત પોલીસ દ્વારા ડ્રગ માફિયાઓ સામે જંગ છેડવામાં આવ્યો છે. મુખ્યમંત્રી શ્રી ભૂપેન્દ્ર પટેલના નેતૃત્વ અને ગૃહ રાજ્ય મંત્રી શ્રી હર્ષ સંઘવીના માર્ગદર્શન હેઠળ, રાજ્યમાં ડ્રગ્સની બદીને નાબૂદ કરવા માટે એન્ટી નાર્કોટિક્સ ટાસ્ક ફોર્સ (ANTF) સક્રિયપણે કાર્યરત છે. આ લડાઈમાં સામાન્ય જનતાની ભાગીદારી વધારવા માટે ANTF દ્વારા હવે એક સત્તાવાર વોટ્સએપ નંબર જાહેર કરવામાં આવ્યો છે. હવે કોઈ પણ જાગૃત નાગરિક ડ્રગ્સના વેચાણ, હેરાફેરી કે અન્ય કોઈ પણ શંકાસ્પદ પ્રવૃત્તિ અંગેની માહિતી 99040 01908 વોટ્સએપ નંબર પર આપી શકશે. આ ઉપરાંત, નાગરિકો નાર્કોટિક્સ હેલ્પલાઇન નંબર 1908 પર કોલ કરીને પણ વિગતો જણાવી શકે છે. ગુપ્તતાની સંપૂર્ણ ખાતરી પોલીસ વિભાગ દ્વારા સ્પષ્ટતા કરવામાં આવી છે કે માહિતી આપનાર નાગરિકની ઓળખ અને વિગતો સંપૂર્ણપણે ગુપ્ત રાખવામાં આવશે. નાગરિકોની એક નાનકડી બાતમી ગુજરાતના યુવાધનને બરબાદ થતું અટકાવવા માટે મોટું યોગદાન આપી શકે છે. સોશિયલ મીડિયા પર જાગૃતિ ANTF માત્ર ડ્રગ્સ ટ્રાફિકિંગ રોકવા જ નહીં, પરંતુ શૈક્ષણિક સંસ્થાઓમાં જાગૃતિ લાવવા અને વ્યસનમુક્તિ માટે પણ કાર્ય કરી રહી છે. નાગરિકો સોશિયલ મીડિયા પ્લેટફોર્મ જેવા કે ફેસબુક પર antfgujarat, X (ટ્વિટર) પર @antfgujarat અને ઇન્સ્ટાગ્રામ પર @antf_gujarat ને ફોલો કરીને આ ઝુંબેશમાં સહભાગી બની શકે છે. રાજ્યને નશામુક્ત બનાવવા માટે પોલીસ અને જનતાનું આ સંકલન નિર્ણાયક સાબિત થશે.

પોરબંદરમાં 9 પેઢીમાંથી 15 ખાદ્યપદાર્થોના નમૂના લેવાયા:મકરસંક્રાંતિ પૂર્વે ગુણવત્તા ચકાસણી માટે કાર્યવાહી

પોરબંદર મહાનગરપાલિકા દ્વારા મકરસંક્રાંતિ પર્વ પૂર્વે ખાદ્યપદાર્થોની ગુણવત્તા ચકાસણી માટે વિશેષ અભિયાન હાથ ધરવામાં આવ્યું છે. મ્યુનિસિપલ કમિશનરની સૂચના મુજબ, શહેરની 9 પેઢીઓમાંથી ગોળ, તલ, ચીકી, ફાફડા-ગાંઠિયા, જલેબી, ઉંધીયું અને રો મટિરિયલ્સ સહિત કુલ 15 ખાદ્યપદાર્થોના નમૂના લેવામાં આવ્યા હતા. આ અભિયાન મહાનગરપાલિકાની આરોગ્ય શાખા દ્વારા નગરજનોના આરોગ્ય સાથે કોઈ જોખમ ન સર્જાય તે હેતુથી ચલાવવામાં આવ્યું છે. ફૂડ સેફ્ટી ઓફિસર વિજય ઠકરાર અને તેમની ટીમે શહેરમાં વિવિધ મીઠાઈ અને નાસ્તાની દુકાનો તેમજ ખાદ્ય પદાર્થોના ઉત્પાદન સ્થળોની તપાસ કરી હતી. મકરસંક્રાંતિ દરમિયાન લોકો મોટા પ્રમાણમાં ગોળ-તલ, ચીકી, ફાફડા-ગાંઠિયા, જલેબી અને તૈયાર શાક ઉંધીયું જેવા પદાર્થોનું સેવન કરતા હોય છે. આ દૃષ્ટિએ, આરોગ્ય વિભાગે લોટ અને મસાલા જેવા રો મટિરિયલ્સ સહિતના 15 ખાદ્ય પદાર્થોના નમૂના એકત્રિત કર્યા હતા. લેવાયેલા તમામ નમૂનાઓને પૃથ્થકરણ માટે માન્ય પ્રયોગશાળામાં મોકલવામાં આવ્યા છે. પ્રયોગશાળાના અહેવાલના આધારે આગળની કાનૂની કાર્યવાહી હાથ ધરવામાં આવશે. ફૂડ સેફ્ટી ઓફિસર વિજય ઠકરારે નાગરિકોને સ્વચ્છતા અને આરોગ્ય પ્રત્યે સજાગ રહેવા, શંકાસ્પદ ખાદ્ય પદાર્થો અંગે મહાનગરપાલિકાના આરોગ્ય વિભાગને જાણ કરવા અને તહેવારોમાં શુદ્ધ તથા ગુણવત્તાયુક્ત ખોરાક જ વાપરવા અપીલ કરી હતી.

સરકારી શાળાના વિદ્યાર્થીઓનું 50 વર્ષે સ્નેહમિલન:ગુરુ વંદના સાથે જૂની યાદો તાજી કરી

સરકારી માધ્યમિક શાળા, સેક્ટર-16ના 1976 બેચના ભૂતપૂર્વ વિદ્યાર્થીઓએ રવિવાર, 11મી તારીખે સ્વામી સચ્ચિદાનંદજી બ્રહ્મભવન, સેક્ટર-16 ખાતે સ્નેહમિલન અને ગુરુ વંદના સમારોહનું આયોજન કર્યું હતું. આ સમારોહ તેમની 50 વર્ષ પૂર્વે શરૂ થયેલી શિક્ષણ યાત્રાની સ્મૃતિમાં યોજાયો હતો. આ પ્રસંગે ગાંધીનગર, અમદાવાદ ઉપરાંત વડોદરા, રાજકોટ અને ન્યૂજર્સી, અમેરિકાથી આવેલા 51 ભૂતપૂર્વ વિદ્યાર્થીઓ, શાળાના પ્રિન્સિપાલ, ટ્રસ્ટી અને 6 ગુરુજનો ઉપસ્થિત રહ્યા હતા. વિદ્યાર્થીઓએ ગુરુજનોનું ગુલાબની પાંખડીઓથી પુષ્પવર્ષા કરીને સભાખંડમાં ભાવભર્યું સ્વાગત કર્યું હતું. કાર્યક્રમની શરૂઆત સરસ્વતી વંદના અને ગુરુજનો દ્વારા દીપ પ્રાગટ્ય કરીને કરવામાં આવી હતી. વિદ્યાર્થીઓએ શાળાના દિવસોની પ્રવૃત્તિઓ અને જૂની યાદો તાજી કરી હતી. આ પ્રસંગે વિદ્યાર્થીઓએ તેમના જીવન ઘડતરમાં ગુરુજનોના મહત્વપૂર્ણ યોગદાનને સન્માનિત કર્યું હતું. ગુરુજનોને પુષ્પગુચ્છ, શાલ અને મોમેન્ટો આપીને સન્માનિત કરવામાં આવ્યા હતા. ગુરુજનોએ પોતાના વક્તવ્યમાં વિદ્યાર્થીઓના જીવનમાં પ્રગતિ અને સંસ્કાર જોઈને આનંદ વ્યક્ત કર્યો હતો. આ સ્નેહમિલન દરમિયાન ઉપસ્થિત સૌની આંખો ભાવથી ભીની થઈ હતી. ગુરુજનોએ વિદ્યાર્થીઓને વધુ પ્રગતિ કરવા અને સમાજને ઉપયોગી બનવાના આશીર્વાદ આપ્યા હતા. ગુરુજનોના હસ્તે વિદ્યાર્થીઓને મોમેન્ટોનું વિતરણ કરવામાં આવ્યું હતું. ગુરુજનો તથા મિત્રોના અવસાનની નોંધ લઈને બે મિનિટનું મૌન પણ પાળવામાં આવ્યું હતું. ત્યારબાદ પ્રીતિ ભોજનનું આયોજન કરવામાં આવ્યું હતું. સાંજે ગીત-સંગીતનો મનોરંજન કાર્યક્રમ રાખવામાં આવ્યો હતો, જેમાં મિત્રોએ જૂના ફિલ્મી ગીતો ગાઈને વાતાવરણ જીવંત બનાવ્યું હતું. બહેનો અને ભાઈઓના ગ્રુપ બનાવીને અંતાક્ષરીની રમઝટ બોલાવીને સૌએ ખૂબ આનંદ કર્યો હતો. કાર્યક્રમનો અંત ચા-બિસ્કિટ સાથે થયો અને આવતા વર્ષે ફરી મળવાના સંકલ્પ સાથે પૂર્ણાહુતિ કરવામાં આવી હતી.

રતુભાઈ અદાણી શાળામાં પતંગોત્સવની ઉજવણી:બાળકોએ પતંગ બનાવી મેળવી વ્યવસાયિક સજ્જતાની કેળવણી

મકરસંક્રાંતિના પર્વ પૂર્વે શહેરની રતુભાઈ મૂળશંકર અદાણી પ્રાથમિક શાળા ક્રમાંક 295 માં પતંગોત્સવની ઉજવણી કરવામાં આવી હતી. આ કાર્યક્રમનો મુખ્ય ઉદ્દેશ્ય બાળકોમાં તહેવારોના ઉત્સાહની સાથે કૌશલ્ય વર્ધન અને સુરક્ષા પ્રત્યે જાગૃતિ લાવવાનો હતો. આ કાર્યક્રમમાં વિદ્યાર્થીઓએ ઉત્સાહપૂર્વક ભાગ લીધો હતો. બાળકોએ માત્ર પતંગ ચગાવવાની મજા જ નહીં, પરંતુ જાતે પતંગ બનાવીને 'વ્યવસાયિક સજ્જતા'ની તાલીમ પણ મેળવી હતી. કાગળ, વાંસની સળીઓ અને ગુંદરનો ઉપયોગ કરીને બાળકોએ આકર્ષક પતંગો બનાવી પોતાની સર્જનાત્મકતા દર્શાવી હતી. આ પ્રવૃત્તિ દ્વારા વિદ્યાર્થીઓને હસ્તકલા અને આત્મનિર્ભરતાના પાઠ શીખવવામાં આવ્યા. ઉતરાયણના તહેવાર દરમિયાન થતા અકસ્માતોને ધ્યાનમાં રાખીને, શાળાના મુખ્ય શિક્ષક પંકજભાઈ ત્રિવેદી દ્વારા બાળકોને વિશેષ માર્ગદર્શન પૂરું પાડવામાં આવ્યું હતું. તેમણે ચાઇનીઝ દોરી કે કાચ પાયેલા જોખમી માંજાનો ઉપયોગ ટાળવા, રસ્તા પર પતંગ પકડવા ન દોડવા, ગળામાં મફલર કે પટ્ટી બાંધવા અને પક્ષીઓને નુકસાન ન થાય તે રીતે પર્વની ઉજવણી કરવા જણાવ્યું હતું. શાળા દ્વારા લેવામાં આવેલી આ પહેલને વાલીઓએ પણ બિરદાવી હતી. બાળકો શિક્ષણની સાથે વ્યવહારુ જ્ઞાન અને સામાજિક જવાબદારી પણ શીખે તેવા ઉમદા આશય સાથે આ પતંગોત્સવ સફળતાપૂર્વક સંપન્ન થયો.

સિલ્વર ઓક યુનિવર્સિટીમાં ‘Autonomous Hacks 26’ હેકાથોન યોજાઈ:યુવા પ્રતિભાઓએ વર્તમાન સમસ્યાઓના AI સોલ્યુશન્સ શોધ્યા

સિલ્વર ઓક યુનિવર્સિટી ખાતે 'AutonomousHacks' Agentic AI હેકાથોનનું સફળતાપૂર્વક આયોજન કરવામાં આવ્યું હતું. દેશભરના વિદ્યાર્થીઓએ ૩૬ કલાક સુધી સતત કામ કરીને વર્તમાન સમસ્યાઓ માટે ટેકનિકલ ઉકેલો રજૂ કર્યા. ભારતને 2047 સુધીમાં વિકસિત દેશ બનાવવાની દ્રષ્ટિ સાથે આ હેકાથોન યોજાઈ હતી. આ સ્પર્ધાની વિશેષતા એ હતી કે વિજેતાઓની પસંદગી માનવીય નિર્ણાયકોને બદલે 'Agentic AI' દ્વારા કરવામાં આવી હતી. 'ટીમ AML' એ પ્રથમ સ્થાન, 'ટીમ ટેક-સર્ફર્સ' એ દ્વિતીય સ્થાન અને 'ટીમ એપેક્સ' એ તૃતીય સ્થાન પ્રાપ્ત કર્યું. વિજેતા ટીમોને રોકડ પુરસ્કારો આપીને પ્રોત્સાહિત કરવામાં આવ્યા. કાર્યક્રમ દરમિયાન એક ખાસ પ્રદર્શન (વોકથ્રુ) પણ યોજાયું હતું, જ્યાં અન્ય વિદ્યાર્થીઓ અને મહેમાનોએ ટીમોના પ્રોજેક્ટ્સ નિહાળ્યા. મુલાકાતીઓએ હેકાથોનની કાર્યપ્રણાલી અને પ્રોજેક્ટ્સમાં વપરાયેલી ટેકનોલોજી વિશે જાણકારી મેળવી, જેણે તેમને ભવિષ્યના સંશોધનો માટે પ્રેરિત કર્યા. સિલ્વર ઓક યુનિવર્સિટીના મેનેજિંગ ડિરેક્ટર આદિત્ય અગ્રવાલે વિદ્યાર્થીઓના નવતર વિચારોની પ્રશંસા કરી. વિજેતાઓને કુલ 1.5 લાખ રૂપિયાના ઇનામો આપવામાં આવ્યા હતા. આ ઉપરાંત, યુનિવર્સિટી દ્વારા ડૉ. સાત્વિક ખારાએ પોતાના આઈડિયા પરથી સ્ટાર્ટઅપ શરૂ કરવા ઈચ્છતા વિદ્યાર્થીઓ માટે ૨૦ લાખ રૂપિયા સુધીના સીડ ફંડિંગની જાહેરાત કરી. આ માટેની કાર્યવાહી પણ તાત્કાલિક શરૂ કરવામાં આવી છે, જે યુવા પ્રતિભાઓ માટે પ્રગતિનું એક મોટું માધ્યમ પૂરું પાડે છે.

ગૂગલ હેકાથોનમાં 21 યુવાનોને નોકરી મળી:સિલ્વર ઓક યુનિવર્સિટીમાં ઇનોવેશન, ઇન્ક્યુબેશન અને રોજગાર

સિલ્વર ઓક યુનિવર્સિટી ખાતે તાજેતરમાં 'AutonomousHacks' 26 મેગા હેકાથોનનું આયોજન કરવામાં આવ્યું હતું. ગૂગલ દ્વારા આયોજિત આ ૩૬ કલાકની સ્પર્ધા યુવા પ્રતિભાઓ માટે કારકિર્દી અને સ્ટાર્ટઅપના નવા દ્વાર ખોલનારી સાબિત થઈ. સ્પર્ધકોએ સ્વચ્છ ભારત, સસ્ટેનેબિલિટી અને ઓપન ઇનોવેશન જેવા વિષયો પર સમાજ ઉપયોગી સોલ્યુશન્સ વિકસાવ્યા હતા. આ ઇવેન્ટમાં વિદ્યાર્થીઓ ઉપરાંત ૩૫૦ જેટલા ઉદ્યોગ જગતના વ્યાવસાયિકોએ પણ ભાગ લીધો હતો. આ આયોજન દરમિયાન ગૂગલ ડેવલોપર એક્સપર્ટસ (GDEs) દ્વારા વિશેષ ટેકનિકલ સેશન્સ લેવામાં આવ્યા હતા. કાર્યક્રમનું મુખ્ય આકર્ષણ 'ઓન-સ્પોટ જોબ ઓપોર્ચ્યુનિટી' રહ્યું, જ્યાં વિવિધ કંપનીઓના HR પ્રતિનિધિઓએ સીધા જ ઇન્ટરવ્યુ લીધા હતા. આ પ્રક્રિયામાં 63 સ્પર્ધકોને શોર્ટલિસ્ટ કરવામાં આવ્યા અને તેમાંથી ૨૧ પ્રતિભાઓની રોજગારી માટે પસંદગી કરવામાં આવી. આ ઉપરાંત, શ્રેષ્ઠ પ્રોજેક્ટ્સને રોકાણકારો સમક્ષ રજૂ કરવાની તક મળી હતી. આનાથી તેમને ફંડિંગ અને ઇન્ક્યુબેશન માટેની સુવર્ણ તક પ્રાપ્ત થઈ છે, જે સ્ટાર્ટઅપ ઇકોસિસ્ટમને વેગ આપશે. સ્પર્ધાના કલાકો દરમિયાન સ્પર્ધકોમાં ઉર્જા જાળવી રાખવા માટે મનોરંજનનું પણ ધ્યાન રખાયું હતું. યુનિવર્સિટીના ઓડિટોરિયમમાં લાઈવ બેન્ડ પરફોર્મન્સ અને જામિંગ સેશનનું આયોજન થયું. રાત્રિના સમયે બોનફાયર, સંગીત અને નાસ્તા સાથેના નેટવર્કિંગ સેશન્સે સ્પર્ધકોને માનસિક તાજગી આપી. ૩૦૦થી વધુ સ્પર્ધકોએ વર્ષ ૨૦૪૭ સુધીમાં 'વિકસિત ભારત' બનાવવાના સંકલ્પને સાકાર કરવા યોગદાન આપ્યું. આ હેકાથોનની સૌથી આધુનિક અને વિશિષ્ટ બાબત એ છે કે, સ્પર્ધકો દ્વારા તૈયાર કરવામાં આવેલા તમામ ઇનોવેશન્સ અને સોલ્યુશન્સનું મૂલ્યાંકન સંપૂર્ણપણે Agentic AI દ્વારા કરવામાં આવ્યું. ટેકનોલોજીના ઉપયોગથી પારદર્શક અને સચોટ મૂલ્યાંકનની આ પદ્ધતિએ સમગ્ર ઇવેન્ટને વૈશ્વિક સ્તરની સ્પર્ધાઓની હરોળમાં મૂકી દીધી છે.

એક મિનિટમાં અમદાવાદના ટોપ-5 ન્યૂઝ, VIDEO:કાઇટ ફેસ્ટિવલમાં રાની-ઇમરાન હાશ્મીનો જલવો, દાસના ખમણ પર તવાઈ, નારોલમાં યુવકને અધમૂઓ કર્યો

દિવ્ય ભાસ્કર એપ દ્વારા અમદાવાદ શહેરની દિવસભરની અપડેટ્સ આપવા દરરોજ અમદાવાદ ટુડે નામનું વીડિયો બુલેટિન આપી રહ્યું છે. આ બુલેટિન દરરોજ સાંજે 6.30 વાગ્યે અમદાવાદના પેજ પર પબ્લિશ કરવામાં આવે. તો એકથી દોઢ મિનિટમાં જ શહેરની ટોપ-5 ઘટનાઓ અંગે જાણવા ઉપર દર્શાવેલી તસવીર પર ક્લિક કરો.

ડોંગરેજી શાળાના બાળકો આંતરરાષ્ટ્રીય પતંગ મહોત્સવમાં જોડાયા:નવલખી ખાતે યોજાયેલા મહોત્સવમાં શિક્ષકોએ પણ ઉત્સાહભેર ભાગ લીધો

વડોદરાના નવલખી ખાતે આયોજિત આંતરરાષ્ટ્રીય પતંગ મહોત્સવમાં પૂજ્ય ડોંગરેજી મહારાજ પ્રાથમિક શાળાના બાળકો અને શિક્ષકોએ ઉત્સાહભેર ભાગ લીધો હતો. આ મુલાકાત કોર્પોરેટર જાગૃતિબેન કાકાના સૌજન્યથી શક્ય બની હતી. મહોત્સવના ઉદ્ઘાટન અને સંબોધન સાંભળી બાળકોનો ઉત્સાહ વધ્યો હતો. આ પ્રસંગે વડોદરાના સાંસદ, મેયર, અકોટાના ધારાસભ્ય, શિક્ષણ સમિતિના ચેરમેન, ઉપાધ્યક્ષ, શાસનાધિકારી, સમિતિ સભ્યો, મ્યુનિસિપલ કમિશનર સહિતના મહાનુભાવો ઉપસ્થિત રહ્યા હતા. વિવિધ દેશોમાંથી પધારેલા પતંગ રસિકો તેમજ યુટ્યુબ બ્લોગર્સ જયેશભાઈ મોચી અને સંગીતા મોચીએ બાળકો સાથે વાર્તાલાપ કર્યો હતો. તેમણે બાળકો સાથે ફોટો પડાવી તેમનો ઉત્સાહ વધાર્યો હતો. બાળકોને અલ્પાહાર અને ઠંડુ પીણું પણ પૂરું પાડવામાં આવ્યું હતું.

બ્રહ્મકુમારીઝ સંસ્થા પર યુવતીના ગંભીર આરોપ:‘પ્રસાદમાં કાઈક ખવડાવી મારી સાથે અઘટિત કર્યું’, સંસ્થાએ વળતો પ્રહાર - ‘તેનું માનસિક સંતુલન ખરાબ, VIP એન્ટ્રી બંધ કરતાં સંસ્થાને બદનામ કરવાનું કાવતરું’

જાણીતી આધ્યાત્મિક સંસ્થા બ્રહ્મકુમારીઝ ફરી એકવાર વિવાદમાં આવી છે. પોતાને હિરોઈન ગણાવતી અંકલેશ્વરની એક ગુજરાતી ફિલ્મ એક્ટ્રેસ અને મોડેલે માઉન્ટ આબુના જ્ઞાન સરોવર સેન્ટરના એક સેવક પર ગંભીર આરોપો લગાવ્યા છે. બીજી તરફ, સંસ્થાએ આ તમામ આરોપોને પાયાવિહોણા ગણાવીને યુવતી સામે કાયદેસરની કાર્યવાહી કરવાની તૈયારી દર્શાવી છે. પ્રસાદમાં કંઈક ખવડાવી અઘટિત કૃત્ય કર્યું : યુવતીઅંકલેશ્વરની આ યુવતીએ રાજસ્થાનના ઝાલોરમાં પત્રકાર પરિષદ યોજીને બ્રહ્મકુમારીઝ સંસ્થા પર ગંભીર આક્ષેપો કર્યા હતા. તેના જણાવ્યા અનુસાર માઉન્ટ આબુ જ્ઞાન સરોવરના કિચનમાં સેવા આપતા અમિત નામના વ્યક્તિએ તેને પ્રસાદમાં કંઈક નશીલું દ્રવ્ય ખવડાવી દીધું હતું. ત્યારબાદ બે કલાક સુધી તે બેભાન અવસ્થામાં હતી અને હોશમાં આવતા અમિત ભાઈ તેની પાસે હતા. યુવતીનો આરોપ છે કે તેની સાથે અઘટિત કૃત્ય કરવામાં આવ્યું છે અને તેના વીડિયો વાયરલ કરવાની ધમકી આપી બ્લેકમેઈલ કરવામાં આવી રહી છે. તેણીએ આબુ અને ગુજરાત પોલીસ પર પણ સહકાર ન આપવાનો અને ફરિયાદ ન લેવાનો આરોપ લગાવ્યો છે. યુવતીએ વધુમાં આરોપ લગાવ્યો છે કે ઘટના બાદ યુવકે તેને ફોન અને વીડિયો કોલ પર વાત કરવા દબાણ કર્યું અને બદનામ કરવાની ધમકી આપી. આ અંગે સંસ્થાને જાણ કરવા છતાં કોઈ કાર્યવાહી ન થતાં અને પોલીસ ફરિયાદ નોંધાવવામાં અડચણ આવતાં, મહિલાએ રાજસ્થાનના ઝાલોરમાં પત્રકાર પરિષદ યોજીને સમગ્ર મામલો જાહેરમાં લાવ્યો હતો. તેણે ભરૂચ સહિતની બ્રહ્માકુમારી સંસ્થાની કેટલીક 'દીદીઓ' તરફથી પણ ધમકીઓ મળતી હોવાનો દાવો કર્યો છે. બ્રહ્મકુમારીઝ સંસ્થાને બદનામ કરવાનો પ્રયાસ : પ્રભાદીદીઆ આરોપો બાદ બ્રહ્મકુમારીઝ સંસ્થાના આબુ જ્ઞાન સરોવરના ડિરેક્ટર પ્રભા દીદી અને અંકલેશ્વર સેન્ટરના અનિલા દીદીએ ભરૂચના ઝાડેશ્વર ખાતે પ્રેસ કોન્ફરન્સ યોજી હતી. સંસ્થાએ પોતાનો પક્ષ રાખતા જણાવ્યું હતું કે યુવતી તેના માતા-પિતા સાથે સંસ્થામાં આવતી હતી અને એક્ટ્રેસ હોવાનો રોફ મારી VIP એન્ટ્રી અને ટ્રીટમેન્ટ મેળવતી હતી. યુવતીના ચાલ-ચલણ યોગ્ય ન હોવાથી અને સંસ્થામાં ધાક-ધમકીઓ આપતી હોવાથી તેને આબુ અને અંકલેશ્વર સેન્ટર પર પ્રવેશબંધી ફરમાવવામાં આવી હતી. આ જ કારણથી તે સંસ્થાને બદનામ કરી રહી છે. 2024માં યુવતી વિરુદ્ધ સંસ્થાએ પોલીસમાં અરજી આપી હતીનોંધપાત્ર છે કે આ યુવતી અગાઉ અંકલેશ્વરની ગાર્ડન સિટીમાં કાર સળગાવી દેવાના વિવાદમાં પણ ચર્ચામાં આવી ચૂકી છે. વર્ષ 2024માં પણ અંકલેશ્વર જીઆઈડીસી પોલીસ મથકે આ યુવતી વિરુદ્ધ અપશબ્દો બોલવા અને હેરાનગતિ કરવા બદલ બ્રહ્મકુમારીઝ સંસ્થા દ્વારા અરજી આપવામાં આવી હતી. સંસ્થા દ્વારા યુવતી વિરુદ્ધ માઉન્ટ આબુમાં પોલીસ ફરિયાદની તજવીજ હાથ ધરાઇબ્રહ્મકુમારીઝ સંસ્થાએ સ્પષ્ટ કર્યું છે કે જ્ઞાન સરોવરના સેવક પર લાગેલા તમામ આરોપો ખોટા છે. યુવતી ખોટી એક્ટિંગ કરીને સંસ્થાની છબી ખરડાવવાનો પ્રયાસ કરી રહી છે. આ મામલે હવે સંસ્થા દ્વારા આબુમાં યુવતી વિરુદ્ધ પોલીસ ફરિયાદ નોંધાવવાની તજવીજ હાથ ધરવામાં આવી છે.

અમરાઈવાડીની શાળાઓમાં પતંગોત્સવની ઉજવણી:શિક્ષકો અને વિદ્યાર્થીઓએ ઉત્સાહભેર ભાગ લીધો

અમદાવાદના અમરાઈવાડીના સત્યમનગર વિસ્તારમાં આવેલી રૂપાબા વિદ્યામંદિર સ્કૂલ, વિદ્યામંદિર પ્રાથમિક શાળા અને સનફ્લાવર ઇંગલિશ મીડિયમ સ્કૂલમાં પતંગોત્સવની ઉજવણી કરવામાં આવી હતી. આ ઉત્સવમાં શાળાના શિક્ષકો અને મોટી સંખ્યામાં વિદ્યાર્થીઓએ ભાગ લીધો હતો.શાળા દ્વારા વિદ્યાર્થીઓને પતંગનું વિતરણ કરવામાં આવ્યું હતું. બાળકો પોતાના ઘરેથી દોરા, તલ અને સિંગની ચિક્કી લઈને આવ્યા હતા.શાળાના સંચાલક નિલયભાઈ શુક્લા અને નિશાંતભાઈ ગજ્જરે વિશેષ ઉપસ્થિત રહી બાળકો સાથે પતંગ ચગાવ્યા હતા, જેનાથી બાળકોનો ઉત્સાહ વધ્યો હતો.કાર્યક્રમના અંતે, બાળકો અને શિક્ષકોએ નાસ્તો કર્યો હતો. આ પ્રસંગે બાળકોને ઉત્તરાયણમાં પક્ષીઓ અને અન્ય જીવોને નુકસાન ન થાય તે અંગે સલાહ આપવામાં આવી હતી.કાર્યક્રમ સમાપ્તિ પર, શાળાના આચાર્ય આર. ડી. દરજીએ ઉપસ્થિત સૌનો આભાર વ્યક્ત કર્યો હતો.

સિલ્વર ઓક યુનિવર્સિટીમાં ગૂગલ AI મેગા હેકાથોન યોજાઈ:દેશભરના યુવાનો માટે 'AutonomousHacks'નું આયોજન

સિલ્વર ઓક યુનિવર્સિટીમાં ગૂગલ ફોર ડેવલપર્સ દ્વારા નેશનલ લેવલ AI મેગા હેકાથોન 'AutonomousHacks'નું આયોજન કરવામાં આવ્યું હતું. આ કાર્યક્રમ GDG ઓન કેમ્પસ સિલ્વર ઓક યુનિવર્સિટી, GDG ગાંધીનગર અને GDG ક્લાઉડ ગાંધીનગરના સંયુક્ત ઉપક્રમે યોજાયો હતો. કાર્યક્રમનો પ્રારંભ દીપ પ્રાગટ્ય અને સરસ્વતી વંદના સાથે થયો હતો. આ પ્રસંગે IBM ઇન્ડિયાના પ્રોગ્રામ ડિરેક્ટર ડૉ. રીંકેશ બંસલ અને ઈટર્નલ વેબના ડિરેક્ટર નીરવ શાહ મુખ્ય અતિથિ તરીકે ઉપસ્થિત રહ્યા હતા. સિલ્વર ઓક યુનિવર્સિટીના એડવાઇઝર ડૉ. એમ. એન. પટેલ અને કોલેજ ઓફ ટેક્નોલોજીના ડીન ડૉ. સાત્વિક ખારાએ પણ હાજરી આપી યુવા પ્રતિભાઓને પ્રોત્સાહિત કર્યા હતા. આ ૩૬ કલાકની હેકાથોન માટે દેશભરમાંથી 2000થી વધુ સ્પર્ધકોએ રજિસ્ટ્રેશન કરાવ્યું હતું. સંપૂર્ણ AI આધારિત મૂલ્યાંકન દ્વારા પસંદ કરાયેલા ૩૦૦થી વધુ પ્રોફેશનલ AI ડેવલપર્સ, સ્ટુડન્ટ્સ અને ઇનોવેટર્સને ફાઇનલ રાઉન્ડમાં ભાગ લેવાની તક મળી હતી. આ ઇવેન્ટની એક મુખ્ય વિશેષતા તેનું અત્યાધુનિક સંચાલન હતું. ભારતમાં પ્રથમ વખત, કોઈ હેકાથોનની સંપૂર્ણ પ્રક્રિયા, પ્રોજેક્ટ ડેવલપમેન્ટથી લઈને અંતિમ પરિણામ સુધી, સંપૂર્ણ રીતે AI એજન્ટ્સ દ્વારા સંચાલિત કરવામાં આવી હતી. ઉપસ્થિત મહાનુભાવોએ તેમના વક્તવ્યમાં એજેન્ટિક AI અને ભારત સરકારના 'IndiaAI Mission' ના મહત્વ પર ભાર મૂક્યો હતો. તેમણે 'મેકિંગ AI ઇન ઇન્ડિયા અને મેકિંગ AI વર્ક ફોર ઈન્ડિયા'ના ધ્યેય સાથે રાષ્ટ્રીય વિકાસમાં ટેકનોલોજીની ભૂમિકા અંગે માર્ગદર્શન પૂરું પાડ્યું હતું.

બગસરા નગરપાલિકાના પ્રમુખ મહિલા પણ નિર્ણયો પતિ લેતા હોવાનો આક્ષેપ:હાઇકોર્ટમાં અરજી થતા તપાસના નિર્દેશ, કોર્ટે કહ્યું- ચૂંટણી લડવાની યોગ્યતા ન હોય તો ચૂંટણી લડવી જોઈએ નહીં

ગુજરાત હાઇકોર્ટમાં બગસરાના એક રહેવાસીએ એડવોકેટ સિદ્ધાંત પારાસર મારફતે અરજી દાખલ કરી છે. જેમાં જણાવ્યું છે કે બગસરા નગરપાલિકાના પ્રમુખ જ્યોત્સનાબેન રીબડીયા છે. પરંતુ તેમની જગ્યાએ તેમના પતિ અરવિંદભાઈ રીબડીયા પ્રમુખ તરીકે કાર્ય કરે છે. આમ તેઓ એક પ્રોક્સી પ્રમુખ છે. આ સંદર્ભે અરજીમાં કમિશનર નગરપાલિકા, કમિશનર મ્યુનિસિપાલટી, બગસરા મ્યુનિસિપાલટી અને હાઇકોર્ટના આદેશથી વર્તમાન પ્રમુખ જ્યોત્સનાબેન રીબાડીયાને જોડવામાં આવ્યા છે. અરજદારે 16 જુન, 2025ના રોજ સંલગ્ન ઓથોરિટી સમક્ષ આ સંદર્ભે તપાસ કરી પગલાં લેવા માટે રજૂઆત કરી હતી. પરંતુ તેનો કોઈ જવાબ ન મળતા તેને હાઇકોર્ટમાં અરજી દાખલ કરી છે. મહિલા પ્રમુખના પતિ નગરપાલિકાના નિર્ણયો લેતા હોવાની રજૂઆતઅરજીમાં તેઓએ જણાવ્યું છે કે મહિલા પ્રમુખ વતી તેમના પતિ નગરપાલિકાના નિર્ણયો લે છે. ઠરાવ પણ તેઓ જ કરે છે. જેના ફોટોગ્રાફ કોર્ટ સમક્ષ મૂકવામાં આવ્યા હતા. જેમાં દેખાય છે કે તેઓ પ્રેસ મીડિયાને પણ સંબોધન કરી રહ્યા છે અને પ્રમુખની ખુરશી ઉપર બેઠા છે. એવોર્ડ પણ તેઓ જાતે લઈ રહ્યા છે. અરજદાર દ્વારા આક્ષેપ કરાયો છે કે, મહિલા પ્રમુખના પતિ નગરપાલિકામાં ખોટા બિલો બનાવે છે અને ઘાલમેલ કરે છે. નગરપાલિકાને મળતા ફંડનો દુરુપયોગ કરે છે અને ભ્રષ્ટાચારના આક્ષેપ તેમની પર કરવામાં આવ્યા છે. સાથે જ આ બાબતે તેમની સાથે નગરપાલિકાના અધિકારીઓ અને સરકારી કર્મચારીઓ સંડોવાયેલા હોવાનો પણ આક્ષેપ કરાયો છે. જેને લઇને નાગરિકો અને નગરપાલિકાને નુકસાન થઈ રહ્યું હોવાનું અરજદારનું કહેવું છે. અરજદારે વધુમાં જણાવ્યું હતું કે, મહિલા પ્રમુખ નગરપાલિકામાં આવતા નથી અને તેમના પતિ જ બધું કાર્ય કરે છે. ચૂંટણી લડવાની યોગ્યતા ન હોય તો મહિલાએ ચૂંટણી લડવી જોઈએ નહીં- હાઈકોર્ટબગસરા નગરપાલિકાના વકીલે જણાવ્યું હતું કે, આક્ષેપ સાચા નથી તેની તપાસ કર્યા બાદ જ તેમાં કેટલું વજુદ છે તે ખબર પડે. હાઇકોર્ટે કહ્યું હતું કે જો ચૂંટણી લડવાની યોગ્યતા ન હોય તો મહિલાએ ચૂંટણી લડવી જોઈએ નહીં. કેવી રીતે મહિલા પ્રમુખની ખુરશી ઉપર તેમના પતિ બેસી શકે ! હાઇકોર્ટે રીજીયોનલ કમિશનર મ્યુનિસિપાલટીને આ સંદર્ભે તપાસ કરીને કાયદા મુજબ પગલાં લેવા નિર્દેશ આપ્યા છે . ઉલ્લેખનીય છે કે ઉપરોક્ત હુકમ કરનાર મહિલા જજ આજે નિવૃત્ત થઈ રહ્યા છે. તેમને નોંધ્યું કહ્યું હતું કે જો તેઓ થોડો સમય વધુ હોત તો રિજીયોનલ કમિશનરને રૂબરૂ હાઇકોર્ટમાં બોલાવત.

PTC તાલીમાર્થીઓએ બાળકોને શિક્ષણ આપ્યું:પૂજ્ય ડોંગરેજી શાળામાં 8 દિવસીય ઈન્ટર્નશીપ સફળતાપૂર્વક પૂર્ણ

સરકારી બુનિયાદી અધ્યાપન મંદિર, સુરસાગરના PTC તાલીમાર્થીઓએ પૂજ્ય ડોંગરેજી મહારાજ પ્રાથમિક શાળામાં 8 દિવસીય ઈન્ટર્નશીપ સફળતાપૂર્વક પૂર્ણ કરી છે. આ તાલીમ 5 થી 13 જાન્યુઆરી દરમિયાન યોજાઈ હતી. તાલીમાર્થીઓએ પોતાના જ્ઞાનનો ઉપયોગ કરીને બાળકોને વિવિધ વિષયોનું શિક્ષણ આપ્યું હતું. તેમણે પ્રાર્થના સભાને દરરોજ નવું જ્ઞાન, જોડકણાં, ઉખાણાં, બાળગીત, સમાચાર અને વિવિધ રમતગમત દ્વારા જીવંત બનાવી હતી. આનાથી શાળામાં રોચક શૈક્ષણિક વાતાવરણ ઊભું થયું હતું. આ ઈન્ટર્નશીપ દરમિયાન તાલીમાર્થીઓએ શાળામાં શિક્ષણ કાર્યનો સુંદર અનુભવ મેળવ્યો હતો, જે તેમના ભવિષ્યના શૈક્ષણિક કાર્ય માટે ખૂબ ઉપયોગી બનશે.

સ્વધા ફાઉન્ડેશન દ્વારા 50 વંચિત બાળકોને ધાબળા અપાયા:ગાંધીનગરના ઝુંડાલમાં દાતાના જન્મદિવસ નિમિત્તે કાર્યક્રમ

ગાંધીનગરના ઝુંડાલ ખાતે સ્વધા સોશિયલ ફાઉન્ડેશન દ્વારા 11 જાન્યુઆરી, 2025ના રોજ 50 વંચિત બાળકોને ધાબળાનું વિતરણ કરવામાં આવ્યું. આ બાળકો સ્વધા સોશિયલ ફાઉન્ડેશનમાં અભ્યાસ કરે છે. આ સેવા કાર્ય દાતા ભીમસિંહજીના ધર્મપત્નીના જન્મદિવસ નિમિત્તે આયોજિત કરવામાં આવ્યું હતું.કાર્યક્રમમાં બાળ અધિકાર સંરક્ષણ આયોગના અધ્યક્ષ શ્રીમતી ધર્મિષ્ઠાબેન ગજ્જર મુખ્ય મહેમાન તરીકે ઉપસ્થિત રહ્યા હતા. તેમની સાથે ઉત્તર ભારતીય વિકાસ પરિષદના સંગઠન મંત્રી શ્રી અનિલ સિંહ ચૌહાણ પણ હાજર રહ્યા હતા. આ પ્રસંગે સ્વધા સોશિયલ ફાઉન્ડેશનના પ્રમુખ સંદીપ શ્રીવાસ્તવ અને બી.આર. પાંડે પણ ઉપસ્થિત રહ્યા હતા.

એચ.એ. કોલેજમાં સ્વામી વિવેકાનંદની જન્મજયંતિ ઉજવાઈ:164મી જન્મજયંતિ નિમિત્તે કાર્યક્રમનું આયોજન

ગુજરાત લો સોસાયટી સંચાલિત એચ.એ. કોલેજ ઓફ કોમર્સમાં સ્વામી વિવેકાનંદની 164મી જન્મજયંતિની ઉજવણી કરવામાં આવી હતી. કોલેજની સ્થાપનાના 70 વર્ષની ઉજવણીના ભાગરૂપે આ કાર્યક્રમ એનએસએસ દ્વારા આયોજિત કરાયો હતો. આ પ્રસંગે કોલેજના પ્રિન્સિપાલ સંજય વકીલે સ્વામી વિવેકાનંદના જીવન અને કાર્યો પર પ્રકાશ પાડ્યો હતો. તેમણે જણાવ્યું કે સ્વામી વિવેકાનંદ નાની ઉંમરથી જ આધ્યાત્મિકતા તરફ વળ્યા હતા. તેઓ પ્રતિભાસંપન્ન અને શ્રુતિધર હતા, જેમની યાદશક્તિ અદ્ભુત હતી. તેઓ રામાયણ, મહાભારત, ભગવદગીતા અને ઉપનિષદો વિશે સચોટ વ્યાખ્યાનો આપતા હતા. રામકૃષ્ણ પરમહંસને ગુરુ બનાવ્યા બાદ તેમણે ધર્મના પ્રચાર અને સેવાકીય પ્રવૃત્તિઓ માટે સંસ્થાની સ્થાપના કરી હતી. આ પ્રવૃત્તિઓમાં શૈક્ષણિક, સાંસ્કૃતિક, આરોગ્ય અને જરૂરિયાતમંદોને મદદરૂપ થવાનો સમાવેશ થાય છે. પરિવ્રાજક તરીકે તેમણે સમગ્ર ભારતની યાત્રા કરી, જેમાં ઘણા સંતો, રાજાઓ અને વિદ્વાનો સાથે વિચારોની આપ-લે કરી. ગુજરાતના પ્રવાસ દરમિયાન તેમણે અમદાવાદ, લીંબડી, દ્વારકા, પોરબંદર સહિતના સ્થળોની મુલાકાત લીધી હતી. તેમનો મુખ્ય સિદ્ધાંત આત્મમુક્તિ અને સમગ્ર વિશ્વના કલ્યાણ માટેના વિચાર સાથે રામકૃષ્ણ મિશનની શરૂઆત કરવાનો હતો. વર્ષ 1893માં અમેરિકાના શિકાગોમાં યોજાયેલી વિશ્વ ધર્મ પરિષદમાં તેમણે ભારતનું પ્રતિનિધિત્વ કર્યું હતું. તેમના પ્રવચનમાં તેમણે ભારતના પ્રાચીન ગ્રંથોનો ઉલ્લેખ કરીને 'વસુધૈવ કુટુમ્બકમ્'નો વિચાર વ્યક્ત કર્યો હતો. સ્વામી વિવેકાનંદને આધુનિક ભારતના ઘડવૈયા અને ભારતની સ્વાતંત્ર્ય ચળવળને પોતાના વિચારોથી વેગ આપનાર મહાનુભાવ તરીકે યાદ કરવામાં આવે છે.આ કાર્યક્રમનું આયોજન કરનાર એનએસએસના વિદ્યાર્થીઓને સ્વામી વિવેકાનંદના પુસ્તકો ભેટ સ્વરૂપે આપવામાં આવ્યા હતા. કાર્યક્રમનું સંચાલન પ્રો. ચેતન મેવાડા અને પ્રો. એચ.બી. ચૌધરીએ કર્યું હતું.

ઊનની શાળામાં રાષ્ટ્રીય યુવા દિવસની ઉજવણી:સ્વામી વિવેકાનંદ જન્મ જયંતિ નિમિત્તે કાર્યક્રમો યોજાયા

ઊન ખાતે આવેલી રતુભાઈ મૂળશંકર પ્રાથમિક શાળા ક્રમાંક: 295માં રાષ્ટ્રીય યુવા દિવસની ઉજવણી કરવામાં આવી. આ કાર્યક્રમનો મુખ્ય હેતુ વિદ્યાર્થીઓમાં સ્વામી વિવેકાનંદના આદર્શો અને વિચારોનું સિંચન કરવાનો હતો. કાર્યક્રમની શરૂઆત શાળાના આચાર્ય અને શિક્ષકગણ દ્વારા સ્વામી વિવેકાનંદની તસવીરને પુષ્પાંજલિ અર્પણ કરીને કરવામાં આવી. પ્રાર્થના સભામાં વિદ્યાર્થીઓએ સ્વામીજીના જીવનના પ્રસંગો અને તેમના પ્રેરણાદાયી સુવિચારો રજૂ કર્યા હતા. આ પ્રસંગે યુવાનો અને રાષ્ટ્ર નિર્માણ વિષય પર વક્તૃત્વ સ્પર્ધા યોજાઈ હતી, જેમાં વિદ્યાર્થીઓએ સુંદર વક્તવ્ય આપ્યા. વિદ્યાર્થીઓએ સ્વામીજીના અમર સંદેશા, જેમ કે ઉઠો, જાગો અને ધ્યેય પ્રાપ્તિ સુધી મંડ્યા રહો ના પ્લેકાર્ડ્સ બનાવીને પ્રદર્શન કર્યું હતું. સ્વામી વિવેકાનંદ શારીરિક અને માનસિક સ્વાસ્થ્યના આગ્રહી હતા. આ ભાવનાને અનુરૂપ, શાળાના વિદ્યાર્થીઓએ વિવિધ યોગાસનો અને સૂર્ય નમસ્કારનું પ્રદર્શન કર્યું.શાળાના આચાર્ય પંકજ ત્રિવેદીએ પ્રાસંગિક ઉદ્બોધનમાં જણાવ્યું કે આજનો વિદ્યાર્થી આવતીકાલનો જવાબદાર નાગરિક છે. તેમણે ઉમેર્યું કે જો વિદ્યાર્થીઓ સ્વામીજીના આત્મવિશ્વાસ અને દેશપ્રેમના ગુણોને આત્મસાત કરે, તો ભારત ચોક્કસપણે વિશ્વગુરુ બની શકે છે.સમગ્ર કાર્યક્રમનું સંચાલન શાળાના ઉપશિક્ષક બિંદીયાબેન દ્વારા કરવામાં આવ્યું હતું. રાષ્ટ્રગીત સાથે આ કાર્યક્રમની પૂર્ણાહુતિ થઈ.

પાટણમાં વિવેકાનંદ જયંતિએ 'વેદાંતની સિંહગર્જના' પર વક્તવ્ય:સિદ્ધપુરના રમેશ જોષીએ સ્વામી વિવેકાનંદના જીવન-સંદેશ પર પ્રકાશ પાડ્યો

પાટણમાં 'મને જાણો' કાર્યક્રમ અંતર્ગત સ્વામી વિવેકાનંદજીની જન્મજયંતિ નિમિત્તે 'વેદાંતની સિંહગર્જના' વિષય પર એક વક્તવ્યનું આયોજન કરવામાં આવ્યું હતું. પાટણના ઐતિહાસિક શ્રીમંત ફતેહસિંહરાવ સાર્વજનિક પુસ્તકાલય દ્વારા સ્વ. કિર્તીકુમાર જયસુખરામ પારધીના સૌજન્યથી ચાલતા આ કાર્યક્રમમાં સિદ્ધપુરના વતની અને સંઘ પ્રચારક વિદ્વાન વક્તા રમેશભાઈ જોષીએ પ્રવચન આપ્યું હતું. તેમણે 'ભારતનું વિરલ વ્યક્તિત્વ સ્વામી વિવેકાનંદજીના વેદાંતની સિંહગર્જના' વિષય પર વિસ્તૃત માહિતી આપી. આ પ્રસંગે રમેશભાઈ જોષીએ 12 જાન્યુઆરી 1863ના રોજ સ્વામી વિવેકાનંદજીના જન્મથી લઈને તેમના જીવનના વિવિધ પ્રસંગોનું ટૂંકમાં વર્ણન કર્યું હતું. તેમણે જણાવ્યું કે વિવેકાનંદજીને બાળપણથી જ માતા-પિતા અને દાદા તરફથી આધ્યાત્મિક, સંસ્કારલક્ષી, વિદ્યાનુરાગી અને ધર્માનુરાગી લક્ષણો વારસામાં મળ્યા હતા. વક્તાએ 1863 થી 1884 દરમિયાન તેમના વિદ્યાભ્યાસના પ્રસંગો, વાંચન અને પુસ્તકો પ્રત્યેનો પ્રેમ તેમજ તેમની પ્રખર બૌદ્ધિક શક્તિ વિશે વાત કરી હતી. 1884 થી 1888 સુધી ગુરુ રામકૃષ્ણ પરમહંસ સાથેના તેમના વિવિધ પ્રસંગો અને ગુરુના ઉપદેશોના પ્રચાર-પ્રસારની પણ ચર્ચા કરવામાં આવી હતી. ખાસ કરીને, તેમણે ગુરુજીના 'દયા અને કરુણાના ભાવથી નહીં, પરંતુ શિવત્વના ભાવથી સેવા કરવી' તે ઉપદેશને પોતાના જીવનમાં ઉતાર્યો હતો. 1888 થી 1892 સુધી સ્વામી વિવેકાનંદે ભારતભ્રમણ કરીને દેશની પરિસ્થિતિ જાણી અને સમજી હતી. તેમણે હિન્દુ સમાજનું દર્શન લોકોને કરાવવાનો નિર્ધાર કર્યો હતો. 11 સપ્ટેમ્બર 1893ના રોજ શિકાગો ખાતે યોજાયેલી ધર્મસંસદમાં તેમણે વેદાંત, સનાતન અને હિન્દુધર્મની સિંહગર્જના કરી હતી. ત્યારથી 2002 સુધી તેમણે દેશ-વિદેશમાં વેદાંતનું જ્ઞાન પીરસ્યું હતું. તેમણે નિર્ભયતા, શારીરિક ક્ષમતા, જાતિવાદ, અંધશ્રદ્ધા, પંથવાદ અને ધર્માંધતાથી દૂર રહેવા આહ્વાન કર્યું હતું. સાથે જ, સહિષ્ણુતા અને પ્રેમ દ્વારા 'ઉઠો, જાગો અને ધ્યેય પ્રાપ્ત ન થાય ત્યાં સુધી જાગ્યા રહો' તે સૂત્ર આપ્યું હતું. આ પ્રસંગે મનુભાઈ પટેલ, દિનેશભાઈ પ્રજાપતિ, વાલજીભાઈ ચૌધરી, કુલદીપભાઈ લોહાણા સહિત અનેક મહાનુભાવો પુસ્તકાલયમાં ઉપસ્થિત રહ્યા હતા. કાર્યક્રમનો પરિચય નગીનભાઈ અને જ્યોતિન્દ્રભાઈએ આપ્યો હતો, જ્યારે આભારવિધિ મહાસુખભાઈ મોદીએ કરી હતી.

રાહી ફાઉન્ડેશન દ્વારા મનોદિવ્યાંગ બાળકો સાથે ઉત્તરાયણની ઉજવણી:પતંગ, ચીકી, ખજૂર અને ભોજન સાથે આનંદમય પર્વ મનાવાયું

રાહી ફાઉન્ડેશન દ્વારા ઉત્તરાયણ (મકરસંક્રાંતિ) પર્વની લર્નિંગ ક્લિનિક સ્કૂલ, હીમાવન, પાલડી ખાતે મનોદિવ્યાંગ બાળકો સાથે ઉજવણી કરવામાં આવી. આ પ્રસંગે બાળકોને પતંગ, ફીરકી, ચશ્મા, પીપુડી, ખજૂર અને ચીકી જેવી વસ્તુઓ આપવામાં આવી હતી. ઉજવણીના ભાગરૂપે બાળકોને ઉંધિયું, જલેબી, પૂરી, દાળ અને ભાત સહિતનું ભોજન પણ પીરસવામાં આવ્યું હતું. આ કાર્યક્રમનો મુખ્ય હેતુ મનોદિવ્યાંગ બાળકોના ચહેરા પર ખુશી લાવવાનો અને તેમને તહેવારનો આનંદ આપવાનો હતો. આ પતંગોત્સવ કાર્યક્રમના સહયોગી તરીકે અશોક દલાલ અને સ્નેહા હેતલ શાહ પરિવારે વિશેષ યોગદાન આપ્યું હતું. રાહી ફાઉન્ડેશન તરફથી શ્રી જયેશ પરીખ, નિહારિકા પરીખ, અશોક દલાલ, જ્યોત્સ્ના દલાલ, અલ્પા શાહ અને સ્નેહા શાહ સહિતના સભ્યો ઉપસ્થિત રહ્યા હતા.કાર્યક્રમની સુંદર વ્યવસ્થા બદલ મનોદિવ્યાંગ સ્કૂલના સ્ટાફનો આભાર વ્યક્ત કરવામાં આવ્યો હતો.

હેલ્પ્સ ફાઉન્ડેશન દ્વારા મકરસંક્રાંતિએ બાળકોને બોર-ચીકીનું વિતરણ:ગામડાની શાળાના બાળકોમાં તહેવારની ખુશી વહેંચાઈ

મકરસંક્રાંતિના પવિત્ર તહેવારે હેલ્પ્સ ફાઉન્ડેશન દ્વારા અમદાવાદના વિરમગામ તાલુકાના ગામડાની શાળાના બાળકોને બોર, ચીકી અને મમરાના લાડુનું વિતરણ કરવામાં આવ્યું. આ કાર્યક્રમનો હેતુ આર્થિક રીતે પછાત પરિવારોના બાળકોમાં તહેવારની ખુશી વહેંચવાનો હતો. વિતરણ કરાયેલી વસ્તુઓમાં બોર, ચીકી અને મમરાના લાડુનો સમાવેશ થાય છે. આ પરંપરાગત ખાદ્ય પદાર્થો પૌષ્ટિક તત્વોથી ભરપૂર હોય છે. ચીકી અને મમરાના લાડુમાં રહેલો ગોળ શરીરને ઊર્જા પ્રદાન કરે છે અને શિયાળામાં સ્વાસ્થ્ય માટે લાભદાયી મનાય છે. બોર બાળકોમાં ગ્રામ્ય સ્વાદ અને પ્રકૃતિ સાથેનું જોડાણ મજબૂત કરે છે. આ વિતરણથી બાળકોને સ્વચ્છ, પૌષ્ટિક અને પરંપરાગત આહાર મળ્યો, જે તેમના આરોગ્ય અને વિકાસ માટે ઉપયોગી છે. આ કાર્યક્રમ બાળકોના મનમાં સમાનતા અને સમાવેશની ભાવના જગાડે છે. જ્યારે તમામ બાળકોને એકસરખી રીતે તહેવારની ભેટ મળે છે, ત્યારે તેઓ પોતાને સમાજનો મહત્વનો ભાગ અનુભવે છે. હેલ્પ્સ ફાઉન્ડેશન દ્વારા કરવામાં આવેલું આ વિતરણ સામાજિક જવાબદારીનું ઉત્તમ ઉદાહરણ પૂરું પાડે છે. આવા કાર્યો સમાજમાં સંવેદનશીલતા અને સહકારના મૂલ્યોને મજબૂત બનાવે છે. તે જરૂરિયાતમંદ બાળકોના ચહેરા પર સ્મિત લાવવાનું કાર્ય કરે છે અને આવા સેવાકાર્યો પ્રેરણાદાયક બની રહે છે.

રાની મુખર્જી-ઇમરાન હાશ્મીને જોઈ ચાહકો પાગલ બન્યા:સીરિયલ કિસર પોળ પર આફરિન, અમદાવાદ કાઇટ ફેસ્ટિવલમાં 'તસ્કરી'ની સ્ટારકાસ્ટનો જબરદસ્ત જલવો

અમદાવાદમાં યોજાયેલા ઇન્ટરનેશનલ કાઇટ ફેસ્ટિવલમાં બીજા દિવસે બોલિવુડ એક્ટ્રેસ રાની મુખર્જી અને ઇમરાન હાશ્મીને જોઈ ચાહકો પાગલ બન્યા. જ્યારે સીરિયલ કિસર ઈમરાન હાશ્મી કાઇટ ફેસ્ટિવલની પોળ થીમ પર આફરિન થયાં. 'તસ્કરી:ધ સ્મલગર્સ વેબ'સિરીઝની સ્ટારકાસ્ટનો જબરદસ્ત જલવો જોવા મળ્યો. જ્યારે ગ્લેમરસ રાની મુખર્જીએ પતંગ ચગાવીનો મોજ માણી હતી. ચાહકોએ તેમની આ અદા પર ઓવારી જઈને ભારે ચિચિયારીઓ સાથે સ્વાગત કર્યું હતું. કાઇટ ફેસ્ટીવલમાં બીજા દિવસે બોલિવુડ સ્ટારની એન્ટ્રીઅમદાવાદ રિવરફ્રન્ટ પર ઈન્ટરનેશનલ કાઇટ ફેસ્ટિવલનું આયોજન કરાયું છે. આજે કાઇટ ફેસ્ટીવલના બીજા દિવસે બોલિવુડ એક્ટ્રેસ રાની મુખર્જી અને એક્ટર ઇમરાન હાશમી આવ્યા હતા. અને અહીં મેયર પ્રતિભા જૈન અને સ્ટેન્ડિંગ કમિટી ચેરમેન દેવાંગ દાણી સાથે પતંગ ઉડાવી હતી. એક્ટ્રેસ રાની મુખર્જી અને એક્ટર ઇમરાન હાશ્મી રિવરફ્રન્ટમાંઆજે અમદાવાદમાં બોલીવુડ એક્ટ્રેસ રાની મુખર્જી અને એક્ટર ઇમરાન હાશ્મી રિવરફ્રન્ટ ખાતે યોજાઈ રહેલા ઈન્ટરનેશનલ કાઇટ ફેસ્ટિવલમાં આવ્યા હતા. આ દરમિયાન રાની મુખર્જી સાથે અમદાવાદ મ્યુનિસિપલ કોર્પોરેશનના મેયર પ્રતિભા જૈન અને સ્ટેન્ડિંગ કમિટીના ચેરમેન તેમની સાથે સાથે ફર્યા હતા. રાનીની ઝલક જોવા શહેરીજનો ઉમટ્યારાની મુખર્જીની એક ઝલક જોવા શહેરીજનો ઉમટી પડ્યા હતા. બોલીવુડ એક્ટ્રેસે અહીં પતંગબાજો પાસેથી પતંગ લઈને ઉડાવી હતી અને ચીઅર કર્યું હતું. આ ઉપરાંત બોલીવુડ એક્ટ્રેસે હેરિટેજ પોળની પણ મુલાકાત લીધી હતી અને નિહાળી હતી. ઇમરાન હાશ્મીએ પોળની થીમના વખાણ કર્યાજ્યારે ઇમરાન હાશ્મીએ અમદાવાદ હેરિટેજ સિટીને લઈને વખાણ કર્યા હતા. જે પ્રમાણે અહીંયા અમદાવાદ હેરિટેજ સિટીની પોળની થીમ તૈયાર કરવામાં આવી છે તેને લઈને પણ ઇમરાન હાશ્મીએ વખાણ કર્યા હતા અને એમની આવતીકાલે રિલીઝ થતી સિરીઝ 'તસ્કરી:ધ સ્મલગર્સ વેબ' વિશે પણ તેઓએ વાત કરી હતી. સાંજે ગુજરાતી લોક કલાકારોનું પર્ફોર્મજોકે, આજે સાંજે અહીં ગુજરાતી લોક કલાકારો પર્ફોર્મ કરવામાં આવશે. આ પર્ફોમન્સ જોવા માટે પર પર્સન 50 રૂપિયાની ટિકિટ રાખવામાં આવી છે. આ પતંગોત્સવ 17 જાન્યુઆરી સુધી ચાલશે. એવો નિર્ણય તંત્ર દ્વારા કરવામાં આવ્યો છે.

હેત પ્રજાપતિએ રાજ્ય કક્ષાની જ્વેલિન થ્રોમાં પ્રથમ સ્થાન મેળવ્યું:અંડર-૧૧ સ્પર્ધામાં એક્સેલન્ટ ઇન્ટરનેશનલ સ્કૂલના વિદ્યાર્થીએ શાળાનું ગૌરવ વધાર્યું

ચિલ્ડ્રન યુનિવર્સિટી, ગાંધીનગર દ્વારા આયોજિત રાજ્ય કક્ષાની અંડર-11 એથ્લેટિક મીટમાં એક્સેલન્ટ ઇન્ટરનેશનલ સ્કૂલના વિદ્યાર્થી હેત કેયુરભાઈ પ્રજાપતિએ જ્વેલિન થ્રો સ્પર્ધામાં પ્રથમ સ્થાન પ્રાપ્ત કર્યું છે. આ સ્પર્ધા સુરતની વીર નર્મદ યુનિવર્સિટી ખાતે યોજાઈ હતી. હેત હંસપુરા સ્થિત એક્સેલન્ટ ઇન્ટરનેશનલ સ્કૂલમાં ધોરણ-૫ માં અભ્યાસ કરે છે.તેણે આ સિદ્ધિ મેળવીને શાળા અને તેના પરિવારનું ગૌરવ વધાર્યું છે.

બે દિવસ ઠંડી ધ્રૂજાવશે:અમદાવાદમાં ફ્લાઈટનું લેન્ડિંગ બે વાર ફેલ, મુસાફરોનાં જીવ તાળવે ચોંટ્યાં, જેતપુર પાસે સ્પીડમાં જતી કારનું ટાયર ફાટતાં કરૂણાંતિકા

અમિત શાહે ગાંધીનગરને આપી કરોડોની ભેટ કેન્દ્રીય ગૃહમંત્રી અમિત શાહે ગુજરાતની પહેલી હાઈ ટેક બાયો સેફ્ટી લેવલ -4 લેબનો શિલાન્યાસ કર્યો. આ સિવાય પણ તેમણે ગાંધીનગરને કરોડોના વિકાસ કામોની ભેટ આપી... આ સમાચાર વિસ્તારથી વાચવા અને વીડિયો જોવા ક્લિક કરો PM ડિગ્રી વિવાદમાં કેજરીવાલ-સંજયસિંહને ઝટકો કેજરીવાલ-સંજયસિંહને ગુજરાત હાઇકોર્ટમાંથી ઝટકો..PMના ડિગ્રી કેસમાં બંને સામે માનહાનિ કેસ ચાલશે..કેજરીવાલે 2023માં પીએમની ડિગ્રી અંગે નિવેદન કરતા ગુજ યુનિ.એ માનહાનીનો કેસ કર્યો હતો. આ સમાચાર વિસ્તારથી વાચવા અને વીડિયો જોવા ક્લિક કરો ફ્લાઈટનું લેન્ડિંગ બે વાર ફેલ થતા મુસાફરો ગભરાયા અમદાવાદ એરપોર્ટ પર મુંબઈથી અમદાવાદ આવતી ફ્લાઈટનું બે વાર લેન્ડિંગ ફેલ થતા મુસાફરોના જીવ તાળવે ચોંટ્યા.પ્રયાસો કરવા છતાં ફ્લાઈટ બે વાર ઉપર આવી ગઈ હતી.. આખરે ફ્લાઈટને જયપુર લેન્ડ કરવામાં આવી હતી. આ સમાચાર વિસ્તારથી વાચવા અને વીડિયો જોવા ક્લિક કરો પેરાશૂટ સાથે પટકાયો અજાણ્યો યુવક જામનગરના કાલાવડમાં હેલીપેડ સોસાયટીમાં એક યુવક પેરાશૂટ સાથે વીજ વાયર પર પડ્યો... 100 ફૂટની ઊંચાઈએથી પડ્યા બાદ યુવક ફરાર થયો છે. યુવક કોણ હતો ને ક્યાંથી આવ્યો તેની તપાસ હાથ ધરાઈ છે. આ સમાચાર વિસ્તારથી વાચવા અને વીડિયો જોવા ક્લિક કરો પૂરઝડપે જતી કારનું ટાયર ફાટ્યું, પત્નીનું મોત જેતપુર-ધોરાજી નેશનલ હાઇવે પર પૂરઝડપે જતી એક કારનું ટાયર ફાટી જતાં કાર ફંગોળાઇ હતી. કારમાં સવાર દંપતીમાંથી પત્નીનું ઘટનાસ્થળે જ મોત નીપજ્યું છે, જ્યારે પતિ ગંભીર હાલતમાં હોસ્પિટલમાં છે. આ સમાચાર વિસ્તારથી વાચવા અને વીડિયો જોવા ક્લિક કરો હત્યાના આરોપીઓની જાહેરમાં સરભરા સુરત પોલીસે હત્યાના આરોપીઓને જાહેરમાં લાકડીથી ફટકાર્યા .. પોલીસ આરોપીઓને રિકન્સ્ટ્રક્શન માટે લઈને આવી હતી, ત્યારે પોલીસની આ કાર્યવાહીને લોકોએ પણ વધાવી. આ સમાચાર વિસ્તારથી વાચવા અને વીડિયો જોવા ક્લિક કરો આવતીકાલે ભારત ન્યુઝીલેન્ડ વચ્ચે બીજી મેચ રાજકોટમાં આવતીકાલે નિરંજન શાહ સ્ટેડિયમમાં ભારત ન્યુઝીલેન્ડ વચ્ચે બીજી વન ડે રમાશે. આ પહેલા આજે ખેલાડીઓએ મેદાનમાં નેટ પ્રેક્ટિસ કરી. રાજકોટમાં વિરાટ કોહલી અને રોહિત શર્માની આ છેલ્લી વન ડે મેચ હોય તેવી શક્યતા છે. આ સમાચાર વિસ્તારથી વાચવા અને વીડિયો જોવા ક્લિક કરો ઉત્તરાયણ પછી આવશે ઉંધિયાના રિપોર્ટ ઉત્તરાયણ પહેલા આજે એએમસીના ફૂડ વિભાગે વિવિધ વિસ્તારોમાં ફરસાણ- નમકીન અને મીઠાઈની દુકાનોમાં ચેકિંગ હાથ ધર્યું છે.જો કે ,તમે જે ઉંધિયું ખાધું એની ક્વોલિટી સારી હી કે ખરાબ એ તમને ઉત્તરાયણ પછી ખબર પડશે. કેમ કે આજે લીધેલા સેમ્પલના રિપોર્ટ આવતા સમય લાગશે. આ સમાચાર વિસ્તારથી વાચવા અને વીડિયો જોવા ક્લિક કરો ઈન્ટરનેશનલ કાઈટ ફેસ્ટિવલની શરુઆત વડોદરામાં ઈન્ટરનેશનલ કાઈટ ફેસ્ટિવલ.. રિમોટવાળી પતંગે રંગ જમાવ્યો.. અમેરિકા સહિત 18 દેશોમાંથી 52 પતંગબાજો વડોદરા આવ્યો..વિદેશીઓ ગુજરાતી મહેમાનગતિ પર ફીદા થયા. આ સમાચાર વિસ્તારથી વાચવા અને વીડિયો જોવા ક્લિક કરો ઉત્તરાયણ અને વાસી ઉત્તરાયણે જામશે ઠંડીનું જોર આગામી 24 કલાક બાદ ફરી એકવાર તાપમાનમાં 2થી 3 ડિગ્રી સેલ્સિયસનો ઘટાડો થવાની શક્યતા છે. જેના કારણે ઉત્તરાયણ અને વાસી ઉત્તરાયણના દિવસે રાજ્યમાં ફરી ઠંડીનો ચમકારો અનુભવાઈ શકે છે.. આ સમાચાર વિસ્તારથી વાચવા અને વીડિયો જોવા ક્લિક કરો

પાટણ BAPS મંદિરમાં શાકોત્સવની ઉજવણી:ઉત્તમપ્રિય સ્વામીએ સત્સંગ સભાનો લાભ આપ્યો

પાટણ બીએપીએસ સ્વામિનારાયણ મંદિર ખાતે શાકોત્સવનું સુંદર આયોજન કરવામાં આવ્યું હતું. આ પ્રસંગે સંસ્થાના પૂજ્ય ઉત્તમપ્રિય સ્વામી દ્વારા સત્સંગ સભાનો લાભ આપવામાં આવ્યો હતો. સ્વામિનારાયણ સંપ્રદાયમાં મહોત્સવોનું વિશેષ મહત્વ છે. ધનુર માસ દરમિયાન શાકોત્સવની ઉજવણી કરવામાં આવે છે. ભગવાન સ્વામિનારાયણે આજથી 200 વર્ષ પહેલા લોયા ગામ ખાતે ભક્તોને પોતાના હાથે રીંગણનું શાક અને રોટલો બનાવી પ્રસાદ આપ્યો હતો. આ ઉત્સવનો મુખ્ય હેતુ ભક્તોને આધ્યાત્મિક માર્ગે ચાલવાની પ્રેરણા આપવાનો, હરિભક્તોને એકબીજાને મળતા રહેવાનો અને દિવ્ય તેમજ ભક્તિમય જીવન જીવવા માટે પ્રોત્સાહિત કરવાનો છે.ભગવાન સ્વામિનારાયણની આ ઉત્સવ પરંપરા આજે પણ સ્વામિનારાયણ સંપ્રદાયમાં જીવંત છે. બીએપીએસ સ્વામિનારાયણ સંસ્થાના પરમ પૂજ્ય પ્રમુખસ્વામી મહારાજ અને મહંતસ્વામી મહારાજના આશીર્વાદથી ધનુર માસ નિમિત્તે સંપ્રદાયના દરેક મંદિરમાં શાકોત્સવની ઉજવણી કરવામાં આવે છે. સનાતન ધર્મની ધજા દેશ-વિદેશમાં ફરકાવનાર પ્રમુખસ્વામી મહારાજે 1200થી વધુ મંદિરોનું નિર્માણ કર્યું છે. દેશ-વિદેશમાં પણ આ ધનુર માસમાં શાકોત્સવની ઉજવણી થાય છે. આજે પાટણના હરિભક્તોએ પણ બીએપીએસ મંદિર ખાતે શાકોત્સવનો પ્રસાદ લઈ ધન્યતા અનુભવી હતી.

કાંકરિયા શાળામાં પક્ષી સંરક્ષણ જાગૃતિ કાર્યક્રમ યોજાયો:SAJAG NGO દ્વારા ઘાયલ પક્ષીઓની મફત સારવારની માહિતી અપાઈ

કાંકરિયાની દીવાન-બલ્લુભાઈ પ્રાથમિક શાળામાં પર્યાવરણ અને પક્ષી સંરક્ષણના ઉદ્દેશ્ય સાથે 'SAVE BIRDS – ઘાયલ પક્ષીઓની મફત સારવાર' વિષયક જાગૃતિ કાર્યક્રમ યોજાયો. આ કાર્યક્રમ SAJAG NGOના સહયોગથી સફળતાપૂર્વક સંપન્ન થયો. કાર્યક્રમમાં SAJAG NGOના પ્રતિનિધિઓએ વિદ્યાર્થીઓને ઘાયલ કે બીમાર પક્ષીઓને ઓળખવા, તેમને સુરક્ષિત રીતે બચાવવા, પ્રાથમિક સારવાર આપવી અને મફત સારવાર માટે સંપર્ક કરવા અંગે વિગતવાર માહિતી આપી. ઉનાળામાં પક્ષીઓ માટે પાણીના પાત્ર મૂકવાના મહત્વ અને પતંગોત્સવ દરમિયાન પક્ષીઓને થતી ઇજાઓ વિશે પણ જાગૃતિ ફેલાવવામાં આવી. વિદ્યાર્થીઓએ ઉત્સાહભેર કાર્યક્રમમાં ભાગ લીધો અને પક્ષી સંરક્ષણ અંગે મહત્વપૂર્ણ જાણકારી મેળવી. શાળાના આચાર્ય બિપીનચંદ્ર પંચાલે અને શિક્ષકોએ SAJAG NGOના આ કાર્યને બિરદાવ્યું. તેમણે જણાવ્યું કે આવા જાગૃતિ કાર્યક્રમો વિદ્યાર્થીઓમાં માનવતા અને પર્યાવરણ પ્રત્યે સંવેદનશીલતા વિકસાવવામાં મદદરૂપ થાય છે.આ કાર્યક્રમથી વિદ્યાર્થીઓમાં પક્ષીપ્રેમ, કરુણા અને પર્યાવરણ સંરક્ષણ પ્રત્યે સકારાત્મક દૃષ્ટિકોણ વિકસાવવામાં મદદ મળી.

વડોદરામાં કન્સ્ટ્રક્શન સાઇટની દિવાલ ધરાશાયી:જૈન દેરાસર પાસે દિવાલ નીચે યુવક દબાતા ફાયબ્રિગેડે અડધો કલાકની જહેમત બાદ બહાર કાઢ્યો, ઈજાગ્રસ્ત હાલતમાં હોસ્પિટલમાં ખસેડાયો

વડોદરા શહેરના આજવા રોડ વિસ્તારમાં ચાલી રહેલી કન્સ્ટ્રક્શનની કામગીરી દરમિયાન અચાનક દીવાલ ધરાશાયી થઈ ગઈ, જેના કારણે એક યુવક કાટમાળ નીચે દબાઈ ગયો હતો. ઘટનાની જાણી છતાં પાણીગેટ ફાયર બ્રિગેડની ટીમ ઘટના સ્થળે પહોંચી ગઈ હતી અને અડધો કલાક સુધી રેસ્ક્યુ ઓપરેશન કરીને યુવકને બહાર કાઢ્યો હતો અને હોસ્પિટલમાં મોકલી આપ્યો હતો. વડોદરાના આજવા રોડ પર આવેલ મહાવીર હોલની પાછળ આવેલ જૈન દેરાસર પાસે કન્સ્ટ્રક્શનની કામગીરી ચાલી રહી હતી. આ સમયે અચાનક જ દિવાલ ધરાશાયી થઈ હતી. જેથી સાઇટ પર કામ કરી રહેલા 35 વર્ષીય યુવક સંજયભાઈ દીવાલ પડતાની સાથે જ નીચે દબાઈ ગયા હતા. ઘટનાને પગલે આસપાસના લોકોના ટોળેટોળા એકત્ર થઈ ગયા હતા અને તુરંત જ ફાયર બ્રિગેડ ની જાણ કરી હતી. ઘટનાની જાણ થતાં જ તાત્કાલિક પાણીગેટ ફાયર વિભાગની ટીમ ઘટનાસ્થળે પહોંચી ગઈ હતી અને રેસ્ક્યુ ઓપરેશન શરૂ કર્યું હતું.ફાયર વિભાગની ટીમે અંદાજે અડધા કલાકના પ્રયાસો બાદ કાટમાળ હટાવીને સંજયભાઈને બહાર કાઢ્યા હતા. રેસ્ક્યુ બાદ તેમને તાત્કાલિક 108 ઇમર્જન્સી એમ્બ્યુલન્સ દ્વારા નજીકની હોસ્પિટલમાં ખસેડવામાં આવ્યા હતા. સંજયભાઈને પગના ભાગે ગંભીર ઇજાઓ પહોંચી છે. તેમની સ્થિતિ હાલ સ્થિર હોવાનું કહેવાય છે, પરંતુ વધુ તપાસ અને સારવાર ચાલુ છે. આ ઘટના બાદ સ્થળ પર પોલીસ પણ પહોંચી હતી પાણીગેટ ફાયર સ્ટેશનના સબ ફાયર ઓફિસર હરીલાલ મહેશ્વરીએ જણાવ્યું હતું કે, અમને કોલ મળતાની સાથે જ અમે ટીમ સાથે દોડી ગયા હતા. અને દિવાલની નીચેથી યુવકને રેસ્ક્યુ કરીને બહાર કાઢ્યો હતો અને તેને સારવાર માટે હોસ્પિટલ લઈ જવામાં આવ્યો છે.

વલભી વિદ્યાવિહારમાં રાષ્ટ્રીય યુવા દિનની ઉજવણી:વિદ્યાર્થીઓને સ્વામી વિવેકાનંદના જીવનમાંથી પ્રેરણા અપાઈ

અમદાવાદના નવા વાડજ વિસ્તારમાં આવેલી વલ્લભી વિદ્યાવિહાર ઉચ્ચતર માધ્યમિક શાળામાં રાષ્ટ્રીય યુવા દિનની ઉજવણી કરવામાં આવી. સવારે સમૂહ પ્રાર્થના દરમિયાન આ કાર્યક્રમનું આયોજન થયું હતું. આ પ્રસંગે નિધિબેન ગોહિલ, નિરવભાઈ સોની, હિનાબેન, ઉમંગભાઈ અને મેહુલભાઈ ઠક્કરે વિદ્યાર્થીઓને સ્વામી વિવેકાનંદના જન્મથી નિર્વાણ સુધીના પ્રેરક પ્રસંગો વિશે વિવિધ ઉદાહરણો દ્વારા માહિતગાર કર્યા હતા. મેહુલભાઈ ઠક્કરે ઉત્તરાયણની ઉજવણી અને કરુણા અભિયાન વિશે પણ સમજ આપી હતી. શાળાના આચાર્ય નિમેશકુમાર જાનીએ સ્વામી વિવેકાનંદ અને રામકૃષ્ણ પરમહંસના પ્રથમ મેળાપની વાત કરી હતી. તેમણે શિકાગો ખાતે વિશ્વ ધર્મ પરિષદમાં સ્વામી વિવેકાનંદે ભારત તરફથી સનાતન ધર્મનું પ્રતિનિધિત્વ કર્યું, તે ઘટનાનું વર્ણન કર્યું હતું. આચાર્યશ્રીએ વિદ્યાર્થીઓને (નવ સંકલ્પ )લેવા પ્રેરણા આપી હતી. જેમાં (1)બ્રહ્મ મુહૂર્તમાં ઉઠવું, (2)હળવો વ્યાયામ કરવો,(3) ધ્યાન કરવું,(4) પોતાના જીવનનો ધ્યેય નક્કી કરવો(5), સંયમિત જીવન જીવવું( 6) પોતાના મન સાથે આત્મનિરીક્ષણ કરવું (7) લાચાર ન બનવું (8)(9) દીન દુઃખીઓની ની સેવા કરવી જેવી બાબતોનો સમાવેશ થાય છે. તેમણે આશરે દોઢ કલાક સુધી આ વિષયો પર વિસ્તૃત સમજ આપી હતી. કાર્યક્રમના અંતે નિધિબેન ગોહિલે તમામ વિદ્યાર્થીઓ અને સ્ટાફ મિત્રોને આ સંકલ્પોનું પાલન કરવા શપથ લેવડાવ્યા હતા.

વડોદરાના ખેલાડીઓએ નેશનલ કરાટે ચેમ્પિયનશિપમાં ૫ મેડલ જીત્યા:મુંબઈમાં આયોજિત સ્પર્ધામાં ગુજરાતનું પ્રતિનિધિત્વ કર્યું

મુંબઈ ખાતે જાપાન કરાટે એસોસિએશન ઓફ ઇન્ડિયા દ્વારા તાજેતરમાં સીનિયર નેશનલ કરાટે ચેમ્પિયનશિપનું આયોજન કરવામાં આવ્યું હતું. આ સ્પર્ધામાં વડોદરાના ખેલાડીઓએ ઉત્કૃષ્ટ પ્રદર્શન કરીને કુલ ૬ મેડલ જીત્યા હતા, જેમાં ચાર ગોલ્ડ, એક સિલ્વર અને એક બ્રોન્ઝ મેડલનો સમાવેશ થાય છે. આ ખેલાડીઓએ ગુજરાત રાજ્યનું પ્રતિનિધિત્વ કર્યું હતું. વડોદરાના કરાટે ઇન્સ્ટ્રક્ટર સેન્સાઇ વિશાલ નિઝામાએ બે ગોલ્ડ મેડલ જીત્યા હતા. તેમના વિદ્યાર્થીઓમાંથી શાલીન શુક્લાએ એક સિલ્વર મેડલ, સુહાન ઝાલાએ એક ગોલ્ડ મેડલ અને કનુશ્રી ચૌધરીએ એક ગોલ્ડ તથા એક બ્રોન્ઝ મેડલ મેળવ્યો હતો. આ રાષ્ટ્રીય ચેમ્પિયનશિપમાં દેશના વિવિધ રાજ્યોમાંથી સ્પર્ધકોએ ભાગ લીધો હતો. જેમાં આસામ, જમ્મુ કાશ્મીર, પશ્ચિમ બંગાળ, ઝારખંડ, ગુજરાત, મહારાષ્ટ્ર, કર્ણાટક, કેરળ અને તમિલનાડુ જેવા રાજ્યોના પ્રતિસ્પર્ધીઓનો સમાવેશ થાય છે.

હારીજ કોલેજમાં રાષ્ટ્રીય યુવા દિવસની ઉજવણી:સ્વામી વિવેકાનંદના સંદેશ પર વિશેષ વ્યાખ્યાન યોજાયું

હારીજ ખાતેની સરકારી વિનયન અને વિજ્ઞાન કોલેજમાં 12 જાન્યુઆરી, 2026ના રોજ રાષ્ટ્રીય યુવા દિવસની ઉજવણી કરવામાં આવી હતી. સ્વામી વિવેકાનંદની જયંતી નિમિત્તે ઉદ્દીશા પ્રકલ્પ અંતર્ગત એક વિશેષ વ્યાખ્યાન કાર્યક્રમનું આયોજન થયું હતું. આ કાર્યક્રમનો મુખ્ય હેતુ યુવાનોમાં સ્વામી વિવેકાનંદના વિચારો, તેમના જીવનદર્શન અને રાષ્ટ્રનિર્માણ માટેના સંદેશને ઉજાગર કરવાનો હતો. યુવાનોને પ્રેરણા આપીને સકારાત્મક દિશામાં વાળવાનો પ્રયાસ કરાયો હતો. કાર્યક્રમના વક્તા તરીકે રામશીભાઈ પટેલે ઉપસ્થિત રહીને વ્યાખ્યાન આપ્યું હતું. તેમણે રાષ્ટ્રીય યુવા દિવસ 2026ની થીમ સ્વને પ્રજ્વલિત કરો, વિશ્વને પ્રભાવિત કરો પર ભાર મૂક્યો હતો. પટેલે સ્વામી વિવેકાનંદના જીવન, યુવા શક્તિ, આત્મવિશ્વાસ, શિસ્ત અને રાષ્ટ્રસેવા અંગે પ્રેરણાદાયક વાતો કરી હતી. તેમના વિચારોએ વિદ્યાર્થીઓમાં નવી ઊર્જા અને વિચારશક્તિ જગાડી હતી. કોલેજના વિદ્યાર્થીઓ મોટી સંખ્યામાં અને ઉત્સાહભેર આ કાર્યક્રમમાં હાજર રહ્યા હતા. વ્યાખ્યાન દરમિયાન વિદ્યાર્થીઓએ ધ્યાનપૂર્વક સાંભળીને પ્રેરણા મેળવી, જે યુવાનોમાં સકારાત્મક ચેતના જગાડવામાં મદદરૂપ થયું. આ કાર્યક્રમનું સંચાલન ઉદ્દીશા પ્રકલ્પના કો-ઓર્ડિનેટર માનસિંહભાઈ એમ. ચૌધરી દ્વારા સુચારુ રીતે કરવામાં આવ્યું હતું. સમગ્ર કાર્યક્રમ કોલેજના આચાર્ય ડો. ટેકપાલસિંહ આનંદના માર્ગદર્શન હેઠળ સફળતાપૂર્વક સંપન્ન થયો હતો.

LJK યુનિવર્સિટીના વિદ્યાર્થીઓએ ક્રિકેટ ટુર્નામેન્ટનું આયોજન કર્યું:Knights ટીમે 5 વિકેટથી વિજય મેળવ્યો, દિગ્વિજય 'પ્લેયર ઓફ ધ ટુર્નામેન્ટ'

LJK યુનિવર્સિટીના LJ Integrated MBA – 5 Year Program ના વિદ્યાર્થીઓ દ્વારા એક ક્રિકેટ ટુર્નામેન્ટનું આયોજન કરવામાં આવ્યું હતું. આ ટુર્નામેન્ટ સંપૂર્ણપણે વિદ્યાર્થીઓ દ્વારા સંચાલિત હતી, જેનો મુખ્ય હેતુ તેમને રમતગમતની સાથે મોટા પાયે ઇવેન્ટ આયોજન અને સંચાલનનો વ્યવહારુ અનુભવ પૂરો પાડવાનો હતો. ORVO Clothing ના સૌજન્યથી આ ટુર્નામેન્ટની મેચો 5 જાન્યુઆરીથી 7 જાન્યુઆરી 2026 દરમિયાન LJK યુનિવર્સિટીના ક્રિકેટ ગ્રાઉન્ડ ખાતે યોજાઈ હતી.ફાઇનલ મેચ Inferno અને Knights ટીમો વચ્ચે રમાઈ હતી, જેમાં Knights ટીમે 5 વિકેટથી શાનદાર વિજય મેળવ્યો હતો. વિજેતા ટીમને ટ્રોફી અને મેડલ આપી સન્માનિત કરવામાં આવી હતી. સેમેસ્ટર 6ના વિદ્યાર્થી દિગ્વિજયને 'પ્લેયર ઓફ ધ ટુર્નામેન્ટ' તરીકે પસંદ કરવામાં આવ્યો હતો.

સ્વામી વિવેકાનંદ જયંતિએ રાષ્ટ્રીય યુવા દિવસ ઉજવાયો:સમી કોલેજમાં ધોરણ 6ની મૈથિલી ભટ્ટ મુખ્ય વક્તા

આજે 12 જાન્યુઆરી, 2026ના રોજ પાટણ જિલ્લાના સમી ખાતે આવેલી સરકારી વિનયન અને વાણિજ્ય કૉલેજમાં રાષ્ટ્રીય યુવા દિવસની ઉજવણી કરવામાં આવી. સ્વામી વિવેકાનંદની જન્મજયંતિ નિમિત્તે આયોજિત આ કાર્યક્રમમાં રાધનપુરની વલ્લભનગર પ્રાથમિક શાળાની ધોરણ ૬ની વિદ્યાર્થિની મૈથિલી આનંદપ્રસાદ ભટ્ટને મુખ્ય વક્તા તરીકે આમંત્રિત કરવામાં આવી હતી. મૈથિલીએ પોતાના વક્તવ્યમાં સ્વામી વિવેકાનંદના ઉચ્ચ વિચારો આજના સમાજને કેવી રીતે પરિવર્તિત કરી શકે છે અને એક સાચા યુવાને રાષ્ટ્ર માટે સદૈવ પ્રયત્નશીલ રહેવું જોઈએ તેવા મુદ્દાઓ પર ભાર મૂક્યો હતો. તેના પ્રવચનથી કૉલેજના વિદ્યાર્થીઓ અને અધ્યાપકો ખૂબ પ્રભાવિત થયા હતા. આ કાર્યક્રમનું આયોજન કૉલેજના આચાર્ય ડૉ. ટી. પી. આનંદના માર્ગદર્શન હેઠળ કૉલેજના સ્વામી વિવેકાનંદ કેન્દ્ર દ્વારા કરવામાં આવ્યું હતું. કેન્દ્રના કન્વીનર ડૉ. આરતીબેન પ્રજાપતિએ પોતાના ઉદ્બોધનમાં વિવેકાનંદજીના વિચારોની પ્રસ્તુતતા પર ભાર મૂકી વિદ્યાર્થીઓને તેમના પુસ્તકો વાંચવા પ્રેરણા આપી. કૉલેજના પ્રાધ્યાપક પ્રો. જેવત ચૌધરીએ પણ સ્વામી વિવેકાનંદ પર પોતાના વિચારો રજૂ કર્યા હતા. આ પ્રસંગે કૉલેજના સ્વામી વિવેકાનંદ કેન્દ્ર ખાતે વિવેકાનંદના જીવન પર આધારિત પુસ્તકોની પ્રદર્શની પણ ગોઠવવામાં આવી હતી, જેને વિદ્યાર્થીઓ અને અધ્યાપકોએ નિહાળી હતી. કાર્યક્રમના અંતે કૉલેજના વરિષ્ઠ પ્રાધ્યાપક પ્રો. સંજય પટેલે આભાર વિધિ કરી હતી.

શિયાળા બાદ રિપોર્ટ આવશે !:રાજકોટ મનપાનાં ફૂડ વિભાગ દ્વારા ઉત્તરાયણને લઈ ઉંધીયુ, જલેબી-ફાફડા અને વિવિધ ચીકી સહિત 10 નમુના લેવાયા, 15 વેપારીને નોટિસ

રાજકોટ મનપાનાં ફૂડ વિભાગ દ્વારા મકરસંક્રાંતિનાં તહેવારને અનુલક્ષીને શહેરના વિવિધ વિસ્તારોમાં ખાદ્યચીજોના વેચાણ કરતા એકમો પર સઘન ચેકિંગ હાથ ધરવામાં આવ્યું છે. જેમાં ઊંધિયું, જલેબી અને ફાફડા તેમજ ચીકી સહિત 10 ખાદ્ય સામગ્રીના નમૂના લઈ લેબોરેટરીમાં મોકલવામાં આવ્યા છે. જોકે તમામ નમુનાઓનો રિપોર્ટ શિયાળા બાદ જ આવશે. ત્યાં સુધી વેપારીઓ ઉપર કોઈપણ કાર્યવાહી થઈ શકશે નહીં. આ ચેકીંગ દરમિયાન ફૂડ વિભાગે તહેવારોમાં વધુ વપરાતી ચીજવસ્તુઓની ગુણવત્તા જળવાય તે હેતુથી પંડયાઝ રસથાળ, જલારામ રેસ્ટોરેન્ટ અને જય હિંગળાજ રેસ્ટોરેન્ટમાંથી ઊંધિયુંના નમૂના લીધા હતા. આ ઉપરાંત શ્રી અંબિકા ફરસાણ અને વરિયા સ્વીટ માર્ટમાંથી જલેબી-ફાફડા તેમજ ઠક્કર ગૃહ ઉદ્યોગ અને રાજશક્તિ ફરસાણમાંથી વિવિધ પ્રકારની ચીકીના નમૂના મેળવી લેબોરેટરીમાં પરીક્ષણ અર્થે મોકલી આપ્યા હતા. જોકે હંમેશની જેમ તેનો રિપોર્ટ 2-3 મહિના બાદ એટલે કે ઉનાળામાં આવે તેવી શક્યતા છે. ફૂડ વિભાગની ટીમ અને FSW વાન દ્વારા શહેરના ITI હોકર્સ ઝોનથી આજીડેમ ચોકડી સુધીના વિસ્તારમાં ફૂડ સેફ્ટી સ્ટાન્ડર્ડ એક્ટ 2006 હેઠળ કુલ 17 ધંધાર્થીઓની ચકાસણી કરી હતી. દરમિયાન લાયસન્સ બાબતે ગેરરીતિ જણાતા 15 ધંધાર્થીઓને નોટિસ આપવામાં આવી હતી. લાલપરી બ્યુટીફિકેશન પ્રોજેક્ટ અંગે મનપાની સ્પષ્ટતા, જમીન સંપૂર્ણપણે દબાણમુક્ત, ટૂંક સમયમાં કામ શરૂ થશે રાજકોટ મહાનગરપાલિકા દ્વારા શહેરના સૌંદર્યમાં વધારો કરવાના હેતુથી લાલપરી બ્યુટીફિકેશન પ્રોજેક્ટ અમલમાં મૂકવામાં આવ્યો છે. મહાનગરપાલિકા દ્વારા સ્પષ્ટતા કરવામાં આવી છે કે આ પ્રોજેક્ટ જે જમીન પર સાકાર થવાનો છે તે સંપૂર્ણપણે દબાણમુક્ત છે અને ત્યાં કોઈપણ ગેરકાયદેસર દબાણ કે અવરોધ અસ્તિત્વમાં નથી. આ કામગીરી મનપાની અધિકૃત માલિકીની જમીન પર જ હાથ ધરવામાં આવી રહી છે. પ્રોજેક્ટ અંતર્ગત લેકફ્રન્ટના વિકાસ માટે ટેન્ડર પ્રક્રિયા પૂર્ણ કરી દેવામાં આવી છે અને એજન્સીની નિમણૂક પણ થઈ ચૂકી છે, જેથી ટૂંક સમયમાં સ્થળ ઉપર કામગીરી શરૂ કરવામાં આવશે. લાલપરી પ્રોજેક્ટ કુલ 18265 ચો.મી.ના એરિયામાં પથરાયેલો છે, જેમાં લેકફ્રન્ટની બાજુમાં અંદાજે 1.0 કિમીની લંબાઈમાં કામગીરી થશે. આ બ્યુટીફિકેશનમાં 10950 ચો.મી.નું ગાર્ડન વર્ક, 1 કિમીની ગેબિયન વોલ, 850 રનીંગ મીટરની ફૂટપાથ અને 1650 રનીંગ મીટરનો વોકિંગ ટ્રેક તૈયાર કરવામાં આવશે. આ ઉપરાંત રોડ સાઈડ 860 રનીંગ મીટરની લંબાઈમાં ડેવલપમેન્ટ અને ગજેબો જેવી સુવિધાઓનો પણ સમાવેશ થાય છે.પ્રદ્યુમન પાર્કની મુલાકાતે આવતા પ્રવાસીઓ અને શહેરના નાગરિકો માટે અહીં ચિલ્ડ્રન પ્લે એરિયા, ગ્રીનબેલ્ટ અને બેસવા માટેની આધુનિક વ્યવસ્થા ઉભી કરવામાં આવશે. લૅન્ડસ્કેપિંગ અને લાઈટિંગ જેવી સુવિધાઓથી આ પ્રોજેકટ સજ્જ બનશે. આવતીકાલે ઘવાયેલા પક્ષીઓના બચાવ માટે જીવદયા કેમ્પનું આયોજન રાષ્ટ્રસંત પરમ ગુરુદેવશ્રી નમ્રમુનિ મહારાજ સાહેબની પ્રેરણાથી અર્હમ યુવા સેવા ગૃપ અને કરુણા ફાઉન્ડેશનના સહયોગથી મકરસંક્રાતિના દિવસે પતંગ-દોરાથી ઘાયલ પક્ષીઓને શાતા પમાડવાના ભાવ સાથે તેમજ ઘવાયેલા પક્ષીઓ મોતને ન ભેટે તેવા ભાવ સાથે ‘અર્હમ જીવદયા સહાય’ અંતર્ગત મોદી સ્કૂલ, 150 ફુટ રીંગ રોડ, ગાંધીગ્રામ પોલીસ ચોકીની બાજુમાં તેમજ ટાટાના શો રૂમ પાસે, ઉમિયા ચોક તથા ક્રિસ્ટલ મોલ સામે, કાલાવડ રોડ પર ’જીવદયા કેમ્પ’નું આયોજન કરવામાં આવ્યું છે, જેમાં વેટરનીટી ડોક્ટરોની ટીમ તથા જીવદયા પ્રેમીઓના સહયોગથી ઘવાયેલા પક્ષીઓની સારવાર કરવામાં આવશે. ઘાયલ પક્ષીઓને જીવદયા કેમ્પ સુધી પહોંચાડનાર દરેક જીવદયા પ્રેમીને પ્રોત્સાહિત કરવામાં આવશે. રાજકોટ શહેરમાં કોઇ પણ જગ્યાએ ઘવાયેલ પક્ષીઓ જણાય તો મો.નં.91364 42491, 98984 99954 ઉપર સંપર્ક કરવા જણાવાયુ છે. કેમ્પ કાલે તા.14 બુધવાર સવારે 8 થી રાત્રે 8 સુધી કાર્યરત રહેશે.

AMCના 11 પ્લોટના વેચાણથી 916 કરોડની આવક:ગોતા, સોલા અને એસજી હાઈવેના પ્લોટો 104 કરોડના વધુ ભાવે વેચાયા, સિંધુભવન રોડ પરનો પ્લોટ 25 કરોડથી વધારે ભાવે વેચાયો

શહેરના સિંધુભવન રોડ, સોલા, ગોતા, વંદે માતરમ રોડ અને મકરબા વિસ્તારમાં આવેલા પ્લોટ વેચાતા AMCને રૂ. 916 કરોડની આવક થશે. AMCના એસ્ટેટ વિભાગ દ્વારા 811.87 કરોડની અપસેટ વેલ્યુ મકુવામાં આવી હતી તેના કરતા રૂપિયા 104.45 કરોડ વધુ ભાવ મળ્યા છે. સૌથી વધારે સિંધુભવન રોડ ઉપર આવેલા પ્લોટની મૂળ કિંમત કરતા 24.18 કરોડ રૂપિયા વધારે ભાવમાં પ્લોટનું વેચાણ થયું છે. કુલ વિવિધ વિસ્તારોમાં આવેલા મ્યુનિસિપલ કોર્પોરેશનની માલિકીના કુલ 15 પ્લોટ જાહેર હરાજીથી વેચાણ માટે મુકવામાં આવ્યા હતા. જેમાં 11 પ્લોટનું વેચાણ કરવામાં આવ્યું છે. અમદાવાદ મ્યુનિસિપલ કોર્પોરેશનનાં એસ્ટેટ વિભાગ દ્વારા AMCની વેબસાઇટ www.ahmedabadcity.gov.in તથા GNFC Ltd.ના વિભાગ Code Solutionsની વેબસાઇટ https://e-auction.nprocure.com પર 6 ડિસેમ્બર 2025નાં રોજ સેલ ફોર રેસિડેન્શિયલ અને સેલ ફોર કોમર્શિયલ હેતુવાળા 15 પ્લોટોને ઇ-ઓક્શન દ્વારા વેચાણથી નિકાલ કરવા માટે ટેન્ડર પ્રસિધ્ધ કરાયું હતું. ત્યાર બાદ Code Solutionsની વેબસાઇટ પર ઓનલાઇન રજીસ્ટ્રેશન કરાવી હરાજીમાં ભાગ લેવા માટે ટેન્ડર ફોર્મ અને ઇ.એમ.ડીની રકમ જમા કરાવવા માટે 6 ડિસેમ્બર 2025થી 5 જાન્યુઆરી 2026 સુધીનો સમયગાળો નિયત કરવામાં આવ્યો હતો. આ ઉપરાંત 8 જાન્યુઆરી 2026થી 12 જાન્યુઆરી 2026 સુધી ઇ-ઓક્શન રાખવામાં આવ્યું હતું. મ્યુનિસિપલ કોર્પોરેશનના એસ્ટેટ વિભાગમાં દ્વારા જાહેર હરાજીથી વેચાણ માટે મૂકવામાં આવેલા 15 પ્લોટોમાંથી 11 પ્લોટો માટે ઓફરો આવી હતી. પ્રાપ્ત થયેલી 4 ઓફરો મુજબ, તમામ 11 પ્લોટોના ઈ-ઓક્શનથી કુલ અપેક્ષિત આવક રૂ. 916.32 કરોડ થવાની છે. જ્યારે કુલ અપસેટ પ્રાઈસ રૂ.811.87 કરોડની સામે અંદાજે રૂ. 104.45 કરોડ જેટલી વધારાની આવક થવાની સંભાવના વ્યક્ત કરવામાં આવી છે.

પાટણમાં નિવૃત પ્રોઢ સાથે 67 લાખની સાયબર ઠગાઈ:ડિજિટલ એરેસ્ટ કરી, નકલી અધિકારીઓએ મની લોન્ડરિંગના નામે લૂંટ્યા

પાટણમાં આરોગ્ય વિભાગમાંથી નિવૃત થયેલા 65 વર્ષીય હરેશ વાડીલાલ પટેલ સાથે 67 લાખ રૂપિયાની સાયબર ઠગાઈ થઈ છે. ગઠિયાઓએ તેમને 'ડિજિટલ એરેસ્ટ' કરી, આધાર કાર્ડના દુરુપયોગ અને મની લોન્ડરિંગ કેસમાં સંડોવણીનો ડર બતાવી છેતરપિંડી કરી હતી. આ મામલે પાટણ સાયબર ક્રાઈમ પોલીસ સ્ટેશનમાં ફરિયાદ નોંધાઈ છે અને પોલીસે તપાસ શરૂ કરી છે. ઘટનાની વિગત મુજબ, 2 જાન્યુઆરીના રોજ હરેશભાઈને રવિ શર્મા નામના વ્યક્તિનો ફોન આવ્યો હતો, જેણે પોતાને ટેલિકોમ વિભાગમાંથી હોવાનું જણાવ્યું હતું. તેણે હરેશભાઈના આધાર કાર્ડ પરથી લેવાયેલા સિમ કાર્ડ દ્વારા અશ્લીલ વીડિયો મોકલવામાં આવતા હોવાનો દાવો કર્યો. ત્યારબાદ, એક ગઠિયાએ મુંબઈ ક્રાઈમ બ્રાંચના IPS જય પ્રભાકરણ ચુગલ તરીકે ઓળખ આપી વોટ્સએપ વીડિયો કોલ દ્વારા સંપર્ક કર્યો. ઠગબાજોએ પીડિતને ડરાવ્યા કે મની લોન્ડરિંગના કૌભાંડમાં પકડાયેલા નરેશ ગોહિલના ઘરેથી તેમના નામનું કેનેરા બેંકનું ATM કાર્ડ મળ્યું છે, જેમાં 2 કરોડ રૂપિયાના ટ્રાન્ઝેક્શન થયા છે. વિશ્વાસમાં લેવા માટે વીડિયો કોલમાં નકલી કોર્ટ અને જજ પણ બતાવવામાં આવ્યા હતા. આ ડરને કારણે હરેશભાઈને 7 દિવસ સુધી 'ડિજિટલ એરેસ્ટ'માં રાખી, ફાઈનાન્સિયલ બેકગ્રાઉન્ડ ચેક કરવાના બહાને નાણાં સરકારી ખાતામાં જમા કરાવવા દબાણ કરાયું. ગભરાઈને હરેશભાઈએ 6 જાન્યુઆરીથી 9 જાન્યુઆરી દરમિયાન પોતાની એક્સિસ બેંક, મહેસાણા અર્બન બેંક અને અન્ય બચત ખાતામાંથી કુલ 67 લાખ રૂપિયા ગઠિયાઓએ આપેલા એક્સિસ અને ICICI બેંકના વિવિધ ખાતાઓમાં ટ્રાન્સફર કર્યા હતા. આ સમયગાળા દરમિયાન, ગઠિયાઓ દર 2 કલાકે વીડિયો કોલ દ્વારા હાજરી પુરાવવા અને બેંકમાં જતી વખતે પત્નીનો ફોન ચાલુ રાખવા જેવી કડક સૂચનાઓ આપતા હતા. જોકે, 11 જાન્યુઆરીના રોજ ફેસબુક પર સમાન ઠગાઈનો વીડિયો જોતા હરેશભાઈને છેતરપિંડીનો અહેસાસ થયો. તેમણે તરત જ સાયબર હેલ્પલાઈન 1930 પર જાણ કરી અને પાટણ સાયબર પોલીસ સ્ટેશનમાં રવિ શર્મા, IPS જય પ્રભાકરણ ચુગલ અને અન્ય બેંક ખાતાધારકો વિરુદ્ધ BNS અને IT એક્ટ હેઠળ ગુનો નોંધાવ્યો છે.

બેચરાજીના મોલમાં તસ્કરો ત્રાટક્યા, પતરા હટાવી બે શખ્સો અંદર ઘૂસ્યા:4.57 લાખની રોકડ અને સીસીટીવી કેમેરાનું DVR લઈ ને ફરાર

યાત્રાધામ બેચરાજીમાં આવેલ રાધે મેટ્રો મોલને નિશાન બનાવી અજાણ્યા તસ્કરોએ લાખોની ચોરીને અંજામ આપ્યો છે. મોલના પતરા હટાવી અંદર પ્રવેશેલા બે શખ્સો તિજોરી અને ગલ્લામાંથી કુલ રૂ. 4.57 લાખની રોકડ રકમ તેમજ પુરાવાનો નાશ કરવાના ઈરાદે સીસીટીવી કેમેરાની ડીવીઆર સિસ્ટમ પણ ચોરી ગયા છે. આ મામલે મોલના માલિકે બેચરાજી પોલીસ મથકમાં ફરિયાદ નોંધાવી છે. 4.57 લાખની રોકડ લઈને તસ્કર ફરારબેચરાજીના રાધે મેટ્રો મોલના ભાગીદાર ચેતનભાઈ ઠક્કરે નોંધાવેલી ફરિયાદમાં જણાવ્યું છે કે, ગત 12 જાન્યુઆરીના રોજ બપોરે તેમના ભાગીદાર મનીષકુમારે રૂ. 2.80 લાખ આપ્યા હતાં. રાત્રે મોલ બંધ કરતી વખતે દિવસની આવકના 1.47 લાખ અને ગલ્લાના 30,000 મળી કુલ રૂ.4,27,000 તેમણે મોલની તિજોરીમાં સુરક્ષિત મૂક્યા હતા અને તેની ચાવી ડ્રોવરમાં રાખી મોલ બંધ કરી ઘરે ગયા હતા. પતરા હટાવી બે શખ્સો અંદર ઘૂસ્યાબીજા દિવસે સવારે જ્યારે ચેતનભાઈ અને મોલનો સ્ટાફ મોલ ખોલીને અંદર ગયા ત્યારે તિજોરી ખુલ્લી હાલતમાં જોવા મળી હતી અને અંદર મુકેલી રોકડ રકમ ગાયબ હતી. આથી તેમણે તાત્કાલિક સીસીટીવી ફૂટેજ ચેક કરતા જાણવા મળ્યું હતું કે, રાત્રિના આશરે એક વાગ્યાના સુમારે બે અજાણ્યા ઇસમો મોલની સીડી વાટે ઉપર ચડી, પતરા હટાવી અંદર પ્રવેશ્યા હતા. સીસીટીવી કેમેરાનું DVR લઈ ને ફરારતસ્કરોએ ડ્રોવરમાંથી ચાવી શોધી કાઢી તિજોરી ખોલી હતી અને તિજોરી તેમજ ગલ્લામાંથી મળી અંદાજે રૂ. 4,57,000ની મત્તાની ચોરી કરી હતી. પકડાઈ જવાની બીકે તસ્કરો રૂ. 15,000ની કિંમતનું સીસીટીવી કેમેરાનું DVR પણ સાથે લઈ ગયા હતા. હાલમાં બેચરાજી પોલીસે આ મામલે ગુનો નોંધી અજાણ્યા શખ્સોને પકડવા ચક્રો ગતિમાન કર્યા છે.

ડ્રગ્સ માફિયાઓની માહિતી આપવા માટે ANTFનો વોટ્સએપ નંબર જાહેર:એક મેસેજથી રાજ્યના યુવાધનને નશાની લતથી બચાવવા પોલીસની પહેલ

ગુજરાતને ડ્રગ્સ મુક્ત બનાવવાની દિશામાં ગુજરાત પોલીસે વધુ એક મહત્વપૂર્ણ પગલું ભર્યું છે. મુખ્યમંત્રી ભૂપેન્દ્ર પટેલના નેતૃત્વ અને નાયબ મુખ્યમંત્રી હર્ષ સંઘવીના માર્ગદર્શનમાં રાજ્યભરમાં ડ્રગ્સ માફિયાઓ સામે કડક કાર્યવાહી ચાલી રહી છે. આ અભિયાનને વધુ મજબૂત બનાવવા માટે ગુજરાત પોલીસની એન્ટી નાર્કોટિક્સ ટાસ્ક ફોર્સ (ANTF) દ્વારા સત્તાવાર વોટ્સએપ નંબર જાહેર કરવામાં આવ્યો છે. ANTFના આ વોટ્સએપ નંબર પર ડ્રગ્સ માફિયાઓની વિગત આપી શકશોહવે રાજ્યનો કોઈ પણ નાગરિક ડ્રગ્સની હેરાફેરી, વેચાણ અથવા શંકાસ્પદ પ્રવૃત્તિ અંગે સીધી માહિતી આપવા માટે ANTF ગુજરાતના વોટ્સએપ નંબર 99040 01908 પર સંપર્ક કરી શકશે. આ ઉપરાંત નાગરિકો નાર્કોટિક્સ હેલ્પલાઇન નંબર 1908 પર પણ ફોન કરી માહિતી આપી શકે છે. બાતમી આપનારનું નામ અને વિગતો સંપૂર્ણપણે ગુપ્ત રહેશેગુજરાત પોલીસે સ્પષ્ટ ખાતરી આપી છે કે ડ્રગ્સ અંગે બાતમી આપનાર નાગરિકનું નામ અને વિગતો સંપૂર્ણપણે ગુપ્ત રાખવામાં આવશે. પોલીસના જણાવ્યા મુજબ, સામાન્ય નાગરિકની એક નાનકડી માહિતી પણ ડ્રગ્સ માફિયાઓ સામે મોટી કાર્યવાહીનો માર્ગ ખોલી શકે છે અને રાજ્યના યુવાધનને નશાની લતથી બચાવવામાં મહત્વની ભૂમિકા ભજવી શકે છે. એક મેસેજથી રાજ્યના યુવાધનને નશાની લતથી બચાવવા પોલીસની પહેલડ્રગ્સ ટ્રાફિકિંગ પર લગામ કસવા ઉપરાંત ANTF દ્વારા શૈક્ષણિક સંસ્થાઓમાં જાગૃતિ અભિયાન ચલાવવામાં આવી રહ્યું છે તેમજ નશાની લતમાંથી બહાર લાવવા માટે સતત પ્રયાસો કરવામાં આવી રહ્યા છે. આ અભિયાનમાં જોડાવા માટે ANTF ગુજરાતે સોશિયલ મીડિયા પર પણ સક્રિય હાજરી રાખી છે. ગુજરાત પોલીસનું કહેવું છે કે, ડ્રગ્સ વિરુદ્ધની આ લડાઈમાં જનસહયોગ સૌથી મોટું શસ્ત્ર છે અને દરેક નાગરિકની સતર્કતા રાજ્યના ભવિષ્યને સુરક્ષિત બનાવી શકે છે.

મહિલા સાથે અનૈતિક સંબંધમાં સુરતના બિલ્ડરની હત્યાનો ખુલાસો:કતારગામમાં બિલ્ડરને ચપ્પુના ઘા મારી મોતને ઘાટ ઉતાર્યો, વકીલ સહિત 3 આરોપીની ધરપકડ; ત્રણ હજુ ફરાર

સુરત અને ભરૂચમાં પ્રોજેક્ટ ધરાવતા સરથાણાના યુવાન બિલ્ડરની 12 જાન્યુઆરીના રોજ કતારગામ ધનમોરા ચાર રસ્તા પાસે જે.કે.પી નગર ખાતે ચપ્પુના ઘા મારી હત્યા કરી દેવામાં આવી હતી. આ હત્યાની ઘટનામાં ગણતરીના કલાકોમાં કતારગામ પોલીસે ત્રણ આરોપીઓને ઝડપી પાડ્યા છે. આરોપીઓની પૂછપરછમાં મહિલા સાથેના અનૈતિક સંબંધમાં બિલ્ડરની હત્યા કરવામાં આવી હોવાનું સામે આવ્યું છે. હાલ તો પોલીસ દ્વારા વકીલ સહિત ત્રણની ધરપકડ કરવામાં આવી છે. જ્યારે ત્રણ આરોપીઓને વોન્ટેડ જાહેર કરી શોધખોળ હાથ ધરવામાં આવી છે. શું છે સમગ્ર મામલો?મળતી માહિતી પ્રમાણે, મૂળ અમરેલીના સાવરકુંડલાના જીરા ગામના વતની અને સુરતના સરથાણા યોગીચોક સર્જન હાઈટ્સમાં રહેતા 46 વર્ષીય બિલ્ડર વિપુલભાઈ રવજીભાઈ માંડાણીએ સુરતના સરથાણા અને વરાછામાં ચારેક પ્રોજેક્ટ કર્યા છે અને હાલ ભરૂચ ખાતે તેમનો બાંધકામનો પ્રોજેક્ટ ચાલુ હતો. વિપુલભાઈ 12 જાન્યુઆીના રોજ બપોરે 3 વાગ્યા આસપાસ કામ અર્થે કતારગામ ધનમોરા ચાર રસ્તા પાસે જે.કે.પી નગરમાં ગયા હતા, ત્યારે ત્રણથી ચાર અજાણ્યા શખસોએ તેમની સાથે ઝઘડો કર્યો હતો. બાદમાં તેમની વચ્ચે ઝપાઝપી થઈ હતી અને તે સમયે બે વ્યક્તિએ તેમને ચપ્પુના ઘા ઝીંક્યા હતા અને તમામ ફરાર થઈ ગયા હતા. ઇજાગ્રસ્ત વિપુલ માંડાણીને ડોક્ટરોએ મૃત જાહેર કર્યાજાહેરમાં હુમલો થતા ગંભીર ઈજાગ્રસ્ત વિપુલભાઈને સારવાર માટે હોસ્પિટલમાં ખસેડાયા હતા. જોકે, ફરજ પરના તબીબે તેમને મૃત જાહેર કર્યા હતા. બનાવની જાણ થતા કતારગામ પોલીસ અને ઉચ્ચ પોલીસ અધિકારીઓ ઘટનાસ્થળે દોડી ગયા હતા. આ તરફ વિપુલભાઈના મૃતદેહને પોસ્ટમોર્ટમ માટે સ્મીમેર હોસ્પિટલમાં ખસેડતા ત્યાં તેમના પરિવાર અને સંબંધીઓએ જ્યાં સુધી હત્યારાઓ નહીં ઝડપાય ત્યાં સુધી મૃતદેહ સ્વીકારવા ઇન્કાર કરતા ઉચ્ચ પોલીસ અધિકારીઓ દોડતા થયા હતા. બાદમાં પોલીસે તેમને સમજાવતા મામલો થાળે પડયો હતો. મહિલા સાથે અનૈતિક સંબંધમાં બિલ્ડરની હત્યાનો ખુલાસોકતારગામ પોલીસે ગણતરીના કલાકોમાં ત્રણ આરોપીઓ અશ્વિન સોલંકી, હિતેશ સોલંકી અને પ્રફુલ સોલંકીને ઝડપી લીધા હતા. આરોપીઓની પ્રાથમિક પૂછપરછમાં મહિલા સાથેના અનૈતિક સંબંધના કારણે બિલ્ડર વિપુલની હત્યા કરવામાં આવી છે. વિપુલ પોતાની બાઈક લઈને કતારગામના જે કેપી નગર ખાતે આવ્યો હતો. આરોપીઓ તમામ જેકેપી નગર ખાતે જ રહે છે. ઝડપાયેલા આરોપીઓ પૈકી પ્રફુલ સોલંકી વકીલ છે. જ્યારે આ હત્યામાં સંડોવાયેલા અન્ય ત્રણ આરોપીઓ અજય સોલંકી પ્રવીણ સોલંકી અને કુલદીપ પટેલ હજુ ફરાર છે. આરોપીઓને સાથે રાખીને ઘટનાનું રિકન્સ્ટ્રક્શન પણ કરવામાં આવ્યું હતું. સુરતમાં ધોળા દિવસે બિલ્ડરની હત્યા બાદ પરિવારે ફાંસીની સજાની માંગ કરીઉલ્લેખનીય છે કે, આ ઘટના અંગેની જાણ થતા પરિવારજનો હોસ્પિટલ દોડી આવ્યા હતા. પોસ્ટમોર્ટમ રૂમની બહાર પરિવારજનો દ્વારા હત્યારાઓ ન પકડાય ત્યાં સુધી મૃતદેહ સ્વીકારવાની મનાઈ કરી દીધી હતી. આ સાથે જ હત્યારાઓને ફાંસીની સજા કરવામાં આવે તે પ્રકારની પણ માંગ કરી હતી. પરંતુ પોલીસે સમજાવતા મામલો થાળે પડયો હતો. વાંચો સંપૂર્ણ સમાચાર

કોંગ્રેસનું 20 ફેબ્રુઆરી સુધી મનરેગા બચાવો આંદોલન:ગામથી લઈ વિધાનસભા સુધી વિરોધ કરશે, મનરેગાના મૂળ કાયદાને પુનઃ સ્થાપિત કરવા માગ, BJP નેતાઓના ભ્રષ્ટાચારને ખુલ્લો પાડશે

કેન્દ્ર સરકાર દ્વારા છેલ્લા ઘણા વર્ષોથી ચાલી રહેલી મનરેગા યોજનાનું નામ બદલી દેવામાં આવ્યું છે. મનરેગા યોજનાનું નામ બદલવામાં આવતા દિલ્હીથી લઈને ગામડાઓ સુધી કોંગ્રેસ વિરોધ કરવાની તૈયારી કરી રહ્યું છે. કોંગ્રેસ રાજ્યભરમાં ગામથી લઈને ગાંધીનગર સુધી મનરેગા યોજના બચાવો આંદોલન ચલાવશે. કોંગ્રેસ 20 ફેબ્રુઆરી સુધી તમામ ગ્રામ પંચાયતમાં વિરોધ પ્રદર્શન યોજશે. માત્ર એટલું જ નહીં કેન્દ્ર સરકાર દ્વારા મનરેગા યોજનાના મૂળ કાયદાને પુનઃ સ્થાપિત કરવા નહીં આવે તો વિધાનસભાનો ઘેરાવ કરવાની પણ તૈયારી કરવામાં આવી છે. તેમજ આ વિરોધ પ્રદર્શન દરમિયાન ભાજપના નેતાઓએ મનરેગા યોજનામાં કરેલા ભ્રષ્ટાચાર પુરાવા સાથે ખુલ્લા પાડવાની પણ ચીમકી ઉચ્ચારવામાં આવી છે. લોકો સાથે સંવાદ કરી વિધાનસભાનો ઘેરાવ કરવાની ચીમકીભાજપ સરકારે રોજગારી આપવાના બદલે રોજગારી છીનવી લીધી હોવાનો કોંગ્રેસ આક્ષેપ કર્યો છે. મનરેગા યોજનાના કારણે કોરોના સમયમાં 72 લાખ પરિવારને રોજગારી મળી હતી, જેથી 26 ટકા લોકો ગરીબી રેખામાંથી બહાર આવ્યા હોવાનો પણ કોંગ્રેસે દાવો કર્યો છે. જેથી મનરેગાના મૂળ કાયદાને પુનઃ સ્થાપિત કરવામાં આવે તેવી કોંગ્રેસ દ્વારા માગ કરવામાં આવી છે. તેમજ 20 ફેબ્રુઆરી સુધી કોંગ્રેસ મનરેગા યોજના બચાવો આંદોલન ગામડાઓમાં ચલાવશે. ગામડાઓમાં લોકોની રોજગારી બચાવવામાં કોંગ્રેસ તમામ ગ્રામ પંચાયતમાં ધરણા પ્રદર્શન અને આવેદનપત્ર પત્ર આપવાના કાર્યક્રમ યોજવાની છે. લોકો સાથે સંવાદ કરીને વિધાનસભાનો ઘેરાવ કરવાની પણ કોંગ્રેસે ચીમકી ઉચ્ચારી છે. UPA સરકારમાં 2005માં સામાન્ય લોકોને રોજગારીનો અધિકાર આપ્યોઃ ચાવડાગુજરાત કોંગ્રેસના પ્રદેશ પ્રમુખ અમિત ચાવડાએ જણાવ્યું હતું કે, કોંગ્રેસની જે નીતિ રહી છે કે દરેક હાથને કામ અને એને એના કામના પ્રમાણમાં વેતન મળે અને રોજગાર માટે કોઈની સામે હાથ ફેલાવો ના પડે એનો અધિકાર મળે એટલા માટે UPA સરકારમાં 2005માં સામાન્ય લોકોને રોજગારીનો અધિકાર આપ્યો હતો. રોજગાર માટે કોઈ યોજના નહીં પણ રોજગારનો અધિકાર આ દેશના લોકોને કોંગ્રેસની સરકારે આપ્યો. મનરેગા યોજના હેઠળ જ્યારે પણ રોજગારીની જરૂરિયાત હોય તો તેને અરજી કરવી પડે અને જો તંત્ર રોજગારી ન આપી શકે તો તેને ભથ્થું આપવું પડે તેવી યોજના લાવવામાં આવી છે. ‘વિકાસના કયા કામો કરવા તે નક્કી કરવાનો પંચાયતને અધિકાર’ વધુમાં અમિત ચાવડાએ જણાવ્યું હતું કે, વિકાસના કામ કયા કરવા દરેક ગામને શું જરૂરિયાત છે એ નક્કી કરવાનો અધિકાર પણ ત્યાંની ગ્રામસભા ગ્રામ પંચાયતોને આપ્યો. એટલે ગામના લોકો નક્કી કરે કે અમારા ગામમાં મનરેગામાં કયા પ્રકારના વિકાસના કામો કરવા છે, કયા પ્રકારની માળખાગત સુવિધા ઉભી કરવી છે તે અધિકાર કોંગ્રેસે ગ્રામ પંચાયતને આપ્યો હતો. જે રેશિયો નક્કી કર્યો એ પણ 60 ટકા લેબરને 40 ટકા મટિરિયલનો રેશિયો નક્કી કર્યો, એટલે વધારે ફોકસ રોજગાર પર આ આખા કાયદામાં આપવામાં આવ્યું. રોજગાર આપવાનો સૌથી મોટો કોઈ કાર્યક્રમ હોય તો મનરેગાનો કાર્યક્રમ કાયદો આખા વિશ્વએ સ્વીકાર્યું હતું. જેમાં 90 ટકા હિસ્સો કેન્દ્ર સરકાર અને 10 ટકા રાજ્ય સરકારનો હિસ્સો રાખવાનું નક્કી કરવામાં આવ્યું હતું. કોઈ સિઝન કોઈ મહિનો જોયા વગર જ્યારે પણ માંગો ત્યારે રોજગાર આપવો પડે તેવી જોગવાઈ કરવામાં આવી હતી. ‘ભાજપના શાસનમાં રોજગારી છીનવી લેવાઈ’કોરોના સમય દરમિયાન 72 લાખ પરિવારને રોજગારી અપાઈ હોવાનો દાવો કરતા અમિત ચાવડાએ જણાવ્યું હતું કે, કોરોના સમયમાં મનરેગા યોજના લોકો માટે ખૂબ મદદરૂપ સાબિત થઈ હતી. કોરોના સમયમાં દેશમાં 72 લાખ પરિવારને 100 દિવસની રોજગારી આ મનરેગા યોજના હેઠળ આપવામાં આવી હતી, જેથી તે લોકોએ સારી રીતે જીવન જીવી શક્યા હતા. 14 ટકા પરિવારમાં આવક વધી અને 26 ટકા લોકો ગરીબી રેખામાંથી બહાર આવ્યા હતા. આ ઐતિહાસિક કાયદા હેઠળ આપવામાં આવ્યો, જેનો લાભ ખેત મજૂરો અને મહિલાઓએ લીધો હતો. બીજી બાજુ ભાજપ સરકારનું શાસન આવ્યું ભાષણ કરવામાં આવ્યા કે, રોજગારી આપીશું પરંતુ આપવાના બદલે રોજગારી છીનવી લેવામાં આવી હતી. ‘ભાજપને ગાંધીજીના નામથી પહેલેથી એલર્જી’ભાજપ સરકાર રોજગારીનો અધિકાર છીનાવાનો પ્રયત્ન થઈ રહ્યો છે. જે પરિસ્થિતિનું નિર્માણ થવાનું છે ખૂબ ગંભીર પરિસ્થિતિ થવાની છે. પ્રધાનમંત્રી નરેન્દ્ર મોદી દેશના વડાપ્રધાન આપણા ગુજરાતમાંથી છે, મહાત્મા ગાંધીનું ગુજરાત રાષ્ટ્રપિતા તરીકે આપણે સૌ ગૌરવ લઈ આખું વિશ્વ એમના વિચારો સત્ય અહિંસાના માર્ગે ચાલવા માટેનો સંકલ્પ કરે છે. જ્યારે ગાંધીજીનું નામ આ ભારતીય જનતા પાર્ટીની સરકારે આ કાયદામાંથી હટાવ્યું, નામ બદલી નાખ્યું હતું. મહાત્મા ગાંધીજીનું નામ હટાવીને ગાંધીજીના નામની તો એમને એલર્જી પહેલેથી છે. એમને વિચારો જ હતા કે ગ્રામ્ય અર્થતંત્ર મજબૂત થાય ગામડાના લોકો મજબૂત થાય ગામડા તૂટતા એટકે ગામડા સમૃદ્ધ થાય એ વિચારોને ખતમ કરવાની શરૂઆત ભાજપે કરી છે. ‘રાજ્ય સરકારોને વિશ્વાસમાં લીધા વગર બજેટ રેશિયો નક્કી કરાયો’પહેલા કામોની પસંદગી કરવાની એના કયા કામ નક્કી કરવાની જે સત્તા હતી એ ગ્રામસભા અને પંચાયતની હતી એ ગ્રામસભા અને પંચાયતોનો અધિકાર પણ છીનવી અને હવે સેન્ટ્રલાઈઝ કામો કયા કરવા એ નક્કી કરવાનું આ ફેરફારમાં સૂચવવામાં આવ્યું છે. 90 ટકા, 10 ટકાનો રેશિયો હતો એટલે કે બજેટમાં 90 ટકા રકમ કેન્દ્ર સરકારની 10 ટકા રકમ રાજ્ય સરકારની એમાં પણ ફેરફાર કરીને હવે કેન્દ્ર સરકાર ફક્ત 60 ટકા આપશે અને 40 ટકાનો હિસ્સો રાજ્ય સરકારે ભોગવવું પડશે. કોઈપણ રાજ્ય સરકારોને વિશ્વાસમાં લીધા સિવાય એની સંમતિ વગર આ 60- 40 ટકાનો બજેટનો રેશિયો નક્કી કરવામાં આવ્યો છે. એનાથી પણ અનેક રાજ્ય સરકારો આર્થિક સ્થિતિ એટલી સક્ષમ નહિ રહેવાને કારણે જો 40 ટકા બજેટ નહીં ફાળવે તો ગ્રામ્ય વિસ્તારના લોકોનો આ રોજગારીનો અધિકાર છીનવાઈ જવાનો છે. પહેલા કોંગ્રેસને મનરેગાના કાયદામાં સ્પષ્ટ જોગવાઈ હતી. ‘100 દિવસની રોજગારી આપવામાં પણ સરકાર નિષ્ફળ’જે રોજગાર આપવામાં આવી તેની એવરેજ કાઢવામાં આવે તો ફક્ત 42થી 46 દિવસની રોજગારી આટલા વર્ષોમાં એવરેજ મળી છે. 125 દિવસની વાતો કરવાની પણ વાસ્તવિકતા હતી, જેમાં 100 દિવસની રોજગારી આપવામાં પણ સરકાર નિષ્ફળ રહી છે. વિચાર સાથે જોડાયેલા છે, એવા તમામ લોકો આ ગાંધીજીના અપમાનનો વિરોધ કરી રહ્યા છે. ગ્રામ સભાઓનો અધિકાર છીનવી પંચાયતી રાજ વ્યવસ્થાનો અધિકાર છીનવી લેવામાં આવ્યો છે, કોંગ્રેસ પાર્ટી તેનો સખત શબ્દોમાં અમે વિરોધ પણ કરે છે. લોકોના અધિકાર ફરી સ્થાપિત કરવા માગઆગામી આંદોલનને લઈને અમિત ચાવડાએ જણાવ્યું હતું કે, રોજગારી આપવાનો અધિકાર છે એનું રક્ષણ થવું જોઈએ અને અમે માગ પણ કરીએ છે કે જે મનરેગાનો મૂળ કાયદો હતો એને પુનઃસ્થાપિત કરવામાં આવે. એમાં જે લોકોના અધિકાર આપ્યા હતા તે ફરી સ્થાપિત કરવામાં આવે તેવી અમારી માગ છે. જેથી મનરેગા યોજના બચાવો આંદોલન શરૂ કરવામાં આવ્યું છે. 25 ફેબ્રુઆરી સુધી વિરોધ કરવામાં આવશે તેના ઠરાવ કરવામાં આવશે અને આંદોલન કરવામાં આવશે. દરેક ગ્રામ પંચાયતમાં અને તાલુકા પંચાયતમાં ધરણા પ્રદર્શન અને આવેદનપત્ર આપવામાં આવશે. મનરેગા યોજનાનું નામ બદલવામાં આવ્યું છે તેનો વિરોધ કરવામાં આવશે. ‘ભાજપના નેતાઓએ કરેલો ભ્રષ્ટાચાર ઉઘાડો પાડીશું’મનરેગા યોજનામાં ભાજપના નેતાઓએ પણ ભ્રષ્ટાચાર કર્યો હોવાના આક્ષેપ સાથે અમિત ચાવડાએ જણાવ્યું હતું કે, કાયદાનો કેવી રીતે દુરુપયોગ થાય છે અને એમના મંત્રીના પરિવારના લોકો હોય કે ભાજપના નેતાઓ કેવી રીતે ઉઘાડી લૂંટ ચલાવે છે, મનરેગામાં એ બધી જ હકીકતોનો પણ પુરાવા સાથે આગામી સમયગાળામાં ખુલ્લા પાડીશું. ભ્રષ્ટાચાર પણ ખુલ્લો પાડીશું. તેમજ આગામી સમયમાં વિધાનસભા સત્ર પણ યોજવાનું છે તો ત્યારે પણ કોંગ્રેસ દ્વારા વિધાનસભાનો ઘેરાવ કરવામાં આવશે. વિધાનસભાનો ઘેરાવો કરીશું અને લોકોના અધિકારો છીનવવાનો જે આ ભારતીય જનતા પાર્ટીનો પ્રયાસ છે એ કોઈપણ રીતે સફળ નહીં થવા દઈએ. ફરીથી મનરેગા તેના મૂળ સ્વરૂપ સાથે પ્રસ્થાપિત થાય તેવી અમારી માગ છે.

ચેક બાઉન્સ કેસમાં કોર્ટે સસરાની 1 વર્ષની સજા રદ્દ કરી:સેશન્સ કોર્ટે કહ્યું, સસરાને કોઈ રૂપિયા ચૂકવવાના નથી, MOUનો ભંગ; જમાઈની સિકયુરિટી પેટેનો ચેક બાઉન્સ થયો'તો

અમદાવાદ સીટી સિવિલ એન્ડ સેશન્સ કોર્ટમાં કનુભાઈ પટેલે મેટ્રો કોર્ટના ચુકાદા સામે અપીલ દાખલ કરી હતી. જેમાં તેઓને ચેક બાઉન્સ કેસમાં એક વર્ષ કેદની સજા ફટકારવામાં આવી હતી. સીટી સિવિલ સેશન્સ કોર્ટ દ્વારા મેટ્રો કોર્ટના ચુકાદાને રદ કરીને આરોપીને નિર્દોષ છોડેલ છે. જમીનનો ખોટો માલિક ઊભો કરીને સોદો કર્યોકેસને વિગતે જોતા આરોપીના જમાઈએ ફરિયાદી મહિલાને દસ્ક્રોઈ તાલુકામાં આવેલી જમીનનો ખોટો માલિક ઊભો કરીને 1.78 કરોડમાં સોદો કર્યો હતો. જેનું રજીસ્ટર સેલડીડ કરવામાં આવેલ હતું. પરંતુ ફરિયાદી મહિલાના પતિને અસલ માલિક મળ્યા હતા. આથી તેમની સાથે ફ્રોડ થયેલી તેને જાણ થઈ હતી. આથી ફરિયાદીએ અપીલ કર્તા કનુભાઈ પટેલના જમાઈ એટલે કે મૂળ આરોપી પાસેથી રકમ પરત માંગતા જમાઈએ તેમને ચેક આપ્યા હતા. 9.95 લાખનો સિકયુરિટી પેટે આપેલો ચેક બાઉન્સ થયો'તોજમાઈની સિક્યુરિટી પેટે સસરાએ આપેલ 9.95 લાખ રૂપિયાનો એક ચેક પરત ફરતા ફરીયાદીએ ફરીથી ચેક ભર્યો હતો, જે પણ પરત ફર્યો હતો. આ અંગે ફરિયાદીએ આરોપીને જણાવીને ડિમાન્ડ નોટિસ કાઢી હતી. તેમ છતાં તેનો જવાબ ન આપતા ફરિયાદી દ્વારા નેગોસિએબલ ઇન્સ્ટ્રુમેંટ કોર્ટમાં ફરિયાદ દાખલ કરવામાં આવી હતી. જેમાં સસરાને એક વર્ષની સાદી કેદ અને ચૂકવવાની થતી રકમ 09 ટકાના વ્યાજ સાથે પરત કરવા હુકમ કરવામાં આવ્યો હતો. જમાઈ સામે અલગથી કેસ નોંધાયેલો છેસસરાએ અપીલ કરતાં રજૂઆત કરી હતી કે જમીનનો કોઈ સોદો કર્યો નથી કે તેમાં તે સામેલ નથી, પરંતુ તેના જમાઈ જમીનનો સોદો કર્યો હતો. તે સીધી રીતે કોઈ જ સોદામાં સંકળાયેલ નથી. આરોપીના જમાઈ એટલે કે મૂળ આરોપીને પોલીસ કસ્ટડીમાં ગોંધી રાખતા તેને છોડાવવા સિક્યુરિટી પેટે સસરાએ ફરિયાદીને ચેક આપ્યા હતા. ત્યારે પ્રશ્ન એ ઊભો થાય છે કે સસરાએ ફરિયાદીને કાયદેસરના લેણા આપવાના થાય છે કે કેમ? જમાઈ સામે અલગથી કેસ કરવામાં આવેલ છે. મેજિસ્ટ્રેટ કોર્ટના ચુકાદાને સિટી સિવિલ કોર્ટે રદ કર્યોવધુમાં રજૂઆત કરાઈ હતી કે ફરિયાદીને નીકળવાના થતા લેણા માટે એક MOU કરવામાં આવ્યો હતો. જે મુજબ જો જમાઈ એટલે કે મૂળ આરોપી ફરિયાદીને ચૂકવવાની રકમ ન ચૂકવે તો જ તેઓ આ ચેક વટાવીને નાણાં મેળવી શકશે. પરંતુ તેની તારીખ પહેલા જ ફરિયાદીએ ચેક ભરતા ચેક બાઉન્સ થયો હતો। અરજદારની અપીલ મંજૂર કરતા મેજિસ્ટ્રેટ કોર્ટના ચુકાદાને સિટી સિવિલ કોર્ટે રદ કર્યો હતો.

જુની અદાવતમાં જીવલેણ હુમલો:નારોલમાં ચાર શખસે યુવકને દંડાથી ફટકારીને ચપ્પુના ઘા મારી લોહીલુહાણ કર્યો

નારોલમાં જૂની અદાવતમાં ચાર શખસે યુવકને દંડાથી ફટકારીને ચપ્પુના ઘા મારી લોહિલુહાણ કર્યો હતો. જેમાં શખસને અગાઉ યુવકના મિત્ર સાથે રૂપિયા બાબતે માથાકૂટ થતા વચ્ચે પડીને છોડાવ્યા હતાં, તેની અદાવત રાખીને હુમલો કર્યો હતો. આ અંગે યુવકે ચારેય શખસ સામે નારોલ પોલીસ સ્ટેશનમાં ફરિયાદ નોધાવી છે. ઝઘડામાં વચ્ચે પડતાં હુમલોનારોલમાં રહેતો દિલીપ યાદવ રિક્ષા ડ્રાઇવિંગ કરે છે. 11 જાન્યુઆરીએ બપોરના સમયે તેના મિત્ર લવયુ દિક્ષીત અને નિખિલ વચ્ચે રૂપિયા બાબતે ઝઘડો થયો હતો, જેથી દિલીપ વચ્ચે પડીને બંનેને છોડાવ્યા હતા. બાદમાં સાંજના સમયે દિલીપ હાઇફાઇ ચાર રસ્તા પાસે રિક્ષા પાર્ક કરીને બેઠો હતો. ત્યારે નિખિલ તેના મિત્રો નિમેશ, કાલો અને શેરૂને લઇને આવ્યો હતો. બૂમાબૂમ થતાં આરોપીઓ ફરારબાદમાં જૂની અદાવતને લઇને દિલીપ સાથે ઝઘડો કરીને બિભત્સ ગાળો બોલીને ચપ્પુના ઘા મારીને લોહિલુહાણ કર્યા હતા. આટલું જ નહિ ચારેયે દિલીપને દંડાથી ફટકાર્યો હતો. બૂમાબૂમ થતા આસપાસના લોકો આવી જતા ચારેય શખ્સો નાસી ગયા હતા. જ્યારે ઇજાગ્રસ્ત દિલીપને સારવારઅર્થે હોસ્પિટલમાં લઇ જવામાં આવ્યો હતો. આ અંગે દિલીપે ચારેય શખસ સામે નારોલ પોલીસ સ્ટેશનમાં ફરિયાદ નોધાવી છે.

રાજકોટમાં વાયબ્રન્ટ ગુજરાત રીજનલ એક્ઝિબિશનનો પ્રારંભ:વડાપ્રધાન મોદીએ કર્યું ઉદ્ઘાટન: તેજસ ફાઈટર પ્લેન, લકી ડ્રો અને સાંસ્કૃતિક કાર્યક્રમો આકર્ષણનું કેન્દ્ર

રાજકોટ, 13 જાન્યુઆરી 2026: રાજકોટની મારવાડી યુનિવર્સિટી ખાતે પ્રધાનમંત્રી શ્રી નરેન્દ્ર મોદીના હસ્તે 'વાયબ્રન્ટ ગુજરાત રીજનલ એક્ઝિબિશન' (VGRE)નું ભવ્ય ઉદ્ઘાટન કરવામાં આવ્યું છે. 12 થી 15 જાન્યુઆરી દરમિયાન આયોજિત આ પ્રદર્શન સૌરાષ્ટ્ર અને કચ્છના ઔદ્યોગિક વિકાસ, સંરક્ષણ ક્ષમતા અને સાંસ્કૃતિક વારસાનો ત્રિવેણી સંગમ બની રહ્યું છે. આ એક્ઝિબિશનમાં MSMEs, સ્ટાર્ટઅપ્સ, અગ્રણી ઉદ્યોગપતિઓ અને કારીગરો એક મંચ પર એકત્રિત થયા છે. આકર્ષક ઇનામો અને લકી ડ્રો પ્રદર્શનની મુલાકાતે આવતા નાગરિકો માટે દરરોજ સાંજે લકી ડ્રોનું આયોજન કરવામાં આવ્યું છે. જેમાં ઇલેક્ટ્રિક સ્કૂટર, 42 ઇંચનું LED ટીવી, રેફ્રિજરેટર, સ્માર્ટફોન અને ગિફ્ટ વાઉચર્સ જેવા કિંમતી ઇનામો જીતવાની તક મળશે. આ સાથે જ દરરોજ સાંજે વિવિધ સ્ટેજ પર કચ્છ અને સૌરાષ્ટ્રના પરંપરાગત લોકનૃત્યોના સાંસ્કૃતિક કાર્યક્રમો યોજાશે, જે મુલાકાતીઓને ગુજરાતની સમૃદ્ધ કલા-સંસ્કૃતિનો પરિચય કરાવશે. સંરક્ષણ અને ઉદ્યોગ જગતની ઝલક 26,000 ચોરસ મીટરના વિશાળ વિસ્તારમાં પથરાયેલા આ એક્ઝિબિશનમાં 400થી વધુ પ્રદર્શકો ભાગ લઈ રહ્યા છે. અહીં ભારતીય વાયુ સેનાના સ્વદેશી ફાઇટર પ્લેન 'તેજસ' અને 'સુખોઈ-30'ની પ્રતિકૃતિઓ લોકોમાં ભારે આકર્ષણ જમાવી રહી છે. આ ઉપરાંત, લાઈવ કદના જહાજો અને 'સ્વદેશી હાટ' પણ વિશેષ આકર્ષણના કેન્દ્રો છે. ઉદ્યોગ જગતના દિગ્ગજો જેવા કે રિલાયન્સ, અદાણી ગ્રીન, ટાટા કેમિકલ્સ, એસ્સાર ગ્રુપ અને જ્યોતિ CNC દ્વારા અત્યાધુનિક ટેકનોલોજીનું પ્રદર્શન કરવામાં આવ્યું છે. છ થીમેટિક ડોમ: ગુજરાતના સર્વાંગી વિકાસનો ચિતાર સમગ્ર પ્રદર્શનને છ અલગ-અલગ થીમેટિક હોલમાં વહેંચવામાં આવ્યું છે, જે ગુજરાતની પ્રગતિના વિવિધ પાસાઓને રજૂ કરે છે: હોલ 1 (ગેટવે ટુ ગ્લોબલ ગ્રોથ): અહીં GIDC, ISRO, ઇન્ડિયા ટુરીઝમ અને જાપાનના JETRO જેવા સંગઠનો દ્વારા વૈશ્વિક વેપારની તકો દર્શાવવામાં આવી છે. હોલ 2 (ગ્રીન એનર્જી અને પેટ્રોકેમિકલ્સ): અદાણી ગ્રીન, સુઝલોન અને ટોરેન્ટ પાવર જેવા એકમો દ્વારા પુનઃપ્રાપ્ય ઊર્જા ક્ષેત્રે થયેલી ક્રાંતિ રજૂ કરાઈ છે. હોલ 3 (MSME અને ક્રાફ્ટ્સ વિલેજ): આ વિભાગમાં સૌરાષ્ટ્ર-કચ્છના નાના ઉદ્યોગો અને 26 જેટલા હસ્તકલાના કારીગરોના જીવંત પ્રદર્શનો ગોઠવવામાં આવ્યા છે. હોલ 4 (ઓશન ઓફ ઓપોર્ચ્યુનિટીઝ): ગુજરાત મેરીટાઇમ બોર્ડ અને શિપિંગ ક્ષેત્રની કંપનીઓ દ્વારા બંદરો અને લોજિસ્ટિક્સની ક્ષમતા દર્શાવાઈ છે. હોલ 5 (એન્ટરપ્રાઇઝ એક્સેલન્સ): DRDO, HAL અને એરપોર્ટ ઓથોરિટી જેવી સંસ્થાઓ દ્વારા સંરક્ષણ અને એરોનોટિક્સ ક્ષેત્રના પ્રદર્શનો રજૂ કરવામાં આવ્યા છે. હોલ 6 (પબ્લિક સેક્ટર પાવરહાઉસ): આ હોલમાં આરોગ્ય, શિક્ષણ, ગિફ્ટ સિટી અને વન વિભાગ જેવી સરકારી સંસ્થાઓની કામગીરીનું પ્રદર્શન છે. ટેકનોલોજી ડેમો અને લોન્ચિંગ પ્રદર્શનમાં માત્ર જોવાલાયક વસ્તુઓ જ નહીં, પરંતુ દરેક ડોમમાં 'પોપ-અપ સ્ટેજ'ની વ્યવસ્થા કરવામાં આવી છે. અહીં નવા ઉત્પાદનોનું લોન્ચિંગ અને ટેકનોલોજીના લાઈવ ડેમોસ્ટ્રેશન કરવામાં આવે છે, જેનાથી મુલાકાતીઓ અને રોકાણકારો નિષ્ણાતો સાથે સીધો સંવાદ કરી શકે છે. સંરક્ષણ ક્ષેત્રના સ્ટાર્ટઅપ્સ પણ અહીં પોતાની નવીનતા રજૂ કરી રહ્યા છે. આ પ્રદર્શન 15 જાન્યુઆરી સુધી જાહેર જનતા માટે ખુલ્લું રહેશે. રાજકોટ અને આસપાસના વિસ્તારના લોકો માટે આ માત્ર એક પ્રદર્શન નહીં, પરંતુ જ્ઞાન અને મનોરંજનનો એક અનોખો ઉત્સવ બની રહેશે.

50 હજારની લેતીદેતીમાં ચપ્પુ, લોખંડની પાઈપ અને લાકડાના ફટકા માર્યા:વતન ભાગી જનાર રાઘવ ઉર્ફે પોલાદ સહિતની ટોળકીને ઉધના પોલીસે દબોચી

સુરતના ઉધના વિસ્તારમાં જૂની અદાવત અને આર્થિક લેતીદેતીમાં એક યુવક પર જીવલેણ હુમલો કરવાની ઘટના સામે આવી છે. આ ચકચારી હાફ મર્ડર અને રાયોટીંગના ગુનામાં સંડોવાયેલા કુલ 6 આરોપીઓને ઉધના પોલીસ ટીમે ઝડપી પાડી જેલના સળિયા પાછળ ધકેલી દીધા છે. 50 હજારની લેતીદેતીમાં જીવલેણ હુમલો મૂળમાં માત્ર 50,000 રૂપિયાની લેતી દેતી જવાબદાર છે. ફરિયાદીના ભાઈ મહેશ ઉર્ફે રાજાએ આશરે દોઢ મહિના પહેલા આરોપી રાઘવ ઉર્ફે પોલાદ તિવારીને મદદના હેતુથી રૂ. 50,000 રોકડા ઉછીના આપ્યા હતા. જોકે, પૈસા લીધા બાદ રાઘવ દાનત બગડી હતી અને તે પોતાનો મોબાઈલ ફોન બંધ કરી વતન નાસી ગયો હતો. તાજેતરમાં તે સુરત પરત આવતા મહેશે પોતાના પૈસા પરત માંગ્યા હતા, જે બાબતે બંને વચ્ચે ઉગ્ર ઝઘડો થયો હતો. આ અદાવત રાખી રાઘવે તેના સાગરીતો સાથે મળીને મહેશ પર હુમલો કરવાનું કાવતરું ઘડ્યું હતું. ચપ્પુ, લોખંડની પાઈપ અને લાકડાના ફટકા માર્યાગત તારીખ 06 જાન્યુઆરી, 2026ના રોજ મોડી રાત્રે સવા બાર વાગ્યાના અરસામાં, જ્યારે મહેશ ઉર્ફે રાજા તેના મિત્રો આશિષ અને વિવેક સિંગ સાથે ઉધના સોનલ ઇન્ડસ્ટ્રીયલ-1, શાકભાજી માર્કેટ સામે ઉભો હતો, ત્યારે બે ફોર-વ્હીલર ગાડીઓમાં સવાર થઈને હુમલાખોરો ત્રાટક્યા હતાં. શિવમ દુબે, રાઘવ ઉર્ફે પોલાદ, પ્રખર ઉર્ફે બોક્સર, પંકજ યાદવ અને અન્ય 4 અજાણ્યા શખ્સોએ હાથમાં ચપ્પુ, લોખંડની પાઈપ અને લાકડાના ફટકા જેવા જીવલેણ હથિયારો સાથે મહેશ પર હુમલો કર્યો હતો. આ હુમલામાં મહેશ ઉર્ફે રાજાને માથાના ભાગે, નાક પર, પેટની બાજુમાં તેમજ સાથળ અને કુલાના ભાગે ગંભીર ઈજાઓ પહોંચાડી આરોપીઓ ફરાર થઈ ગયા હતા. લોહીલુહાણ હાલતમાં મહેશને તાત્કાલિક હોસ્પિટલ ખસેડવામાં આવ્યો હતો. રાઘવ ઉર્ફે પોલાદ સહિત 6 આરોપીઓની ધરપકડઘટનાની ગંભીરતા જોઈ ઉધના પોલીસે ગુનો નોંધી સર્વેલન્સ ટીમને તપાસ સોંપી હતી. ટેકનિકલ સર્વેલન્સ અને બાતમીદારોની મદદથી પોલીસે ગણતરીના કલાકોમાં જ મુખ્ય આરોપી રાઘવ ઉર્ફે પોલાદ સહિત 6 આરોપીઓની ધરપકડ કરી લીધી છે. પકડાયેલા આરોપીઓમાં અજીત ઉર્ફે ગુડ્ડ (ઉ.વ. 23), પ્રખર મિશ્રા ઉર્ફે બોક્સર (બાઉન્સર, ઉ.વ. 34), રાઘવેન્દ્ર ઉર્ફે પોલાદ તિવારી (ઉ.વ. 26), શનિ પાંડે (ઉ.વ. 26), દેવેન્દ્ર ઉર્ફે મેજર (ઉ.વ. 18) અને રતનેશસિંગ ઉર્ફે ગગન (ઉ.વ. 30)નો સમાવેશ થાય છે. તમામ આરોપીઓ મૂળ UPના આ તમામ આરોપીઓ મૂળ ઉત્તર પ્રદેશના વતની છે અને સુરતના ડીંડોલી, ભેસ્તાન અને ભટાર વિસ્તારમાં રહી છૂટક કામ કે મજૂરી કરતા હતા. હાલમાં પોલીસે આ તમામ વિરુદ્ધ કાયદેસરની કાર્યવાહી હાથ ધરી છે.

આણંદનો એ-વન પાર્ટી પ્લોટ સીલ:મનપાએ પરવાનગી વિનાના બાંધકામ પર કાર્યવાહી કરી

કરમસદ આણંદ મહાનગરપાલિકાએ 100 ફૂટ રોડ પર આવેલા એ-વન પાર્ટી પ્લોટને સીલ કર્યો છે. જરૂરી પરવાનગીઓ અને પુરાવા રજૂ કરવામાં નિષ્ફળ રહેતા મહાનગરપાલિકા દ્વારા આ કાર્યવાહી કરવામાં આવી હતી. મહાનગરપાલિકાના ટાઉન પ્લાનિંગ અને એસ્ટેટ વિભાગ દ્વારા 25/4/2025 અને 06/01/2026ના રોજ મિલકત સંબંધિત પુરાવા અને પરવાનગીઓ રજૂ કરવા જણાવાયું હતું. એસ્ટેટ ઇન્સ્પેક્ટરે એ-વન પાર્ટી પ્લોટના માલિક/કબજેદારને વાણિજ્ય હેતુની બાંધકામ પરવાનગી, બાંધકામ વપરાશ પરવાનગી (BU) અને ફાયર એન.ઓ.સી. રજૂ કરવા નોટિસ આપી હતી. જોકે, એ-વન પાર્ટી પ્લોટના સંચાલકો/માલિકો/કબજેદારો યોગ્ય પુરાવા રજૂ કરી શક્યા ન હતા. મહાનગરપાલિકાના એસ્ટેટ વિભાગની ટીમને જાણવા મળ્યું કે તેઓએ વાણિજ્ય હેતુની બિનખેતી પરવાનગી, બાંધકામ પરવાનગી, BU પરવાનગી અને ફાયર એન.ઓ.સી. જેવી કાયદા હેઠળની વિવિધ પરવાનગીઓ મેળવી ન હતી. આ ઉપરાંત, પાર્ટી પ્લોટના માલિકો/સંચાલકો દ્વારા કોઈપણ વિકાસ પરવાનગી મેળવ્યા વિના બાંધકામ કરીને તેનો વાણિજ્યિક હેતુસર ઉપયોગ કરવામાં આવતો હતો. આ પાર્ટી પ્લોટનો ઉપયોગ સામાજિક પ્રસંગો માટે થતો હોવાથી અને મોટી સંખ્યામાં લોકો એકઠા થતા હોવાથી, માનવ જીવનની સલામતી માટે ફાયર એન.ઓ.સી. અત્યંત આવશ્યક છે. ફાયર એન.ઓ.સી.ના અભાવને કારણે આ મિલકતનો ઉપયોગ માનવ જીવન માટે અત્યંત જોખમકારક હોવાનું જણાયું હતું. ભવિષ્યમાં કોઈ જાનમાલને નુકસાન ન થાય તે હેતુસર, મહાનગરપાલિકાના ટાઉન પ્લાનિંગ અને એસ્ટેટ વિભાગની ટીમે તાત્કાલિક અસરથી એ-વન પાર્ટી પ્લોટને સીલ કર્યો છે.

રાજકોટમાં બ્લુ ઇકોનોમી પ્રદર્શનનું ભવ્ય આયોજન:વાઇબ્રન્ટ ગુજરાત રિજનલ એક્ઝિબિશનમાં જહાજ આકારના સ્ટોલ દ્વારા મેરિટાઈમ સેક્ટરની પ્રગતિ અને તકોનું જીવંત નિદર્શન

વાઇબ્રન્ટ ગુજરાત ગ્લોબલ સમિટના ભાગરૂપે રાજકોટની મારવાડી યુનિવર્સિટી ખાતે ‘વાઇબ્રન્ટ ગુજરાત રિજનલ કોન્ફરન્સ અને એક્ઝિબિશન’નું ભવ્ય આયોજન કરવામાં આવ્યું છે. રાજ્યમાં ઉદ્યોગ અને સાહસિકતાને પ્રોત્સાહન આપવાના ઉદ્દેશ્ય સાથે યોજાયેલું આ પ્રદર્શન આગામી 15 જાન્યુઆરી સુધી નાગરિકો અને ઉદ્યોગકારો માટે ખુલ્લું રહેશે. આ પ્રદર્શનમાં કુલ 6 વિશાળ ડોમ બનાવવામાં આવ્યા છે, જેમાં ટેકનોલોજીથી લઈને પરંપરાગત ઉદ્યોગોનું પ્રદર્શન કરવામાં આવ્યું છે. જોકે, મુલાકાતીઓમાં સૌથી વધુ આકર્ષણનું કેન્દ્ર હોલ નંબર 4 બની રહ્યો છે. આ હોલમાં ‘ઓશન ઓફ ઓપોર્ચ્યુનિટીઝ’ થીમ હેઠળ ગુજરાતની બ્લુ ઇકોનોમી અને દરિયાકાંઠાની સમૃદ્ધિને ખૂબ જ અસરકારક રીતે રજૂ કરવામાં આવી છે. ગુજરાત મેરિટાઈમ બોર્ડ (GMB) દ્વારા આ હોલમાં એક અનોખી પહેલ કરવામાં આવી છે. મેરિટાઈમ બોર્ડે એક વિશાળ જહાજના આકારમાં સ્ટોલ તૈયાર કર્યો છે, જે આખા એક્ઝિબિશનમાં મુખ્ય આકર્ષણ છે. આ જહાજ આકારના સ્ટોલની અંદર આધુનિક માધ્યમો દ્વારા ગુજરાતના બંદરો, જેટીઓ અને ભાવિ મેરિટાઈમ પ્રોજેક્ટ્સની વિસ્તૃત માહિતી આપવામાં આવી છે. આ પ્રદર્શન દ્વારા બંદર વિકાસની ગાથા અને લોજિસ્ટિક્સ ક્ષેત્રે ગુજરાતના વધતા વર્ચસ્વને દર્શાવવામાં આવ્યું છે. ઉદ્યોગ સાહસિકો માટે અહીં રોકાણની નવી તકો અને પ્રોજેક્ટ્સનું જીવંત નિદર્શન કરવામાં આવ્યું છે, જે નવા સાહસિકો માટે માહિતીપ્રદ સાબિત થઈ રહ્યું છે. સામાન્ય નાગરિકો માટે પણ આ જહાજની મુલાકાત એક યાદગાર અનુભવ બની રહી છે.

ઉત્તર ગુજરાતમાં પ્રથમવાર 21 ફૂટ મહાકાલ દર્શન:હિંમતનગરના વૈજનાથ મંદિરે મહાશિવરાત્રીની તૈયારીઓ શરૂ

સાબરકાંઠા જિલ્લાના હિંમતનગર તાલુકામાં આવેલા વૈજનાથદાદાના મંદિરે મહાશિવરાત્રી પર્વની તૈયારીઓ શરૂ થઈ ગઈ છે. આ વર્ષે ઉત્તર ગુજરાતમાં પ્રથમવાર ૨૧ ફૂટ ઊંચા મહાકાલના ભવ્ય દર્શન ભક્તોને થશે, જેને લઈને એક મહિના અગાઉથી જ કામગીરી હાથ ધરવામાં આવી છે. રાયગઢના અર્પિત શુક્લાએ ટેલિફોનિક વાતચીતમાં જણાવ્યું હતું કે, રાયગઢમાં વૈજનાથ દાદાના મંદિરે ગામના યુવાનો અને ભક્તો દ્વારા દર વર્ષે મહાશિવરાત્રીની અલગ અલગ રીતે ઉજવણી કરવામાં આવે છે. આગામી 15 ફેબ્રુઆરી, ૨૦૨૬ના રોજ શિવરાત્રીએ વૈજનાથદાદાના મંદિરે ગુફામાં અનેક શિવ સ્વરૂપોના દિવ્ય દર્શન સાથે 21 ફૂટ ઊંચા મહાકાલના અદ્ભુત દર્શન ભક્તોને મળશે. હાલમાં ગુફાઓ બનાવવાની કામગીરી પૂરજોશમાં ચાલી રહી છે. આ ગુફામાં હિમપર્વત અને 21 ફૂટના શિવલિંગ ઉપર મહાકાલનો શ્રૃંગાર કરવામાં આવશે. આ ગુફા અને પર્વત બનાવવા માટે અંદાજે 602 બેગ પીઓપી (POP)નો ઉપયોગ થશે. આ ઉપરાંત, 500 જેટલા વાંસના બામ્બુ, 25 કિલો કાથી અને સુતળીની દોરી, 250 મીટર કંતાન અને 25 ગાંસડી નારિયેળનું ઘાસ સહિતની સામગ્રી વાપરવામાં આવશે.

કાવ્યા ઠાકર સૌરાષ્ટ્ર પ્રદેશ કક્ષાએ દ્વિતીય ક્રમે:બાળ પ્રતિભા શોધ સ્પર્ધા 2025-26માં ભજન વિભાગમાં સફળતા

પોરબંદર જિલ્લાની બોખીરા પી.એમ.શ્રી પે સેન્ટર શાળાની વિદ્યાર્થીની કાવ્યા મનસુખ ઠાકરે સૌરાષ્ટ્ર પ્રદેશ કક્ષાની બાળ પ્રતિભા શોધ સ્પર્ધા 2025-26માં નોંધપાત્ર સફળતા મેળવી છે. રમતગમત અને સાંસ્કૃતિક પ્રવૃત્તિઓ વિભાગ, ગાંધીનગર દ્વારા આયોજિત આ સ્પર્ધામાં કાવ્યાએ ભજન વિભાગમાં ઉત્તમ પ્રદર્શન કરીને દ્વિતીય સ્થાન પ્રાપ્ત કર્યું છે. આ સ્પર્ધા 7 થી 13 વર્ષના બાળકો માટે વક્તૃત્વ, નિબંધ, લોકગીત, ભજન, લગ્નગીત, સમૂહગીત, લોકનૃત્ય, સાહિત્ય અને લોકવાદ્ય સહિત 20 જેટલી વિવિધ સ્પર્ધાઓમાં યોજાઈ હતી. ધોરણ-6મા અભ્યાસ કરતી કાવ્યા ઠાકરે ભજન સ્પર્ધા (વય જૂથ: 6-14 વર્ષ, ખુલ્લો વિભાગ) માં પોતાની કલાત્મક રજૂઆત દ્વારા આ સિદ્ધિ હાંસલ કરી. સ્પર્ધાનું આયોજન રમતગમત અને સાંસ્કૃતિક પ્રવૃત્તિઓની કચેરી, જામનગર દ્વારા મ્યુનિસિપલ ટાઉન હોલ, જામનગર ખાતે કરવામાં આવ્યું હતું. ઉલ્લેખનીય છે કે કાવ્યા ઠાકરે ગત વર્ષે પણ લોકગીત સ્પર્ધામાં રાજ્ય કક્ષાએ દ્વિતીય ક્રમ મેળવ્યો હતો. આ ઉપરાંત, તાજેતરમાં કલા મહાકુંભ 2025-26માં સુગમ સંગીત સ્પર્ધામાં પણ તે રાજ્ય કક્ષાએ પહોંચી હતી. કાવ્યાની આ સિદ્ધિઓમાં તેમના સંગીતગુરુ માતા પ્રીતિ ઠાકરનો સંગીત વારસો અને પિતાનો સાહિત્યિક કલાત્મક સંસ્કાર વારસો તથા પ્રોત્સાહન મહત્વના રહ્યા છે. મૂળ દ્વારકા અને હાલમાં પોરબંદર રહેતી કાવ્યા ઠાકરની આ સફળતા બદલ શાળા પરિવાર, માર્ગદર્શક શિક્ષકો અને પોરબંદર જિલ્લાના સંસ્કૃતિ પ્રેમીઓએ અભિનંદન પાઠવ્યા છે. સૌએ કાવ્યા ભવિષ્યમાં વધુ ઊંચાઈઓ સ્પર્શે તેવી શુભકામનાઓ વ્યક્ત કરી છે.

એમ્યુઝમેન્ટ પાર્ક પાસે મોબાઈલ ટાવરમાં આગ:ધુમાડાના ગોટેગોટા જોવા મળ્યા, ઇલેક્ટ્રોનિક શોર્ટ સર્કિટથી આગ લાગી હોવાની આશંકા

જામનગર શહેરમાં એમ્યુઝમેન્ટ પાર્ક નજીક આવેલા જિયો ટાવરમાં અચાનક આગ લાગી હતી. આ ઘટનાની જાણ થતા જ સ્થાનિક લોકો અને રહેવાસીઓએ તાત્કાલિક ફાયર બ્રિગેડને જાણ કરી હતી. માહિતી મળતા જ ઇન્દિરા ફાયર સ્ટેશનની ટીમ એક ફાયર ફાઇટર ગાડી સાથે ઘટનાસ્થળે પહોંચી હતી. ફાયર બ્રિગેડના જવાનોએ તાત્કાલિક પાણીનો મારો ચલાવી આગ બુઝાવવાની કામગીરી શરૂ કરી હતી. ફાયર બ્રિગેડની સતર્ક કામગીરીને કારણે આગ પર સંપૂર્ણપણે કાબૂ મેળવી લેવામાં આવ્યો હતો. આગના કારણે ટાવરના નીચલા ભાગથી લઈને ઉપરના સિગ્નલ સુધી નુકસાન થયું હતું અને ધુમાડાના મોટા ગોટેગોટા નીકળ્યા હતા. આગ કયા કારણોસર લાગી તે અંગેની તપાસ હાથ ધરવામાં આવી છે. પ્રાથમિક દ્રષ્ટિએ, ઇલેક્ટ્રોનિક શોર્ટ સર્કિટ કે અન્ય કોઈ ઇલેક્ટ્રોનિક ખામીને કારણે આગ લાગી હોવાની આશંકા વ્યક્ત કરવામાં આવી રહી છે. ટાવરના ટેકનિકલ પાસાઓની પણ તપાસ કરવામાં આવી રહી છે.

ઉત્તરાયણ માટે 39 એમ્બ્યુલન્સ, 110 કર્મચારી સ્ટેન્ડબાય:અકસ્માત અને ઇમરજન્સી સેવાઓ માટે 108 સજ્જ

પાટણ જિલ્લામાં મકરસંક્રાંતિ પર્વને ધ્યાનમાં રાખીને 108 ઇમરજન્સી સેવાઓ સંપૂર્ણપણે સજ્જ કરવામાં આવી છે. આ તહેવાર દરમિયાન સંભવિત અકસ્માતો અને ઇમરજન્સી પરિસ્થિતિઓને પહોંચી વળવા માટે કુલ 39 એમ્બ્યુલન્સ અને 110 કર્મચારીઓ ખડે પગે રહેશે. ઉત્તરાયણના તહેવાર દરમિયાન વાહન અકસ્માત, પતંગની દોરીથી ગળામાં ઇજા, ધાબા પરથી પડી જવાના બનાવો અને ક્યારેક કરંટ લાગવાના કિસ્સાઓ બનતા હોય છે. આવી ઇમરજન્સી ઘટનાઓમાં તાત્કાલિક મદદ પૂરી પાડવા માટે 108 સેવા સતત કાર્યરત હોય છે. આ વ્યવસ્થા અંતર્ગત, જિલ્લામાં કુલ 39 એમ્બ્યુલન્સ સ્ટેન્ડબાય રાખવામાં આવશે. તેમાંથી 37 એમ્બ્યુલન્સ બેઝિક લાઇફ સપોર્ટ (BLS) સિસ્ટમ આધારિત હશે, જેમાં દવાઓનો પૂરતો સ્ટોક ઉપલબ્ધ રહેશે. જ્યારે 2 એમ્બ્યુલન્સ એડવાન્સ લાઇફ સપોર્ટ (ALS) સિસ્ટમ આધારિત હશે, જેમાં વેન્ટિલેટર સહિતની વિશેષ સુવિધાઓ ઉપલબ્ધ રહેશે. આ સમગ્ર કામગીરીનું સંચાલન કરવા માટે જિલ્લામાં 55 પેરામેડિકલ સ્ટાફ સહિત કુલ 110 કર્મચારીઓ ફરજ પર તૈનાત રહેશે. 108ના નરેશ પટેલે જણાવ્યું હતું કે, આ વ્યવસ્થા દ્વારા જિલ્લામાં ક્યાંય પણ જરૂર પડે તો 108 એમ્બ્યુલન્સ મારફતે તાત્કાલિક પહોંચી શકાય અને કિંમતી જીવ બચાવી શકાય.

સુરત ઇન્ટરનેશનલ એરપોર્ટ પર મુસાફરોની ગરબા રમઝટ:એર ઇન્ડિયા એક્સપ્રેસની દુબઈની ફ્લાઈટ લેટ થતા મુસાફરો અટવાયા, ટર્મિનલ પર જ ભજન ગાઈ વિરોધ નોંધાવ્યો

સુરત ઇન્ટરનેશનલ એરપોર્ટ પર આજે ફરી એકવાર વિમાની સેવા ખોરવાતા મુસાફરોને ભારે હાલાકીનો સામનો કરવો પડ્યો હતો. એર ઈન્ડિયા એક્સપ્રેસની સુરત-દુબઈ ફ્લાઈટ અનિશ્ચિત સમય માટે મોડી પડતા મુસાફરોમાં રોષ જોવા મળ્યો હતો. જોકે, આ રોષ વ્યક્ત કરવા મુસાફરોએ એક અનોખો રસ્તો અપનાવ્યો હતો. બે કલાકથી વધુ સમય સુધી અટવાયેલા મુસાફરોએ એરપોર્ટના ટર્મિનલ પર જ ભજન અને ગરબાની રમઝટ બોલાવી પોતાનો વિરોધ નોંધાવ્યો હતો. શું છે સમગ્ર મામલો?મળતી માહિતી મુજબ, એર ઈન્ડિયા એક્સપ્રેસની ફ્લાઈટ જે દિલ્હીથી સુરત આવવાની હતી અને ત્યારબાદ સુરતથી દુબઈ માટે રવાના થવાની હતી, તેમાં મોટું વિઘ્ન આવ્યું હતું. દિલ્હીથી સુરત પહોંચ્યા બાદ આ ફ્લાઈટને અચાનક મુંબઈ તરફ ડાયવર્ટ કરી દેવામાં આવી હતી. દિલ્હી-સુરત ફ્લાઈટ સુરત આવી હોવા છતાં તેને મુંબઈ ઉતારવામાં આવી હતી. ફ્લાઈટ મુંબઈ કેમ મોકલવામાં આવી તેનું કોઈ સત્તાવાર અને સ્પષ્ટ કારણ એરલાઇન્સ દ્વારા આપવામાં આવ્યું નથી. દુબઈ જનારા મુસાફરો છેલ્લા બેથી ત્રણ કલાકથી એરપોર્ટ પર ફસાયા હતા. એરપોર્ટ બન્યું ભજન અને ગરબાનું મેદાનસામાન્ય રીતે ફ્લાઈટ મોડી પડે ત્યારે મુસાફરો એરલાઇન્સના સ્ટાફ સાથે દલીલો કરતા જોવા મળે છે, પરંતુ સુરતમાં દૃશ્યો કંઈક અલગ જ હતા. કંટાળેલા મુસાફરોએ એકઠા થઈને એરપોર્ટ પર જ તાળીઓના તાલે ભજન શરૂ કર્યા હતા અને ત્યારબાદ ગરબા રમ્યા હતા. સોશિયલ મીડિયા પર આ અનોખા વિરોધના વીડિયો વાઇરલ થઈ રહ્યા છે. લાંબા સમયથી રાહ જોઈ રહેલા મુસાફરોએ ભજન અને ગરબા કરીને પોતાનો સમય પસાર કર્યો છે. સત્તાવાર નિવેદન બહાર પાડવામાં આવ્યું નથીફ્લાઈટને મુંબઈ ડાયવર્ટ કરવા પાછળ ટેકનિકલ ખામી છે કે ખરાબ હવામાન, તે હજુ સુધી જાણી શકાયું નથી. એરપોર્ટ ઓથોરિટી કે એર ઈન્ડિયા એક્સપ્રેસ તરફથી હજુ સુધી કોઈ સત્તાવાર નિવેદન બહાર પાડવામાં આવ્યું નથી, જેના કારણે મુસાફરોમાં ભારે અસમંજસની સ્થિતિ પ્રવર્તી રહી છે.

સૌરાષ્ટ્ર યુનિવર્સિટીએ વેસ્ટ ઝોન હેન્ડબોલમાં ઇતિહાસ રચ્યો:જયપુર ખાતે આંતર યુનિવર્સિટી હેન્ડબોલ સ્પર્ધામાં બ્રોન્ઝ મેડલ જીતી ગુજરાતનું ગૌરવ વધાર્યું

સૌરાષ્ટ્ર યુનિવર્સિટી માટે રમતગમત ક્ષેત્રે એક અત્યંત ગૌરવશાળી અને ઐતિહાસિક પ્રકરણ ઉમેરાયું છે. રાજસ્થાનના જયપુર સ્થિત યુનિવર્સિટી ઓફ એન્જિનિયરિંગ એન્ડ મેનેજમેન્ટ ખાતે યોજાયેલી ‘વેસ્ટ ઝોન આંતર યુનિવર્સિટી હેન્ડબોલ (ભાઈઓ) સ્પર્ધા 2025-26’ માં સૌરાષ્ટ્ર યુનિવર્સિટીની ટીમે ઉત્કૃષ્ટ પ્રદર્શન કરી બ્રોન્ઝ મેડલ પોતાના નામે કર્યો છે. આ સ્પર્ધામાં યુનિવર્સિટીની ટીમે વેસ્ટ ઝોન માટે ક્વોલિફાય થયા બાદ લીગ મેચોમાં પણ પોતાની ધાક જમાવી હતી અને અંતે સેકન્ડ રનર્સ-અપ તરીકે વિજેતા બની હતી. ઉલ્લેખનીય છે કે, યુનિવર્સિટીના ઇતિહાસમાં આ પ્રથમ વખત બન્યું છે કે અન્ય રાજ્યમાં યોજાયેલી વેસ્ટ ઝોન સ્પર્ધામાં ટીમે ક્વોલિફિકેશન સાથે લીગ તબક્કામાં પણ સફળતા મેળવી હોય. આ સિદ્ધિ સાથે સૌરાષ્ટ્ર યુનિવર્સિટી વેસ્ટ ઝોન હેન્ડબોલ સ્પર્ધામાં બ્રોન્ઝ મેડલ જીતનાર સમગ્ર ગુજરાતની પ્રથમ યુનિવર્સિટી બની છે. આ ભવ્ય સફળતા પાછળ યુનિવર્સિટીના માનનીય કુલપતિ ડો. ઉત્પલ જોશી, રજીસ્ટ્રાર અને શારીરિક શિક્ષણ નિયામક ડો. હરીશભાઈ રાબાનું સક્રિય માર્ગદર્શન અને પ્રોત્સાહન રહેલું છે. આ સાથે યુનિવર્સિટીના બોર્ડ ઓફ સ્પોર્ટ્સના સહયોગને પણ બિરદાવવામાં આવ્યો છે. ટીમના કોચ-મેનેજર ડો. ભાવેશ રાબા અને રાહુલ વેગડ દ્વારા આપવામાં આવેલી સચોટ તાલીમ અને ખેલાડીઓની અવિરત મહેનતને કારણે જ આ વિજય શક્ય બન્યો છે. આ ઐતિહાસિક સિદ્ધિ બદલ તમામ ખેલાડીઓને અભિનંદન પાઠવવામાં આવ્યા છે. આ સફળતા માત્ર યુનિવર્સિટી જ નહીં, પણ સમગ્ર રાજ્યના ખેલાડીઓ માટે આગામી સમયમાં પ્રેરણાસ્ત્રોત બની રહેશે.

ગોધરામાં પોષણ અભિયાન અંતર્ગત 'પૂર્ણાની ઉડાન' કાર્યક્રમ:જિલ્લા પંચાયત કચેરી ખાતે બાળકો-કિશોરીઓને પોષણનું મહત્વ સમજાવ્યું

ગોધરા, પંચમહાલ જિલ્લા પંચાયત કચેરીના પ્રાંગણમાં રાજ્ય સરકારના પોષણ અભિયાન અંતર્ગત 'પૂર્ણાની ઉડાન' કાર્યક્રમ યોજાયો હતો. પંચમહાલ જિલ્લા પંચાયત હસ્તકના ICDS વિભાગ દ્વારા ૧૩ જાન્યુઆરીના રોજ આ કાર્યક્રમનું આયોજન કરવામાં આવ્યું હતું. ઉતરાયણ પર્વના માધ્યમથી સમાજમાં પોષણ અને આરોગ્ય અંગે વ્યાપક જાગૃતિ લાવવાના આશયથી આ કાર્યક્રમનું આયોજન કરાયું હતું. આ પહેલનો મુખ્ય હેતુ સંતુલિત આહાર અને સ્વસ્થ જીવનશૈલીનું મહત્વ લોકો સુધી પહોંચાડવાનો હતો. કાર્યક્રમમાં જિલ્લાની વિવિધ આંગણવાડીઓના નાના બાળકો તેમજ 15 થી 18 વર્ષની વયજૂથની શાળાએ ન જતી કિશોરીઓને ખાસ આમંત્રિત કરવામાં આવ્યા હતા. ઉપસ્થિત બાળકો અને કિશોરીઓને સંતુલિત અને પોષણયુક્ત આહારનું મહત્વ સમજાવવામાં આવ્યું. તેમને લીલા શાકભાજી, દાળ, દૂધ, ફળફળાદી તથા પોષક તત્વોથી ભરપૂર ખોરાક રોજિંદા આહારમાં સમાવિષ્ટ કરવાની માહિતી અપાઈ. આ પ્રસંગે જિલ્લા પંચાયત પ્રમુખ રેણુકાબેન ડાયરા ખાસ ઉપસ્થિત રહ્યા હતા. તેમણે કાર્યક્રમને બિરદાવ્યો હતો અને પોષણ જાગૃતિના મહત્વ પર ભાર મૂક્યો હતો.ઉતરાયણ પર્વની ઉજવણી સાથે જોડીને યોજાયેલા આ કાર્યક્રમ દરમિયાન બાળકો તથા કિશોરીઓને પતંગ અને દોરીનું વિતરણ કરવામાં આવ્યું. પતંગ ચગાવવાની પ્રવૃત્તિ દ્વારા તેમનો ઉત્સાહ વધારવામાં આવ્યો હતો.આ કાર્યક્રમમાં ICDS વિભાગના અધિકારીઓ, કર્મચારીઓ, આંગણવાડી કાર્યકરો તથા મોટી સંખ્યામાં બાળકોએ ઉત્સાહભેર ભાગ લીધો હતો.

ફતેપુરામાં ભૂમાફીયાઓ બેફામ, તળાવની પાળ ખોદી ગેરકાયદે બાંધકામ!:પાણી બહાર નીકળવા લાગતા તાત્કાલિક માટી નાખી, તંત્રની ઘોર બેદરકારી સામે ગ્રામજનોમાં આક્રોશ

દાહોદ જિલ્લોના ફતેપુરા ગામમાં આવેલું એકમાત્ર સરકારી તળાવ હાલ ભૂમાફીયાઓના નિશાન પર આવી ગયું છે. તળાવની પાળ ખોદીને દબાણ કરી ગેરકાયદે બાંધકામ શરૂ કરાતા ગામમાં ભય અને રોષનો માહોલ છવાયો છે. છેલ્લા બે–ત્રણ દિવસથી તળાવની પાળમાં મોટા પાયે ખોદકામ કરાતા લગભગ 10 ફૂટ જેટલી પાળને નુકસાન પહોંચ્યું છે, જેના કારણે તળાવનું પાણી લીક થવાનું શરૂ થયું હતું. પાળ તૂટશે તો 500થી વધુ મકાનોમાં પાણી ઘૂસવાની શક્યતાતળાવની પાળ તોડી નાખતા જ તળાવનું પાણી બહાર નીકળવા લાગ્યું હતું. પરિસ્થિતિ ગંભીર બનતા ભૂમાફીયાઓ દ્વારા તાત્કાલિક માટી નાખી પાણી રોકવાનો પ્રયાસ કરવામાં આવ્યો, પરંતુ સ્થાનિકોનું કહેવું છે કે આ માત્ર દેખાવ પૂરતું છે. જો ફરીથી પાળ તૂટશે તો આસપાસના 500થી વધુ મકાનોમાં પાણી ઘૂસી જવાની પૂરેપૂરી શક્યતા છે. કોઈ મંજૂરી નહીં, છતાં રાત-દિવસ બાંધકામચોંકાવનારી વાત એ છે કે, તળાવની પાળ ખોદી બાંધકામ શરૂ કરવા માટે ગ્રામ પંચાયત પાસેથી કોઈપણ પ્રકારની મંજૂરી લેવામાં આવી નથી, તેમ છતાં રાત-દિવસ કામ ચાલતું હતું. આ ઘટના બાદ મજૂરો સ્થળ છોડીને ભાગી ગયા હોવાની વાત પણ સામે આવી છે. તંત્રની બેદરકારીથી ભૂમાફીયાઓ બેફામ!સ્થાનિક નાગરિકોનો આક્ષેપ છે કે, તળાવની પાળ પર છેલ્લા બે–ત્રણ દિવસથી ખોદકામ ચાલી રહ્યું હતું, છતાં ફતેપુરા ગ્રામ પંચાયત અને વહીવટી તંત્રે આંખ આડા કાન કર્યા. દબાણ થઈ ગયા બાદ જ પંચાયત જાગી અને સ્થળ પર નોટિસ લગાવવામાં આવી, જેનાથી તંત્રની કામગીરી પર ગંભીર સવાલો ઊભા થયા છે. ઉલ્લેખનીય છે કે, આજથી અંદાજે એક વર્ષ અગાઉ પણ ફતેપુરા ગ્રામ પંચાયત હસ્તકના આ જ સરકારી તળાવની સ્થિતિ ગંભીર બનતા જિલ્લા કલેક્ટર દ્વારા સ્થળ મુલાકાત લેવામાં આવી હતી. તે સમયે પણ ભૂમાફીયાઓ દ્વારા તળાવની પાળને નુકસાન પહોંચાડી દબાણ કરવાની તજવીજ કરવામાં આવી રહી હતી. સ્થાનિકોની રજૂઆત બાદ કલેક્ટર સહિત મામલતદાર અને અન્ય અધિકારીઓ સ્થળ પર પહોંચ્યા હતા અને તળાવની હદ તથા પાળ અંગે માપણી કરાવવામાં આવી હતી. કલેક્ટરની સૂચનાઓ અને અગાઉની કાર્યવાહી બાદ પણ ભૂમાફીયાઓ અટક્યા નહીં, અને આજે ફરી એકવાર તળાવની પાળ ખોદી ગેરકાયદે બાંધકામ શરૂ કરવામાં આવ્યું છે. જેના કારણે તંત્રની નિષ્ફળતા ખુલ્લેઆમ સામે આવી છે. જાગૃત નાગરિકોની રજૂઆત બાદ અધિકારીઓ દોડ્યાતાજી ઘટનાની જાણ થતાં ફતેપુરાના જાગૃત નાગરિકોએ તાત્કાલિક સરપંચ, મામલતદાર અને તાલુકા વિકાસ અધિકારીને જાણ કરી. ત્યારબાદ સરપંચ, મામલતદાર અને તાલુકા વિકાસ અધિકારીની ટીમ સ્થળ પર દોડી આવી અને ખોદકામ તાત્કાલિક બંધ કરવાની સૂચના આપી હતી. ગ્રામ પંચાયત દ્વારા સ્થળ પર નોટિસ લગાવવામાં આવી છે. ફતેપુરા ગ્રામ પંચાયતના સરપંચ પ્રવીણ પંચાલે જણાવ્યું કે, “તળાવની પાળ તોડવાની જાણ થતાં અમે સ્થળ પર આવ્યા છીએ. આ બાંધકામ માટે કોઈ મંજૂરી લેવામાં આવી નથી. અગાઉ માપણી કરાવેલી છે, પરંતુ હાલ કેટલું દબાણ થયું છે તેની ચોક્કસ માહિતી નથી.” ફતેપુરા મામલતદાર મહેશ વાઘેલાએ આ મુદ્દે કોઈ પણ પ્રકારનું નિવેદન આપવાનું ટાળ્યું હતું. ફતેપુરા તાલુકા વિકાસ અધિકારી પૂનમ ડામોરે જણાવ્યું કે, “તળાવની પાળ તોડી બાંધકામ થતું હોવાની ફરિયાદ મળતા તાત્કાલિક તપાસ કરી છે. હાલ બાંધકામ બંધ કરાવ્યું છે. ગ્રામ પંચાયતને તમામ સંબંધી જમીનમાલિકોની બેઠક બોલાવવા તેમજ ખોદકામ કરનાર પાસેથી આધાર પુરાવા મેળવવા સૂચના આપવામાં આવી છે. જરૂર પડશે તો ફરી માપણી કરાવી નિયમ મુજબ કાર્યવાહી કરાશે.”

ગાંધીનગરમાં સામાજિક વિવાદમાં યુવક પર જીવલેણ હુમલો:અડાલજ પાસે ફિલ્મી ઢબે ગાડી આંતરી રબારી સમાજના યુવક પર હુમલો, ચાર વિરૂદ્ધ ગુનો નોંધાયો

ગાંધીનગરના અડાલજ વિસ્તારમાં ગઈકાલે વેહલી સવારે લોહિયાળ હુમલાની ઘટના બની છે. ઝૂંડાલમાં રહેતા અને પશુપાલન સાથે સંકળાયેલા 24 વર્ષીય યુવકની ગાડી ફિલ્મીઢબે આંતરી ચાર શખસો લાકડી ધોકા વડે ઘાતકી હુમલો કર્યા પછી ગાડીમાં પણ તોડફોડ કરી 70 હજારનું નુકસાન પહોંચાડી નાસી છૂટ્યા હતા. આ અંગે અડાલજ પોલીસે ગુનો નોંધી વધુ તપાસ હાથ ધરી છે. સફેદ કલરની ક્રેટા કારે પીછો કરવાનું શરૂ કર્યુંગાંધીનગરના ઝુંડાલ ગામમાં રહેતા અને પશુપાલનનો વ્યવસાય કરતા જયમીન મગનભાઈ દેસાઈ ગઈકાલે વહેલી સવારે સાડા ચારેક વાગ્યે અડાલજ ચેહર માતાના મંદિરે દર્શન કરીને ગાડી લઈને ઘરે પરત જઈ રહ્યો હતો. આ દરમિયાન અડાલજ બટરફ્લાય સર્કલ પાસે એક સફેદ કલરની ક્રેટા ગાડીએ તેનો પીછો કરવાનું શરૂ કર્યું હતું. ગાડીમાંથી બે અજાણ્યા શખસો લાકડી-પાઈપ લઈ ઉતર્યાઆથી જયમીને પોતાની ગાડી લીલીવાડી હોટલ તરફ વાળતાં જ ક્રેટા ગાડીમાં સવાર શખસોએ ફિલ્મી ઢબે તેની ગાડી ઊભી રાખી દીધી હતી. બાદમાં ગાડીમાંથી નંદાસણના પીન્ટુ જામાભાઈ રબારી અને પ્રકાશ જામાભાઈ રબારી સહિત અન્ય બે અજાણ્યા શખસો લાકડી-ધોકા અને લોખંડની પાઈપ જેવા હથિયારો સાથે નીચે ઉતર્યા હતા. હુમલાખોરોએ ઈજા પહોંચાડ્યા બાદ કારમાં તોડફોડ કરીબાદમાં પ્રકાશે લોખંડની પાઇપ વડે માથામાં ઘા મારવાનો પ્રયાસ કરતા જયમીને બચાવમાં હાથ આડો ધર્યો હતો, જેના કારણે તેમને કાંડાના ભાગે ફેક્ચર થયું હતું. જ્યારે હુમલાખોરોએ લાકડાના ધોકા અને પાઇપ વડે ગાડીના તમામ કાચ તોડી અંદાજે 70,000 રૂપિયાનું નુકસાન કર્યું હતું. પોલીસે ચાર શખસો વિરૂદ્ધ ગુનો દાખલ કર્યોઆ અંગે પોલીસે જણાવ્યું હતું કે, જયમીનના કૌટુંબિક બહેન રોશનીબેનના લગ્ન નંદાસણના વિષ્ણુભાઈ સાથે થયા હતા. છેલ્લા બે માસથી સામાજિક પ્રશ્નોને કારણે દીકરી પિયર પરત આવી હતી. આ મામલે થતી સામાજિક બેઠકોમાં જયમીન પરિવાર સાથે હાજર રહેતો હોવાથી તેની અદાવત આરોપી પીન્ટુ અને પ્રકાશે રાખી હુમલો કર્યો હતો. હાલમાં પીન્ટુ રબારી, પ્રકાશ રબારી અને અન્ય બે અજાણ્યા શખસો વિરુદ્ધ ગુનાહિત કાવતરું, જીવલેણ હુમલો અને તોડફોડની કલમો હેઠળ ગુનો નોંધી આરોપીઓને ઝડપી લેવા ચક્રો ગતિમાન કર્યા છે.

લુણાવાડામાં ઉતરાયણ પૂર્વે પતંગ બજારમાં ભીડ:લોકોએ પતંગ, દોરી, અન્ય વસ્તુઓની અંતિમ તબક્કાની ખરીદી કરી

મહીસાગર જિલ્લાના મુખ્ય મથક લુણાવાડા શહેરમાં ઉતરાયણ પર્વના આગલા દિવસે પતંગ બજારોમાં ભારે ભીડ જોવા મળી હતી. લોકોએ પતંગ, દોરી અને અન્ય આનુષંગિક વસ્તુઓની અંતિમ તબક્કાની ખરીદી કરી હતી, જેના પગલે વેપારીઓમાં સંતોષ જોવા મળ્યો હતો. જાન્યુઆરી માસની શરૂઆતથી જ લુણાવાડાના પતંગ બજારોમાં વિવિધ પ્રકારની પતંગો, દોરી અને માંજાનું વેચાણ શરૂ થઈ ગયું હતું. જોકે, શરૂઆતના દિવસોમાં ગ્રાહકી ઓછી હતી. પરંતુ, જેમ જેમ ઉતરાયણ નજીક આવતી ગઈ તેમ તેમ ખરીદીમાં વધારો જોવા મળ્યો હતો. આજે, 13 જાન્યુઆરીના રોજ, ઉતરાયણના આગલા દિવસે બજારોમાં ભારે ભીડ ઉમટી પડી હતી. વેપારીઓએ જણાવ્યું હતું કે છેલ્લા દિવસોમાં ગ્રાહકીમાં નોંધપાત્ર વધારો થયો છે અને અંતિમ દિવસે સંપૂર્ણ ઘરાકી જોવા મળી રહી છે. ભાવમાં કોઈ ખાસ વધારો ન હોવાથી પણ લોકો ખરીદી કરી રહ્યા છે. વેપારીઓના મતે, રાત્રે મોડા સુધી પતંગ બજારો ખુલ્લા રહેશે અને લોકો ખરીદી ચાલુ રાખશે. લુણાવાડા શહેર ઉપરાંત આસપાસના ગ્રામ્ય વિસ્તારો અને જિલ્લાભરમાંથી પણ લોકો પતંગ-દોરીની ખરીદી માટે અહીં આવે છે.

રાજકોટ મનપા દ્વારા 5000ના બાકીવેરાની કડક વસુલાત સામે કોંગ્રેસ મેદાને:કોંગ્રેસ પ્રમુખની કોર્પોરેશનનો ઘેરાવ કરવાની ચીમકી, મારવાડી યુનિ.માં વાઇબ્રન્ટ યોજવા મુદ્દે જેનીબેન ઠુમરે સવાલો ઉઠાવ્યા

રાજકોટ મનપાએ તાજેતરમાં માત્ર રૂ. 5,000નાં બાકી વેરાની કડક વસુલાત કરવાનું જાહેર કર્યું છે. જેને લઈને હવે કોંગ્રેસ મેદાને આવી છે. અને સરકારી કચેરીઓનાં કરોડો રૂપિયા બાકી છે તે વસૂલવા કડક વલણ અપનાવા અને નાગરિકો માટે વ્યાજમાફી યોજના લાવવાની માંગ કરી છે. તેમજ નાના બાકીદારો સામે કડક કાર્યવાહી થશે તો મનપા કચેરીનો ઘેરાવ કરવાની ચીમકી પણ આપી છે. જ્યારે પ્રદેશ મહિલા કોંગ્રેસના પૂર્વ પ્રમુખ જેનીબેન ઠુમરે મનરેગા યોજનાના નામ બદલવા અને તેના કાયદાકીય માળખાને તોડવા બદલ ભાજપ સરકારની આકરી ટીકા કરી હતી. અને શ્રમિકોનાં અધિકારો માટે ગામડે-ગામડે જઈને લડત આપવાનું જાહેર કર્યું છે. સાથે મારવાડી યુનિવર્સિટી અગાઉ ડ્રગ્સનાં વિવાદોમાં આવી હોવા છતાં ત્યાં વાઇબ્રન્ટ સમીટ યોજવા મુદ્દે સવાલ ઉઠાવ્યા હતા. ‘જે યુનિવર્સિટી અગાઉ ડ્રગ્સ અને ગાંજાના વિવાદમાં આવી ત્યાં વાઇબ્રન્ટ સમિટ’જેનીબેન ઠુમરે વાઇબ્રન્ટ સમીટ અંગે જણાવ્યું હતું કે, જે યુનિવર્સિટી અગાઉ ડ્રગ્સ અને ગાંજા સહિતના અનેક વિવાદોમાં આવી ચૂકી છે ત્યાં જ વાઇબ્રન્ટ સમીટ યોજી ભાજપ જાણે ડ્રગ્સનાં કાળા કારોબારને પ્રોત્સાહન આપી રહ્યું હોય તેવું લાગી રહ્યું છે. ડ્રગ્સ અને દારૂ જેવા દુષણો સામે કોઈ બોલે નહીં અને યુવાનો જાગૃત ન થાય તેવુ સરકારનું વલણ લાગી રહ્યું છે. આવા તાયફા પરથી સ્પષ્ટ થાય છે કે સરકાર આવા નશાનાં દુષણોને ડામવા માટે નહીં પણ તેને પ્રોત્સાહન અને પ્રોટેક્શન આપવા માટે કામ કરી રહી છે. મનરેગા પર કુઠરાઘાત: જેનીબેન ઠુમરના આક્ષેપોજેનીબેન ઠુમરે જણાવ્યું હતું કે, UPA સરકાર દરમિયાન ગરીબ અને શ્રમિક વર્ગને રોજગારીની કાનૂની ગેરંટી આપવા માટે મહાત્મા ગાંધીના નામે મનરેગા એક્ટ શરૂ કરવામાં આવ્યો હતો. પરંતુ વર્તમાન ભાજપ સરકારે બદઈરાદાપૂર્વક કાયદાને નબળો પાડવા માટે 'રોજગાર અને આજીવિકા અભિયાન (ગ્રામીણ) કાયદો, 2025' રજૂ કર્યો છે. આ માત્ર નામનો બદલાવ નથી, પરંતુ ગરીબ લોકોના અધિકારોને ધ્વસ્ત કરવાનું ષડયંત્ર છે. ‘યોજનાનું નામ બદલીને પાયાના સ્તરે ભ્રષ્ટાચાર આચરવામાં આવી રહ્યો છે’તેમણે વધુમાં ઉમેર્યું કે, અમે જ્યારે લોકોના હિત માટે અવાજ ઉઠાવીએ છીએ ત્યારે ભાજપ દ્વારા એવો પ્રચાર કરવામાં આવે છે કે અમે રામનો વિરોધ કરીએ છીએ. અમારો રામ સામે કોઈ વિરોધ નથી, પરંતુ સવાલ એ છે કે મહાત્મા ગાંધીજીના નામ સાથે જોડાયેલી યોજનાઓમાંથી નામ કેમ હટાવવામાં આવી રહ્યું છે? યોજનાનું નામ બદલીને પાયાના સ્તરે મોટો ભ્રષ્ટાચાર આચરવામાં આવી રહ્યો છે. કોંગ્રેસ દ્વારા આ મામલે અવાજ ઉઠાવવામાં આવશે. આ માટે કોંગ્રેસના કાર્યકરો ગામડે-ગામડે ફરશે અને લોકોને બંને યોજના વચ્ચેનો તફાવત સમજાવશે. ‘125 દિવસની રોજગારીની વાતો માત્ર કાગળ પર છે’જેનીબેને આક્ષેપ કર્યો કે, અગાઉ દરેક ગામમાં મનરેગા યોજના લાગુ હતી, પરંતુ હવે સરકાર નક્કી કરશે કે કયા ગામમાં કામ આપવું, જે ગ્રામીણ અર્થતંત્રને તોડવાનો પ્રયાસ છે. અગાઉ કેન્દ્ર સરકાર 100% વેતન ચૂકવતી હતી, હવે રાજ્ય સરકારો પર 40% બોજ નાખીને ખર્ચ બચાવવાના બહાને કામ બંધ કરવાની પેરવી થઈ રહી છે. 125 દિવસની રોજગારીની વાતો માત્ર કાગળ પર છે, વાસ્તવમાં શ્રમિકોને રૂપિયા ચૂકવવામાં આવતા નથી. તો હાલ નવી યોજનામાં કોઈ લઘુતમ વેતન નક્કી કરવામાં આવ્યું નથી. જે મોંઘવારી પ્રમાણે રૂ. 400 કરવામાં આવે તેવી માંગ છે. એટલું જ નહીં આ મામલે ગામડે-ગામડે જઈને કોંગ્રેસ લોકોને જાગૃત કરી આંદોલન કરશે તેવી ચેતવણી પણ તેમણે આપી છે. ‘અમે કમિશનરનો ઘેરાવ કરીશું અને ઉગ્ર આંદોલન કરીશું’બીજીતરફ રાજકોટ મનપાની વેરા વસૂલાત સામે શહેર કોંગ્રેસ પ્રમુખ ડો. રાજદીપસિંહ જાડેજાએ શાસકોને આડે હાથ લેતા જણાવ્યું કે, જે સામાન્ય નાગરિકોનો રૂ. 5000 જેવો સામાન્ય વેરો બાકી હોય તેમની સામે તંત્ર કડકાઈ દાખવી ઢોલ વગાડે છે. પરંતુ બીજી તરફ ભાજપ કાર્યાલયો, મોટી સરકારી કચેરીઓ અને મોબાઈલ ટાવરોના કરોડો રૂપિયાના વેરા બાકી હોવા છતાં તેમની સામે કોઈ કાર્યવાહી કરવામાં આવતી નથી. જો મનપાના સત્તાધીશોના ઈશારે સામાન્ય જનતાને કનડગત કરવામાં આવશે તો કોંગ્રેસ તેને સહન નહીં કરે. અમે કમિશનરનો ઘેરાવ કરીશું અને ઉગ્ર આંદોલન કરીશું. તેમજ એપ્રિલ પહેલા વ્યાજ માફીની સ્કીમ જાહેર કરવા સૂચન તેમણે આપ્યું હતું.

બોટાદ ARTO દ્વારા તુરખા શાળામાં માર્ગ સલામતી સેમિનાર:350 વિદ્યાર્થીઓને ટ્રાફિક નિયમો અને સુરક્ષા અંગે માર્ગદર્શન અપાયું

બોટાદના ARTO દ્વારા તુરખા માધ્યમિક શાળામાં માર્ગ સલામતી જાગૃતિ સેમિનારનું આયોજન કરાયું હતું. આ સેમિનારમાં આશરે 350 વિદ્યાર્થીઓએ ભાગ લીધો હતો. કાર્યક્રમમાં વિદ્યાર્થીઓને ટ્રાફિક નિયમોનું પાલન કરવાનું મહત્વ સમજાવવામાં આવ્યું. દ્વિચક્ર વાહન ચલાવતી વખતે હેલ્મેટનો ઉપયોગ અને ચાર ચક્ર વાહનમાં સીટબેલ્ટ ફરજિયાત બાંધવા અંગે વિસ્તૃત માર્ગદર્શન અપાયું. આ ઉપરાંત, સલામત માર્ગ વ્યવહાર અંગે પણ માહિતી અપાઈ હતી. માર્ગ અકસ્માત સમયે પીડિતોને સમયસર મદદ કરવા માટે વિદ્યાર્થીઓને પ્રેરણા આપવા રાહવીર પતંગ અને માર્ગ સલામતી વિષયક પેમ્ફ્લેટનું વિતરણ કરાયું. આ સેમિનારનો મુખ્ય ઉદ્દેશ્ય વિદ્યાર્થીઓમાં માર્ગ સલામતી અંગે જાગૃતિ વધારવાનો હતો.

ખંઢેરી સ્ટેડિયમ પાસે 7 સ્થળે પાર્કિંગ વ્યવસ્થા:જામનગરથી આવતા પડધરી-મોવિયા સર્કલથી અને રાજકોટથી જતા મોટા વાહનોને માધાપર ચોકથી ડાયવર્ટ કરાશે

રાજકોટના નિરંજન શાહ ક્રિકેટ સ્ટેડિયમ ખાતે આવતીકાલે યોજાનાર ભારત અને ન્યૂઝીલેન્ડની આંતરરાષ્ટ્રી મેચને લઇ લોખંડી બંદોબસ્ત ગોઠવવામાં આવનાર છે. 30,000 જેટલા લોકો મેચ નિહાળવા આવનાર હોવાથી પાર્કિંગ તેમજ સુરક્ષા-વ્યવસ્થ પણ ગોઠવી દેવામાં આવી છે. આ માટે સ્ટેડિયમ આસપાસ સાત સ્થળો પર પાર્કિંગ સુવિધા ઉપલબ્ધ કરવામાં આવી છે અને રેન્જ આઇજી અને ગ્રામ્ય પોલીસ વડાની અધ્યક્ષતામાં 700 પોલીસકર્મી અને 400 ટીઆરબી તેમજ હોમગાર્ડ જવાનોને બંદોબસ્ત ફાળવવામાં આવ્યો છે. ટ્રાફિક સમસ્યાને ધ્યાનમાં રાખી મેચના દિવસે જામનગરથી રાજકોટ આવતા ભારે વાહનો માટે પડધરી-મોવિયા સર્કલથી તેમજ રાજકોટથી જામનગર જતા ભારે વાહનો માટે માધાપર ચોકથી પ્રવેશ બંધ ફરમાવી ડાયવર્ઝન આપવામાં આવ્યું છે. બોમ્બ-ડોગ સ્ક્વોડથી ચેકિંગ, ડ્રોન ઉડાવવા પર પ્રતિબંધરાજકોટ જિલ્લા પોલીસ વડા વિજયસિંહ ગુર્જરએ જણાવ્યું હતું કે, મેચને લઇ ચુસ્ત બંદોબસ્ત ગોઠવી દેવામાં આવ્યો છે. જેમાં 3 એએસપી, 4 ડીવાયએસપી, 14 પીઆઇ, 42 પીએસઆઈ સહીત 700 પોલીસ કર્મી અને 400 ટીઆરબી તેમજ હોમગાર્ડ જવાનોને બંદોબસ્ત ફાળવવામાં આવ્યો છે. આ ઉપરાંત SCA તરફથી ખાનગી સિક્યોરિટી બાઉન્સર પણ રાખવામાં આવ્યા છે. અહીંયા ખાસ કંટ્રોલરૂમ પણ તૈયાર કરવામાં આવ્યો છે, જેમાં સતત પોલીસ દ્વારા મોનિટરિંગ કરવામાં આવશે. બૉમ્બ સ્ક્વોડથી તેમજ ડોગ સ્ક્વોડ મદદથી પણ ચેકિંગ હાથ ધરવામાં આવશે. જ્યારે 100 જેટલા બોડી વોર્ન કેમેરા મદદથી પણ પોલીસ દ્વારા સુરક્ષા રાખવામાં આવશે. જ્યારે સ્ટેડિયમ આસપાસ ડ્રોન ઉડાડવા પણ પ્રતિબંધ ફરમાવવામાં આવ્યું છે. ખંઢેરી સ્ટેડિયમ પાસે 7 જગ્યાએ પાર્કિંગની વ્યવસ્થાખંઢેરી સ્ટેડિયમ ખાતે સ્ટેડિયમની આસપાસમાં કુલ 7 જગ્યાએ પાર્કિંગ વ્યવસ્થા ઉભી કરવામાં આવી છે. જે પાર્કિંગમાં કુલ 5000 જેટલી મોટરકાર અને 5000થી વધુ ટુ-વ્હીલર પાર્ક થઇ શકે તે મુજબ વ્યવસ્થા કરવામાં આવી છે. આ પાર્કિંગ સરકારી ખરાબા અને અન્ય જગ્યાઓમાં ઉભા કરવામાં આવ્યા છે. આ સિવાય અન્ય કોઈ અનધિકૃત જગ્યામાં વાહનો પાર્કિંગ થશે તો તેમને ટોઇંગ કરી દેવામાં આવશે. લોકોએ પાસ પ્રમાણે વાહન પાર્ક કરવાનું રહેશેજે લોકોને સાઉથ એન્ટ્રી ગેટમાં કાર પાર્કિગનો પાસ મળ્યો છે, તેઓએ મેઇન એન્ટ્રી ગેઇટ-1 ઉપરથી પ્રવેશ મેળવી અને સ્ટેડિયમ પાસેથી ડાબી બાજુ વળી ત્યાંના પાર્કિગમાં વાહન પાર્ક કરવાનુ રહેશે. તેમજ જે લોકોને ઇસ્ટ પાર્કિંગનો પાસ મળ્યો છે તેઓએ શિવ શકિત હોટેલથી યુ-ટર્ન લઇ આઉટર મીડિયા ગેઇટ નં.3થી પ્રવેશ મેળવી સ્ટેડિયમ પાસેથી ડાબી બાજુ વળી ત્યાંના પાર્કિગમાં વાહન પાર્ક કરવાનું રહેશે. રાજકોટ-જામનગર રોડ પર સવારના 10થી રાતના 12 વાગ્યા સુધી ટ્રાફિક ડાઇવર્ટ આ મેચમાં અંદાજિત 30 હજાર જેટલા પ્રેક્ષકો વાહન સાથે આવનાર હોવાથી, ત્યારે આ સ્ટેડિયમ રાજકોટ-જામનગર હાઇવે રોડ ઉપર હોવાથી ટ્રાફિકજામની સમસ્યા સર્જાઇ શકે છે. જેથી કાયદો અને વ્યવસ્થાને ધ્યાને રાખીને ટ્રાફિકજામને નિવારવા માટે રાજકોટ-જામનગર રોડ ઉપર આવતીકાલે (14 જાન્યુઆરી) સવારના 10 વાગ્યાથી રાત્રિના 12 વાગ્યા સુધી ટ્રાફિક ડાઇવર્ટ કરવા પોલીસ અધિક્ષક રાજકોટ ગ્રામ્યની દરખાસ્તના આધારે જામનગરથી રાજકોટ તરફ આવતા ટ્રક, ટ્રેઈલર અને ટેન્કર જેવા મોટા વાહનોને પડધરી-મોવિયા સર્કલથી ડાઈવર્ઝન આપી ટંકારા થઈ રાજકોટ તરફ આવશે અથવા પડધરી-નેકનામ-મીતાણા થઈ રાજકોટ તરફ આવશે. એજ રીતે રાજકોટથી જામનગર જતા ભારે વાહનોને માધાપર ચોક ખાતેથી ડાયવર્ટ કરવામાં આવશે. ટિકિટની કાળાબજારી સામે પણ પોલીસ એલર્ટઉલ્લેખનીય છે કે વડોદરામાં ટિકિટની કાળાબજારી થતી હોવાનું સામે આવ્યું હતું, જેને ધ્યાનમાં રાખી રાજકોટમાં પણ ગ્રામ્ય સાયબર પોલીસ ટીમ સતર્ક છે. ટિકિટની કાળાબજારી ન થાય તે માટે મોનિટરિંગ કરી રહી છે. ઉપરાંત ફિઝિકલ સ્થળ પર કોઈ જગ્યાએ ટિકિટની કાળાબજારી થતી હોય તો તેમના વિરૂદ્ધ પણ કાયદેસરની કાર્યવાહી પોલીસ દ્વારા હાથ ધરવામાં આવશે. રાજકોટ ગ્રામ્ય પોલીસ તરફથી ક્રિકેટ મેચ જોવા આવતા પ્રેક્ષકોને સૂચના(1) સ્ટેડીયમની અંદર બેગ, ટિફિન, બીડી, માચીસ, લાઇટર, કેમેરો, વીડિયો કેમેરા, લાકડી, હથિયાર એવી કોઇપણ વસ્તુ અંદર લઇ જઇ શકશે નહીં.(2) શંકાસ્પદ હિલચાલ, શંકાસ્પદ વ્યકિત જણાય તેના ઉપર નજર રાખો.(3) કોઇ શંકાસ્પદ વસ્તુ નજરે પડે તો તેને અડવું નહીં તાત્કાલિક નજીકના પોલીસ ઓફિસરોને જાણ કરવી.(4) વાહનો નિયત કરેલ પાર્કિગમાં જ પાર્ક કરવા.(5) કોઇ વ્યકિત સ્ટેડિયમમાંથી ગ્રાઉન્ડમાં કોઇ પદાર્થ ફેંકતા પકડાશે તેના વિરુદ્ધ કાર્યવાહી કરવામાં આવશે.(6) સ્ટેડિયમમાં એકવાર પ્રવેશ કર્યા બાદ બહાર નિકળશો તો ફરી પ્રવેશી શકાશે નહીં.(7) જો તમારે કોઇ સમસ્યા છે તો નજીકના પોલીસ ઓફીસરનો સંપર્ક કરો અથવા મેઇન એન્ટ્રી ગેઇટ ખાતે “પોલીસ સહાયતા કેન્દ્ર” ખોલવામાં આવે છે, જેથી ત્યાં જઇ અને તમારી સમસ્યા ગભરાયા વગર પોલીસ ઓફીસરને જણાવી શકો છો.

આણંદમાં પૂર્ણા યોજના હેઠળ પોષણ ઉડાન કાર્યક્રમ યોજાયો:કિશોરીઓને મહિલા સશક્તિકરણ અને પોષણયુક્ત આહાર અંગે જાગૃત કરાયા

આણંદના ધીરજલાલ જે. શાહ ટાઉનહોલ ખાતે મહિલા અને બાળ વિકાસ વિભાગ, વિભાગીય નાયબ નિયામકની કચેરી (વડોદરા ઝોન) અને આઈ.સી.ડી.એસ. શાખા, જિલ્લા પંચાયત આણંદના સંયુક્ત ઉપક્રમે ‘પૂર્ણા યોજના’ અંતર્ગત “પોષણ ઉડાન-૨૦૨૬ (સપનાની પાંખ) કાર્યક્રમ યોજાયો હતો. રાજ્યકક્ષાના મંત્રી કમલેશભાઈ પટેલએ આ કાર્યક્રમની અધ્યક્ષતા કરી હતી. મંત્રી કમલેશભાઈ પટેલે નારી શક્તિના મહત્વ પર ભાર મૂક્યો હતો. તેમણે જણાવ્યું કે જ્યારે પણ સૃષ્ટિ પર સંકટ આવ્યું છે, ત્યારે જગતજનની ભવાનીએ પ્રગટ થઈ અધર્મનો નાશ કર્યો છે. તેમણે માતા જીજાબાઈ અને રાણી લક્ષ્મીબાઈ જેવા ઐતિહાસિક પાત્રોના ઉદાહરણો આપી ભારતીય નારીઓના શૌર્ય અને સંસ્કારોનું વર્ણન કર્યું હતું. તેમણે વડાપ્રધાન નરેન્દ્રભાઈ મોદીના સ્વસ્થ નારી, સશક્ત પરિવારના સંકલ્પને સાકાર કરવા કિશોરીઓને શારીરિક અને માનસિક રીતે મજબૂત બનવા આહ્વાન કર્યું હતું. મંત્રીએ પીઝા, બર્ગર અને ચાઈનીઝ જેવા મેંદાના ખોરાકને બદલે વડાપ્રધાન દ્વારા સૂચવેલા 'શ્રી અન્ન' (મિલેટ્સ) જેવા કે બાજરી, જુવાર, રાગી અને કુલેલ જેવા પૌષ્ટિક આહાર અપનાવવા પર ભાર મૂક્યો હતો. તેમણે સીઝનેબલ ફળો અને શાકભાજી ખાવાની પણ ભલામણ કરી હતી. મંત્રીએ ઉમેર્યું કે સાત્વિક અને પોષણક્ષમ ખોરાક હિમોગ્લોબીન જેવી ખામીઓ દૂર કરી રોગમુક્ત જીવન જીવવામાં મદદ કરશે. સાંસદ મિતેશભાઈ પટેલે પણ વડાપ્રધાન નરેન્દ્રભાઈ મોદીના 'મિલેટ્સ' (જાડા ધાન) અભિયાનનો ઉલ્લેખ કર્યો હતો. તેમણે જણાવ્યું કે બાજરી અને જુવાર જેવા પૌષ્ટિક આહારથી વડીલો દીર્ઘાયુ અને સ્વસ્થ જીવન જીવતા હતા. આજના યુગમાં જંક ફૂડને કારણે યુવાનોમાં કેન્સર અને હાર્ટ એટેક જેવી બીમારીઓ વધી રહી છે, તેથી પૌષ્ટિક આહાર અપનાવવો અનિવાર્ય છે. તેમણે કુપોષિત દીકરીઓના પોષણ માટે જિલ્લા વહીવટી તંત્ર દ્વારા કરવામાં આવતી કામગીરીને પણ બિરદાવી હતી. કાર્યક્રમ પૂર્વે ટાઉનહોલના કમ્પાઉન્ડમાં 'શ્રી અન્ન' અને અન્ય સ્વાસ્થ્યવર્ધક વસ્તુઓના સ્ટોલ તેમજ યોજનાકીય માહિતી અને આરોગ્ય તપાસના સ્ટોલ ઊભા કરવામાં આવ્યા હતા. મંત્રી, સાંસદ અને અન્ય મહાનુભાવોએ આ સ્ટોલની મુલાકાત લીધી હતી. કાર્યક્રમના ભાગરૂપે પતંગ ડિઝાઇન સ્પર્ધા, લીંબુ ચમચી, સંગીત ખુરશી અને કોથળા દોડ જેવી વિવિધ સ્પર્ધાઓ યોજાઈ હતી. વિજેતા કિશોરીઓને મહાનુભાવોના હસ્તે ઇનામ આપી પ્રોત્સાહિત કરવામાં આવી હતી. આ પ્રસંગે જિલ્લા વિકાસ અધિકારી દેવાહુતી, વિભાગીય નાયબ નિયામક દિશાબેન ડોડીયા, મહિલા અને બાળ વિકાસ સમિતિના ચેરમેન નીતાબેન સોલંકી સહિત મોટી સંખ્યામાં આંગણવાડી કાર્યકરો અને લાભાર્થી કિશોરીઓ ઉપસ્થિત રહ્યા હતા.

ડાંગ જિલ્લામાં ઉતરાણ પૂર્વે હવામાનમાં પલટો:આકાશ વાદળછાયું, ઠંડા પવનો ફૂંકાતા તાપમાન ઘટ્યું

ઉતરાણના તહેવારને એક દિવસ બાકી છે ત્યારે ડાંગ જિલ્લાના તમામ વિસ્તારોમાં હવામાનમાં નોંધપાત્ર પલટો જોવા મળ્યો છે. જિલ્લાના આહવા, સુબીર અને વઘઈ – ત્રણેય તાલુકાઓમાં સવારથી જ આકાશમાં વાદળો છવાઈ ગયા હતા. આજ સવારથી સૂર્યના દર્શન દુર્લભ બન્યા હતા. આકાશમાં ગાઢ વાદળો છવાતા દિવસ દરમિયાન પ્રકાશ ઓછો રહ્યો અને હવામાન સામાન્ય દિવસોની સરખામણીએ ઠંડું લાગ્યું. ઠંડા પવનના ઝોકા સાથે તાપમાનમાં પણ ઘટાડો નોંધાયો હોવાનું સ્થાનિક લોકોએ જણાવ્યું છે. ખાસ કરીને રાજ્યના એકમાત્ર ગિરિમથક સાપુતારા સહિત આસપાસના વિસ્તારોમાં વાદળછાયું વાતાવરણ અને ઠંડકનો અનુભવ નોંધાયો છે. કેટલાક વિસ્તારોમાં હલકી ઝાકળ અને ભેજભર્યો માહોલ પણ અનુભવાયો હતો. આ બદલાયેલા હવામાનથી પ્રવાસીઓ પણ આનંદિત થયા છે. સ્થાનિક વેપારીઓનું માનવું છે કે જો આવું હવામાન યથાવત રહેશે તો ઉતરાણ દરમિયાન પ્રવાસન પ્રવૃત્તિઓમાં વધારો થવાની સંભાવના છે. જિલ્લાના ગ્રામ્ય વિસ્તારોમાં ખેડૂતો પણ હવામાન પર નજીકથી નજર રાખી રહ્યા છે. કેટલાક ખેડૂતોએ જણાવ્યું કે જો વાદળછાયું વાતાવરણ લાંબો સમય રહેશે તો શિયાળુ પાકો પર તેની અસર પડી શકે છે. જોકે, વરસાદ ન પડતાં હાલ કોઈ ખાસ નુકસાનની આશંકા નથી. હવામાન વિભાગના પ્રાથમિક અનુમાન મુજબ આગામી એક-બે દિવસ સુધી વાદળછાયું વાતાવરણ રહેવાની શક્યતા છે, જ્યારે તાપમાનમાં સામાન્ય ઘટાડો અનુભવાઈ શકે છે. ઉતરાણના તહેવાર દરમિયાન ડાંગ જિલ્લામાં ઠંડકભર્યું વાતાવરણ જોવા મળશે તેવો અંદાજ વ્યક્ત કરવામાં આવી રહ્યો છે.