પી.સી. અને પી.એન.ડી.ટી. સમિતિની બેઠક યોજાઈ:કાયદાના ભંગ કરનારાઓ સામે કડક કાર્યવાહી કરાશે

જામનગર જિલ્લા પંચાયતની આરોગ્ય શાખા ખાતે પી.સી. અને પી.એન.ડી.ટી. એક્ટ અન્વયે સલાહકાર સમિતિની બેઠકનું આયોજન કરવામાં આવ્યું હતું. આ બેઠકમાં હોસ્પિટલોને રિન્યુઅલ અને નવા રજિસ્ટ્રેશન આપવા માટે જરૂરી મંજૂરી આપવામાં આવી હતી. મુખ્ય જિલ્લા આરોગ્ય અધિકારી ડો. નુપુરકુમારી પ્રસાદની અધ્યક્ષતામાં ઓથોરિટી દ્વારા કરવામાં આવેલ ક્લિનિક ઇન્સ્પેક્શનની કામગીરીનો સઘન રીવ્યુ કરવામાં આવ્યો હતો. સમિતિએ સ્પષ્ટ કર્યું કે, જો જિલ્લામાં કોઈપણ જગ્યાએ પી.સી. અને પી.એન.ડી.ટી. એક્ટનો ભંગ થતો જણાશે, તો જવાબદાર વ્યક્તિઓ અને સંસ્થાઓ સામે કડક કાયદાકીય પગલાં લેવામાં આવશે. આ બેઠકમાં સમિતિના સભ્ય હેતલબેન અમેથીયા, ગુરુ ગોવિંદસિંહ હોસ્પિટલ જામનગરના તબીબો ડો. તુપ્તી નાયક, ડો. નમ્રતા પરમાર, ડો. એમ.ટી. માકડા, ડો. પુષ્પા કટેશીયા તેમજ જુદા જુદા તાલુકાના હેલ્થ ઓફિસરઓ ડો. અલ્તાફ વૈશનાની (જામજોધપુર), ડો. એચ. એન. ફોજે (ધ્રોલ), ડો. પી.ડી. પરમાર (લાલપુર), ડો. જે. આર. પટેલ (જામનગર), ડો. એમ.પી. મોઢેડિયા (જોડિયા) અને નોડલ ઓફિસર પીએનડીટી ડો. આર.બી. ગુપ્તા - જિલ્લા કવોલિટી એસ્યોરન્સ મેડીકલ ઓફીસર, જિલ્લા પંચાયત ઉપસ્થિત રહ્યા હતા.

હુડાના વિરોધમાં એકતા પદયાત્રામાં તિરંગા સાથે લોકો ઉમટ્યાં:જેઠીપુરા ગામેથી 25 નવેમ્બરે પદયાત્રા નીકળી હતી, 11 ગામોમાં ફરીને હિંમતનગરમાં પૂર્ણાહૂતિ, હુડા આંદોલન પાર્ટ-2ની જાહેરાત

હિંમતનગર અને આસપાસના 11 ગામોનો સમાવેશ કરીને રચવામાં આવેલા 'હુડા' (HUDA)ને રદ કરવાની માંગ સાથે શનિવારે, 29 નવેમ્બરે, ખેડૂત એકતા પદયાત્રાનું આયોજન કરવામાં આવ્યું હતું. મોતીપુરાથી ટાવર ચોક સુધી યોજાયેલી આ પદયાત્રામાં હુડા સંકલન સમિતિના સભ્યો અને 11 ગામોના ગ્રામજનો મોટી સંખ્યામાં જોડાયા હતા. પદયાત્રાના સમાપન બાદ સમિતિ દ્વારા હુડા આંદોલન પાર્ટ-2ની જાહેરાત કરવામાં આવી હતી, જેમાં વધુ ઉગ્ર કાર્યક્રમોની રણનીતિ ઘડાઈ છે. સમિતિએ સ્પષ્ટ કર્યું છે કે જ્યાં સુધી હુડા રદ નહીં થાય ત્યાં સુધી આ આંદોલન ચાલુ રહેશે. ગાંધીજીની પ્રતિમાને પુષ્પાંજલિ અર્પણ કરી પ્રારંભશનિવારે સવારે મોતીપુરા ખાતે મહાત્મા ગાંધીજીની પ્રતિમાને પુષ્પાંજલિ અર્પણ કરીને આ પદયાત્રાનો પ્રારંભ કરવામાં આવ્યો હતો. તિરંગા અને બેનરો સાથે નીકળેલી આ પદયાત્રા બસ સ્ટેન્ડના ઓવરબ્રિજ થઈને જૂની સિવિલ સર્કલ પહોંચી હતી. અહીં ડૉ. બાબાસાહેબ આંબેડકરની પ્રતિમાને પણ ફૂલહાર અર્પણ કરવામાં આવ્યા હતા. અંતે, આ પદયાત્રા શહેરના મુખ્ય ટાવર ચોક ખાતે પહોંચી હતી, જ્યાં સરદાર વલ્લભભાઈ પટેલની પ્રતિમાને પુષ્પાંજલિ અર્પણ કરીને તેનું સમાપન કરવામાં આવ્યું હતું. 11 ગામોનો સમાવેશ થતાં વિરોધ શરુ થયો હતોહિંમતનગર અને આસપાસના 11 ગામોનો સમાવેશ કરીને હુડાની રચના કરવામાં આવી હતી અને તેનો ડ્રાફ્ટ નકશો પ્રસિદ્ધ કરવામાં આવ્યો હતો. ત્યારથી જ ગ્રામજનો દ્વારા હુડાને રદ કરવા માટેનું આંદોલન શરૂ થયું છે. આ અગાઉ, ૨૫ નવેમ્બરે જેઠીપુરા ગામેથી ત્રણ દિવસીય પદયાત્રા નીકળી હતી, જેણે આ 11 ગામોમાં ફરીને જનજાગૃતિ ફેલાવી હતી. 'આંદોલન પાર્ટ-2'માં ઉગ્ર કાર્યક્રમોની જાહેરાતપદયાત્રા પૂર્ણ થયા બાદ હુડા સંકલન સમિતિ દ્વારા આંદોલનને વધુ વેગ આપવા માટે આંદોલન પાર્ટ-2ની જાહેરાત કરવામાં આવી છે. આ અંતર્ગત મુખ્યત્વે બે મોટા નિર્ણયો લેવાયા છે.

ગંભીરા બ્રિજ રાહદારીઓ અને ટુ-વ્હીલર વાહનચાલકો માટે શરૂ:સ્ટીલ બ્રિજ તથા અન્ય સમારકામ પૂર્ણ, વડોદરા તથા આણંદના લાખો લોકોને ફાયદો થશે

ગત જુલાઇ માસમાં વડોદરા જિલ્લામાં મહી નદી ઉપર આવેલ ગંભીરા પુલનો એક ગાળો ધરાશાયી થયેલ. જેના કારણે પુલ પરનો વાહન વ્યવહાર બંધ થવાથી વાહનચાલકો તથા રાહદારીઓને ખુબ જ હાલાકી ભોગવવી પડતી હતી. આ ક્ષતિગ્રસ્ત પુલના બાજુમાં નવીન પુલ બનાવવાની કામગીરી માર્ગ અને મકાન વિભાગ દ્વારા ચોમાસા દરમ્યાન પણ યુદ્ધના ધોરણે શરૂ કરાવેલ અને દિવસ-રાત સ્થળ પર કામ ચાલુ રાખી હાલમાં નવીન પુલની 22% કામગીરી પૂર્ણ કરેલ છે. નવીન પુલ નિર્માણના સમયગાળા દરમ્યાન પાદરા તથા બોરસદ વિસ્તારમાં સ્થાપિત વિવિધ ઔદ્યોગિક એકમો ખાતે રોજગારી અર્થે અવર-જવર કરતાં પ્રજાજનોની મુસાફરીમાં ડાયવર્ઝનના કારણે પડતી મુશ્કેલીના નિવારણ માટે માર્ગ અને મકાન વિભાગ દ્વારા ક્ષતિગ્રસ્ત પુલનું વિસ્તૃત નિરીક્ષણ તથા પરીક્ષણ હાથ ધરી સ્ટીલ બ્રિજની વૈક્લ્પિક વ્યવસ્થાથી વાહન વ્યવહાર પુન:સ્થપિત રજૂઆત કરવામાં આવી હતી. આ પણ વાંચો:ગંભીરા બ્રિજ દુર્ઘટના: સસ્પેન્ડેડ 4 અધિકારીની મિલકતની તપાસ SIT કરશે:સાત દિવસમાં બ્રિજ પરથી ટેન્કર હટાવી દેવાશે તેને અનુલક્ષીને કેબીનેટ મંત્રી રમણભાઇ સોલંકી દ્વારા કરવામાં આવેલ રજુઆત અન્વયે 18 નવેમ્બર 2025થી 9.12 કરોડના ખર્ચે ક્ષતિગ્રસ્ત પુલ પર નવિનત્તમ સ્ટીલ બ્રિજ તથા પુલના અન્ય ગાળાઓમાં જરૂરી સમારકામગીરી હાથ ધરવા માટે માનનીય મુખ્યમંત્રી દ્વારા મંજૂરી આપવામાં આવી હતી. કેબિનેટ મંત્રીએ રાજ્ય સરકાર પ્રજાને પડતી તકલીફ નિવારવા સંવેદનશીલ અને કટિબદ્ધ હોવાનું જણાવ્યું છે. આ પણ વાંચો: પહેલાં ટ્રક લટકી, હવે અધિકારીઓ ‘લટકાવી’ રહ્યા છે આ મંજુર થયેલ કામગીરી તાકીદના ધોરણે પૂર્ણ કરાવી પુલને રાહદારીઓ અને ટુ-વ્હીલર વાહનોના વાહનવ્યવહાર માટે માર્ગ અને મકાન વિભાગ દ્વારા શરૂ કરવામાં આવ્યો છે. આમ, આ કામગીરી પૂર્ણ થયેથી રસ્તા પરથી પસાર થતાં વડોદરા જિલ્લા તથા આણંદ જિલ્લાના મુસાફરોને રાહત થશે. આ પણ વાંચો:- લોકો કહેતા રહ્યા- 'રિપેર કરો...રિપેર કરો', પણ અધિકારીઓના પેટનું પાણી ન હલ્યું આ પણ વાંચો:- ગંભીરા બ્રિજ દુર્ઘટનામાં 21 લોકોનાં મોત, ઋષિકેશ પટેલ પીડિત સોનલબેનને ના મળતાં ગ્રામજનોમાં આક્રોશ

નવો સોફ્ટવેર આવતા મુશ્કેલી વધી!:રાજકોટની ઝનાના હોસ્પિટલમાં જન્મ નોંધણીમાં ધીમી ગતિ, અનેક અરજી પેન્ડિંગ રહેતા અરજદારો પરેશાન

ટેકનોલોજીને હંમેશાં કામગીરી સરળ બનાવવા માટે લાવવામાં આવે છે, પરંતુ રાજકોટ સિવિલ હોસ્પિટલ સાથે જોડાયેલી ઝનાના હોસ્પિટલમાં નવો સોફ્ટવેર આવ્યા પછી જન્મ નોંધણી પ્રક્રિયા ધીમી પડી હોવાનું સામે આવ્યું છે. હાલમાં અનેક અરજીઓ પેન્ડિંગ હોય બાળકોના માતા-પિતાને જન્મના દાખલા કઢાવવામાં ભારે હાલાકીનો સામનો કરવો પડી રહ્યો છે. આ પરિસ્થિતિ જોતાં લોકોમાં એવી લાગણી પ્રવર્તી રહી છે કે આના કરતાં તો મેન્યુઅલ કામગીરી જ વધુ સહેલી હતી. જોકે RMOએ જણાવ્યું હતું કે, કોઈપણ મુશ્કેલી હોય તો અરજદારો અમારો સંપર્ક કરી શકે છે. પણ આ માટે પૂરતા દસ્તાવેજો જરૂરી છે. નવો સોફ્ટવેર આવ્યા બાદ કામની ગતિ ધીમી પડીઝનાના હોસ્પિટલમાં મોટી સંખ્યામાં સૌરાષ્ટ્ર-કચ્છમાંથી આવતા બાળકોનો જન્મ થાય છે. અહીં 24 કલાક સુધી લેબર રૂમમાં નવજાત શિશુનો જન્મ થતો રહે છે અને જન્મનું પ્રમાણ ખૂબ જ ઊંચું છે. આટલા મોટા કામના ભારણ વચ્ચે મર્યાદિત સ્ટાફને નવા સોફ્ટવેર પર કામ કરવું પડી રહ્યું છે, જેના કારણે કામની ગતિ અત્યંત ધીમી થઈ ગઈ છે. જેનું મુખ્ય કારણ કેન્દ્ર સરકાર દ્વારા શરૂ કરાયેલું નવું પોર્ટલ છે. 2020 સુધી અહીં રાજકોટ મનપાનો સોફ્ટવેર હતો. ત્યારબાદ 4 વર્ષ સુધી રાજ્ય સરકારના પોર્ટલમાં જન્મ એન્ટ્રીઓ પાડવામાં આવતી હતી. હવે, કેન્દ્ર સરકારનું પોર્ટલ સાવ જ અલગ છે. નવા પોર્ટલમાં આવતી મુશ્કેલીઓઆધાર કાર્ડ આધારિત સિસ્ટમ: નવું પોર્ટલ સંપૂર્ણપણે આધાર કાર્ડ બેઇઝ્ડ છે. જો બાળકના માતા-પિતાનું નામ આધાર કાર્ડ સાથે મેચ થાય તો જ એન્ટ્રી આગળ વધે છે, અન્યથા ક્વેરી આવે છે. ક્વેરીની સમસ્યા: ખાસ કરીને નામમાં ફેરફાર, આધાર કાર્ડમાં ફેરફાર અને અન્ય ટેક્નિકલ ગૂંચવણોને કારણે પોર્ટલ પર વારંવાર ક્વેરી આવતી હોય છે. જેના કારણે એન્ટ્રી આગળ વધતી નથી અને કામ અટકી પડે છે. નવા પોર્ટલમાં એન્ટ્રી: નવા પોર્ટલમાં એન્ટ્રી પાડવાની પ્રક્રિયામાં ખાસ કરીને નામ અને અન્ય વિગતોમાં ચોકસાઈની વધુ જરૂરિયાત છે, જે સમય માંગી લે છે. અરજદારોના ધક્કા અને પેન્ડિંગ અરજીઓમનપાનાં જન્મ મરણ વિભાગમાં ઝનાના હોસ્પિટલમાંથી બાળકોના જન્મની એન્ટ્રી સમયસર ન મળવાને કારણે ઘણી અરજીઓ પેન્ડિંગ છે. ઘણા લોકો તો 1 મહિનાથી વધુ સમયથી પોતાના બાળકની એન્ટ્રી કોર્પોરેશનને મળે તે માટે ઝનાના હોસ્પિટલ અને કોર્પોરેશનના ધક્કા ખાઈ રહ્યા છે. સુત્રોમાંથી જાણવા મળ્યા મુજબ 300 કરતા માતા-પિતાને બાળકના જન્મનું પ્રમાણપત્ર મળવાનું બાકી છે. આટલું ઊંચું જન્મ પ્રમાણ અને ઉપરથી નવા પોર્ટલના કારણે કામગીરી ધીમી પડતાં સ્ટાફ પર ભારણ વધ્યું છે અને અરજદારોની મુશ્કેલીમાં વધારો થયો છે. ક્વેરી આવે તો અરજદારને જાણ કરીએ છીએ :RMOઆ અંગે રાજકોટ સિવિલ હોસ્પિટલના RMO ડો. હર્ષદ દુસરાએ દિવ્યભાસ્કર સાથેની ટેલીફોનિક વાતચીતમાં જણાવ્યું હતું કે, નવું પોર્ટલ આવ્યા બાદ નવા જન્મતા બાળકોની એન્ટ્રી નિયમિત રીતે કરવામાં આવે છે. જોકે, સોફ્ટવેર દ્વારા જ્યારે કોઈ એન્ટ્રીમાં ક્વેરી આપવામાં આવે છે, ત્યારે એડમીટ થતી વખતે કેસમાં જે મોબાઈલ નંબર લખાવ્યા હોય, તેમાં અરજદારને જાણ કરવામાં આવે છે. ખરેખર સરકારે એવો સોફ્ટવેર બનાવ્યો છે કે, જેમાં જન્મનું પ્રમાણપત્ર સીધું ઈમેઈલ દ્વારા મળી જાય છે. પરંતુ માતા-પિતાનાં ડોક્યુમેન્ટસમાં ખામી હોય ત્યારે સ્વાભાવિક રીતે મુશ્કેલી થાય છે. તેમણે વધુમાં જણાવ્યું કે, બાળકના માતા-પિતા ઝનાના હોસ્પિટલ આવીને જે કંઈ ક્વેરી હોય તે સોલ્વ કરાવી શકે છે. સાથે તેઓએ લોકોને વિનંતી કરી છે કે, જો ઝનાના હોસ્પિટલમાં બાળકનો જન્મ થયો હોય અને જન્મ તારીખના દાખલા કઢાવવામાં સમસ્યા આવતી હોય તો તેવા લોકોએ ઝનાના હોસ્પિટલ ખાતે સંપર્ક કરવો જોઈએ. જોકે આ માટે માતા-પિતાનાં આધારકાર્ડ સહિતનાં દસ્તાવેજો જરૂરી છે. ઉલ્લેખનીય છે કે, ઝનાના હોસ્પિટલમાં બાળકોના જન્મનું ઊંચું પ્રમાણ છે. તેમાં નવા પોર્ટલની જટિલતાને ધ્યાનમાં લેતાં, આ કામગીરી માટે વધુ સ્ટાફ મુકવાની તાતી જરૂરિયાત છે. એટલું જ નહીં, રાજ્ય સરકારના પોર્ટલથી કેન્દ્ર સરકારનું પોર્ટલ સાવ અલગ હોય હાલના સ્ટાફને નવા પોર્ટલ અંગે ખાસ તાલીમ આપવાની પણ જરૂર છે, જેથી ટેકનિકલ ઈશ્યુ અને ક્વેરીઝને ઝડપથી સમજીને તેનું નિરાકરણ લાવી શકાય અને કામની ગતિ ઝડપી કરી શકાશે. નિષ્ણાતોનું કહેવું છે કે, આ મામલે માત્ર અરજદારોને જાણ કરવાથી સમસ્યાનું નિરાકરણ આવશે નહીં.

કોમનવેલ્થ પહેલા મોટેરામાં દબાણો હટાવાનું શરુ:વડોદરાથી નડ્ડાએ સરદાર સાહેબ મુદ્દે કોંગ્રેસને સંભળાવ્યું, દારુ-ડ્રગ્સ સામે લડવા કોંગ્રેસ લાવશે હેલ્પલાઈન નંબર, બસમાં જતા વિદ્યાર્થીઓને મોટી રાહત

જે.પી.નડ્ડાના કોંગ્રેસ પર આકરા પ્રહાર વડોદરામાં રાષ્ટ્રીય એક્તામાં પહોંચેલા ભાજપના રાષ્ટ્રીય અધ્યક્ષ જે.પી. નડ્ડાએ સરદાર પટેલ મુદ્દે કોંગ્રેસ પર આક્ષેપ કર્યા. આ સમાચાર વિસ્તારથી વાંચવા અને વીડિયો જોવા ક્લિક કરો કોમનવેલ્થ પહેલા મોટેરામાં દબાણઓ હટાવવાનું શરુ અમદાવાદમાં 2030માં યોજાનાર કોમનવેલ્થ ગેમ્સ પહેલા મોટેરાની આસપાસ ફરી વળ્યું બુલડોઝર. મોદી સ્ટેડિયમ પાસેથી પસાર થતા ટીપી રોડને ખુલ્લો મુકવા બળદેવનગર વિસ્તારના 15 મકાનો તોડી પાડવામાં આવ્યા.. આ સમાચાર વિસ્તારથી વાંચવા અને વીડિયો જોવા ક્લિક કરો દારુ-ડ્રગ્સ માટે કોંગ્રેસ લાવશે હેલ્પલાઈન નંબર પોલીસના પટ્ટા ઉતારવાના નિવેદન બાદ હવે મેવાણીએ કહ્યું દારૂ-જુગારની ફરિયાદ માટે કોંગ્રેસ ટૂંક સમયમાં હેલ્પલાઈન નંબર જાહેર કરશે. આ સમાચાર વિસ્તારથી વાંચવા અને વીડિયો જોવા ક્લિક કરો ક્રિકેટ ગ્રાઉન્ડમાંથી મળી નવજાત બાળકી સુરતના કવાસ ક્રિકેટ ગ્રાઉન્ડમાંથી નવજાત બાળકી મળી આવી. તેને ICUમાં દાખલ કરવામાં આવી.. નિર્દયી માતા-પિતાને શોધનારને 11,000નું ઇનામ રાખવામાં આવ્યું. આ સમાચાર વિસ્તારથી વાંચવા અને વીડિયો જોવા ક્લિક કરો AMTS અને BRTSના પાસ ઓનલાઈન મળશે હવે AMTS- BRTSના પાસ લેવા માટે લાઈનોમાં નહીં ઉભા રહેવું પડે. AMCએ પાસ માટે લોન્ચ કરેલી એપ્લિકેશન I PASS AHMEDABAD પર રજિસ્ટ્રેશન કરાવીને ઓનલાઈન પાસ મેળવી શકાશે. આનાથી 50 હજાર વિદ્યાર્થીઓને લાભ મળશે. આ સમાચાર વિસ્તારથી વાંચવા અને વીડિયો જોવા ક્લિક કરો અમદાવાદ એરપોર્ટ પર પાંચ ફ્લાઇટ્સ ડીલે ઈથોપિયાના જ્વાળામુખીની રાખ અને વાતાવારણને કારણે 30 ફ્લાઈટ્સ પર અસર પડી.. અમદાવાદ એરપોર્ટ પર પાંચ ફ્લાઈટ્સ ડીલે.. કેશોદની ફ્લાઈટ રદ્દ કરવામાં આવી. આ સમાચાર વિસ્તારથી વાંચવા અને વીડિયો જોવા ક્લિક કરો પતંગ લેવા જતા 12 વર્ષના કિશોરનું મોત સુરતના લિંબાયતમાં પતંગ પકડવા જતા 12 વર્ષનો કિશોર દિવાલ નીચે દટાયો..છાતી પર દીવાલનો મોટો ભાગ પડતાં મોતને ભેટ્યો.. કિશોર ત્રણ ભાઈ બહેનોમાં સૌથી નાનો હતો. આ સમાચાર વિસ્તારથી વાંચવા અને વીડિયો જોવા ક્લિક કરો BLO બની પોલીસે આરોપીને ઝડપી પાડ્યો અમદાવાદ પોલીસે બીએલઓની ઓળખ આપીને આરોપીને ઝડપી પાડ્યો. 2 વર્ષ પહેલા સગીરાને લઈને ફરાર થયેલા આરોપીના ઈલેક્શન કાર્ડને લગતી બાબતોની જાણકારી મેળવવા પિતા પાસેથી નંબર લઈ લોકેશન મેળવી ઝડપી પાડ્યો. આ સમાચાર વિસ્તારથી વાંચવા અને વીડિયો જોવા ક્લિક કરો પાદરામાં મગરનું દિલધડક રેસ્ક્યુ કરાયું વડોદરાના પાદરામાં મગરનું દિલધડક રેસ્ક્યુ કરવામાં આવ્યું.ગાળિયામાં ફસાતા જ મગર ખૂંખાર બન્યો, ત્રણ જણે માથે બેસીને મગરને પકડી રાખ્યો. આ સમાચાર વિસ્તારથી વાંચવા અને વીડિયો જોવા ક્લિક કરો ડિસેમ્બરમાં 10 દિવસ કમોસમી વરસાદ રહેશે રાજ્યમાં ડિસેમ્બરમાં 10 દિવસ માવઠું પડી શકે છે. આ વકી વચ્ચે આજે વાદળછાયું વાતાવરણ રહ્યું. તો બદલાતા વાતાવરણ વચ્ચે નલિયામાં 24 કલાકમાં તાપમાન 1.4 ડિગ્રી જેટલો વધારો થયો. આ સમાચાર વિસ્તારથી વાંચવા અને વીડિયો જોવા ક્લિક કરો

ઇન્સ્યોરન્સ ક્લેમના નામે છેતરપિંડી:ફોન કરીને વૃદ્ધને અલગ-અલગ બહાને રૂ. 6 લાખ જમા કરાવડાવ્યા, સાયબર ક્રાઈમ બ્રાન્ચમાં ફરિયાદ

કાંકરિયા વિસ્તારમાં રહેતા વૃદ્ધ પાસેથી ઇન્સ્યોરન્સ ક્લેમ અપાવવાની આડમાં 6 લાખથી વધુની છેતરપિંડી કરવામાં આવી હતી. અલગ-અલગ બહાને વૃદ્ધ પાસે પૈસા જમા કરાવડાવવામાં આવ્યા હતા. ત્યારબાદ વૃદ્ધને પોતે છેતરાયા હોવા અંગેની જાણ થઈ હતી. આ અંગે સાયબર ક્રાઈમ બ્રાન્ચમાં ફરિયાદ નોંધાતા પોલીસે ચાર અજાણ્યા વ્યક્તિઓ સામે ગુનો દાખલ કર્યો છે. પ્રીમિયમ ન ભરાતા પોલિસી બંધ થઈ ગઈ હતીમળતી વિગતો અનુસાર દેવીચંદ મહાત્મા નામના વૃદ્ધ ઓગસ્ટ 2021માં તેમને એક યુવતીએ IGMS એજન્ટ હોવાના નામે ફોન કર્યો હતો. યુવતીએ વૃદ્ધની HDFC Life Insuranceની બંધ પડેલી પોલિસીનો ક્લેમ સરળતાથી મળી રહેશે એવી ખાતરી આપી હતી. વૃદ્ધે 20 હજાર રૂપિયાની આ પોલિસી વર્ષો પહેલા લીધી હતી, પરંતુ બાદમાં પ્રીમિયમ ન ભરાતા પોલિસી બંધ થઈ ગઈ હતી. વૃદ્ધે અજાણ્યા શખસની વાતમાં આવી પૈસા જમા કરાવ્યાપોલિસીની માહિતી મેળવી લીધા બાદ યુવતીએ વૃદ્ધની વાત પોતાના સાહેબ સાથે કરાવવામાં આવી. તેમણે વૃદ્ધને વિશ્વાસ અપાવ્યો કે, જો તેઓ 5,157 રૂપિયા જમા કરશે તો 20 હજાર સાથે વધારાના લાભ રૂપે કુલ 25 હજાર રૂપિયા ચૂકવવામાં આવશે. આ વાત પર વૃદ્ધે રકમ જમા કરી દીધી પરંતુ, પછીથી છેતરપિંડીનો સિલસિલો શરૂ થયો. 2021થી 2023 વચ્ચે ઓમપ્રકાશ શર્મા અને આદેશ નામના શખસ વૃદ્ધ સાથે સતત સંપર્કમાં રહ્યા અને વિવિધ બહાનાઓ બનાવીને પૈસા ચૂકવવા માટે દબાણ કરતાં રહ્યા. પોલીસે 4 શખસો સામે ગુનો નોંધી તપાસ હાથ ધરીદરેક વખતે તેમને મોટો નફો અને રકમ પરત આપવાની લાલચ આપવામાં આવતી. અંતે વૃદ્ધ પાસેથી અલગ-અલગ બેંક એકાઉન્ટમાં કુલ 6,08,852 રૂપિયા ટ્રાન્સફર કરાવ્યા હતા. જોકે, લાંબા સમય સુધી રકમ પરત ન મળતાં વૃદ્ધને છેતરાઈ ગયાની હકીકત સમજાઈ. ત્યારબાદ તેમણે સાયબર ક્રાઈમમાં ફરિયાદ નોંધાવી, જેના આધારે પોલીસે 4 શખ્સો સામે ગુનો દાખલ કરી તપાસ શરૂ કરી છે.

500ના દરની 166 નકલી નોટો સાથે 3 શખ્સને પોલીસે દબોચ્યા:ઓનલાઈન વસ્તુ ખરીદી નકલી નોટો પધરાવતા, સેટેલાઇટમાં વાહનચેકિંગ કરતાં નકલી નંબરપ્લેટ પરથી ભાંડો ફૂટ્યો

અમદાવાદની સેટેલાઇટ પોલીસે નકલી નોટોના જથ્થા સાથે 3 આરોપીઓની ધરપકડ કરી છે. પોલીસે વાહનચેકિંગ દરમિયાન એક ગાડી રોકીને તપાસ કરતા સીએનજી સર્ટિફીકેટ મળ્યુ હતું. સર્ટિફિકેટ અને કારની નંબરપ્લેટનો નંબર અલગ હતો જેથી પોલીસે ગાડીમાં તપાસ કરી હતી ત્યારે ગાડીમાંથી 500ના દરની 166 નકલી ચલણી નોટો મળી આવી હતી.આરોપીઓ વેબસાઇટ પર ફોન સહિતની વસ્તુઓનો ઓર્ડર આપી રાતે ડિલિવરી બોયને અસલી નોટો વચ્ચે નકલી નોટો પધરાવી દેતા હતા. નકલી નોટોના જથ્થા સાથે 3ની ધરપકડસેટેલાઇટ પોલીસ રાતના સમયે રસ્તા પાસે વાહનચેકિંગ કરી રહી હતી. ત્યારે એક ગાડીને રોકીને તપાસ કરતા નંબરપ્લેટ નકલી હતી. સીએનજી સર્ટિફિકેટ અને નંબરપ્લેટનો નંબર અલગ હોવાથી પોલીસને શંકાઓ ઉપજતા કારમાં સવાર ત્રણ લોકોની અટકાયત કરી હતી. કલકત્તાના શખ્સ પાસેથી નકલી નોટો લાવ્યા હતાપોલીસે દેવાંશ પટેલ (રહે. રાજમહેલ સોસાયટી, કડી), વૈભવ પટેલ (રહે. સુથારવાસ, કડી) અને સચીન સિંગ (રહે. વૈષ્ણવદેવી સર્કલ પાસે)ની અટકાયત કરીને કારની તપાસ કરતા તેમાંથી 500ના દરની 166 જેટલી નકલી નોટો મળી આવી હતી. બાળકોના મનોરંજન માટે વપરાતી આ નકલી નોટો બાબતે આરોપીઓની પૂછપરછ કરતા કલકત્તાના શખ્સ પાસેથી લાવ્યા હોવાની કબૂલાત કરી હતી. અસલી નોટોના બંડલમાં વચ્ચે નકલી નોટો મૂકીને પધરાવતાઆરોપીઓ ઇ-કોમર્સ વેબસાઇટ પર ફોન સહિતની વસ્તુઓ ઓર્ડર કરતા હતા. બાદમાં ડિલીવરી બોયને નકલી નોટોની ખબર ન પડે તે માટે રાત્રે બોલાવીને અંધારામાં જ અસલી નોટોના બંડલમાં વચ્ચે નકલી નોટો મૂકીને પેમેન્ટ ચુકવીને નીકળી જતા હતાં. પોલીસે આરોપીઓ પાસેથી કુલ રૂ. 2.15 લાખનો મુદ્દામાલ કબ્જે કરી કલકત્તાના શખ્સની શોધખોળ હાથ ધરી છે.

જુહાપુરામાંથી ગેરકાયદેસર કોલ સેન્ટરનો પ્રોસેસર ઝડપાયો:અમેરિકન નાગરિકો પાસેથી લોન પ્રોસેસના નામે ગિફ્ટ મેળવી USDTમાં પેમેન્ટ મેળવતો

વેજલપુર પોલીસે ગેરકાયદે કોલ સેન્ટર ચલાવતી ટોળકીના એક આરોપીની ધરપકડ કરી છે. જુહાપુરામાં આવેલા કાદરી પાર્ટી પ્લોટ સામેથી આરોપી સોયબ ઘાંચીની ધરપકડ કરી છે. આરોપી સોયબ ઘાંચી ગેરકાયદે કોલસેન્ટરમાં પ્રોસેસર તરીકે કામ કરતો હતો. પ્રોસેસરના ફોનમાંથી અમેરિકન નાગરિકોના ડેટા, વોલમાર્ટ વિઝા કાર્ડ, માસ્ટર કાર્ડ, વિવિધ કંપનીના ગિફ્ટ કાર્ડ અને વિદેશી નાગરીકોના બેંક એકાઉન્ટની વિગતો મળી આવી છે. વેજલપુર પોલીસે આ ગેંગના અન્ય સભ્યોની પણ શોધખોળ હાથ ધરી છે. આરોપીના ફોનમાંથી અમેરિકન નાગરિકોના ડેટા મળ્યાઆરોપીની પૂછપરછ કરતા સોયબ ટેલિગ્રામ લિંક મારફતે અમેરિકન નાગરિકોનો ડેટા મેળવતો હોવાનું સામે આવ્યુ છે. જે ડેટા પ્રોફેસર 2 નામના વોટ્સએપ ગૃપમાં આપ લે કરતો હતો. પકડાયેલો આરોપી સોયબ ગિફ્ટ કાર્ડના પ્રોસેસિંગની કામગીરી કરતો હતો. આરોપી જુદા જુદા વર્ચ્યુઅલ નંબરથી વોટ્સએપ ગૃપ એક્ટિવ કરીને અમેરિકન નાગરિકો પાસેથી લોન પ્રોસેસની ફી પેટે ગિફ્ટ કાર્ડનું પેમેન્ટ પણ મેળવતો હતો. જે પેમેન્ટ મોડ ડ્રેગન 2025, ઘોસ્ટ વિથ આરક્યુક્યુ, ધમાલ ન્યુ નામના વોટ્સએપ ગૃપમાં પ્રોસેસિંગ કરાવીને યુએસડીટીમાં પેમેન્ટ મેળવતો હતો. યુએસડીટીનું પેમેન્ટ ભારતીય કરન્સીમાં કન્વર્ટ કરાવતો હતોઆ પેમેન્ટ શોએબ, સાકીર અને યાસરને મોકલી આપતો હતો. જે ત્રણેય આરોપીઓ યુએસડીટીનું પેમેન્ટ લઇને ભારતીય કરન્સીમાં કન્વર્ટ કરાવીને પકડાયેલા આરોપી સોયબને આંગડિયા પેઢી મારફતે નાણાં ચુકવી દેતા હોવાનું સામે આવ્યુ છે. જેથી આ ગેંગમાં ફરાર આરોપી શોએબ કુરેશી (રહે. ગુલઝારપાર્ક, ફતેવાડી), સાકીબ (રહે. મિરઝાપુર) અને યાસર મકવાણા (રહે. જુહાપુરા)ની પોલીસે શોધખોળ હાથ ધરી છે.

FSL તપાસ માટે 1 મીટર ટ્રેક કાપવામાં આવ્યો:વંદે ભારત ટ્રેનમાં રહસ્યમય 'ધડાકા'નું ભેદ ઉકેલવા રેલવે તંત્ર એક્શનમાં, ભેસ્તાન પાસેનો 1 મીટર ટ્રેક કાપીને FSLમાં મોકલાશે

વંદે ભારત એક્સપ્રેસ ટ્રેનમાં સુરતના ભેસ્તાન નજીક થયેલા રહસ્યમય ધડાકાભેર અવાજની ઘટનાએ રેલવે તંત્રની ઊંઘ હરામ કરી દીધી છે. આ ઘટનાના 13 દિવસ બાદ પણ કોઈ નક્કર કારણ બહાર ન આવતા હવે તપાસ એજન્સીઓએ તપાસનો ધમધમાટ તેજ કર્યો છે. આ ઘટનાની તપાસ માટે રેલવે તંત્ર દ્વારા એક મોટો નિર્ણય લેવામાં આવ્યો છે, જેમાં જે જગ્યાએ અવાજ આવ્યો હતો તે રેલવે ટ્રેકનો એક મીટરનો ટુકડો કાપીને ફોરેન્સિક તપાસ માટે મોકલી આપવામાં આવશે. રેલવે ટ્રેકનો એક ટુકડો તપાસ માટે FSLમાં મોકલવામાં આવશેભેસ્તાન રેલવે લાઈન પાસે બનેલી આ ઘટનામાં વૈજ્ઞાનિક પુરાવા મેળવવા માટે રેલવે અને પોલીસ તંત્ર એડીચોટીનું જોર લગાવી રહ્યું છે. તપાસ દરમિયાન રેલવે અધિકારીઓને ટ્રેક ઉપર સ્ક્રેચના નિશાન મળ્યા હતા. આથી, વધુ ઊંડાણપૂર્વકની તપાસ માટે તંત્રએ ઘટનાસ્થળ પરથી રેલવે ટ્રેકનો શરૂઆતનો આશરે એક મીટર જેટલો ભાગ એટલે પાટો કટ કરી લીધો છે.આ કટ કરાયેલા રેલવે ટ્રેકના પાટાને તાત્કાલિક અસરથી ફોરેન્સિક સાયન્સ લેબોરેટરી FSLમાં મોકલી આપવામાં આવશે. FSL ના નિષ્ણાતો હવે આ ધાતુના ટુકડાનું પરીક્ષણ કરશે જેથી જાણી શકાય કે ટ્રેક પર થયેલું નુકસાન કોઈ બાહ્ય અથડામણને કારણે છે, કોઈ પદાર્થને કારણે છે કે પછી ધાતુમાં કોઈ તિરાડ પડવાને કારણે છે. ટ્રેક પર 'સ્ક્રેચ'ના નિશાન ભારે વસ્તુ ઘસાવાથી કે વ્હીલ જામ થવાથી પણ બની શકેરેલવે પ્રોટેક્શન ફોર્સ અને રેલવેના ટેકનિકલ અધિકારીઓ જ્યારે તપાસ માટે ઘટનાસ્થળે દોડી ગયા હતા, ત્યારે તેમને ટ્રેક પર ઘસરાના એટલે કે 'સ્ક્રેચ'ના નિશાન જોવા મળ્યા હતા. અધિકારીઓના નિરીક્ષણ મુજબ, આ સ્ક્રેચ શરૂઆતમાં ખૂબ જ ઘાટા અને વધુ હતા, જે ધીરે-ધીરે આગળ જતા ઓછા થતા ગયા હતા. આ પ્રકારના નિશાન કોઈ ભારે વસ્તુ ઘસાવાથી અથવા વ્હીલ જામ થવાથી પણ બની શકે છે. ટેક્નિકલ ખામીની આશંકા અને 164 MM ડાયામીટરનું ભેદપ્રાથમિક તપાસમાં અધિકારીઓનું માનવું છે કે, આ ઘટનામાં 'ટેક્નિકલ ખામી' હોવાની શક્યતા વધુ છે. જોકે, આ ખામી એન્જિનમાં હતી કે ટ્રેનના વ્હીલમાં, તે હજુ સુધી સ્પષ્ટ થઈ શક્યું નથી. તપાસ દરમિયાન 164 એમએમ (mm) ડાયામીટરના માપનો ઉલ્લેખ પણ ચર્ચામાં આવ્યો છે, જે વ્હીલ અથવા ટ્રેક પર પડેલા ઈમ્પેક્ટ સાથે સંકળાયેલ હોઈ શકે છે. સતત 13 દિવસથી વધુ સમય વીતી જવા છતાં, ચોક્કસ કારણ ન મળતા હવે તમામ આધાર FSL રિપોર્ટ પર છે. શું બની હતી ઘટના?ગત 15 નવેમ્બરની સાંજે જ્યારે વંદે ભારત ટ્રેન મુંબઈ સેન્ટ્રલથી અમદાવાદ જઈ રહી હતી ત્યારે સાંજે લગભગ 6:35 વાગ્યે ભેસ્તાન સ્ટેશન પાસે લોકો પાયલટને ટ્રેનના નીચેના ભાગેથી જોરદાર ધડાકાભેર અવાજ સંભળાયો હતો. પાયલટે સમયસૂચકતા વાપરીને સ્ટેશન માસ્ટર અને કંટ્રોલ રૂમને જાણ કરી હતી, પરંતુ ટ્રેનના પેરામીટર્સ નોર્મલ જણાતા ઈમરજન્સી બ્રેક લગાવી નહોતી અને ટ્રેન સુરક્ષિત રીતે સુરત પહોંચાડી હતી. FSL ટીમ અને પોલીસ તપાસઘટનાની ગંભીરતાને ધ્યાને લઈને FSL ની વિશેષ ટીમે ઘટનાસ્થળેથી ધાતુના ટુકડા, પ્લાસ્ટિકના અવશેષો અને કોન્ક્રીટના નમૂના સીલ પેક કર્યા છે. બીજી તરફ, સુરત જીઆરપીએ અજાણ્યા વ્યક્તિ વિરુદ્ધ રેલવે એક્ટની કલમ 151 હેઠળ ગુનો દાખલ કરી તપાસ અધિકારી જે.બી. મિઠાપરાને સોંપી છે. હાલમાં મુંબઈ સેન્ટ્રલથી લઈને ભેસ્તાન સુધીના CCTV ફૂટેજ અને ટ્રેનના એન્જિનના કેમેરાનું રેકોર્ડિંગ ચકાસવામાં આવી રહ્યું છે.

અમદાવાદમાં 6 હાઇ-સ્પીડ બાઇક ચોરનાર ઝડપાયો:આંતરરાજ્ય બાઈકર્સ ચોર ગેંગના મુખ્ય આરોપીને LCBએ શામળાજીથી દબોચ્યો, ચોરાયેલી 7 બાઈક જપ્ત, 5 આરોપી ફરાર

અરવલ્લી જિલ્લા લોકલ ક્રાઇમ બ્રાન્ચ (LCB) એ એક મોટી સફળતા મેળવતા આંતરરાજ્ય બાઇક ચોરી કરતી ગેંગનો પર્દાફાશ કર્યો છે. LCB ટીમે એક મુખ્ય આરોપીને ઝડપી પાડી તેની પાસેથી અમદાવાદ શહેર અને રાજસ્થાનમાંથી ચોરી કરાયેલી કુલ સાત હાઇ-સ્પીડ બાઇકો જપ્ત કરી છે. પોલીસે હવે આ ગેંગના અન્ય પાંચ ફરાર આરોપીઓને ઝડપી પાડવા માટે સઘન કાર્યવાહી હાથ ધરી છે. અમદાવાદ શહેરના વસ્ત્રાપુર, સાબરમતી, સરદારનગર, ચાંદખેડા, નારણપુરા જેવા પોશ વિસ્તારમાં હાઇ-સ્પીડ બાઇક ચોરીને અંજામ આપ્યો હતો. શામળાજી નજીક શંકાસ્પદ બાઇકચાલક ઝડપાયોજિલ્લા પોલીસવડા (SP) મનોહરસિંહ જાડેજાએ આ અંગે પત્રકાર પરિષદમાં માહિતી આપતા જણાવ્યું હતું કે, LCB સ્ટાફ શામળાજી નજીક જાબ ચિત્તરીયા-સોનાસણ રોડ પર નિયમિત પેટ્રોલિંગ કરી રહ્યો હતો. આ દરમિયાન એક શખસ શંકાસ્પદ હાલતમાં બાઇક લઈને પસાર થતાં તેને રોકીને પૂછપરછ કરવામાં આવી હતી. તપાસ દરમિયાન બાઇકચાલક પાસે વાહનના કોઈ કાયદેસર દસ્તાવેજો મળી આવ્યા ન હતા. વધુ કડક પૂછપરછ થતાં આરોપીએ કબૂલ્યું હતું કે તેણે આ બાઇકની ચોરી કરી છે. રાજસ્થાન, અમદાવાદમાં ચોરીને અંજામ અપાતો ઝડપાયેલા આરોપીની ઓળખ વિકેશ ખેરાડી (રહે. ખરબર ગામ, સરાડા-રાજસ્થાન) તરીકે થઈ છે. આરોપીએ કબૂલાત કરી હતી કે તે તેના અન્ય સાથીઓ સાથે મળીને ગુજરાતના અમદાવાદ શહેરના વસ્ત્રાપુર, સાબરમતી, સરદારનગર, ચાંદખેડા, નારણપુરા જેવા પોશ વિસ્તારો તેમજ રાજસ્થાનના વીંછીવાડા વિસ્તારમાંથી કીમતી બાઇકોની ચોરી કરતો હતો. પાંચ મહુડીના અવાવરુ સ્થળે સંતાડેલી બાઇકો મળી આવીઆરોપીની કબૂલાતના આધારે LCB સ્ટાફે તાત્કાલિક કાર્યવાહી હાથ ધરી હતી. પોલીસે શામળાજી નજીક આવેલા પાંચ મહુડી ગામ પાસે એક અવાવરુ જગ્યાએ દરોડો પાડ્યો હતો. આ સ્થળે સંતાડેલી કુલ સાત હાઇ-સ્પીડ બાઇકો મળી આવી હતી, જેની આશરે કિંમત ₹12 લાખ હોવાનું જાણવા મળ્યું છે. SP મનોહરસિંહ જાડેજાએ જણાવ્યું હતું કે, આ ગેંગમાં સામેલ રાજસ્થાનના અન્ય પાંચ આરોપીઓને ઝડપી પાડવા માટે જુદી જુદી ટીમો બનાવીને સઘન તપાસ શરૂ કરી દેવામાં આવી છે. ગુનેગારો સામે કડક કાર્યવાહીની ખાતરીપોલીસવડાએ વધુમાં જણાવ્યું હતું કે, જિલ્લામાં ગુનાખોરીને સંપૂર્ણ નાબૂદ કરવા અને નાગરિકોની સંપત્તિ સુરક્ષિત રાખવા માટે પોલીસ તંત્ર સંપૂર્ણ પ્રતિબદ્ધ છે. ચોરી અને લૂંટ જેવા ગુનાઓ આચરનારા ગુનેગારો સામે કડક અને કાયદેસરના પગલાં લેવામાં આવશે.

પોણા નવ કરોડના 'તરતા સોના' સાથે ચાર ઝડપાયા:અમદાવાદના ઈતિહાસમાં અત્યાર સુધીમાં ઝડપાયેલા એમ્બરગ્રીસનો સૌથી વધુ જથ્થો, આટલી ઊંચી કિંમતનું કારણ શું?

એમ્બરગ્રીસ એટલે કે સ્પર્મ વ્હેલની ઊલટી. એક કિલોના એક કરોડ રૂપિયા લેખે વેચાતા એમ્બરગ્રીસના પોણા નવ કિલોના જથ્થા સાથે અમદાવાદમાંથી ચાર શખસો ઝડપાયા છે. અમદાવાદમાં હાલ જે જથ્થો ઝડપાયો છે તે અત્યાર સુધીનો સૌથી મોટો જથ્થો છે. ચાર મહિના પહેલા પણ અમદાવાદમાંથી એમ્બરગ્રીસના જથ્થો ઝડપાયો હતો. સરખેજ વિસ્તારમાં એમ્બરગ્રીસ વેચવા આવેલા ચાર શખસો ઝડપાયાઅમદાવાદ ઝોન-7 એલસીબીની ટીમે બાતમીના આધારે સરખેજ-મકરબા ટોરન્ટ પાવર રોડ પર નવા બની રહેલા બ્રીજ પાસેથી ચાર શખસોની 8 કિલો 700 ગ્રામ એમ્બરગ્રીસના જથ્થા સાથે ધરપકડ કરી છે. જે ચાર લોકો ઝડપાયા છે તેઓના નામ રિંકુ સીંગ, શશાંક પાંડે, જતીન પટેલ અન એજેક્ષ વ્યાસ છે. સુરતના શખસ પાસેથી એમ્બરગ્રીસ મેળવી અમદાવાદમાં વેચવાના હતાઆરોપીઓની તપાસ દરમિયાન સામે આવ્યું હતું કે નરોડામાં રહેતો રીન્કુ સિંહ રાજપુત સુરતના એક વ્યક્તિ પાસેથી એમ્બરગ્રીસનો જથ્થો વેચવા માટે લાવ્યો હતો.સુરતના વ્યક્તિએ એમ્બરગ્રીસ વેચાય તો તેને અડધા પૈસા આપવાની વાતચીત કરી હતી.રીન્કુસિંહે એમ્બરગ્રીસ શશાંકના ઘરે રાખવા માટે આપી હતી.આરોપીઓ સરખેજ વિસ્તારમાં એમ્બરગ્રીસ વેચવા માટે આવ્યા હતા ત્યારે જ પોલીસે ઝડપી પાડ્યા હતા. આરોપીઓ પૈકી રીન્કુસિંહ ડ્રાઇવિંગનો ધંધો કરે છે.જ્યારે શશાંક બેરોજગાર છે.એજેક્ષ અને જતીન બંને હજુ કોલેજમાં અભ્યાસ કરે છે. પોલીસે એમ્બરગ્રીસનો જથ્થો એફએસએલમાં તપાસ માટે આપ્યો છે.જે બાદ ફોરેસ્ટ વિભાગને પણ અંગે જાણ કરવામાં આવશે.

ઝાડેશ્વર સરપંચ કબીર વસાવા સામેની પીટીશન રદ્દ:કોર્ટે નિર્ણય આપતા તેઓ સરપંચ પદે યથાવત્ રહ્યા

ભરૂચ તાલુકાના ઝાડેશ્વર ગ્રામ પંચાયતના સરપંચ કબીર વસાવા વિરુદ્ધ દાખલ થયેલી પીટીશન કોર્ટે રદ્દ કરી છે. આ નિર્ણયથી કબીર વસાવા સરપંચ પદે યથાવત્ રહ્યા છે. જૂન-2025ની ચૂંટણીઓ બાદ આ વિવાદ ઉભો થયો હતો. પરાજિત ઉમેદવાર રણજીત વસાવાએ કબીર વસાવા પર તેમના પ્રથમ લગ્ન હયાત હોવા છતાં તે માહિતી છુપાવવાનો આક્ષેપ કર્યો હતો. આ મુદ્દે રણજીત વસાવાએ ભરૂચ કોર્ટમાં ચૂંટણી રદ્દ કરવાની માંગ સાથે પીટીશન દાખલ કરી હતી. મામલાની સુનાવણી દરમિયાન કોર્ટે બંને પક્ષોના મૌખિક અને દસ્તાવેજી પુરાવાઓ તેમજ એડવોકેટોની દલીલોનું વિશ્લેષણ કર્યું હતું. અંતે, કોર્ટે રણજીત વસાવાની પીટીશનને અસમર્થ જાહેર કરીને રદ્દ કરી હતી. કોર્ટે કબીર વસાવાને ઝાડેશ્વર ગામના સરપંચ તરીકે યથાવત્ રાખવાનો આદેશ આપ્યો હતો. કોર્ટનો આ નિર્ણય બહાર પડતા જ કબીર વસાવાના સમર્થકોમાં આનંદની લહેર વ્યાપી ગઈ હતી. પંચાયત કચેરી નજીક સમર્થકોએ ફટાકડા ફોડી અને મીઠાઈ વહેંચીને હર્ષોલ્લાસપૂર્વક ઉજવણી કરી હતી.

એન.કે. દેસાઈ કોલેજમાં ગર્લ્સ ક્રિકેટ ટુર્નામેન્ટ પૂર્ણ:FYBCom ટીમે ચેમ્પિયનશિપ જીતી, MSC પાર્ટ-1 રનર-અપ

વલસાડ જિલ્લાની પારડી સ્થિત એન.કે. દેસાઈ સાયન્સ એન્ડ કોમર્સ કોલેજ ખાતે ઇન્ટરક્લાસ ગર્લ્સ ક્રિકેટ ટુર્નામેન્ટનું આયોજન કરવામાં આવ્યું હતું. આ ટુર્નામેન્ટમાં સાયન્સ અને કોમર્સ વિભાગની કુલ આઠ ટીમોએ ઉત્સાહભેર ભાગ લીધો હતો. ટુર્નામેન્ટનો ફાઇનલ મુકાબલો એફ.વાય.બી.કોમ અને એમ.એસસી પાર્ટ–1 વચ્ચે રમાયો હતો. જેમાં એફ.વાય.બી.કોમની ટીમે વિજય મેળવી ચેમ્પિયનશિપ પોતાના નામે કરી હતી, જ્યારે એમ.એસસી પાર્ટ–1ની ટીમ રનર-અપ રહી હતી. ટુર્નામેન્ટ દરમિયાન ઉત્કૃષ્ટ પ્રદર્શન કરનારી ખેલાડીઓને વિશેષ પુરસ્કારોથી સન્માનિત કરવામાં આવી હતી. દિવ્યા પટેલ (એફ.વાય.બી.કોમ) વુમન ઓફ ધ સીરિઝ બની હતી. કિનજલ પટેલ (એસ.વાય.બી.એસસી)ને બેસ્ટ બેટ્સવુમન અને જાનવી પટેલ (એફ.વાય.બી.કોમ)ને બેસ્ટ બોલરનો એવોર્ડ મળ્યો હતો. આ સમગ્ર ટુર્નામેન્ટનું આયોજન કોલેજના સ્ટાફ દ્વારા કરવામાં આવ્યું હતું. વિજેતા વિદ્યાર્થીઓને તેમજ સફળ આયોજન માટે કોલેજના કેમ્પસ ડિરેક્ટર ડૉ. દિપેશ શાહ અને પારડી એજ્યુકેશન સોસાયટીના પ્રમુખ હેમંતભાઈ દેસાઈએ શુભેચ્છાઓ અને અભિનંદન પાઠવ્યાં હતા.

જુના સિંધુનગરના મકાનમાંથી દારૂ-બિયરનો જથ્થો ઝડપાયો:વિદેશી દારૂની 95 બોટલના 61 હજારના મુદ્દામાલ સાથે પોલીસ એક શખ્સને દબોચ્યો

ભાવનગર શહેરના જુના સિંધુનગર વિસ્તારમાં એક રહેણાંક મકાનમાંથી ભારતીય બનાવટનો વિદેશી દારૂ અને બિયરનો જથ્થો પેરોલ ફર્લો સ્કવોડે દરોડો પાડી રૂ.61,125નો મુદ્દામાલ સાથે નવીન ને ઝડપી લઈ કાયેસદરની કાર્યવાહી હાથ ધરી છે. 61 હજારના મુદ્દામાલ સાથે પોલીસ એક શખ્સને દબોચ્યોઆ બનાવ અંગે ઘોઘા રોડ પોલીસ મથકેથી જાણવા મળતી વિગતો અનુસાર, પેરોલ ફર્લો સ્કવોડના કોન્સ્ટેબલ ચંદ્રસિંહ બટુકસિંહ વાળાને ખાનગી બાતમી મળી હતી કે, જુના સિંધુનગર, લાઇન નંબર 1, સંત તિલોકારામ મંદિર પાસે રૂમ નંબર 26માં રહેતો નવીન પવનભાઈ પિંજાણી તેના મકાનમાં ગેરકાયદેસર રીતે દારૂનો જથ્થો રાખી વેચાણ કરે છે. આ બાતમીના આધારે પોલીસે તાત્કાલિક કાર્યવાહી કરી નવીનના મકાન પર દરોડો પાડ્યો હતો. મકાનમાંથી દારૂ-બિયરનો જથ્થો ઝડપાયોમકાનની તલાશી લેતા મુખ્ય ગેટ પાસેની ખુલ્લી પતરાવાળી ઓરડીમાંથી પ્લાસ્ટિકના ત્રણ કોથળા મળી આવ્યા હતાં. તેમાંથી પરપ્રાંતીય ઇંગ્લિશ દારૂની અલગ-અલગ કંપનીની 95 બોટલો કિંમત રૂ.47,515 અને અલગ-અલગ કંપનીના 39 બિયર ટીન કિંમત રૂ.8,610 મળી આવ્યા હતા. આ ઉપરાંત એક મોબાઈલ ફોન કિંમત રૂ.5,000 મળી કુલ રૂ.61,125નો મુદ્દામાલ ઝડપી લીધો હતો, નવીન પવનભાઈ પિંજાણી વિરુદ્ધ ઘોઘા રોડ પોલીસ મથકે પ્રોહિબિશન એક્ટની જુદી જુદી કલમ 65(એ), (ઈ), 116(બી) હેઠળ ગુનો નોંધી કાયદેસરની કાર્યવાહી હાથ ધરવામાં આવી છે.

સાબરકાંઠાની 10 આરોગ્ય સંસ્થાઓને મળ્યું NQAS પ્રમાણપત્ર:ગુણવત્તાયુક્ત સેવાઓ માટે રાષ્ટ્રીય કક્ષાની માન્યતા પ્રાપ્ત

સાબરકાંઠા જિલ્લાની 10 આરોગ્ય સંસ્થાઓને ગુણવત્તાયુક્ત સેવાઓ માટે રાષ્ટ્રીય કક્ષાનું NQAS પ્રમાણપત્ર મળ્યું છે. છેલ્લા ત્રણ માસ દરમિયાન ખેડવા અને અરોડા પ્રાથમિક આરોગ્ય કેન્દ્ર તેમજ ગઢડા, શામળાજી, કાથરોટી, મટોડા, પીપોદરા, પરોસડા, સાબલવાડ અને ઉમેદપુરા આયુષ્માન આરોગ્ય મંદિરનો આમાં સમાવેશ થાય છે. આ નવી સિદ્ધિ સાથે, જિલ્લામાં કુલ 104 આરોગ્ય સંસ્થાઓને રાષ્ટ્રીય કક્ષાના પ્રમાણપત્રો પ્રાપ્ત થયા છે. આમાં 27 પ્રાથમિક આરોગ્ય કેન્દ્રો, 1 સબ-ડિસ્ટ્રિક્ટ હોસ્પિટલ, 1 અર્બન પ્રાઇમરી હેલ્થ સેન્ટર (UPHC) અને 75 આયુષ્માન આરોગ્ય મંદિર-સબસેન્ટરનો સમાવેશ થાય છે. નોંધનીય છે કે, આમાંથી 50 સંસ્થાઓએ 90થી વધુનો સ્કોર મેળવ્યો છે. આ સિદ્ધિ અંગે જિલ્લા વિકાસ અધિકારી ડૉ. રાજ સુતરીયાએ જણાવ્યું હતું કે, જિલ્લાના અધિકારીઓ અને કર્મચારીઓના અથાગ પ્રયાસોને કારણે સાબરકાંઠા જિલ્લાએ સમગ્ર રાજ્યમાં NQAS પ્રમાણપત્ર મેળવવામાં અગ્રિમ સ્થાન પ્રાપ્ત કર્યું છે. તેમણે ઉમેર્યું હતું કે, આના દ્વારા અંતરિયાળ ગ્રામ્ય વિસ્તારોમાં પણ ગુણવત્તાના ઉચ્ચ માનાંકો અનુસાર સગર્ભા માતાઓ, નવજાત શિશુઓ અને બાળકોની આરોગ્ય સંભાળ, રસીકરણ, કુટુંબ કલ્યાણ અને રોગચાળા સહિતના વિવિધ રાષ્ટ્રીય આરોગ્ય કાર્યક્રમોની સેવાઓ પૂરી પાડીને 'સ્વસ્થ સાબરકાંઠા'ના સંકલ્પને સિદ્ધ કરવામાં આવશે. ડૉ. સુતરીયાએ વધુમાં જણાવ્યું હતું કે, જિલ્લામાં ગુણવત્તાયુક્ત આરોગ્ય સેવાઓ મળી રહે તે માટે સમગ્ર તંત્રના સહિયારા પ્રયાસોનું આ ઉત્તમ પરિણામ છે. આગામી માર્ચ 2026 સુધીમાં વધુ 20 આરોગ્ય કેન્દ્રોને NQAS રાષ્ટ્રીય કક્ષાનું પ્રમાણપત્ર મેળવવાનું લક્ષ્ય નિર્ધારિત કરવામાં આવ્યું છે.

સોશિયલ મીડિયા પર બદનામી કરનાર આરોપી ઝડપાયો:વોટ્સએપનો ઉપયોગ કરી ફરિયાદીને બદનામ કરવાનો આરોપ, પોલીસે દબોચ્યો

બગવદર પોલીસ સ્ટેશનમાં ૨૬ નવેમ્બર, ૨૦૨૫ના રોજ એક ડિજિટલ ગુનો નોંધાયો છે. પોરબંદર ખાપટના હરીશ સિદ્દીભાઈ કેશવાલા સામે આઈ.પી.સી. કલમ 504, 506(1), 384 અને આઈ.ટી. એક્ટ કલમ 66(c), 67(a) હેઠળ કાર્યવાહી કરવામાં આવી છે. આરોપી હરીશ કેશવાલા પર પોતાની ઓળખ છુપાવીને સોશિયલ મીડિયા પ્લેટફોર્મ, ખાસ કરીને વોટ્સએપનો ઉપયોગ કરીને ફરિયાદીને ખોટી રીતે બદનામ કરવાનો આરોપ છે. પોલીસે જણાવ્યું છે કે ડિજિટલ યુગમાં ટેકનોલોજીનો ખોટો ઉપયોગ કરવો કાયદા વિરુદ્ધ છે. ફેક આઈ.ડી., ફોટો-વીડિયો વાયરલ કરવા, બ્લેકમેઇલ કરવા અને અપશબ્દો બોલવા જેવી ઘટનાઓ વ્યક્તિના માનસિક ત્રાસ અને પ્રતિષ્ઠાને નુકસાન પહોંચાડે છે. આવા આરોપીઓ સામે કાયદા કડક છે અને સમાજમાં આવા કૃત્યોને અટકાવવા માટે જાગૃતિ લાવવી જરૂરી છે. આ કાયદાકીય પગલાં દ્વારા ટેકનોલોજીનો ખોટો ઉપયોગ અટકાવવામાં અને ભોગ બનનારા લોકોને સુરક્ષિત રાખવામાં મહત્વપૂર્ણ પ્રયાસ કરવામાં આવ્યો છે. બગવદર પોલીસે ભોગ બનનાર લોકોને પણ સૂચના આપી છે કે, જો કોઈ વ્યક્તિ આવા પ્રકારની ઘટનાઓનો ભોગ બનતો હોય, તો તે નિર્ભય થઈને તાત્કાલિક પોરબંદર પોલીસ સ્ટેશનનો સંપર્ક કરી શકે છે. પોલીસ ફરિયાદીની ઓળખ સંપૂર્ણ રીતે ગુપ્ત રાખશે.

પંચમહાલ LCBએ વિદેશી દારૂનો મોટો જથ્થો ઝડપ્યો:શહેરાના છાણીપ ગામે ચાંદણગઢ ચોકડી પરથી 9.46 લાખનો મુદ્દામાલ જપ્ત

પંચમહાલ-ગોધરા લોકલ ક્રાઈમ બ્રાન્ચ (LCB) એ શહેરા તાલુકાના છાણીપ ગામે ચાંદણગઢ ચોકડી પરથી વિદેશી દારૂ અને બિયરનો મોટો જથ્થો ઝડપી પાડ્યો છે. આ કાર્યવાહીમાં કુલ 1086 બોટલ દારૂ અને બિયર, જેની કિંમત 4,62,333 રૂપિયા છે, તે જપ્ત કરવામાં આવ્યો છે. દારૂની હેરાફેરીમાં વપરાયેલી 5,00,000 રૂપિયાની એક XUV ગાડી પણ કબજે લેવામાં આવી છે, આમ કુલ 9,46,233 રૂપિયાનો મુદ્દામાલ જપ્ત થયો છે. પંચમહાલ ગોધરા રેન્જ પોલીસ મહાનિરીક્ષક આર.વી. અસારી અને પોલીસ અધિક્ષક ડૉ. હરેશભાઈ દુધાતની સૂચના મુજબ, જિલ્લામાં દારૂની અસામાજિક પ્રવૃત્તિઓ ડામવા માટે LCB ગોધરાના ઇન્ચાર્જ પોલીસ ઇન્સ્પેક્ટર આર.એ. પટેલે સ્ટાફને વોચ રાખવા સૂચના આપી હતી. આ સૂચનાના આધારે, LCB ગોધરાના કૃષ્ણકાંત તેરસિંહ અને ભુપેન્દ્રસિંહ નાથુસિંહને ખાનગી બાતમી મળી હતી કે શહેરાના અણીયાદ ગામથી રેણા ગામ તરફના રોડ પર એક નંબર વગરની સફેદ XUV 500 ગાડીમાં વિદેશી દારૂ ભરીને આવી રહી છે. એક પટેલ નામનો વ્યક્તિ તેનું પાયલોટિંગ કરી રહ્યો હતો. આ બાતમીના આધારે, LCB સ્ટાફે છાણીપ ગામે ચાંદણગઢ ચોકડી પર નાકાબંધી કરી. નાકાબંધી દરમિયાન, XUV ગાડીના ચાલકે વાહન ઊભું રાખવાને બદલે ભાગવાનો પ્રયાસ કર્યો. પોલીસે પીછો કરતા, ચાલકે ગાડીને રોડની સાઈડમાં એક ઝાડ સાથે અથડાવીને ફરાર થઈ ગયો. ત્યારબાદ, XUV ગાડીની તપાસ કરતા તેમાંથી દારૂનો જથ્થો મળી આવ્યો. જપ્ત કરાયેલા મુદ્દામાલમાં કિંગફિશર સ્ટ્રોંગ બિયર, બડવાઇઝર મેગ્નમ બિયર, બ્લેન્ડર્સ પ્રાઇડ સિલેક્ટ પ્રીમિયમ વ્હીસ્કી, રોયલ સ્ટેગ ડીલક્સ વ્હીસ્કી, રોયલ ચેલેન્જ પ્રીમિયમ ડીલક્સ વ્હીસ્કી, એન્ટિક્યુટી બ્લુ અલ્ટ્રા પ્રીમિયમ વ્હીસ્કી, સ્ટર્લિંગ રિઝર્વ બી-7 ડીલક્સ વ્હીસ્કી, સિગ્નેચર રેર એજ્ડ વ્હીસ્કી, આઇકોનિક વ્હાઇટ વ્હીસ્કી, ગ્લોબસ ગ્રીન વ્હીસ્કી, બ્લેક જેગુઆર વ્હીસ્કી અને ઓલ સીઝન રિઝર્વ વ્હીસ્કી જેવી વિવિધ બ્રાન્ડનો વિદેશી દારૂ અને બિયરનો સમાવેશ થાય છે. આ ગુનામાં XUV 500 ગાડીનો ચાલક અને પાયલોટિંગ કરનાર પટેલ નામનો ઇસમ આરોપી તરીકે નોંધાયા છે. શહેરા પોલીસ સ્ટેશનમાં પ્રોહીબીશન એક્ટની જુદી જુદી કલમો હેઠળ ગુનો દાખલ કરીને કાયદેસરની કાર્યવાહી હાથ ધરવામાં આવી છે. આ સફળ કામગીરીમાં LCB ગોધરાના પો.સ.ઈ. એસ.આર. શર્મા, અ.હે.કો. કૃષ્ણકાંત તેરસિંહ, ભુપેન્દ્રસિંહ નાથુસિંહ, સરતાનભાઈ કરમણભાઈ, જોગેન્દ્રસિંહ દિલીપસિંહ અને આ.પો.કો. યોગેશકુમાર સુભાષચંદ્ર સહિતના અધિકારીઓ અને કર્મચારીઓ જોડાયા હતા.

બંગલામાં રહેતા પાડોશીઓ રખડતાં કૂતરાઓને લઈને ઝઘડ્યા:શ્વાન પ્રેમી મહિલાના પરિજનોએ બહારથી માણસો બોલાવી પાડોશીઓને માર્યા, સેશન્સ કોર્ટે જામીન ફગાવતા હાઇકોર્ટ પહોંચ્યા

ચાલુ વર્ષે ઓક્ટોબર મહિનામાં આણંદના વિદ્યાનગર પોલીસ સ્ટેશને નક્ષત્ર બંગલોઝમાં રહેતા 3 આરોપી સ્વાતિબેન, ઉમંગભાઈ અને હેતલભાઈ સામે હુમલો કરીને માર મારવાની ફરિયાદ પર્વ રાવલે નોધાવી હતી. જેમાં મૂળ રખડતાં કૂતરા રાખવા બાબતે ઝઘડો થતા આરોપીઓએ બહારથી માણસો બોલાવીને પાડોશીઓને માર માર્યો હતો. જેમાં લાકડી અને પાઈપ જેવા હથિયારો વાપર્યા હોવાનો આક્ષેપ કરવામાં આવ્યો છે. આરોપીઓએ ગાળાગાળી કરીને ધક્કામુકી કરીકેસની વિગતે જોતા આણંદના નક્ષત્ર બંગલોઝમાં રહેતા સ્વાતિબેન રખડતાં કૂતરાઓને સોસાયટીમાં રાખીને ખવડાવતા હતા. જેથી ગંદકી થતાં પાડોશમાં રહેતા ફરિયાદીના માતા નીલમબેને તેમને ઠપકો આપ્યો હતો. જેથી શરૂઆતમાં ઉશ્કેરાટમાં સામાન્ય ઝઘડો થઈને બંને પક્ષના પાડોશીઓ છૂટા પડ્યા હતા, પરંતુ ફરિયાદી કામે જતા તેમના ઘરે આરોપીઓએ ગાળાગાળી કરીને ધક્કામુકી કરી હતી. ફરિયાદી અને તેના પરિજનોને માર મારતા ઇજા થઈ હતીફરિયાદી અને તેમનો મિત્ર ઘરે પહોંચતા આરોપીઓએ બહારથી માણસો બોલાવ્યા હતા. જેઓ લાકડી અને પાઈપ જેવા હથિયારો સાથે આવ્યા હતા. જેઓએ ફરિયાદી અને તેના પરિજનોને માર મારતા ફરિયાદીના પિતાને ફેક્ચર થયું હતું. લાકડી માથામાં મારવા જતા તેઓએ હાથ વચ્ચે નાખ્યો હતો. ફરિયાદીના વાહનોને નુકસાન કર્યું હતું અને ફરીથી આવું કરશે તો નહીં છોડવાની ધમકી આપી હતી. આણંદની સેશન્સ કોર્ટે જામીન અરજી નકારતા હાઈકોર્ટમાં અરજી કરીઝડપાયેલા આરોપીઓ પૈકી નીલ પટેલ અને કપિલ સોલંકીએ આણંદની સેશન્સ કોર્ટમાં જામીન અરજી કરી હતી. જેને નકારી લેવાતા તેઓ ગુજરાત હાઇકોર્ટમાં અરજી દાખલ કરી છે. અરજદાર વતી રજૂઆતો કરવામાં આવી હતી કે તેઓએ કોઈને ઈજા પહોંચાડી નથી. ફક્ત એક વ્યક્તિને ફેક્ચર થયું છે. તેઓએ કોઈને ધમકી આપી નથી. આરોપીઓએ બહારથી અસામાજિક તત્વો બોલાવ્યા હતાફરિયાદીએ અડધા વીડિયો સોશિયલ મીડિયા ઉપર વાઇરલ કર્યા છે. ફરિયાદીએ તેમની ઉપર હુમલો કર્યો હતો. આરોપી સામે માત્ર ઉશ્કેરણી કરવાનો આક્ષેપ છે. સામે સરકારી વકીલે દલીલ કરી હતી કે કૂતરાને ખોરાક આપવા અને ગંદકીને બાબતે આ ઝઘડો થયો હતો. આરોપીઓએ બહારથી અસામાજિક તત્વો બોલાવ્યા હતા. જેના ફોટોગ્રાફ સેશન્સ કોર્ટ સમક્ષ રજુ કરાયા હતા. અરજદાર આરોપીઓ સામે પૂર્વ ગુનો નોંધાયેલા છે. આ ફોટો શા માટે પોલીસ તરફથી રજૂ કરાયો નથી?ઉલ્લેખનીય છે કે, હાઇકોર્ટમાં જામીન અરજી કરતા એક વીડિયો કોર્ટ સમક્ષ રજૂ કરાયો હતો. પરંતુ ફરિયાદીના વકીલે એક ફોટો કોર્ટ સમક્ષ રજૂ કર્યો હતો. જેમાં આરોપી નીલ પટેલના હાથમાં બેઝબોલનો ધોકો જોવા મળે છે. આથી હાઇકોર્ટે પૂછ્યું હતું કે આ ફોટો શા માટે પોલીસ તરફથી રજૂ કરાયો નથી. જે બાબતે તપાસ અધિકારી એફિડેવિટ ફાઇલ કરે. જો જાણી જોઈને આ બાબત છુપાવવામાં આવી હશે તો તપાસ અધિકારી સામે પગલા લેવામાં આવશે. આ બાબતે વધુ સુનાવણી આગામી સમયમાં યોજાશે.

ધ્રાંગધ્રા પોલીસ કોન્સ્ટેબલ રૂ.30,000ની લાંચ લેતા ઝડપાયા:દુષ્કર્મ કેસમાં મદદ કરવા ACBએ રંગેહાથ પકડ્યા

સુરેન્દ્રનગર જિલ્લાના ધ્રાંગધ્રા સિટી પોલીસ મથકના પોલીસ કોન્સ્ટેબલ મોગીલાલ પઢીયારને એસીબીએ ₹30,000ની લાંચ લેતા રંગેહાથ ઝડપી પાડ્યા છે. દુષ્કર્મ અને પોક્સો હેઠળ નોંધાયેલ કેસમાં આરોપીને મદદ કરવાના બદલામાં આ લાંચની માંગણી કરવામાં આવી હતી. પ્રાપ્ત માહિતી અનુસાર, પીઆઈના રાઈટર તરીકે ફરજ બજાવતા મોગીલાલ પઢીયારે અરજદાર પાસે ચાલી રહેલા જૂના કેસમાં મદદ કરવા અને હાલ કોર્ટમાં ચાલતા કેસમાં સહાય કરવા માટે ₹30,000ની લાંચ માંગી હતી. ફરિયાદી લાંચ આપવા માંગતા ન હોવાથી તેમણે સુરેન્દ્રનગર એસીબીનો સંપર્ક કર્યો હતો. જેના આધારે એસીબી દ્વારા છટકું ગોઠવવામાં આવ્યું હતું. આ છટકા દરમિયાન, ધ્રાંગધ્રાના આંબેડકર સર્કલ નજીક ડીસીડબલ્યુ સર્કલ પાસે આવેલી પીજીવીસીએલ કચેરીના ગેટ પાસે પોલીસકર્મી મોગીલાલ પઢીયાર લાંચની રકમ સ્વીકારતા રંગેહાથ ઝડપાઈ ગયા હતા. એસીબી દ્વારા આ મામલે વધુ કાયદેસરની કાર્યવાહી હાથ ધરવામાં આવી છે.

જીજ્ઞેશ મેવાણીના સમર્થનમાં દલિત મંચ:મેવાણીને બદનામ કરવાનું કાવતરું કર્યાના દલિત અધિકાર મંચનો આક્ષેપ; ગુજરાતમાં દારૂ-ડ્રગ્સના અડ્ડા બંધ કરવા કલેક્ટરને આવેદન

વડગામના ધારાસભ્ય અને રાષ્ટ્રીય દલિત અધિકાર મંચના કન્વીનર જીજ્ઞેશ મેવાણી દ્વારા થરાદ ખાતે દારૂ-ડ્રગ્સના વેપલા વિરુદ્ધ કરેલી રજૂઆત બાદ ઊભા થયેલા વિવાદે જુનાગઢમાં પણ રાજકીય ગરમાવો વધાર્યો છે. જુનાગઢ જિલ્લા રાષ્ટ્રીય દલિત અધિકાર મંચ અને સમસ્ત અનુસૂચિત જાતિ સમાજ દ્વારા આજે કલેક્ટર અને જિલ્લા મેજિસ્ટ્રેટ સમક્ષ આવેદનપત્ર પાઠવી મેવાણીના સમર્થનમાં ઉગ્ર રજૂઆત કરવામાં આવી હતી.​ રાષ્ટ્રીય દલિત અધિકાર મંચે સ્પષ્ટ આક્ષેપ કર્યો છે કે, જીજ્ઞેશ મેવાણીના રાજકીય કદને નાનું કરવા માટે આ પ્રી-પ્લાનીંગથી કરેલું ષડયંત્ર છે. મંચના પ્રમુખ અજયકુમાર એન. વાણવીએ આવેદનપત્રમાં જણાવ્યું હતું કે, મેવાણી દ્વારા જે ભ્રષ્ટ ઉચ્ચ અધિકારીઓ અને તેમના બે નંબરનો વહીવટ કરનારા વહીવટદારો માટે 'પટા ઉતારવાની' વાત કરવામાં આવી હતી. પરંતુ, સરકારી ઈશારે નાના પોલીસ કર્મચારીઓના પરિવારોને તૈયાર કરીને મેવાણીના વિરોધમાં ઊભા કરવામાં આવ્યા છે. રાષ્ટ્રીય દલિત અધિકાર મંચે આવા નિડર, ઈમાનદાર અને 'નોન-કરપ્ટેડ' ધારાસભ્યને બદનામ કરવાના હેતુથી કર્મચારીઓ અને તેમના પરિવારને હાથો બનાવીને તેમની પ્રતિષ્ઠાને હાનિ પહોંચાડવાનું આ કાવતરું હોવાનું જણાવી તેને સખત શબ્દોમાં વખોડી કાઢ્યું હતું.​ દારૂ, ડ્રગ્સ અને કુટણખાના બંધ કરવાની ઉગ્ર માંગ​ આ આવેદનપત્રનો મુખ્ય વિષય સમગ્ર ગુજરાતમાં દારૂ, ડ્રગ્સ, જુગાર અને કુટણખાના જેવા ગેરકાનૂની ધંધા તાત્કાલિક બંધ કરાવવાનો છે. આવેદનપત્રમાં જણાવાયું છે કે, જીજ્ઞેશ મેવાણીની રજૂઆત અનુસંધાને રાજ્યના ગૃહમંત્રીએ નક્કર પગલાં ભરવા જોઈએ અને જવાબદાર ભ્રષ્ટ ઉચ્ચ અધિકારીઓ તથા વહીવટદારો વિરુદ્ધ તપાસના આદેશ આપવા જોઈએ.​ રાષ્ટ્રીય દલિત અધિકાર મંચે આક્ષેપ કર્યો હતો કે ઉચ્ચ અધિકારીઓ ખાનગીમાં નાના પોલીસ કર્મચારીઓને ઉશ્કેરીને અને ગેરમાર્ગે દોરીને મહિલાઓ દ્વારા ધરણાં પ્રદર્શન કરાવે છે. આનો હેતુ સ્પષ્ટ છે કે, જો જીજ્ઞેશ મેવાણીને દબાણ આપવામાં આવે તો તેઓ ચૂપ થઈ જશે અને ગેરકાનૂની ધંધાના હપ્તા ગૃહખાતા સુધી પહોંચી શકે.​ યુવાધન બરબાદ થશે અને મહિલાઓ વિધવા બનશે​ રાષ્ટ્રીય દલિત અધિકાર મંચે રાજ્યની ગંભીર સ્થિતિ તરફ ધ્યાન દોરતા ચેતવણી આપી હતી કે, જો ગાંધીના ગુજરાતમાં મેવાણીની રજૂઆત અનુસંધાને ડ્રગ્સ,દારૂ,જુગાર અને કુટણખાના બંધ કરાવવામાં નહીં આવે તો યુવાધન બરબાદ થઈ જશે અને અનેક મહિલાઓ વિધવા બનશે.કેફી દ્રવ્ય તેમજ જુગારની આદત ધરાવતા લોકો આવા ધંધા બંધ ન થવાના કારણે આત્મહત્યા કરવા મજબૂર બનશે.મંચે યુવાપેઢીને બરબાદીથી બચાવવાના મેવાણીના ઉદ્દેશ્યને સંપૂર્ણ સમર્થન આપ્યું છે.​ સામાજિક આગેવાનનું સમર્થન:ભ્રષ્ટાચારીઓના પટ્ટા ઉતરવા જોઈએ​ જુનાગઢ જિલ્લાના સામાજિક આગેવાન દેવદાનભાઈ મુછડીયાએ જણાવ્યું કે આજે રાષ્ટ્રીય દલિત અધિકાર મંચ અને અનુ.સૂચિત જાતિ સમાજ દ્વારા વડગામના ધારાસભ્ય જીજ્ઞેશ મેવાણીના સમર્થનમાં કલેક્ટરને આવેદનપત્ર પાઠવ્યું હતું.મેવાણીના નિવેદન પર સવાલ ઊભા કરનારા 'કહેવાતા ધોરણ 8 પાસ લોકો' પર નિશાન સાધ્યું હતું.જેના કારણે ગુજરાતભરમાં વાતાવરણ ઊભું થયું હતું. દેવદાનભાઈએ સ્પષ્ટતા કરી કે રાષ્ટ્રીય દલિત અધિકાર મંચ અને અનુજાતિ સમાજ જીજ્ઞેશભાઈના સમર્થનમાં છે કારણ કે રાજ્યનું યુવાધન દારૂ અને ડ્રગ્સના રવાડે ચડીને બરબાદ થઈ રહ્યું છે.​ તેમણે કહ્યું કે મેવાણી સરકારના જવાબદાર મંત્રીઓ, અધિકારીઓ અને કર્મચારીઓ મામલે જે 'પટ્ટા ઉતારવાની' વાત કરી રહ્યા છે.તે ભ્રષ્ટાચારી અધિકારી-કર્મચારીઓના પટ્ટા ઉતારવાની વાત છે. તેમણે આ વાતનું સમર્થન કરતા કહ્યું કે જો ગેરકાનૂની ધંધા ચાલુ રાખો તો પટ્ટા ઊતરે તે સાચી વાત છે.આ સમગ્ર મામલે જુનાગઢ દલિત અધિકાર મંચે આજે જીજ્ઞેશ મેવાણીના સમર્થનમાં કલેક્ટરને આવેદનપત્ર પાઠવ્યું હતું.​ રાષ્ટ્રીય દલિત અધિકાર મંચ દ્વારા ગાંધી ચિંધ્યા માર્ગે આંદોલનની ચીમકી​ આવેદનપત્રના અંતે અજય એન.વાણવી દ્વારા કડક ચીમકી ઉચારવામાં આવી છે કે, જો જીજ્ઞેશ મેવાણીને ખોટી રીતે હેરાન-પરેશાન કરવા માટે કે કોઈ પણ જાતના ખોટા કેસમાં ફસાવી દેવા માટે કોઈ પણ ષડયંત્ર ઊભું કરવામાં આવશે, તો તેઓ ભ્રષ્ટ અધિકારીઓ તેમજ સરકાર સામે ગાંધી ચિંધ્યા માર્ગે જઈને ઉગ્ર આંદોલન કરશે...​

અપહરણ કેસનો ફરાર આરોપી ઝડપાયો:પંચમહાલ પેરોલ ફર્લો સ્કવોર્ડે ભુજમાંથી પકડ્યો

પંચમહાલ પેરોલ ફર્લો સ્કવોડે શહેરા પોલીસ સ્ટેશનના અપહરણના ગુનામાં નાસતા ફરતા આરોપી રાજેશકુમાર કાનાભાઈ ઉર્ફે કાનજીભાઈ પગીને ભુજ જિલ્લાના ચાપરડી ખાતેથી ઝડપી પાડ્યો છે. આરોપીને વધુ કાર્યવાહી માટે શહેરા પોલીસ સ્ટેશનને સોંપવામાં આવ્યો છે. પંચમહાલ પેરોલ ફર્લો સ્કવોર્ડના પો.સ.ઈ. બી.એમ. રાઠોડની સૂચના મુજબ, આ.પો.કો. વિપિનભાઈ ભાથીભાઈએ હ્યુમન સોર્સ અને ટેકનિકલ એનાલિસિસ દ્વારા ખાનગી રાહે માહિતી મેળવી હતી. આ માહિતીના આધારે, આરોપી ભુજ જિલ્લાના ચાપરડી ખાતે હોવાનું જાણવા મળ્યું હતું. તપાસ કરતા રાજેશભાઈ કાનાભાઈ ઉર્ફે કાનજીભાઈ પગી ચાપરડીથી મળી આવ્યો હતો. શહેરા પોલીસ સ્ટેશનમાં પાર્ટ નં. ૧૧૨૦૭૦૬૧૨૫૦૮૮૭/૨૦૨૫ હેઠળ બી.એન.એસ. કલમ ૮૭, ૧૩૭ (૨) અને પોક્સો એક્ટ કલમ ૧૨ મુજબ અપહરણનો ગુનો નોંધાયો હતો. આરોપી આસુંદરિયા પગી ફળિયા, તા. શહેરા, જિ. પંચમહાલનો રહેવાસી છે. પંચમહાલ રેન્જના IGP આર.વી. અસારી અને પંચમહાલના SP ડૉ. હરેશભાઈ દુધાતે વધુમાં વધુ નાસતા ફરતા આરોપીઓને પકડવા માટે સૂચના અને માર્ગદર્શન આપ્યું હતું, જેના ભાગરૂપે આ કાર્યવાહી કરવામાં આવી છે. ઝડપાયેલા આરોપી અને ભોગ બનનારને આગળની યોગ્ય કાર્યવાહી માટે શહેરા પોલીસ સ્ટેશનને સોંપવામાં આવ્યા છે. શહેરા પોલીસે આરોપીની અટકાયત કરી વધુ તપાસ હાથ ધરી છે.

બનાસકાંઠામાં વાદળછાયું વાતાવરણ, ખેડૂતો ચિંતિત:રવિ પાકોમાં જીવાત અને કમોસમી વરસાદનો ભય

બનાસકાંઠા જિલ્લામાં છેલ્લા બે દિવસથી વાદળછાયું વાતાવરણ છવાયું છે. ભર શિયાળે ચોમાસા જેવો માહોલ સર્જાતા ખેડૂતોમાં ચિંતા વ્યાપી છે. રવિ પાકોમાં જીવાત પડવાની અને કમોસમી વરસાદ થવાની ભીતિ સેવાઈ રહી છે. બનાસકાંઠા જિલ્લો મુખ્યત્વે ખેતી અને પશુપાલન પર નિર્ભર છે. અગાઉ ઉનાળુ સિઝનમાં કમોસમી વરસાદથી અને ચોમાસામાં અતિવૃષ્ટિથી ખેડૂતોને ભારે નુકસાન થયું હતું. આ બંને સિઝનમાં થયેલા નુકસાનની ભરપાઈ શિયાળુ પાકોથી થશે તેવી ખેડૂતોને આશા હતી. શિયાળાની શરૂઆતમાં ખેડૂતોએ ઘઉં, બાજરી, રાયડા, એરંડા, બટાકા સહિતના રવિ પાકોનું મોંઘા બિયારણ લાવી વાવેતર કર્યું હતું. આ પાકો હાલ સારા વિકાસના તબક્કામાં છે. જોકે, છેલ્લા બે દિવસથી આકાશમાં કાળા ડિબાંગ વાદળો ઘેરાયા છે, જેના કારણે કમોસમી વરસાદની શક્યતા વધી ગઈ છે. જો વરસાદ પડશે તો તૈયાર પાકને ફરી નુકસાન થવાનો ભય છે. વાદળછાયા વાતાવરણને કારણે પાકોમાં જીવાત પડવાનું જોખમ પણ વધી ગયું છે. આનાથી પાકની ગુણવત્તા અને ઉત્પાદન પર નકારાત્મક અસર પડી શકે છે. ઉનાળુ અને ચોમાસાની નુકસાની બાદ શિયાળુ પાકો પર આધાર રાખતા ખેડૂતો હાલ ચિંતામાં મુકાયા છે. તેઓ કુદરત પાસે વાતાવરણ સુધરે તેવી આશા રાખી રહ્યા છે.

પાટણમાં રમેશભાઈ ઓઝાની કથા પૂર્વે ભવ્ય પોથીયાત્રા:હાથી ની અંબાડી પર પોથી, 28 ટેબ્લો; 51 વાલ્મિકી દીકરીઓથી કથાનો પ્રારંભ થશે

પાટણના અનાવાડામાં વૈદિક સરસ્વતી નદીના કિનારે હરીઓમ ગૌ શાળા અને ગૌ હોસ્પિટલના લાભાર્થે 1 થી 7 ડિસેમ્બર દરમિયાન પૂજ્ય રમેશભાઈ ઓઝાના વ્યાસપદે શ્રીમદ્ ભાગવત કથાનું આયોજન કરાયું છે. 'શ્રી અણહિલવાડ ગૌ ભક્તિ મહોત્સવ' અંતર્ગત કથાના પ્રારંભ પૂર્વે આજે શહેરમાં ભવ્ય પોથીયાત્રા યોજાઈ હતી, જેમાં મોટી સંખ્યામાં ભાવિકો ઉમટી પડ્યા હતા. પોથીયાત્રાનો પ્રારંભ રેલવે સ્ટેશન નજીક આવેલા મુખ્ય દાતાઓના નિવાસસ્થાન લક્ષ્મી નિવાસ બંગલો ખાતેથી મંત્રોચ્ચાર સાથે પોથી પૂજન બાદ થયો હતો. આ યાત્રાનું મુખ્ય આકર્ષણ હાથીની અંબાડી પર બિરાજમાન મુખ્ય પોથી હતી. યાત્રામાં 28 જેટલા વિવિધ પૌરાણિક અને ઐતિહાસિક વિષયો પરના ટેબ્લો જોડાયા હતા, જેમાં નાયકા દેવી, શિવાજી, મહારાણા પ્રતાપ, રાણી લક્ષ્મીબાઈ અને હવામાં ઉડતા દ્વારકાધીશ જેવા દ્રશ્યો રજૂ કરાયા હતા. વિવિધ શાળાઓ અને મંદિરોની ઝાંખીઓ પણ આકર્ષણનું કેન્દ્ર બની હતી. પોથીયાત્રામાં નાશિક ઢોલ, લાઠી દાવ, ડીજે પર લાઈવ ગાયક કલાકારો અને બેન્ડની સુરાવલીઓ સાથે ભક્તિમય માહોલ સર્જાયો હતો. કથાના મુખ્ય દાતાઓ ચેતનભાઈ વ્યાસ અને નરેન્દ્રસિંહ જાડેજાના પરિવારો તેમજ મુકુંદ પ્રકાશજી મહારાજ સહિતના સંતો બગીઓમાં બિરાજમાન થયા હતા. 108 યજમાનો માથે ભાગવત ગ્રંથ લઈને અને 108 દીકરીઓ કળશ તથા તુલસીના છોડ સાથે યાત્રામાં જોડાઈ હતી, જેણે યાત્રાની શોભા વધારી હતી. રેલવે સ્ટેશનથી રંગીલા હનુમાન મંદિર સુધી વિવિધ સંસ્થાઓ દ્વારા સેવા કેમ્પ પણ યોજાયા હતા. હરીઓમ ગૌ શાળાના વિશાળ સંકુલમાં યોજાનારી આ કથામાં 15,000 શ્રોતાઓ માટે બેઠક વ્યવસ્થા ગોઠવવામાં આવી છે. કથાનો શુભારંભ સામાજિક સમરસતાનો સંદેશ આપતા 51 વાલ્મિકી સમાજની દીકરીઓના કુમકુમ પગલાં પાડીને કરવામાં આવશે. શ્રદ્ધાળુઓની સુવિધા માટે જીમખાનાથી કથા સ્થળ સુધી વિનામૂલ્યે વાહનોની વ્યવસ્થા તેમજ દરરોજ 50,000 ભાવિકો માટે શુદ્ધ ગાયના ઘીમાંથી બનેલા ભોજન પ્રસાદનું આયોજન કરાયું છે. આ કથા દરમિયાન એક વિશેષ બાબત એ રહેશે કે શ્રોતાઓની સાથે ગૌશાળાની કપિલા ગાય પણ કથાનું શ્રવણ કરશે. આ માટે કથા મંડપમાં પૂજ્ય રમેશભાઈ ઓઝાની બિલકુલ સામે અલગ બેઠક વ્યવસ્થા ઊભી કરવામાં આવી છે. અહીં કપિલા ગાય સોનાના વરખ મઢેલા શિંગડા અને વિશેષ શણગાર સાથે બિરાજમાન થઈ સાત દિવસ સુધી કથા સાંભળશે.

WICCI અને સારાંશ ફાઉન્ડેશનનો 'દરેક બાળકને સમજવા' પર વિશેષ કાર્યક્રમ:બધા બાળકો સમાન હોવાના સંદેશ સાથે ઇન્ક્લુઝિવ એજ્યુકેશન પર કેન્દ્રિત ‘અન્ડરસ્ટેન્ડિંગ એવરી ચાઇલ્ડ’ કાર્યક્રમ

રાજ્યમાં ઇન્ક્લુઝિવ એજ્યુકેશન અને સ્કીલ ડેવલપમેન્ટ કૌશલ્યને પ્રોત્સાહન આપવા માટે વુમન'સ ઇન્ડિયન ચેમ્બર ઑફ કૉમર્સ એન્ડ ઇન્ડસ્ટ્રી (WICCI) અને સારાંશ ફાઉન્ડેશન દ્વારા સંયુક્ત રીતે 'અન્ડરસ્ટેન્ડિંગ એવરી ચાઇલ્ડ' એટલે કે 'દરેક બાળકને સમજવા' વિષય પર એક વિશેષ કાર્યક્રમનું આયોજન કરવામાં આવ્યું હતું. આ કાર્યક્રમમાં સારાંશ ફાઉન્ડેશનના ઇન્ચાર્જ અને ગુજરાતમાં WICCIની ઇન્ક્લુઝિવ એજ્યુકેશન અને સ્કિલ ડેવલપમેન્ટ કાઉન્સિલના સ્ટેટ પ્રેસિડેન્ટ મનોબીના ચક્રવર્તીએ બધા બાળકો એકસમાન વિશે જણાવ્યું હતું. વિવિધ ક્ષેત્રોમાંથી 100 સહભાગીઓ જોડાયામનોબીના ચક્રવર્તીએ એક સ્પષ્ટ સંદેશ આપ્યો કે બધા બાળકો એકસમાન છે અને દરેક બાળકને શિક્ષણનો અધિકાર છે. તેમનો મુખ્ય ધ્યેય એ છે કે જો બધી શાળાઓ સમાવેશી (Inclusive) બની જાય અને દરેક બાળકને શિક્ષણ આપી શકે, તો દેશના તમામ બાળકો ભણી-ગણીને પ્રગતિ કરી શકે. આ જ વિચારને લઈને આ કાર્યક્રમનું આયોજન કરવામાં આવ્યું હતું, જેમાં જીવનના વિવિધ ક્ષેત્રોમાંથી લગભગ 100 જેટલા સહભાગીઓ જોડાયા હતા. મગજના ચેતાકોષોની રચનાના અન્ય બાળકોથી થોડા અલગ હોયવધુમાં તેઓએ જણાવ્યું હતું કે, સારાંશ ફાઉન્ડેશનના બાળકો આ બાળકો ન્યુરોલોજીકલી એટલે કે મગજના ચેતાકોષો (ન્યુરોન્સ)ની રચનાના સંદર્ભમાં અન્ય બાળકોથી થોડા અલગ હોય છે. તેમ છતાં, આ બાળકો તેમની પોતાની ગતિએ અને પોતાના સમયથી દરેક કાર્ય કરે છે. તેમણે ઉદાહરણ આપતાં જણાવ્યું કે, આ બાળકો ભલે અભ્યાસમાં મુખ્ય પ્રવાહના બાળકો જેટલા સારા ન હોય, પરંતુ તેઓ ડાન્સ, જ્વેલરી મેકિંગ, અને રસોઈ જેવી ઘણી બાબતોમાં ઘણા આગળ છે. મહિલાઓને આગળ વધવામાં મદદ કરે છેકાર્યક્રમના સહ-આયોજક WICCI એક રાષ્ટ્રીય સંસ્થા છે જે મહિલાઓને આગળ વધવામાં મદદ કરે છે અને તેનું એક વિશાળ નેટવર્ક છે. આ નેટવર્કની જ એક કાઉન્સિલ છે ઇન્ક્લુઝિવ એજ્યુકેશન એન્ડ સ્કિલ ડેવલપમેન્ટ કાઉન્સિલ, જેની ગુજરાત કાઉન્સિલના પ્રેસિડેન્ટ તરીકે મનોબીના ચક્રવર્તી સેવા આપી રહ્યા છે. આ કાઉન્સિલ તેમની 20 સભ્યોની ટીમ સાથે મળીને ગુજરાતમાં સર્વસમાવેશક શિક્ષણ અને આ વિશેષ બાળકોમાં સ્કીલ ડેવલપમેન્ટ કેવી રીતે કરી શકાય તે વિષય પર સતત કાર્ય કરી રહી છે. સમગ્ર કાર્યક્રમનો નિષ્કર્ષ એ છે કે સમાજે તમામ બાળકોને સ્વીકારવા જોઈએ અને તેમને તેમની ક્ષમતા મુજબ આગળ વધવાની સમાન તક પૂરી પાડવી જોઈએ.

વલસાડમાં ચિંતન શિબિર પૂર્ણ:3 હજારની થાળીના કોંગ્રેસના આક્ષેપ સામે હર્ષ સંઘવીનો જવાબ- 'આશ્રમમાં રહેતા લોકો જે ભોજન લે છે, એજ મંત્રીઓ પણ જમ્યું'

વલસાડ જિલ્લાના ધરમપુર ખાતે શ્રીમદ રાજચંદ્ર આશ્રમમાં રાજ્ય સરકારની 12મી ચિંતન શિબિરનો આજે છેલ્લો દિવસ હતો. સામુહિક ચિંતનથી સામૂહિક વિકાસની નિયમ સહકાર કરતા પાંચ ગ્રુપ ડિસ્કશનમાં મુખ્યમંત્રી ભુપેન્દ્ર પટેલ નાયબ મુખ્યમંત્રી સંઘવી અને મંત્રીઓ સહભાગી થયા હતા. વિકસિત ગુજરાત માટે ક્ષમતા નિર્માણ પોષણ અને જાહેર આરોગ્ય ગ્રીન એનર્જી અને એન્વાયરમેન્ટ જાહેર સલામતી અને સેવાક્ષેત્રમાં ગુજરાતને 2047 સુધીમાં સંગીન બનાવીને વિકસિત ભારત 2047 માટે અગ્રેસર રાખવાનું સામુહિક મંથન કરાયું. સાથે જ વિકસિત ગુજરાત માટે વ્યક્તિગત કામગીરી મૂલ્યાંકન સર્વાંગોની પુનઃરચના તથા સતત તાલીમ અને ક્ષમતા નિર્માણ માટેનું પ્લેટફોર્મ પુરૂ પાડવા જેવા વિષયો પરના ચર્ચા સત્રમાં કરવામાં આવી હતી. 2035માં 75 વર્ષ ઉજવાય ત્યાં સુધીના દાયકામાં રાજ્યની માનવ સંસાધન વિકાસ વર્ક ફોર્સનું કેપેસિટી બિલ્ડીંગ માટેના પ્લેટફોર્મ પૂરું પાડીને ભવિષ્યલક્ષી ટેકનોલોજીથી સજ્જ માનવબળ માટેની દિશામાં ચિંતન કર્યું હતું. સાથે સાથે શિબિરમાં યોજાયેલા જાહેર સલામતી પબ્લિક સેફટીના ચર્ચા સત્રમાં પુલો સરકારી ઇમારતો જેવા ઇન્ફ્રાસ્ટ્રક્ચરમાં નાગરિક સુરક્ષા અને સલામતી માટે કાર્યક્ષમ અને વિશ્વસનીય સ્ટ્રક્ચર પાણી પુરવઠા માળખું ગટર વ્યવસ્થાનું પુનર્વસન અને મજબૂતી કરંટ ટ્રાફિક મેનેજમેન્ટ ફાયર સેફટી અને ઇમર્જન્સી સર્વિસીસ જેવા લોકોને વ્યાપક રીતે સ્પર્શતા વિષયોમાં ટેકનોલોજી ઇન્ટીગ્રેશન ટ્રાન્સફરન્સી કલેક્ટિવ રિસ્પોન્સબિલિટીઝ જાગૃતિ અભિયાન જેવા આયોજનો માટેની હાલની સ્થિતિ અને ભવિષ્યલક્ષી આયોજન અંગે ગ્રુપ ડિસ્કશન કરવામાં આવ્યું હતું. ચિંતન શિબિર પર કોંગ્રેસે ઉભા કરેલા સવાલો સામે નાયબ મુખ્યમંત્રી હર્ષ સંઘવીએ નિવેદન આપતા જણાવ્યું કે, રાજચંદ્ર આશ્રમમાં આવનારા ભક્તો રાજચંદ્ર આશ્રમમાં રહેતા લોકો જે સનાથની ભોજન લે છે એ જ ભોજન મંત્રીઓ પણ જમ્યું છે અને એ જ ભોજન બધા જ ખાધું છે. એટલે કોંગ્રેસ ભ્રામક વાતો ફેલાવે છે અને એના આક્ષેપો પાયા વિહોણા છે. સ્થાનિક દક્ષિણ ગુજરાતનું સ્વાદિષ્ટ ભોજન ઉબાડ્યું એ તમામ મંત્રીએ ભોજનમાં લીધું હતું.

રાજકોટની દીકરીએ થાઇલેન્ડમાં ભારતીય મહિલા હેન્ડબોલ ટીમને સિલ્વર મેડલ અપાવ્યો:સૌરાષ્ટ્ર યુનિ.ની વિદ્યાર્થિનીના આક્રમક ગોલથી આંતરરાષ્ટ્રીય સ્તરે સિદ્ધિ હાંસલ કરી ગુજરાતનું નામ રોશન કર્યું

થાઈલેન્ડમાં તાજેતરમાં સંપન્ન થયેલી ઇન્ટરનેશનલ હેન્ડબોલ ફેડરેશન (IHF) કોન્ટિનેન્ટલ ટ્રોફી-2025માં ભારતીય મહિલા હેન્ડબોલ ટીમે ઐતિહાસિક સિદ્ધિ હાંસલ કરી છે. 24થી 28 દરમિયાન યોજાયેલ આ પ્રતિષ્ઠિત ટૂર્નામેન્ટમાં ભારતીય ટીમે અતિ ઉત્તમ ખેલનું પ્રદર્શન કરીને સિલ્વર મેડલ જીત્યો છે અને ટૂર્નામેન્ટમાં Runner-up (ઉપ-વિજેતા) સ્થાન મેળવ્યું છે. દેશ માટે ગૌરવની આ ક્ષણમાં સૌરાષ્ટ્ર યુનિવર્સિટીની એકમાત્ર વિદ્યાર્થીની દયા ઝાપડિયાએ ગુજરાતનું પ્રતિનિધિત્વ કરીને રાષ્ટ્રીય ટીમની સફળતામાં મુખ્ય ભૂમિકા ભજવી હતી. દયા ઝાપડિયાનો દમદાર દેખાવભારતીય મહિલા હેન્ડબોલ ટીમે આંતરરાષ્ટ્રીય મંચ પર સતત ઉત્કૃષ્ટ પ્રદર્શન કરીને વિશ્વની મજબૂત ટીમોને પડકાર ફેંક્યો હતો. ટૂર્નામેન્ટના પ્રારંભથી જ ભારતીય ખેલાડીઓએ રક્ષણ અને હુમલાનું એક આક્રમક સંતુલન જાળવી રાખ્યું હતું. સૌરાષ્ટ્ર યુનિવર્સિટીના આર્ટ્સ અને સ્પોર્ટ્સ ક્ષેત્રની પ્રતિભાશાળી છાત્રા દયા ઝાપડિયાએ ટીમ માટે નિર્ણાયક ભૂમિકા ભજવી હતી. ગુજરાતની એકમાત્ર ખેલાડી તરીકે દયાએ દરેક મેચમાં શાનદાર રમતનું પ્રદર્શન કર્યું હતું અને હુમલાવર ખેલાડી તરીકે ઘણા મહત્વના ગોલ નોંધાવ્યા હતા. તેના ચપળ પગલાં, સચોટ પાસ અને ગોલ કરવાની ક્ષમતાએ ટીમને લીગ મેચોમાં વિજય અપાવવામાં અને નોકઆઉટ રાઉન્ડમાં પ્રવેશ મેળવવામાં અસરકારક યોગદાન આપ્યું હતું. સેમિ-ફાઇનલની રોમાંચક મેચમાં પણ દયાનું પ્રદર્શન પ્રશંસનીય રહ્યું હતું, જેના પરિણામે ટીમ ફાઇનલમાં પહોંચી હતી. ફાઇનલમાં ભારતીય ટીમે જોરદાર સંઘર્ષ કર્યોફાઇનલમાં ભારતીય ટીમે જોરદાર સંઘર્ષ કર્યો હતો પણ નજીવા અંતરથી વિજયથી વંચિત રહી તેમછતાં સમગ્ર ટૂર્નામેન્ટમાં તેમના સમર્પણ અને ઉત્તમ રમતને કારણે તેમને સિલ્વર મેડલથી સન્માનિત કરવામાં આવ્યા હતા. ઇન્ટરનેશનલ હેન્ડબોલ ફેડરેશન જેવી વૈશ્વિક સ્પર્ધામાં સિલ્વર મેડલ મેળવવો એ ભારતીય રમતગમત માટે એક મોટી સિદ્ધિ છે, જે દેશમાં હૅન્ડબૉલના ભવિષ્ય માટે આશા જગાડે છે. આ સિદ્ધિએ વિશ્વભરમાં ભારતીય મહિલા ખેલાડીઓની રમત પ્રત્યેની પ્રતિબદ્ધતા સાબિત કરી છે. સૌરાષ્ટ્ર યુનિવર્સિટી માટે પણ ઐતિહાસિક ઘટનાઆ સફળતા સૌરાષ્ટ્ર યુનિવર્સિટી માટે પણ ઐતિહાસિક ઘટના છે. યુનિવર્સિટીની વિદ્યાર્થીનીએ આંતરરાષ્ટ્રીય સ્તરે દેશનું પ્રતિનિધિત્વ કરીને મેડલ જીત્યો છે, જે યુનિવર્સિટીના રમતગમતના ઇતિહાસમાં સુવર્ણ અક્ષરે લખાઈ જશે. સૌ. યુનિવર્સિટીએ હંમેશા રમતગમતને પ્રોત્સાહન આપ્યું છે અને દયા ઝાપડિયાની સિદ્ધિ તેની નીતિનું જીવંત ઉદાહરણ છે. દયા ઝાપડિયાની વિશેષ સફળતાને અનુસરીને સૌરાષ્ટ્ર યુનિવર્સિટીના શૈક્ષણિક અને વહીવટી વડાઓએ તેને હાર્દિક અભિનંદન પાઠવ્યા હતા. માત્ર યુનિ. નહીં રાજ્ય માટે ગૌરવની વાત છે: કુલપતિયુનિવર્સિટીના કુલપતિ ડૉ. ઉત્પલ જોશીએ આ સિદ્ધિને માત્ર સૌરાષ્ટ્ર યુનિવર્સિટી માટે જ નહીં, પરંતુ સમગ્ર ગુજરાત રાજ્ય માટે ગૌરવની વાત ગણાવી હતી. તેમણે જણાવ્યું હતું કે, દયાએ માત્ર તેના માતા-પિતા તેમજ યુનિવર્સિટીનું જ નહીં પણ સમગ્ર દેશનું નામ રોશન કર્યું છે. તેની સિદ્ધિ અન્ય વિદ્યાર્થીઓ માટે પ્રેરણારૂપ બનશે. રજીસ્ટ્રાર મનીષ ધામેચાએ દયા ઝાપડિયા અને ભારતીય ટીમને અભિનંદન આપતાં કહ્યું હતું કે, આંતરરાષ્ટ્રીય સ્તરે ભારતીય મહિલા હૅન્ડબૉલ ટીમનું રનર-અપ સ્થાન મેળવવું એ ખરેખર પ્રશંસનીય છે. દયાએ જે ઉત્કૃષ્ટ પ્રદર્શન કર્યું છે તેનાથી સ્પોર્ટ્સ ક્ષેત્રમાં યુનિવર્સિટીનું માથું ઊંચું થયું છે. ભવિષ્યની તમામ સ્પર્ધાઓ માટે શુભકામનાઓ પાઠવીઇન્ચાર્જ શારીરિક શિક્ષણ નિયામક ડૉ. હરીશ રાબાએ દયાના સતત સખત પરિશ્રમ અને તેના પ્રશિક્ષકોના માર્ગદર્શનની પ્રશંસા કરી હતી અને જણાવ્યું હતું કે, દયાની રમતની આક્રમકતા અને ટીમવર્કની ભાવના તેને ભવિષ્યમાં વધુ ઊંચાઈએ લઈ જશે. યુનિવર્સિટી તેના ઉજ્જવળ ભવિષ્ય માટે શુભેચ્છાઓ પાઠવે છે. સમગ્ર યુનિવર્સિટી પરિવાર, જેમાં શિક્ષકો, કર્મચારીઓ અને વિદ્યાર્થીઓનો સમાવેશ થાય છે, તેમણે દયા ઝાપડિયા અને ભારતીય મહિલા હૅન્ડબૉલ ટીમને આ ગૌરવપૂર્ણ સિદ્ધિ બદલ હૃદયપૂર્વક અભિનંદન આપ્યા છે અને ભવિષ્યની તમામ સ્પર્ધાઓ માટે શુભકામનાઓ પાઠવી છે. રાષ્ટ્રીય અને આંતરરાષ્ટ્રીય સ્તરે ભારતને ગૌરવ અપાવવા માટે તૈયારદયા ઝાપડિયાની આ સફળતા યુનિવર્સિટીના અને ગુજરાતના અન્ય યુવા ખેલાડીઓને મોટા સપના જોવાની અને તેને સાકાર કરવા માટે મહેનત કરવાની પ્રેરણા પૂરી પાડે છે. આ આંતરરાષ્ટ્રીય ટ્રોફીમાં સિલ્વર મેડલ જીતવાથી ભારતીય મહિલા હૅન્ડબૉલ ટીમને વૈશ્વિક રેન્કિંગમાં ઉપર આવવામાં મદદ મળશે અને આગામી મોટી આંતરરાષ્ટ્રીય સ્પર્ધાઓ માટેનો તેમનો માર્ગ સરળ બનશે. દયા ઝાપડિયા જેવા ખેલાડીઓ ભારતીય રમતગમતની નવી પેઢીનું પ્રતિનિધિત્વ કરે છે, જેઓ રાષ્ટ્રીય અને આંતરરાષ્ટ્રીય સ્તરે ભારતને ગૌરવ અપાવવા માટે તૈયાર છે.

બોટાદમાં AIMS હોસ્પિટલ દ્વારા નિઃશુલ્ક મેડિકલ કેમ્પ:ગુરુકુળ ખાતે યોજાયો, મોટી સંખ્યામાં દર્દીઓએ લાભ લીધો

બોટાદ શહેરના ગઢડા રોડ પર આવેલા સ્વામીનારાયણ ગુરુકુળ ખાતે રાજકોટની AIMS હોસ્પિટલ દ્વારા એક નિઃશુલ્ક મેગા મેડિકલ કેમ્પનું આયોજન કરવામાં આવ્યું હતું. આ કેમ્પમાં બોટાદ જિલ્લા સહિત આસપાસના વિસ્તારોના જરૂરિયાતમંદ દર્દીઓને નિઃશુલ્ક નિદાન, સારવાર અને દવાઓ પૂરી પાડવામાં આવી હતી. ભવિષ્યની સારવાર માટે પણ તમામ સુવિધાઓ મફતમાં ઉપલબ્ધ કરાવવામાં આવી રહી છે. કેમ્પનું ઉદ્ઘાટન રાજ્યસભાના સાંસદ કેશરીસિંહ, જિલ્લા પંચાયત પ્રમુખ જેઠીબેન પરમાર, સુરેશભાઈ ગોધાણી, APMC ચેરમેન મનહરભાઈ માતરીયા, મધુસૂદન ડેરીના ચેરમેન ભોળાભાઈ રબારી, ઘનશ્યામભાઈ વિરાણી, નગરપાલિકા પ્રમુખ ધર્મીષ્ઠાબેન જોટાણીયા અને સંતો દ્વારા દીપ પ્રાગટ્ય કરીને કરવામાં આવ્યું હતું. આ મેગા કેમ્પમાં મોટી સંખ્યામાં વિવિધ પ્રકારના દર્દીઓએ ભાગ લઈ આરોગ્ય સેવાઓનો લાભ લીધો હતો. AIMS હોસ્પિટલ રાજકોટના ડેપ્યુટી ડાયરેક્ટર લેફ્ટનન્ટ કર્નલ અંકુર પ્રતાપસિંહે માહિતી આપતા જણાવ્યું હતું કે, આ વર્ષમાં AIMS હોસ્પિટલ દ્વારા બોટાદમાં યોજાયેલો આ છઠ્ઠો મેગા કેમ્પ છે. આ ઉપરાંત, ૧૧ જેટલા નાના કેમ્પો પણ યોજવામાં આવ્યા છે. તેમણે ઉમેર્યું કે, આજના કેમ્પની વિશેષતા એ છે કે તેમાં ૧૩ જેટલા વિશેષજ્ઞ તબીબોની સૌથી મોટી ટીમ સેવા આપી રહી છે. લેફ્ટનન્ટ કર્નલ અંકુર પ્રતાપસિંહે વધુમાં જણાવ્યું કે, આ કેમ્પમાં આશરે ૧૦૦૦ જેટલા આભા કાર્ડનું રજીસ્ટ્રેશન કરવામાં આવ્યું છે. આનાથી દર્દીઓને ભવિષ્યમાં AIMS હોસ્પિટલમાં સારવાર મેળવતી વખતે સીધી અને ઝડપી સુવિધા મળી રહેશે. આ મેગા મેડિકલ કેમ્પના આયોજનનો મુખ્ય હેતુ બોટાદ અને આસપાસના વિસ્તારના સામાન્ય લોકોને આરોગ્ય સેવાઓનો લાભ સરળતાથી મળી રહે તેવો હતો. આયોજકોનો આ પ્રયાસ નોંધનીય રહ્યો છે, જેનાથી સ્થાનિક સમુદાયને ઘણો ફાયદો થયો છે.

હિંમતનગર GIDC ઓવરબ્રિજ પર ટ્રીપલ અકસ્માત:હાશ!, કોઈ જાનહાનિ નહીં, કન્ટેનર પાછળ અથડાયેલી બે કારને નુકસાન

સાબરકાંઠા જિલ્લાના હિંમતનગર સ્થિત GIDC ઓવરબ્રિજ પર શનિવારે બપોરના સમયે ટ્રીપલ અકસ્માત સર્જાયો હતો. આ ઘટનામાં કોઈ જાનહાનિ થઈ ન હતી, પરંતુ બે કારને મોટું નુકસાન થયું હતું. અમદાવાદ-ઉદેપુર નેશનલ હાઈવે 48 પર પ્રાંતિજથી હિંમતનગર તરફ આવતા ઓવરબ્રિજ પર ચઢતી વખતે આ અકસ્માત થયો હતો. એક ટ્રક કન્ટેનર પાછળ સ્વીફ્ટ અને અર્ટિગા કાર એકબીજા સાથે અથડાઈ હતી, જેના કારણે ટ્રીપલ અકસ્માત સર્જાયો હતો. અકસ્માતને કારણે ઓવરબ્રિજ પર થોડા સમય માટે ટ્રાફિક જામ થયો હતો. બાદમાં અકસ્માતગ્રસ્ત વાહનોને રોડની એક તરફ ખસેડી લેવામાં આવ્યા હતા. આ અકસ્માતમાં સદનસીબે કોઈને ઈજા થઈ ન હતી, પરંતુ વાહનોને નોંધપાત્ર નુકસાન થયું હતું. ઉલ્લેખનીય છે કે, ચાર દિવસ પહેલાં આ જ ઓવરબ્રિજ પર એક ગમખ્વાર અકસ્માત થયો હતો. તે સમયે ટ્રક ટ્રેલરે રોડ પર પેવર કરતા રોડ રોલરને ટક્કર મારતા એક એન્જિનિયર સહિત ચાર લોકોના મોત થયા હતા. વધુમાં, ગઈ કાલે સાંજે પણ આ જ નેશનલ હાઈવે 48 પર હિંમતનગર તાલુકાના માથાસુલિયા ગામ નજીક એક કાર પલટી જતાં ત્રણ વ્યક્તિઓના મોત થયા હતા. આ અકસ્માતોની શ્રેણી ચિંતાજનક છે. ચાર દિવસ પૂર્વે કેન્દ્રીય પરિવહન અને રાજમાર્ગ મંત્રી નીતિન ગડકરી અને મુખ્યમંત્રી ભૂપેન્દ્ર પટેલે નેશનલ હાઈવે 48 પર સિક્સ લેનની કામગીરીનું નિરીક્ષણ કર્યું હતું.

બોટાદમાં બે ચોરાઉ મોટરસાઈકલ સાથે એક ઝડપાયો:બોડી ગામના શખ્સ પાસેથી ₹85,208નો મુદ્દામાલ જપ્ત

બોટાદ LCB પોલીસે ચોક્કસ બાતમીના આધારે કાર્યવાહી કરતા બે ચોરાઉ મોટરસાઈકલ સાથે એક શખ્સને ઝડપી પાડ્યો છે. આ કાર્યવાહી બોટાદના વર્લ્ડ મલ્ટીપ્લેક્ષ પાસે કરવામાં આવી હતી. ઝડપાયેલા શખ્સની ઓળખ બોડી ગામના રહેવાસી વિપુલ કનુભાઈ મેટાલીયા તરીકે થઈ છે. તે શંકાસ્પદ હાલતમાં બાઈક પર પસાર થઈ રહ્યો હતો ત્યારે પોલીસે તેને અટકાવ્યો હતો. પૂછપરછ દરમિયાન તેણે પાળીયાદ વિસ્તારમાંથી બે મોટરસાઈકલ ચોરી કર્યાની કબૂલાત કરી હતી. પોલીસે આરોપી પાસેથી બે ચોરાઉ મોટરસાઈકલ સહિત કુલ ₹85,208 નો મુદ્દામાલ જપ્ત કર્યો છે. આરોપીને કસ્ટડીમાં લઈ વધુ પૂછપરછ અને તપાસ હાથ ધરવામાં આવી છે.

ખાતર માટે ખેડૂતો અડધી રાતથી લાઈનમાં:‘એક-બે થેલી માટે રોજ સંઘર્ષ કરીએ, આધારકાર્ડથી અંગૂઠો પડી જાય છતાંય મળતું નથી; સરહદી વિસ્તારમાં શિયાળુ પાકને નુકસાનનો ભય

છોટા ઉદેપુર જિલ્લાના સરહદી વિસ્તારના ખેડૂતો હાલમાં ખાતરની તીવ્ર અછત અને સરકારી નિયમોના કારણે ભારે હાલાકીનો સામનો કરી રહ્યા છે. શિયાળુ પાકની સિઝન પુરબહારમાં હોવા છતાં, પૂરતું ખાતર ન મળવાને કારણે ઊભા પાકને નુકસાન થવાનો ગંભીર ભય સર્જાયો છે. ખેડૂતોને ખાતર મેળવવા માટે સહકારી મંડળીઓની બહાર અડધી રાતથી, એટલે કે સવારના 3 વાગ્યાથી જ લાંબી કતારોમાં ઊભા રહેવાની ફરજ પડી રહી છે. બે થેલી ખાતર માટે રાત્રિના 3 વાગ્યાથી ધક્કાબિલવાંટ ગામના ખેડૂત રાજુભાઈ રાઠવાએ પોતાની વ્યથા વ્યક્ત કરતાં જણાવ્યું કે, અમે રંગપુર મંડળીમાં સવારના ત્રણ વાગ્યાના આવ્યા છીએ, તેમ છતાં અમને બે થેલી જ ખાતર આપવામાં આવે છે. લાઈન બહુ લાંબી હોય છે. છોટા ઉદેપુર કે બોડેલી સુધી જઈએ તો પણ ત્યાં પણ લાઈન જ હોય છે. સરકાર ખાતર ડેપોમાં વધુ જથ્થો મોકલે તેવી અમારી માંગણી છે, નહીંતર પાક બગડી જશે. પાક બગડી ગયા પછી રજિસ્ટરમાં અહીં સહી કરો, ત્યાં સહી કરો...કહે છે. સરકારે બધા ખેડૂતને ખાતર મળે તેવી વ્યવસ્થા કરવી જોઈએ. અન્ય ખેડૂત જતનભાઇ રાઠવાએ જણાવ્યું કે, અમે ખાતર માટે રોજના રખડીએ છીએ. એક-એક કે બે-બે થેલી ખાતર આપે છે. આધારકાર્ડથી અંગૂઠો પડી જાય તે છતાંય પૂરતું ખાતર મળતું નથી. અમે રોજના ત્રણ-ત્રણ વાગ્યાના ધક્કા ખાઈએ છીએ, પણ ખાતર મળતું નથી. સરકારને અમારી એટલી જ માગણી છે કે ખાતર તો જોઈએ જ. કમોસમી વરસાદ બાદ હવે ખાતરની અછતથી ખેડૂતો પરેશાનખેડૂતો અગાઉ કમોસમી વરસાદને કારણે થયેલા નુકસાનમાંથી હજી બહાર આવ્યા નથી. તેવામાં શિયાળુ પાક માટે અત્યંત જરૂરી એવા ખાતરની અછત સર્જાતા તેમની મુશ્કેલીઓમાં અનેકગણો વધારો થયો છે. આધારકાર્ડ દ્વારા ફિંગર વેરિફિકેશન થઈ ગયા પછી પણ પૂરતો જથ્થો ન મળતાં ખેડૂતોમાં ભારે રોષ જોવા મળી રહ્યો છે. મંડળી મંત્રીનો ખુલાસો: 20% ઓછો જથ્થો અને કાર્ટિંગનો અભાવરંગપુર સહકારી મંડળીના મંત્રી ખુમાસિંહભાઇ રાઠવાએ આ અછત પાછળના કારણોનો ખુલાસો કર્યો હતો: મંડળીના મંત્રીએ સ્પષ્ટ કર્યું કે, વિશ્વાસ જાળવી રાખવા માટે તેઓ દરેક ખેડૂતને એક કે બે થેલી આપી રહ્યા છે, કારણ કે જો વધારે જથ્થો નહીં આવે તો તેઓ પહોંચી વળી શકે તેમ નથી. સરહદી વિસ્તારના ખેડૂતોએ સરકાર પાસે તાત્કાલિક ધોરણે પૂરતું ખાતર ઉપલબ્ધ કરાવવા માટે વ્યવસ્થા કરવાની માગણી કરી છે, જેથી તેમનો ઊભો પાક નિષ્ફળ ન જાય.

'ગેરકાયદે દબાણો તોડી નાખો, ડિમોલિશન કરી દો':વરાછાની સમસ્યાઓને સોલ્વ કરવા મેયર-કમિશનર મેદાનમાં ઊતર્યા, લાલઘૂમ થઈને અધિકારીઓને ખખડાવ્યા

સુરતના સૌથી વધુ ટ્રાફિકગ્રસ્ત વરાછા રોડ પર વર્ષોથી ચાલી આવતા ગેરકાયદે દબાણો અને અનિયમિત પાર્કિંગની સમસ્યા આખરે ઉકેલવા તરફ વળી છે. ધારાસભ્ય કુમાર કાનાણીના પત્ર બાદ મેયર દક્ષેશ માવાણી અને પોલીસ કમિશનર અનુપમસિંહ ગેહલોતે આજે વ્યક્તિગત રીતે મેદાનમાં ઉતરીને સ્થળની મુલાકાત લીધી. ગુસ્સે ભરાયેલા મેયરે અધિકારીઓને સ્પષ્ટ આદેશ આપ્યો કે, જ્યાં પરમિશન નથી ત્યાં તોડી નાંખો, ડિમોલિશન કરી નાખો, હવે કોઈ દયા નહીં. વરાછા રોડ પરની ગંભીર પરિસ્થિતિને પહોંચી વળવા માટે મહાનગરપાલિકા અને પોલીસે હવે સંયુક્ત એક્શન મોડ શરૂ કરી દીધું છે. ગેરકાયદે દબાણો દેખાય ત્યાં રાહ જોયા વગર કાર્યવાહી શરુ કરી દોવરાછા રોડ પરની ગંભીર ટ્રાફિકની સ્થિતિ અને દબાણો જોઈને મેયર દક્ષેશ માવાણીએ અધિકારીઓ પ્રત્યે નારાજગી વ્યક્ત કરી હતી અને લાલઘૂમ થયા હતા. તેમણે સ્પષ્ટપણે કહ્યું હતું કે, વરાછામાં ટ્રાફિકનો પ્રોબ્લેમ વધારે છે. ગેરકાયદે હોય તો કાઢી નાંખો. જ્યાં પરમિશન નહીં હોય ત્યાં ડિમોલિશન કરી નાખો. હું ચોખ્ખી જ વાત કરું છું આ તોડી નાંખો. મેયરે જણાવ્યું હતું કે, જ્યાં પણ ગેરકાયદે દબાણો દેખાય ત્યાં કોઈપણ વિલંબ વગર કાર્યવાહી થવી જોઈએ. ટ્રાફિકને નડતર બાંધકામ છે તેને તોડી નાખો. આખું ડિમોલેશન કરી દોમેયરે ટ્રાફિક DCP પન્ના મોમૈયા સાથે ખાસ વાતચીત કરી હતી અને કડક સૂચના આપી હતી. તેમણે કહ્યું કે, જેટલા પણ ટ્રાફિકને નડતર બાંધકામ છે તેને તોડી નાખો. આખું ડિમોલેશન કરી દો. આ બધું જ પ્રાયોરિટીમાં લેજો. જેનું પરમિશન નથી તેનું તોડી નાખો. સાફ કરી નાખો. ડિમોલેશન કરી નાખો. આ આદેશો સ્પષ્ટ સંકેત આપે છે કે, હવે વરાછા વિસ્તારમાં ગેરકાયદેસર બાંધકામો અને દબાણો સામે કોઈ દયા રાખવામાં આવશે નહીં. મેયરે વરાછા વિસ્તારની ટ્રાફિક સમસ્યાનું નિરૂપણ કરતાં જણાવ્યું હતું કે, આ વિસ્તારમાં ટ્રાફિકની સમસ્યા સૌથી વધારે છે. ગેરકાયદે દબાણો અને રસ્તા પરના પાર્કિંગને કારણે આ વિસ્તારમાં જાણે માત્ર એક જ લાઇન ચાલતી હોય તેવો માહોલ સર્જાય છે. ટુ-વ્હીલર વાહનો પણ રસ્તા પર પાર્ક થવાથી અવરજવર ખોરવાય છે. આ પરિસ્થિતિને કારણે લોકોને ભારે હાલાકીનો સામનો કરવો પડે છે.

અમદાવાદ એરપોર્ટ પર પાંચ ફ્લાઇટ્સ ડીલે, કેશોદની ફલાઈટ રદ:ઇથોપિયાના જ્વાળામુખીની રાખ અને શિયાળાના હવામાનને કારણે 30 ફ્લાઇટ્સ પર અસર

ઇથોપિયાના જ્વાળામુખીની રાખ અને શિયાળાના હવામાનને કારણે અનેક ફ્લાઇટ પર તેની અસર જોવા મળી રહી છે. ખાસ કરીને અમદાવાદ એરપોર્ટ પર પણ તેની ભારે અસર જોવા મળી રહી છે. અમદાવાદ એરપોર્ટ પર અનેક ફ્લાઇટ્સ રદ તો અનેક ફ્લાઇટ ડીલે થઈ હતી. ગઈકાલે એટલે કે 28 નવેમ્બરના રોજ અમદાવાદ આવતી અને જતી કુલ 30 ફ્લાઇટ્સ મોડી પડી હતી. જેથી મુસાફરોને ઘણી મુશ્કેલી પડી હતી. ત્યારે આજની એટલે કે 29 નવેમ્બરના રોજ અમદાવાદ એરપોર્ટની ફ્લાઇટ્સની સ્થિતિ વિશે વાત કરીએ તો, ઇથોપિયાના જ્વાળામુખીની રાખનો વાદળ 25 નવેમ્બર સુધીમાં ભારતમાંથી સંપૂર્ણપણે દૂર થઈ ગયો હતો. તેથી, આજે આ રાખને કારણે સીધી અસર થવાની શક્યતા ઓછી છે. એક ફલાઈટ રદ તો અન્ય એક ડાયવર્ટ કરાઈઅગાઉ, 24 અને 25 નવેમ્બરના રોજ, કેટલીક ફ્લાઇટ્સ રદ અથવા ડાયવર્ટ કરવામાં આવી હતી. જેમાં અગાઉની Akasa Airની અમદાવાદથી જેદ્દાહ (Jeddah) જતી ફ્લાઇટ (QP 563) રદ કરવામાં આવી હતી. અને IndiGoની કન્નુર-અબુધાબી (Kannur-Abu Dhabi) (6E 1433) ફ્લાઇટને અમદાવાદ ડાયવર્ટ કરવામાં આવી હતી. આ પણ જુઓ:પરમાણુ બોમ્બની જેમ જ્વાળામુખી ફાટ્યો, ધગધગતી પૃથ્વીની છાતી ચીરી બહાર આવ્યો લાવા, જળ પછી અગ્નિથી તબાહીનાં એંધાણ પાંચ ફ્લાઇટ્સ ડીલેએરપોર્ટમાંથી મળી રહેલી માહિતી મુજબ આજે(29 નવેમ્બરે) 2 વાગ્યા સુધીમાં કુલ પાંચ ફ્લાઇટ્સ ડીલે ચાલી રહી છે, જ્યારે એક ફ્લાઇટ રદ કરવામાં આવી છે. ડીલે ફ્લાઇટ્સમાં સૌથી પહેલાં ફ્લાઇટ નંબર 392, જે રાત્રે 10:35 કલાકે ઈંદોર (IDR) માટે શિડ્યુલ કરવામાં આવી હતી, તે 10:52 કલાકે રવાના થઈ હતી. બીજી ફ્લાઇટ નંબર 494 કોલકાતા (CCU) માટે 01:50 કલાકે ટેકઓફ થવાની હતી, પરંતુ 02:24 કલાકે ટેકઓફ થઈ હતી. જ્યારે ફ્લાઇટ નંબર 6374, જે 02:05 કલાકે ચેન્નાઈ (MAA) જવાની હતી, તે 03:57 કલાકે રવાના થઈ. પછી ફ્લાઇટ નંબર 619, જે 03:35 કલાકે બિહારના પૂર્ણિયા માટે નિર્ધારિત હતી, તે લાંબા ડીલે બાદ 06:29 કલાકે ટેકઓફ થવામાં સફળ થઈ હતી. જ્યારે ફ્લાઇટ નંબર 458 પણ ચેન્નાઈ (MAA) માટે 04:55 કલાકે ટેકઓફ હતી, પરંતુ 06:34 કલાકે ટેકઓફ થઈ હતી. કેશોદ જતી ફલાઈટ રદ, મુસાફરોમાં રોષઆ સાથે આજે એક ફ્લાઇટ નંબર 604, જે બપોરે 02:30 કલાકે જૂનાગઢના કેશોદ (IXK) માટે ટેકઓફ થવાની હતી. તેને રદ કરી દેવામાં આવી છે, જેના કારણે મુસાફરોમાં ભારે રોષ જોવા મળ્યો હતો. આ પણ જુઓ:12,000 વર્ષ પછી કેમ ફાટ્યો ઈથોપિયાનો જ્વાળામુખી, દિલ્હી સુધી કેવી રીતે પહોંચી લાવાની રાખ જ્વાળામુખીની રાખ અને ધુમાડાનાં વાદળની શું અસર થઈ? આ પણ વાંચો:ઇથોપિયાના જવાળામુખીની રાખ-વાદળની સુરત સહિત દ. ગુજરાતમાં અસર, વાતાવરણ દિવસભર ધૂંધળું આ પણ વાંચો:ઇથોપિયામાં 12,000 વર્ષ પછી જ્વાળામુખી ફાટ્યો:15 કિમી ઊંચા ઊઠેલા રાખના વાદળ દિલ્હી સુધી પહોંચ્યાં રાખ-વાદળ મુખ્યત્વે ખૂબ ઊંચા હવામાન સ્તરોમાં જોવા મળ્યા હતાગુજરાતથી 4500 કિ.મી દૂર આફ્રિકાના ઇથોપિયામાં ફાટી નિકળેલ જવાળામુખીની રાખ-વાદળ ની સામાન્ય હળવી અસરો સુરત સહિત દક્ષિણ ગુજરાતમાં જોવા મળી હતી. ગુજરાત સહિત દેશના અન્ય રાજ્યોમાં રાખ પહોંચવાની શરૂઆત થઇ હતી. આ રાખ-વાદળ મુખ્યત્વે ખૂબ ઊંચા હવામાન સ્તરોમાં હતી એટલે દિવસભર ધૂધળું વાતાવરણ જોવા મળ્યું હતું. સુરત એરપોર્ટ ખાતે સવારે 8થી સાડા અગ્યિાર વાગ્યાના અરસામાં વિઝિબિલિટી માત્ર 1 હજાર મીટર થઇ ગઇ હતી. 26 નવેમ્બરે બુધવારે સુરત શહેરનું મહત્તમ તાપમાન 32.2 ડિગ્રી અને લઘુત્તમ તાપમાન 20.2 ડિગ્રી નોંધાયું હતું. ઓછી વિઝિબિલિટી, સામાન્ય ધૂળની અસર દેખાઈધર્મેન્દ્ર પટેલ, હવામાનશાસ્ત્રીએ જમાવ્યું હતું કે, ઓછી વિઝિબિલિટી, સામાન્ય ધૂળની અસર દેખાઈ સાથે ઉત્તર-પશ્ચિમના પવનો ચાલતાં હોવાથી ધૂમાડા-ભેજવાળા પવનો મળતા સ્મોકની પણ અસર સતત બે દિવસથી જોવા મળી હતી. હવામાનમાં જવાળામુખીની રાખ-વાદળોની આંશિક અસર સાથે ધુમ્મસ, ઓછી વિઝિબિલિટી, સામાન્ય ધૂળની અસર દેખાઇ હતી.

‘પોઝિટિવ’ ટ્યુશન ક્લાસિસનો 'નેગેટિવ' ગુરૂ:પૂર્વ વિદ્યાર્થિનીનું ફેક ID બનાવી બ્લેકમેલ કરી; વ્હોટ્સએપ ગ્રુપમાં યુવતીના પરિવારને એડ કરી મોર્ફ ફોટા મૂક્યાં

સુરતમાં શિક્ષણ જગતને શર્મસાર કરનારી એક ઘટના સામે આવી છે, જ્યાં પોઝિટિવ ટ્યુશન ક્લાસિસનો એક શિક્ષક પોતાની જ ભૂતપૂર્વ વિદ્યાર્થિનીનું ફેક ઈન્સ્ટાગ્રામ આઈડી બનાવી બ્લેકમેલ કરતો હતો. આ સાથે જ વર્ચ્યુઅલ નંબરથી વ્હોટ્સએપમાં ‘બહુ મજા આવે છે રમત રમવાની બેન તો વધુ રમત રમીએ, થોડી વધુ મજા આવશે. નંબર બ્લોકમાં ના નાખો ઘણી બધી ડિટેલ આપવાની બાકી છે તમને. બધાને હજી મજાકની કોઈ એક હદ હોય છે તમે બધી...’ સહિતના મેસેજ કરી વિદ્યાર્થિનીને 'વધુ રમત રમવાની' અને 'મજા લેવાની' વાતો કરીને ડરાવતો હતો. આ સનકી શિક્ષકે હદ તો ત્યારે વટાવી જ્યારે તેણે વર્ચ્યુઅલ નંબરથી એક વ્હોટ્સએપ ગ્રુપ બનાવી તેમાં વિદ્યાર્થિનીના પરિવારના સભ્યો-સંબંધીઓને એડ કરી વિદ્યાર્થિનીના મોર્ફ કરેલા ફોટો શેર કર્યા હતાં. આખરે કપાળે લાલ ચાંદલો કરી રાક્ષસ જેવું કૃત્ય કરનારા શિક્ષકને સુરત સાયબર સેલે ઝડપી પાડ્યો છે. 2023માં વિદ્યાર્થિનીના નામે ઇન્સ્ટા. પર ફેક ID બનાવ્યુંઆ મામલે સાયબર સેલના ડીસીપી બિશાખા જૈનએ જણાવ્યું હતું કે, સાયબર સેલ દ્વારા ઝડપાયેલા આરોપી ભાવેશ સૂર્યકાંતભાઈ પટેલ (વસોયા) (ઉં.વ. 35) એક શિક્ષક છે અને કતારગામ, આંબાતલાવડી સ્થિત પોઝિટિવ ટ્યુશન ક્લાસીસમાં ચલાવતા હતા. ફરિયાદી વિદ્યાર્થિની તેમની પાસે ટ્યુશન માટે જતી હોવાથી ભાવેશ વસોયા તેને ઓળખતો હતો. આ ઓળખાણનો ગેરલાભ લઈને ભાવેશ વસોયાએ વિદ્યાર્થિનીને માનસિક ત્રાસ આપવાનું શરૂ કર્યું હતું. 2023માં જ્યારે વિદ્યાર્થિનીના નામે ઇન્સ્ટાગ્રામ પર ફેક આઇ.ડી. બન્યું, ત્યારે આ મામલે સિંગણપોર પોલીસ સ્ટેશનમાં અરજી કરવામાં આવી હતી. જે બાદ ભાવેશે વિદ્યાર્થિનીને થોડો સમય હેરાન કરવાનું બંધ કરી દીધુ હતું. જે બાદ ફરી આરોપીએ વિદ્યાર્થિનીને હેરાન કરવાનું શરૂ કર્યું અને ગુનો દાખલ થયો ત્યાં સુધી એટલે કે, 26 મે, 2025 સુધી વિદ્યાર્થિનીને હેરાન કરવાનું ચાલુ રાખ્યું હતું. ગ્રુપ તથા પ્રોફાઇલમાં વિદ્યાર્થિનીના અશ્લીલ ફોટો શેર કર્યાઆરોપી ભાવેશે વિદ્યાર્થિનીને હેરાન કરવા માટે અનેક ગંભીર કૃત્યો કર્યા હતા. તેણે વિદ્યાર્થિનીના નામથી ઇન્સ્ટાગ્રામ પર અલગ-અલગ ફેક આઇ.ડી. બનાવી, તેમજ વ્હોટ્સએપ વર્ચ્યુઅલ નંબર ઉપરથી મેસેજ કર્યા હતા. એટલું જ નહીં, ભાવેશે ઇન્સ્ટાગ્રામના પ્રોફાઇલ ફોટોમાં વિદ્યાર્થિનીના જૂના ફોટોગ્રાફ્સ મૂક્યા હતા. ત્રાસની હદ તો ત્યારે વટાવી દીધી જ્યારે તેણે એક વ્હોટ્સએપ ગ્રુપ બનાવી તેમાં વિદ્યાર્થિની અને તેના પરિવારના સભ્યો-સંબંધીઓને એડ કર્યા અને તે ગ્રુપ તથા પ્રોફાઇલમાં વિદ્યાર્થિનીના મોર્ફ કરેલા અશ્લીલ ફોટોગ્રાફ્સ મૂકી બદનામ કરવાનો પ્રયાસ કર્યો. સાયબર ક્રાઈમે આરોપીને ઝડપી પાડ્યોઆ કૃત્યોથી વિદ્યાર્થિની અને તેના પરિવારને માનસિક રીતે હેરાન-પરેશાન કરવામાં આવતા હતા. આખરે, વિદ્યાર્થિનીએ આ મામલે સાયબર ક્રાઇમ પોલીસ સ્ટેશનમાં અરજી આપતા, પોલીસે જરૂરી ટેક્નિકલ વર્કઆઉટ કરીને કતારગામના વિઠ્ઠલનગર સોસાયટીમાં રહેતા અને મૂળ સુરેન્દ્રનગરના અણીન્દ્રા ગામના આ આરોપી શિક્ષક ભાવેશ પટેલની ધરપકડ કરી હતી. અભ્યાસ પૂર્ણ કર્યા બાદ ત્રાસ શરૂ કર્યો, નોકરી છોડવા દબાણ કરતોવિદ્યાર્થિનીએ 2021માં ધોરણ 12 સુધીનો અભ્યાસ પૂર્ણ કર્યો હતો અને ત્યારબાદ તે પ્રાઈવેટ નોકરી કરવા લાગી હતી. વિદ્યાર્થિની નોકરી કરવા લાગ્યા બાદ જ એકતરફી પ્રેમમાં પાગલ બનેલા શિક્ષકે તેને હેરાન-પરેશાન કરવાનું શરૂ કર્યું હતું. નોકરી ન કરવા માટે દબાણ કરતો હતો. આ ત્રાસથી કંટાળીને વિદ્યાર્થિનીએ વર્ષ 2023માં સિંગણપોર પોલીસ મથકમાં આ અંગે અરજી આપી હતી. આ અરજીની તપાસ સુરત સાયબર ક્રાઇમ સેલે હાથ ધરી હતી અને આખરે 26 મે, 2025ના રોજ સાયબર ક્રાઇમ સેલમાં આ મામલે ગુનો નોંધવામાં આવ્યો હતો. તપાસ દરમિયાન સાયબર સેલની ટીમે ટેકનિકલ સર્વેલન્સ અને ડિજિટલ પુરાવાઓના આધારે સનકી શિક્ષકને ઝડપી પાડ્યો છે. તેની ધરપકડ કરીને કાયદેસરની કાર્યવાહી હાથ ધરી છે.

Explainer: સોલાર રેડિએશનના કારણે એવો તો શું ખતરો છે કે 6000 વિમાનોની ઉડાન 'થંભી'! જાણો ઈનસાઈડ સ્ટોરી

Airbus warns A320s vulnerable to solar radiation : એરબસે સુરક્ષા કારણોસર આપેલા ઍલર્ટ બાદ ભારતમાં 400 વિમાનો પ્રભાવિત થયા છે. સોલાર રેડિએશનના કારણે દુનિયાના કુલ 6 હજાર વિમાનોને અસર થઈ છે. રેડિએશનના કારને ફ્લાઈટ કંટ્રોલ ડેટા પ્રભાવિત થવાની આશંકા બાદ ભારતના DGCAએ તમામ પ્રભાવિત વિમાનોમાં ELAC (Elevator and Aileron Computer) એટલે કે એલેવેટર એલેરોન કોમ્પ્યુટર બદલવા આદેશ આપ્યા છે. સોલાર રેડિએશન એટકે શું? સૂર્ય દ્વારા ઉત્સર્જિત થતાં કણો જેવા ઈલેક્ટ્રોન, પ્રોટોન વગેરે અને સૂર્યની અલ્ટ્રાવાયોલેટ કિરણોના મિશ્રણને સોલાર રેડિએશન કહેવાય છે.

મંદિરમાં સેવા પૂજા કરવા બાબતે હુમલો:સિંધુનગરમાં મંદિરમાં સેવા પૂજા કરવા મુદ્દે ભાઈ-બહેન પર ત્રણ શખ્સોએ હુમલો કર્યો, મહિલાને ઝાપટો મારી તેના ભાઈને તલવારથી ગળું કાપી મારી નાંખવાની ધમકી આપી

ભાવનગર શહેરના સરદારનગરમાં આવેલ ન્યૂ સિંધુનગરમા એક મહિલા ઘર પાસે આવેલ મંદિરમાં દર્શન સેવા પૂજા કરવા જતી હોય આ વાત મંદિરમાં આવતા શખ્સોને પસંદ ન હોય આથી ત્રણેય શખ્સોએ મહિલા ને ઝાપટો મારી વચ્ચે પડેલ તેનાં ભાઈ સાથે ઝપાઝપી કરી જાનથી મારી નાંખવાની ધમકી આપતા મહિલાએ ત્રણેય શખ્સો વિરુદ્ધ ઘોઘા રોડ પોલીસ સ્ટેશનમાં ફરિયાદ નોંધાવી છે. આ બનાવ અંગે ઘોઘા રોડ પોલીસ મથકે થી જાણવા મળતી વિગતો અનુસાર શહેરના સરદારનગર વિસ્તારમાં ન્યૂ સિંધુનગરમાં પોતાના ભાઈ સાથે 17 વર્ષથી રહેતી અને 15 વર્ષથી તેના ઘર પાસે આવેલ સંત સ્વરૂપદાસજી મંદિરમાં દર્શન, સેવા, પૂજા અને મંદિરનાં કામ-કાજ માટે જતી કવિતા રામચંદ નાગદેવ એ ઘોઘા રોડ પોલીસ સ્ટેશનમાં આજ વિસ્તારમાં રહેતા અનિલ ચોઈથાણી, પરેશ, અને નાનક નામના શખ્સો વિરુદ્ધ ફરિયાદ નોંધાવતા જણાવ્યું હતું કે, આ આરોપીઓને પોતે મંદિરમાં સેવા, પૂજા તથા કામ કરવા આવતી હોય આ વાત પસંદ ન હોય જેને લઈને ગઈ કાલે રાત્રે ફરિયાદી મહિલા તેના ભત્રીજા સાથે મંદિરમાં જતા ત્રણેય આરોપીઓએ તેની સાથે પ્રથમ બોલાચાલી કરી ગાળો આપતા તેણીએ ગાળો દેવાની ના પાડતા ઉશ્કેરાયેલ અનિલે મહિલાને ગાલ પર બે ઝાપટ મારી જાનથી મારી નાંખવાની ધમકી આપી હતી, આથી તેણે તેના ભાઈ કમલને કોલ કરી મંદિરે બોલાવતા કમલ મંદિરમાં આવી ત્રણેય શખ્સોને સમજાવવા જતા ત્રણેય શખ્સોએ કમલને કહેલ કે તારે અમારા મંદિરમાં દખલગીરી કરવી નહીં નહિતર મંદિરના ગુરૂદ્વારા પાસે રહેલી તલવાર લઈ આવી તારૂં ગળું કાપી મારી નાંખીશ આ ડખ્ખા દરમ્યાન લોકો એકઠા થતા કવિતા તથા તેનો ભાઈ કમલ ઘરે જતા રહ્યા હતા, અને ત્યારબાદ ત્રણેય શખ્સો વિરુદ્ધ ઘોઘા રોડ પોલીસ સ્ટેશનમાં મારામારી કરી જાનથી મારી નાખવાની ધમકી આપ્યાની ફરિયાદ નોંધાવી છે.

સાબરકાંઠામાં 13 ડિસેમ્બરે વર્ષની છેલ્લી લોક અદાલત:ફોજદારી, ચેક રિટર્ન સહિત 11 પ્રકારના કેસનો નિકાલ થશે

સાબરકાંઠા જિલ્લામાં 13 ડિસેમ્બર, 2025ના રોજ વર્ષની છેલ્લી રાષ્ટ્રીય લોક અદાલતનું આયોજન કરવામાં આવ્યું છે. રાષ્ટ્રીય કાનૂની સેવા સત્તા મંડળ, દિલ્હી અને રાજ્ય કાનૂની સેવા સત્તા મંડળ, અમદાવાદના આદેશાનુસાર આ અદાલત યોજાશે. જિલ્લા કાનૂની સેવા સત્તા મંડળ, સાબરકાંઠા, હિંમતનગરના અધ્યક્ષ કે.આર. રબારીના નેતૃત્વ અને સચિવ સી.પી. ચારણના માર્ગદર્શન હેઠળ જિલ્લાની તમામ અદાલતોમાં આ લોક અદાલત યોજાશે. આ રાષ્ટ્રીય લોક અદાલતમાં ફોજદારી, ચેક રિટર્ન, બેંક લેણાં, મોટર અકસ્માત, લગ્ન વિષયક, મજૂર કાયદાના કેસો, જમીન સંપાદનના કેસો, વીજ બિલ, પાણી બિલ, રેવન્યુ અને દિવાની કેસો જેવા 11 પ્રકારના કેસોનો સમાવેશ થાય છે. આ ઉપરાંત, સાબરકાંઠા જિલ્લામાં સીસીટીવી કેમેરા દ્વારા નોંધાયેલા ટ્રાફિક નિયમોના ભંગના કેસો કે જેમાં દંડ ભરવામાં આવ્યો નથી, તેવા કેસો પણ લોક અદાલતમાં મૂકવામાં આવશે. લોક અદાલતમાં કેસોનો નિકાલ બંને પક્ષકારો માટે લાભદાયી છે. સમાધાન દ્વારા કેસોનો નિકાલ થતો હોવાથી કોઈની હાર કે પરાજય થતો નથી. આનાથી પક્ષકારો વચ્ચે વૈમનસ્ય ટળતું નથી અને સુમેળભર્યા સંબંધો જળવાઈ રહે છે. સાબરકાંઠા સુપ્રિટેન્ડેન્ટ જિલ્લા કાનૂની સેવા સત્તા મંડળ દ્વારા નાગરિકોને વધુમાં વધુ કેસો લોક અદાલતમાં મૂકી તેનો મહત્તમ લાભ લેવા અપીલ કરવામાં આવી છે.

અમરેલી સિવિલ હોસ્પિટલ ગેટ પર ગટરના પાણી ઉભરાયા:દર્દીઓ પરેશાન, મેનેજમેન્ટે નગરપાલિકાને જાણ કરી

અમરેલી શહેરની શાંતાબા ટ્રસ્ટ સંચાલિત સિવિલ હોસ્પિટલના મુખ્ય પ્રવેશદ્વાર પર ગટરના ગંદા પાણી ઉભરાયા છે. જિલ્લાની સૌથી મોટી જનરલ હોસ્પિટલના ગેટ પર પાણી ભરાઈ જતાં દર્દીઓ અને મુલાકાતીઓને ભારે હાલાકીનો સામનો કરવો પડી રહ્યો છે. હોસ્પિટલના પ્રવેશદ્વાર પાસે ગટરના પાણી ભરાઈ જવાથી તળાવ જેવી સ્થિતિ સર્જાઈ છે. આ ગંદા અને દુર્ગંધયુક્ત પાણીને કારણે રોગચાળો ફેલાવવાનો ભય સેવાઈ રહ્યો છે. દર્દીઓ જ્યાં સાજા થવા આવે છે, ત્યાં તેમને માંદગીનો ભય સતાવી રહ્યો છે. હોસ્પિટલની અંદર દર્દીઓ માટેની ચા-કોફી અને નાસ્તાની કેન્ટીન પણ આ ગેટ પાસે જ આવેલી છે. હોસ્પિટલ મેનેજમેન્ટ દ્વારા નગરપાલિકાને અનેકવાર રજૂઆતો કરવામાં આવી હોવા છતાં સમસ્યાનો કોઈ ઉકેલ આવ્યો નથી. આ અગાઉ પણ હોસ્પિટલના જૂના બિલ્ડિંગમાં ગટરના પાણી ઉભરાવાની સમસ્યા જોવા મળી હતી. વારંવાર ઉભરાતી ગટરથી કંટાળેલા લોકો કાયમી ઉકેલની માંગ કરી રહ્યા છે. અમરેલી શાંતાબા હોસ્પિટલના મેનેજમેન્ટ અધિકારી ભરત ધડુકે જણાવ્યું કે, મુખ્ય ગેટથી મુખ્ય રોડની લાઈન લીકેજ હોવાથી પાણી હોસ્પિટલ કેમ્પસમાં પ્રવેશે છે. તેમણે ઉમેર્યું કે, આ બાબતે બે દિવસથી આરોગ્ય વિભાગને રજૂઆતો કરવામાં આવી છે અને આજે સાંજ સુધીમાં સમસ્યાનો નિકાલ લાવવાની ખાતરી આપવામાં આવી છે. અમરેલી જિલ્લામાં ગટરના ગંદા પાણી ઉભરાવાની સમસ્યા વ્યાપક બની છે. લીલીયા અને રાજુલા શહેરના કેટલાક વિસ્તારોમાં પણ ગટરના પાણી ઉભરાઈ રહ્યા છે, જેના કારણે સ્થાનિક લોકોમાં નગરપાલિકા પ્રત્યે નારાજગીનો માહોલ જોવા મળી રહ્યો છે.

દાહોદમાં 'આરોગ્ય કિરણ' અભિયાન, 4424 લાભાર્થીઓને મળી સેવાઓ:75 કેન્દ્રો પર વિશેષ હેલ્થ કેમ્પ યોજાયા, ગ્રામજનોને ઘરઆંગણે સુવિધા

દાહોદ જિલ્લામાં રાજ્ય સરકારના ગામે ગામ આરોગ્ય કિરણ અભિયાન હેઠળ વિશેષ આરોગ્ય શિબિરોનું આયોજન કરવામાં આવ્યું હતું. આ શિબિરો દ્વારા કુલ 4424 લાભાર્થીઓને ઘરઆંગણે વિવિધ આરોગ્ય સેવાઓ પૂરી પાડવામાં આવી હતી. જિલ્લા પંચાયતના આરોગ્ય વિભાગ દ્વારા આયોજિત આ શિબિરો જિલ્લા વિકાસ અધિકારી શ્રી સ્મિત લોઢા અને મુખ્ય જિલ્લા આરોગ્ય અધિકારી ડૉ. ઉદય ટીલાવતના માર્ગદર્શન હેઠળ યોજાઈ હતી. જિલ્લાના 75 પ્રાથમિક આરોગ્ય કેન્દ્રો અને શહેરી આરોગ્ય કેન્દ્રોના સંલગ્ન વિસ્તારોમાં ગ્રામજનો માટે આ સેવાઓ ઉપલબ્ધ કરાઈ હતી. આ શિબિરોને ગ્રામીણ વિસ્તારના નાગરિકો તરફથી સારો પ્રતિસાદ મળ્યો હતો. કુલ 4424 લાભાર્થીઓમાં 2327 મહિલાઓ અને 2097 પુરુષોનો સમાવેશ થાય છે, જેમણે વિવિધ આરોગ્ય સેવાઓનો લાભ લીધો હતો. શિબિરો દરમિયાન 245 સગર્ભા મહિલાઓની તપાસ કરવામાં આવી હતી. પ્રધાનમંત્રી જન આરોગ્ય યોજના (PMJAY-આયુષ્માન) હેઠળ 294 નવા આયુષ્માન કાર્ડ બનાવવામાં આવ્યા હતા, જ્યારે 1345 લોકોની સામાન્ય આરોગ્ય તપાસ કરાઈ હતી. બિન-ચેપી રોગો (NCD) અંતર્ગત ડાયાબિટીસ અને હાઈ બ્લડ પ્રેશર સહિતના રોગો માટે 1840 લોકોનું સ્ક્રીનિંગ કરવામાં આવ્યું હતું. આ ઉપરાંત, 183 સિકલ સેલ એનિમિયા, 137 ક્ષય રોગ (TB) અને 304 કેન્સર સ્ક્રીનિંગ તપાસો પણ હાથ ધરવામાં આવી હતી. 57 લાભાર્થીઓને જરૂરી રસીકરણ પણ આપવામાં આવ્યું હતું. આ અભિયાનથી ગ્રામીણ વિસ્તારોમાં આરોગ્ય પ્રત્યે જાગૃતિ વધી છે અને લોકોને દૂરના શહેરોમાં જવાની જરૂરિયાત ટળી છે. આરોગ્ય વિભાગના અધિકારીઓએ જણાવ્યું હતું કે, દાહોદ જિલ્લાને આરોગ્યની દૃષ્ટિએ સ્વસ્થ અને સબળ બનાવવા માટે આવા શિબિરો નિયમિત ધોરણે યોજવામાં આવશે.

મહિલા કોંગ્રેસે દારૂ-ડ્રગ્સ સામે આવેદનપત્ર આપ્યું:30 વર્ષથી ભાજપનું શાસન હોવા છતાં, સરકાર દારૂ-ડ્રગ્સની બદીને રોકવામાં નિષ્ફળ રહી, નવસારીમાં કડક કાર્યવાહીની માંગ કરી

ગુજરાતમાં દારૂના અડ્ડા બંધ કરવા અને ભ્રષ્ટ પોલીસકર્મીઓ સામે કાર્યવાહી કરવાની જીગ્નેશ મેવાણીની ચીમકી બાદ રાજકીય ગરમાવો જોવા મળ્યો છે. રાજ્યના કોંગ્રેસી નેતાઓએ આ નિવેદનને સમર્થન આપ્યું છે. આના ભાગરૂપે, નવસારી જિલ્લા પોલીસ અધિક્ષક કચેરી ખાતે નવસારી મહિલા કોંગ્રેસ મોરચાની ટીમે એક આવેદનપત્ર સુપરત કર્યું હતું. આ આવેદનપત્રમાં નવસારી જિલ્લામાં ચાલતા દારૂના અડ્ડાઓને બંધ કરવાની માંગ કરવામાં આવી છે. મહિલા કોંગ્રેસે દારૂ અને ડ્રગ્સના બેરોકટોક વેપાર સામે આક્રોશ વ્યક્ત કર્યો છે. તેમનો આરોપ છે કે છેલ્લા 30 વર્ષથી ભાજપનું શાસન હોવા છતાં, સરકાર દારૂ-ડ્રગ્સની બદીને રોકવામાં નિષ્ફળ રહી છે. આવેદનપત્રમાં ઉલ્લેખ કરાયો છે કે રાજ્યમાં દરરોજ લાખો રૂપિયાના ડ્રગ્સ, ચરસ કે ગાંજા પકડાયાના સમાચારો સામે આવે છે, જે દર્શાવે છે કે કરોડો રૂપિયાનો ડ્રગ્સનો કારોબાર અને તેની હેરાફેરી બેરોકટોક ચાલી રહી છે. ગાંધીના ગુજરાતમાં દારૂબંધી હોવા છતાં દારૂ સરળતાથી ઉપલબ્ધ છે, અને જેટલો જથ્થો પકડાય છે તેનાથી અનેક ગણી ઘૂસણખોરી થતી હોવાનો અંદાજ છે. વધુમાં, ગુજરાતના દરિયાકિનારા અને મેટ્રો શહેરોમાં ચરસ, ડ્રગ્સ અને ગાંજા જેવા નશીલા પદાર્થોનું ચલણ સામાન્ય બની ગયું છે. રાજ્ય પોલીસ, NCB, DRI સહિતની કેન્દ્રીય સંસ્થાઓ દ્વારા બોર્ડર પોસ્ટ, પેટ્રોલિંગ, સર્વેલન્સ અને CCTV કેમેરા જેવી ટેકનોલોજી હોવા છતાં હવાઈમાર્ગ, દરિયાઈમાર્ગ અને પોર્ટ જેવા માર્ગોથી ગુજરાતમાં હજારો કિલો ડ્રગ્સ ઠલવાઈ રહ્યું છે. છેલ્લા પાંચ વર્ષના આંકડા મુજબ, ગુજરાતમાં 93,691 કિલો ડ્રગ્સ, 2229 લિટર પ્રવાહી ડ્રગ્સ અને 73,163 ડ્રગ્સ પીલ્સ-ઇન્જેક્શન પકડાયા છે. આ આંકડા રાજ્યમાં નશાખોરીના વ્યાપક પ્રમાણ અને તેના પર અંકુશ મેળવવાની તાત્કાલિક જરૂરિયાત દર્શાવે છે. સજાનો અભાવ: વર્ષ 2020- 2024 એમ ચાર વર્ષમાં રૂ. 16000કરોડના ડ્રગ્સ પકડાયાના 19 કિસ્સાઓ બન્યા છે, પરંતુ તેમાં એક પણ વ્યક્તિને સજા થઈ નથી, જે અત્યંત ગંભીર બાબત છે. નિષ્ફળ નીવડેલા કાર્યક્રમો અને ગ્રાન્ટ પર રોકસરકારના 'નશામુક્તિ અભિયાન', 'અવેરનેસ એક્ટિવિટી' અને 'જનજાગૃતિ કાર્યક્રમો' માત્ર કાગળ પર હોય તેવું જણાઈ રહ્યું છે. આ ઉપરાંત, છેલ્લા કેટલાક સમયથી ડ્રગ્સ સામે લડાઈ લડતી 75થી વધુ સંસ્થાઓની ગ્રાન્ટ પણ સરકારે બંધ કરી દીધી હોવાનો આક્ષેપ છે. થરાદમાં મહિલાઓની રજૂઆત: ભાજપના નેતાઓ પર સંડોવણીનો આરોપદારૂ અને ડ્રગ્સને કારણે ગુજરાતની બહેન-દીકરીઓ વિધવા થાય છે અને યુવાનોનું ભવિષ્ય બરબાદ થઈ રહ્યું છે. જન આક્રોશ યાત્રા દરમિયાન થરાદ જિલ્લાના શિવપુર ગામની મહિલાઓએ ગુજરાત કોંગ્રેસના પ્રમુખ અમિત ચાવડાને રજૂઆત કરી હતી, જેના પગલે વડગામના ધારાસભ્ય જીગ્નેશ મેવાણીએ સ્થાનિક પોલીસ મથકે રજૂઆત કરી હતી. શિવપુર ગામની શાળાની બાજુમાં જ ખુલ્લેઆમ દારૂ-ડ્રગ્સનું સેવન થતું હોવા છતાં વારંવારની રજૂઆત બાદ પણ કોઈ પગલાં લેવાયા નથી. બુટલેગરો ખુલ્લેઆમ 'અમારો હપ્તો છેક ગાંધીનગર સુધી જાય છે' તેવી શેખી મારતા હોવાનો અને 'ભાજપના ધારાસભ્ય દારૂના ધંધામાં ભાગીદાર છે' તેવા આક્ષેપો જેલમાંથી લખાયેલા પત્રોમાં પણ થયા છે. નવસારી જિલ્લા મહિલા કોંગ્રેસની ચીમકીમહિલા સુરક્ષા અને દારૂબંધીની કડક અમલવારીની મુખ્ય માંગણી સાથે નવસારી જિલ્લા મહિલા કોંગ્રેસ મોરચાની ટીમે જિલ્લા પોલીસ વડા કચેરી ખાતે આવેદનપત્ર આપ્યું હતું. મુખ્ય માંગણીઓ* દારૂબંધી-નશાબંધીના કાયદાનું સાચી રીતે અને કડકપણે અમલ કરો.* નશાનો બેરોકટોક વેપલો તાત્કાલિક બંધ કરવો.* ગુજરાતના ભવિષ્ય એવા યુવાધનને બચાવો.આ આવેદનપત્રમાં સ્પષ્ટ ઉલ્લેખ કરવામાં આવ્યો છે કે જો નવસારી જિલ્લામાં ચાલતા દારૂના અડ્ડા બંધ કરવામાં નહીં આવે અને દારૂબંધીની કડક અમલવારી નહીં થાય, તો મહિલા સભ્યોની ટીમ દારૂના અડ્ડાઓ ઉપર જઈને હલ્લાબોલ કરશે. જિલ્લા કોંગ્રેસ પ્રમુખ શૈલેષ પટેલ જણાવે છે કે, આજે અમે નવસારી જિલ્લા પોલીસ અધિક્ષક કચેરી ખાતે ભેગા થઈને એક આવેદનપત્ર પાઠવ્યું છે જેમાં દારૂબંધીની કડક અમલવારી થાય તે માટેની માંગ આવેદનમાં કરી છે નવસારી જિલ્લા મહિલા મોરચાના કોંગ્રેસના પ્રમુખ અર્ચના સોલંકી જણાવે છે કે ગુજરાતમાં દારૂબંધીની અમલવારી થતી નથી જેના કારણે મહિલાઓ વિધવા થઈ રહી છે ડ્રગનું દુષણ છે જેવા અનેક દુષણ ના કારણે યુવા ધન ગેરમાર્ગે દોરાઈ રહ્યું છે જેથી આજે અમે નવસારી જિલ્લા પોલીસ અધિક્ષકને આ મામલે આવેદન આપ્યું છે અને જો દારૂબંદિની કડક અમલવારી ન થાય તો અમે જનતા રેડ કરવાની તૈયારી પણ કરી લીધી છે.

જામનગર નજીક દરેડની હોટલમાંથી બાળ મજૂર મુક્ત:14 વર્ષથી નાના બાળકને બચાવી સંચાલક સામે ગુનો નોંધાયો

જામનગર શહેર અને આસપાસના વિસ્તારોમાં બાળ મજૂરી વિરુદ્ધ તંત્ર દ્વારા કડક કાર્યવાહી શરૂ કરવામાં આવી છે. આ ક્રમમાં, જામનગર નજીક દરેડ GIDC વિસ્તારમાં એક ચાની હોટલમાંથી બાળ મજૂરને મુક્ત કરાયો છે. દરેડ GIDCમાં આવેલી 'માતૃ કૃપા હોટલ એન્ડ પાન'ના સંચાલક મહેશપરી ભીખુપરી ગોસ્વામી દ્વારા ૧૪ વર્ષથી ઓછી વયના બાળક પાસે બાળ મજૂરી કરાવવામાં આવતી હતી. જામનગરના શ્રમ આયુક્ત વિભાગની ટાસ્ક ફોર્સ ટીમે આ બાળકને મુક્ત કરાવી હોટલ સંચાલક સામે કડક કાર્યવાહી કરી છે. શ્રમ આયુક્ત વિભાગની ટીમને આ હોટલમાં બાળ મજૂરી થતી હોવાની ચોક્કસ માહિતી મળી હતી. આ માહિતીના આધારે, સરકારી અધિકારી ડો. ડી.ડી. રામીના નેતૃત્વ હેઠળ ટાસ્ક ફોર્સની ટીમે દરોડો પાડી બાળકને મુક્ત કરાવ્યો હતો. મુક્ત કરાયેલા બાળકને હાલ બાળ સંરક્ષણ ગૃહમાં મોકલી દેવામાં આવ્યું છે. ટીમે બાળકના વાલીઓને પણ સ્થળ પર બોલાવીને સમગ્ર પરિસ્થિતિ અંગે સમજ આપી હતી. ડો. ડી.ડી. રામીએ પોતે ફરિયાદી બનીને હોટલ સંચાલક મહેશપરી ભીખુપરી ગોસ્વામી વિરુદ્ધ પંચકોસી બી. ડિવિઝન પોલીસ મથકમાં ફરિયાદ નોંધાવી છે. તેમની સામે ધી ચાઈલ્ડ લેબર (પ્રોહીબિશન એન્ડ રેગ્યુલેશન) એક્ટ, ૧૯૮૬ની કલમ ૩ હેઠળ ગુનો દાખલ કરવામાં આવ્યો છે.

મુળીના ટીકર ખાતે શિવગીરી બાપુની 17મી પુણ્યતિથિ:નર્મદેશ્વર આશ્રમમાં વિવિધ ધાર્મિક કાર્યક્રમો યોજાયા

સુરેન્દ્રનગર જિલ્લાના મુળી તાલુકાના ટીકર ગામે આવેલા નર્મદેશ્વર આશ્રમ ખાતે ગુરુ શિવગીરી બાપુની ૧૭મી પુણ્યતિથિની ઉજવણી કરવામાં આવી હતી. આ નિમિત્તે વિવિધ ધાર્મિક કાર્યક્રમોનું આયોજન કરાયું હતું. પુણ્યતિથિ નિમિત્તે સંતના સામૈયા, દીપ પ્રાગટ્ય, સંતોનું સ્વાગત, આશીર્વચન, દાતાઓની તકતી અનાવરણ, મહાઆરતી અને મહાપ્રસાદ સહિતના કાર્યક્રમો યોજાયા હતા. આ પ્રસંગે ધર્મસભાનું પણ આયોજન કરવામાં આવ્યું હતું. ધર્મસભામાં શીલાગીરી માતાજી ટીકર, પ્રફુલબાપુ ગોદડીયા, સંદીપગીરી બાપુ કલકત્તા, કિશોરપુરી બાપુ લટુડા, ઇન્દ્રગીરીબાપુ ટીકર અને સાહિત્યકાર અનોપસિંહ વાઘેલા સહિતના સંતો અને મહાનુભાવોએ ઉપસ્થિત રહી આશીર્વચન પાઠવ્યા હતા. આ કાર્યક્રમમાં સુરેન્દ્રનગર, વઢવાણ, જોરાવરનગર, લખતર, લીંબડી, ધાંગધ્રા, મોરબી, રાજકોટ, બોટાદ સહિતના ગામોમાંથી લુહાર-સુથાર જ્ઞાતિના આગેવાનો, મહાનુભાવો અને મોટી સંખ્યામાં ટીકરના ગ્રામજનો ઉપસ્થિત રહ્યા હતા. કાર્યક્રમને સફળ બનાવવા માટે શિલાગીરી માતાજી અને સેવકગણે જહેમત ઉઠાવી હતી.

AMTS-BRTSના પાસની લાઇનમાંથી 50 હજાર વિદ્યાર્થીઓને મુક્તિ:હવે ઓનલાઇન પાસ કઢાવી શકશે, એપ્લિકેશન તૈયાર કરવામાં આવી, આટલી પ્રોસેસ કરવી પડશે

અમદાવાદ મ્યુનિસિપલ કોર્પોરેશન સંચાલિત AMTS અને BRTS બસમાં મુસાફરી કરનારા વિદ્યાર્થીઓએ હવે પાસ કઢાવવા માટે લાઈનમાં ઊભું રહેવું પડશે નહીં. જેના માટે I pass Ahmedabad એપ્લિકેશન લોન્ચ કરવામાં આવી છે. આ એપ્લિકેશનમાં વિદ્યાર્થીઓએ ફોર્મ ભરીને મોકલવાનું રહેશે. જે બાદ વિદ્યાર્થીઓએ ઓનલાઇન પાસની ફી ભરવાની રહેશે. ફી ભર્યા બાદ પાસ ઓનલાઇન જ મોકલી આપવામાં આવશે. આ પાસ ડાઉનલોડ કરી પોતાની પાસે રાખવાનો રહેશે. જો કોઈ વિદ્યાર્થી ફિઝિકલ પાસ કાઢવા માંગતો હતો તે પ્રિન્ટ કાઢીને પણ પોતાની પાસે રાખી શકશે. આ અંગે AMTS કમિટી ચેરમેન ધરમસિંહ દેસાઈએ જણાવ્યું હતું કે AMTS બસમાં 50000થી વધારે વિદ્યાર્થીઓ કન્સેશન પાસ કઢાવીને મુસાફરી કરતા હોય છે. દર છ મહિને વિદ્યાર્થીઓને પાસ કઢાવવો પડે છે ત્યારે તેઓને લાઈનમાં ઊભું રહેવું ન પડે તેના માટે મ્યુનિસિપલ કોર્પોરેશન દ્વારા નવી એપ્લિકેશન તૈયાર કરવામાં આવી છે. જે એપ્લિકેશનમાં વિદ્યાર્થી દ્વારા રજિસ્ટ્રેશન કરવાનું રહેશે. આ રજિસ્ટ્રેશન કર્યા બાદ વિદ્યાર્થીએ AMTS અને BRTS બસ એમ બંનેના પાસ કઢાવી શકશે. જો વિદ્યાર્થી AMTS અને BRTS બંનેમાં મુસાફરી કરતો હોય તો બંનેના પાસ કઢાવી શકશે. આ પ્રોસેસ કરવી પડશેતેઓએ આગળ કહ્યું કે, જો બંને બસના પાસ માટે તેમાં વિકલ્પ આપવામાં આવેલા છે. વિદ્યાર્થીએ ફોર્મ ડાઉનલોડ કરવાનું રહેશે. જે ફોર્મ ડાઉનલોડ કર્યા બાદ તેની પ્રિન્ટ કાઢી તેમાં વિગતો ભરવી પડશે.આ વિગતો ભરીને કોલેજના સહી સિક્કા કરાવ્યા બાદ તેને અપલોડ કરવાનું રહેશે. ડોક્યુમેન્ટ અપલોડ કર્યા બાદ પૈસા ભરવાના રહેશે. ઓનલાઇન ફી ભર્યા બાદ પાસ મોકલી આપવામાં આવશે. જેને વિદ્યાર્થી ડાઉનલોડ કરી પોતાના મોબાઈલમાં રાખી શકશે અથવા તેને પ્રિન્ટ કાઢીને પણ રાખી શકશે. આ પ્રમાણે ઓનલાઈન સુવિધા થવાના કારણે વિદ્યાર્થીઓને લાઈનમાં ઊભું રહેવું પડશે નહીં અને બસ ટર્મિનસ પર ધક્કા ખાવા પડશે નહીં. AMTS બસમાં 6 મહિનાના પાસની મહિલાઓ માટે 2100 અને પુરુષ માટે 2400 રૂપિયા ફી છે. AMTSએ 8 કરોડમાં ચાર ડબલ ડેકર એસી બસ ખરીદીઅમદાવાદ મ્યુનિસિપલ ટ્રાન્સપોર્ટ સર્વિસ (AMTS )દ્વારા રૂ.8 કરોડના ખર્ચે નવી ચાર ડબલ ડેકર એસી બસ ખરીદવામાં આવી છે. નવી આવનાર ડબલ ડેકર બસ રૂટ નંબર 130 નરોડાથી નારોલ, રૂટ નંબર 501 ઉજાલા સર્કલથી ત્રિમંદિર અને રૂટ નંબર 401 ત્રિમંદિરથી ઉજાલા સર્કલના રૂટ પર દોડાવવામાં આવશે. જ્યારે એક ડબલ ડેકર નિકોલ વિસ્તારમાં દોડાવવા માટે શક્યતા ચકાસાઈ રહી છે. AMTS કમિટીના ચેરમેન ધરમશી દેસાઈએ જણાવ્યું હતું કે પહેલા સાત ડબલ ડેકર ખરીદવામાં આવી હતી અને હવે નવી ચાર બસ આવતા કુલ ડબલ ડેકર બસની સંખ્યા 11 થશે. લાલ દરવાજાથી વસ્ત્રાલ અને ઇસનપુરથી રાણીપનો રૂટ બંધ કરી દેવામાં આવ્યો હતો અને તેને હયાત રૂટ ઉપર જ દોડાવવામાં આવે છે.

હિંમતનગરમાં ત્રણ પોલીસ અધિકારીઓ નિવૃત્ત થયા:પોલીસ હેડક્વાર્ટર ખાતે વિદાય સમારંભ યોજાયો

સાબરકાંઠા જિલ્લાના હિંમતનગરમાં પોલીસ હેડક્વાર્ટર ખાતે ત્રણ પોલીસ અધિકારીઓના વિદાય સમારંભનું આયોજન કરવામાં આવ્યું હતું. આ પ્રસંગે જિલ્લા પોલીસ વડા ડૉ. પાર્થરાજસિંહ ગોહિલ ઉપસ્થિત રહ્યા હતા. વય નિવૃત્ત થનારા અધિકારીઓમાં QRT શાખાના PSI એ.એચ. પરમાર, GRD ટ્રાફિક PSI એચ.એચ. ઝાલા અને વડાલી પોલીસ સ્ટેશનમાં ASI તરીકે ફરજ બજાવતા એમ.એમ. સોલંકીનો સમાવેશ થાય છે. આ સમારંભમાં જિલ્લા પોલીસ અધિક્ષક ડૉ. પાર્થરાજસિંહ ગોહિલ ઉપરાંત જિલ્લાના અન્ય પોલીસ અધિકારીઓ, કર્મચારીઓ અને નિવૃત્ત થનાર પોલીસ અધિકારી-કર્મચારીઓના પરિવારજનો પણ હાજર રહ્યા હતા.

ભચાઉ જૈન તીર્થ ચોરીનો ભેદ ઉકેલાયો:રાજસ્થાનની ગરાસીયા ગેંગના બે સાગરીતો ઝડપાયા, 1.83 લાખનો મુદ્દામાલ કબજે

ભચાઉના નમસ્કાર જૈન તીર્થમાં થયેલી ચોરીનો ભેદ ઉકેલાઈ ગયો છે. પોલીસે રાજસ્થાનની ગરાસીયા ગેંગના બે સભ્યોને ઝડપી પાડ્યા છે. આ ચોરીમાં કુલ રૂ. 1.83 લાખનો મુદ્દામાલ પણ કબજે કરવામાં આવ્યો છે. આ ઘટના 21-22 નવેમ્બરની રાત્રિ દરમિયાન બની હતી. ચોરોએ છાડવાડા સ્થિત નમસ્કાર જૈન તીર્થના પરિસરમાં પથ્થરની જાળી તોડી પ્રવેશ કર્યો હતો. તેઓ ભગવાનની મૂર્તિઓ પરથી મુગટ, કુંડળ, હાર અને દાનપેટી તોડી રોકડ રકમની ચોરી કરીને ફરાર થયા હતા. ચોરીના બનાવની જાણ થતાં જ પૂર્વ કચ્છ પોલીસ અધિક્ષક સાગર બાગમારે તાત્કાલિક ઘટનાસ્થળની મુલાકાત લીધી હતી. આ ચોરીનો ભેદ ઉકેલવા માટે અલગ અલગ ટીમોની રચના કરવામાં આવી હતી. ભચાઉ વિભાગના નાયબ પોલીસ અધિક્ષક સાગર સાંબડાના માર્ગદર્શન હેઠળ લોકલ ક્રાઈમ બ્રાન્ચના પોલીસ ઇન્સ્પેક્ટર એન.એન. ચુડાસમા અને ભચાઉ પોલીસ સ્ટેશનના પોલીસ ઇન્સ્પેક્ટર એ.એ. જાડેજાની આગેવાનીમાં ટીમોએ તપાસ હાથ ધરી હતી. માનવીય ગુપ્ત માહિતી, ટેકનિકલ વિશ્લેષણ અને સીસીટીવી ફૂટેજના આધારે તપાસ કરતા, મંદિરના પથ્થર ઘસાઈ કામ કરનાર જૂના કારીગરો સંકળાયેલા હોવાનું જણાઈ આવ્યું હતું. આરોપીઓ રાજસ્થાન તરફ નાસી ગયા હોવાથી, પોલીસે રાજસ્થાનના ગોગંદા ઘાટીના જંગલોમાં ડુંગર ઉપર રાત્રિના સમયે સર્ચ ઓપરેશન હાથ ધર્યું હતું. આ ઓપરેશન દરમિયાન આરોપીઓને મુદ્દામાલ સાથે પકડાયા છે આ આરોપીઓમાં ભીમારામ ઉર્ફે ભીમો ખુમારામ ગરાસીયા ઉં.વ. 25, રહે. ઉપલા ભીમાણા, પો.સ્ટે.-નાણાં, તા. બાલી, જી. પાલી, રાજસ્થાન) અને મોહનલાલ સોમારામ ગરાસીયા (ઉં.વ. 38, ઉપલા ભીમાણા, પો.સ્ટે.-નાણાં, તા. બાલી, જી. પાલી, રાજસ્થાન) નો સમાવેશ થાય છે. આ ગુનામાં હીરારામ ઉર્ફે હરીયા જેઠારામ ગરાસીયા (રહે. ઉપલા ભીમાણા, પો.સ્ટે.-નાણાં, તા. બાલી, જી. પાલી, રાજસ્થાન) હજુ ફરાર છે. પોલીસે ચોરીમાં ગયેલો કુલ રૂ. 1,83,000 નો મુદ્દામાલ કબજે કર્યો છે. જેમાં રૂ. 1.10 લાખના ત્રણ સોના-ચાંદીના મુગટ, રૂ. 2,500 ના બે સોના-ચાંદીના વરખવાળા હાર, રૂ. 60,000 ના છ કાનના કુંડળ અને રૂ. 10,500 ના બે મોબાઈલ ફોનનો સમાવેશ થાય છે. પકડાયેલ આરોપી મોહનલાલ સોમારામ ગરાસીયા પથ્થર કોતરણી કામના જાણકાર છે અને તેણે જ ચોરી થયેલ મંદિરનું પથ્થર કોતરણી કામ કર્યું હતું. તે મંદિરની ભૌગોલિક પરિસ્થિતિથી વાકેફ હતો. તેણે પોતાની ગેંગ બનાવી, પોતે સીધા ચોરીમાં સામેલ ન થઈને પોતાના વિસ્તારના માણસોને મોકલી ચોરીને અંજામ આપ્યો હતો. ફરાર આરોપી હીરારામ ઉર્ફે હરીયા જેઠારામ ગરાસીયાનો ગુનાહિત ઇતિહાસ પણ છે, જેમાં રાજસ્થાનના કેલવા (જી. રાજસમંદ), રેવદર (જી. શિરોહી), અનદરા (જી. શિરોહી) અને નાણા (જી. પાલી) પોલીસ સ્ટેશનમાં ગુના નોંધાયેલા છે.

ભરૂચમાં મતદારયાદી સુધારણા કાર્યક્રમ:29-30 નવેમ્બરે ખાસ કેમ્પોનું આયોજન; મતદારયાદીમાં નામ યથાવત્‌ રાખવા EF જમા કરાવવું ફરજિયાત

ભારતના ચૂંટણી પંચ, નવી દિલ્હીના તા. 27/10/2025ના પત્ર અનુસાર તા.01/01/2026ની લાયકાત તારીખને ધ્યાને રાખીને મતદારયાદી ખાસ સઘન સુધારણા કાર્યક્રમ– 2026 જાહેર કરવામાં આવ્યો છે.No eligible citizen is left out and no ineligible person is includedના ધ્યેય સાથે તા. 04/11/ 25 થી જિલ્લામાં SIR-26 અંતર્ગત બુથ લેવલ અધિકારીઓ દ્વારા ઘરે-ઘરે જઈ Enumeration Form (EF)નું વિતરણ કરીને ભરેલા ફોર્મ્સ પરત મેળવવાની કાર્યવાહી હાથ ધરાઈ છે. જિલ્લા વહીવટી તંત્ર દ્વારા છેલ્લા બે અઠવાડિયાથી જિલ્લાના તમામ બુથો પર ખાસ કેમ્પો યોજી ભરેલા ગણતરી ફોર્મ સ્વીકારવાની કામગીરી કરવામાં આવી રહી છે. વહીવટીતંત્રએ સ્પષ્ટ કર્યું છે કે મતદારયાદીમાં નામ યથાવત્‌ રાખવા Enumeration Form સમયસર જમા કરાવવો ફરજિયાત છે. જે મતદારોએ હજી સુધી ગણતરી ફોર્મ જમા ન કરાવ્યું હોય તેઓ માટે તા. 29/11/2025 (શનિવાર) બપોરે 12:00 થી સાંજના 5:00 વાગ્યા સુધી તથા તા.30/11/ 25 (રવિવાર) સવારે 10:00 થી સાંજના 5:00 સુધી જિલ્લામાં નીચે દર્શાવેલા સ્થળોએ ખાસ કેમ્પોનું આયોજન કરવામાં આવ્યું છે.જેના ભાગરૂપે આજે ભરૂચ મામલદાર કચેરી અને નગરપાલિકા ખાતે કેમ્પ યોજાયો હતો.જેમાં મામલદાર કચેરીએ મામલતદાર માધવી મિસ્ત્રી, નગરપાલિકા ખાતે પ્રાંત અધિકારી મનીષા મનાણી, મુખ્ય અધિકારી હરીશ અગ્રવાલ સહિતના અધિકારીઓ ઉપસ્થિત રહ્યા હતા. આ કેમ્પ માટે વહીવટી તંત્રએ નાગરિકોને અપીલ કરી છે કે આ ખાસ ઝુંબેશનો લાભ લઈ પોતાના નજીકના કેમ્પમાં જઈ Enumeration Form જમા કરે તેમજ જો માતા- પિતા- દાદા-દાદીનું નામ વર્ષ 2002ની મતદારયાદી માં ન હોય તો જરૂરી પુરાવા કયા રજૂ કરવા તે અંગે સ્થળ પર માર્ગદર્શન મેળવી યોગ્ય દસ્તાવેજો રજૂ કરી શકાશે. ભરૂચમાં કયા સ્થળે કેમ્પ યોજવાના તેની વિગતો

પાટણમાં EPS-95 પેન્શનરોની માંગ:નજીવા પેન્શનમાં વધારો કરવા કલેક્ટરને આવેદનપત્ર અપાયું

પાટણ કલેક્ટર કચેરી ખાતે EPS-95 અંતર્ગત નિવૃત્ત કર્મચારીઓએ પેન્શન વધારાની માંગ સાથે આવેદનપત્ર સુપરત કર્યું હતું. વધતી જતી મોંઘવારી સામે હાલમાં મળતું નજીવું પેન્શન અપૂરતું હોવાથી તેમાં વધારો કરવાની પ્રબળ રજૂઆત કરવામાં આવી છે. જાહેર ક્ષેત્રમાંથી નિવૃત્ત થયેલા આ કર્મચારીઓ મોટી સંખ્યામાં કલેક્ટર કચેરી ખાતે એકત્ર થયા હતા. તેમણે જણાવ્યું હતું કે વર્ષો સુધી સેવાઓ આપ્યા બાદ તેમને જે પેન્શન મળી રહ્યું છે, તે વર્તમાન સમયની મોંઘવારીને જોતા અત્યંત ઓછું છે. કર્મચારીઓની મુખ્ય રજૂઆત મુજબ, હાલમાં તેમને માસિક માત્ર 700 થી 1500 રૂપિયા જેટલું જ પેન્શન ચૂકવવામાં આવે છે. આજના મોંઘવારીના સમયમાં જીવનજરૂરી ચીજવસ્તુઓના ભાવ અને તબીબી સારવારના ખર્ચ સામે આ રકમ ખૂબ જ અપૂરતી સાબિત થઈ રહી છે. નજીવા પેન્શનને કારણે નિવૃત્ત કર્મચારીઓ માટે તેમનો જીવન નિર્વાહ કરવો અને પરિવારનું ગુજરાન ચલાવવું મુશ્કેલ બન્યું છે. કલેક્ટર કચેરીના પટાંગણમાં ઉપસ્થિત રહેલા નિવૃત્ત કર્મચારીઓએ પોતાની માંગણીઓને બુલંદ બનાવવા માટે સૂત્રોચ્ચાર કર્યા હતા. તેમણે સરકારને રજૂઆત કરી છે કે વયોવૃદ્ધ પેન્શનરોની આર્થિક સ્થિતિને ધ્યાનમાં રાખીને પેન્શનમાં યોગ્ય વધારો કરવામાં આવે જેથી તેઓ સન્માનભેર જીવન જીવી શકે.

ભરૂચ SOGએ ઉમલ્લામાંથી ગાંજા સાથે એક ઝડપ્યો:3.749 કિલો ગાંજો અને ₹1.87 લાખનો મુદ્દામાલ જપ્ત કરાયો

ભરૂચ SOG ટીમે ઉમલ્લા વિસ્તારમાં દરોડો પાડી 3.749 કિલોગ્રામ ગાંજા સાથે એક ઈસમને ઝડપી પાડ્યો છે. આ કાર્યવાહીમાં આશરે ₹1.87 લાખનો મુદ્દામાલ જપ્ત કરવામાં આવ્યો હતો. ભરૂચ જિલ્લામાં નો ડ્રગ્સ ઇન ભરૂચ કેમ્પેઈન અંતર્ગત નશાના કારોબારને અટકાવવા માટે SOG દ્વારા આ કાર્યવાહી હાથ ધરવામાં આવી હતી. SOG પીઆઈ એ.વી. પાણમીયા અને એ.એચ. છૈયાના માર્ગદર્શન હેઠળ ટીમો સક્રિય હતી. SOG ટીમ પેટ્રોલિંગ કરી રહી હતી ત્યારે હેડ કોન્સ્ટેબલ શિવાંગસિંહ પ્રતાપસિંહને મળેલી બાતમીના આધારે ઉમલ્લા વિસ્તારમાં રેઇડ કરવામાં આવી હતી. રેઇડ દરમિયાન મનિષ ઉર્ફે કાળીયો ગોવિંદભાઈ કચરાભાઈ ઠાકોર તેના રહેણાંક મકાનના વાડામાં ગેરકાયદેસર રીતે લીલા ગાંજાના છોડનું વાવેતર કરતો ઝડપાયો હતો. ટીમે સ્થળ પરથી કુલ 3.749 કિલો લીલો ગાંજો જપ્ત કર્યો હતો, જેની અંદાજિત કિંમત ₹1,87,450 છે. આરોપી વિરુદ્ધ એનડીપીએસ એક્ટની કલમ 8(c) અને 20(b)(ii)(B) મુજબ ઉમલ્લા પોલીસ સ્ટેશનમાં ગુનો દાખલ કરવામાં આવ્યો છે.

SIR કામગીરી મુદ્દે ભાજપનું કલેક્ટરને આવેદન:મહેસાણામાં મતદારોને ફોર્મ ભરવામાં સમસ્યા; 2002ની મતદાર યાદીમાં નામ શોધવા મુશ્કેલ

SIRની કામગીરી અંતર્ગત હાલમાં મહેસાણા જિલ્લામાં મતદારો દ્વારા યુનિક મતદાર નોંધણી ફોર્મ ભરવાની કામગીરી ચાલી રહી છે. જેમાં આ ફોર્મ ભરવા માટે મતદાતાને અપુરતું જ્ઞાન તેમજ અપુરતી માહિતી હોવાના કારણે ઘણી મુશ્કેલીઓ પડતી હોવાનો મુદ્દો ભાજપ દ્વારા ઉઠાવવામાં આવ્યો છે. આ અંગે જિલ્લા ભાજપના પ્રમુખે કલેકટર સમક્ષ રજૂઆત કરીને ફોર્મ ભરવામાં બીએલઓ દ્વારા જરૂરી મદદ મળી રહે તે માટે ઘટતું કરવાની માગ કરી છે. ગિરીશ રાજગોરે કલેકટરને રજૂઆત કરીવિધાનસભા મત વિસ્તારમાં હાલ સ્પેશિયલ ઈન્ટેન્સિવ રિવિઝન (SIR)ની કામગીરી પૂરજોશમાં ચાલી રહી છે. બીએલઓ દ્વારા ફોર્મ વિતરણની કામગીરી મોટાભાગે પુરી કરવામાં આવી છે. જ્યારે મતદાર દ્વારા મત ભરવા કરીને એપ્લિકેશનમાં ઓનલાઈન અપલોડ કરવાનું કામ શરૂ થયું છે. સરની કામગીરી 4 ડિસેમ્બરના રોજ પુરી થતી હોઈ હવે માંડ આઠેક દિવસ બાકી રહ્યા છે, તેવામાં જિલ્લા ભાજપના ગિરીશ રાજગોરે કલેકટરને રજૂઆત કરીને મતદારોને ફોર્મ ભરવામાં કનડતી મુશ્કેલીઓ નિવારવા માટે રજૂઆત કરી છે. ભાજપ શહેર પ્રમુખના રજૂઆતના મુદ્દાઓતેમણે કરેલા ઉલ્લેખ મુજબ અપુરતું જ્ઞાન અને અપુરતી માહિતીના કારણે મતદાતાઓને ફોર્મ ભરવા બીએલઓ દ્વારા મદદ મળે તેવી, ઉપરાંત ઓનલાઈન ફોર્મ ભરવામાં પૂરતી માહિતી ન હોઈ એવા મતદારોને મુશ્કેલી પડે છે. ઘણા વિસ્તારમાં 2002ની મતદાર યાદીમાં નામ શોધવા મુશ્કેલી હોવાથી સરળતાથી નામ શોધી શકાય તેવી વૈકલ્પીક વ્યવસ્થા કરવી, જિલ્લામાં વસવાટ કરતાં પરપ્રાંતિય મતદારોનેબસમસ્યા દૂર કરવા, નવા મતદારનાફોર્મ બીએલઓ પાસે મળી રહે અનેભરવામાં ઘટતું કરાય, 2002ની મતદાર યાદીમાં પોતાનું કે સબંધીનું નામ હોય તેવા મતદારોને કોઈડોક્યુમેન્ટ આપવાના ન હોવા છતાં બીએલઓ દ્વારા માંગણી કરાય છે, બીએલઓએ પોતાના બુથમાં ત્રણ વખત મુલાકાત લેવાની હોવા છતાં ઘણા બીએલઓએ માત્ર એક જ વખતે આવ્યા છે.

કુડાસણ પાસે મહિલાના ગળામાંથી સોનાની ચેઈન ખેંચીને ચોર ફરાર:બાઈક પર આવેલા શખ્સે 1.95 લાખનો દોરો ઝૂંટવી લીધો , ઈન્ફોસિટી પોલીસે ગુનો નોંધ્યો

ગાંધીનગરના કુડાસણ વિસ્તારમાં આવેલ રાધે હોમ્સ સોસાયટી નજીક ચેઈન સ્નેચિંગની ઘટના સામે આવી છે. બાઈક પર આવેલા અજાણ્યા શખ્સે ચાલતા જઈ રહેલા મહિલાના ગળામાંથી દોઢ તોલાની રૂ.1.95 લાખની કિંમતની સોનાની ચેઈન ઝૂંટવી ફરાર થઈ જતાં ઇન્ફોસિટી પોલીસે ગુનો નોધી વધુ તપાસ હાથ ધરી છે. રાધે હોમ્સ સોસાયટી નજીક ચેઈન સ્નેચિંગગાંધીનગરના કુડાસણ ખાતે રાધે હોમ્સમાં રહેતા અશોકભાઇ અંબાલાલ પટેલ માણસા ખાતે 'ન્યુ શિવશક્તિ ગારમેન્ટ' નામની રેડીમેડ કાપડની દુકાન ચલાવે છે. ગઈકાલે સાંજના આશરે સવા પાંચથી સાડા પાંચ વાગ્યાની વચ્ચે તેમના પત્ની લીલાબેન અક્ષત હેવન શોપિંગ સેન્ટર ખાતે ખરીદી કરવા માટે એકલા ચાલતા જઈ રહ્યા હતા. 1.95 લાખની સોનાની ચેઈન ઝૂંટવી લઈ ફરારઆ દરમિયાન લીલાબેન સોસાયટીથી થોડેક દૂર રોડ પરથી પસાર થઈ રહ્યા હતા, તે વખતે તેમની પાછળથી એક બાઈક સવાર શખ્સ આવ્યો હતો. અને પળવારમાં લીલાબેનના ગળામાં પહેરેલ આશરે દોઢ તોલા વજનની રૂ.1.95 લાખની કિંમતની સોનાની ચેઈન ઝૂંટવી લઈ ત્યાંથી પલાયન થઈ ગયો હતો. ઇન્ફોસિટી પોલીસે ગુનો નોંધ્યોઆ ઘટનાના પગલે લીલાબેને બૂમાબૂમ કરી મૂકી હતી. જેના પગલે આસપાસના લોકો દોડી આવ્યા હતાં. અને અત્રેના વિસ્તારમાં ચેઇન સ્નેચરની શોધખોળ કરી હતી. બનાવની જાણ થતા અશોકભાઈ અને તેમના મિત્ર ભાવેશભાઈ પટેલ પણ લીલાબેન પાસે પહોંચી ગયા હતા. આ અંગે અશોકભાઈની ફરિયાદના આધારે ઇન્ફોસિટી પોલીસે ગુનો નોંધી સીસીટીવી ફૂટેજની ચકાસણી હાથ ધરી વધુ તપાસ શરૂ કરી છે.

બોટાદની શાળામાં 108 ઇમર્જન્સી સેવાનો લાઇવ ડેમો:વિદ્યાર્થીઓએ જીવનરક્ષક સાધનો અને પ્રક્રિયાઓની માહિતી મેળવી

બોટાદ જિલ્લા આપત્તિ વ્યવસ્થાપન કેન્દ્ર દ્વારા ચાણક્ય પ્રાથમિક શાળા ખાતે 108 ઇમર્જન્સી મેડિકલ સેવાના સંચાલન અને તેના ઉપયોગ અંગે લાઇવ ડેમોન્સ્ટ્રેશનનું આયોજન કરવામાં આવ્યું હતું. આ કાર્યક્રમમાં શાળાના વિદ્યાર્થીઓને કટોકટીની પરિસ્થિતિમાં જીવન બચાવવા માટે જરૂરી સાધનો અને પ્રક્રિયાઓ વિશે વિસ્તૃત માહિતી આપવામાં આવી હતી. 108 એમ્બ્યુલન્સના ઈ.એમ.ટી. વિશાલભાઈ ડોડીયા અને પાયલોટ વિપુલભાઈ ચૌહાણ દ્વારા વિદ્યાર્થીઓને એમ્બ્યુલન્સમાં ઉપલબ્ધ વિવિધ જીવનરક્ષક ઉપકરણોની ઓળખ કરાવવામાં આવી હતી. જેમાં ગ્લુકોમીટર, થર્મોમીટર, બીપી મશીન, ઓટોમેટેડ એક્સટર્નલ ડેફિબ્રિલેટર (A.E.D.) મશીન, સ્પાઇન બોર્ડ, ફર્સ્ટ એડ બોક્સ અને ડ્રેસિંગ સામગ્રી જેવા સાધનોનું પ્રદર્શન કરવામાં આવ્યું હતું. વિદ્યાર્થીઓને આ સાધનોનો વ્યવહારિક ઉપયોગ કેવી રીતે કરવો તેની પ્રાયોગિક સમજ આપવામાં આવી, જે કટોકટીના સમયમાં તાત્કાલિક મદદ માટે અત્યંત મહત્વપૂર્ણ છે. આ પ્રદર્શનનો મુખ્ય હેતુ કટોકટીમાં જીવન બચાવવા માટેની તાત્કાલિક પ્રક્રિયાઓથી વિદ્યાર્થીઓને માહિતગાર કરવાનો હતો. કાર્યક્રમના બીજા તબક્કામાં, 108 ઇમર્જન્સી સેવા સમગ્ર ગુજરાતમાં કેવી રીતે કાર્ય કરે છે તેની વિગતવાર માહિતી આપવામાં આવી હતી. ઇમર્જન્સી મેનેજમેન્ટ, દર્દીની તપાસ (પેશન્ટ એસેસમેન્ટ)ની પ્રક્રિયા, અને સંકટમાં ફસાયેલા દર્દીને સુરક્ષિત રીતે રેસ્ક્યુ કરવાની પદ્ધતિઓ અંગે માર્ગદર્શન પૂરું પાડવામાં આવ્યું હતું. જિલ્લા આપત્તિ વ્યવસ્થાપન કેન્દ્ર દ્વારા યોજાયેલા આ સચોટ લાઇવ ડેમોન્સ્ટ્રેશન થકી વિદ્યાર્થીઓએ 108 સેવાના મહત્વને સમજ્યું. તેમને ઈમર્જન્સીની સ્થિતિમાં કેવી રીતે શાંતિ જાળવવી અને સમયસર સહાય મેળવવી તેની તાલીમ પણ મળી. આવા જાગૃતિ કાર્યક્રમો યુવા પેઢીમાં આપત્તિ વ્યવસ્થાપન અને પ્રાથમિક સારવાર અંગેની સમજ વિકસાવવા માટે પાયાનું કાર્ય કરે છે. =

3 વર્ષથી તૈયાર માર્કેટનું ઉદ્ઘાટન ન થતા ખંડેર હાલત:કરોડોના ખર્ચે બનેલી સુરતની ફિશ માર્કેટમાંથી અજાણ્યા ઇસમની લાશ મળી, દારૂ-ડ્રગ્સનો અડ્ડો બન્યાના આક્ષેપ

સુરત મહાનગરપાલિકા દ્વારા દક્ષિણ ગુજરાતના સૌથી મોટા હોલસેલ ફિશ માર્કેટ માટે કરોડો રૂપિયાના ખર્ચે નાનપુરા માછીવાડ વિસ્તારમાં નવનિર્માણ પામેલું ઇન્ફ્રાસ્ટ્રક્ચર વિવાદના વમળમાં ફસાયું છે. છેલ્લા ત્રણ વર્ષથી તૈયાર હોવા છતાં આ માર્કેટનું ઉદ્ઘાટન ન થવાના કારણે તે હાલમાં ખંડેર જેવી હાલતમાં છે. આ માર્કેટની અંદરથી શનિવારે અજાણ્યા ઇસમનો મૃતદેહ મળી આવતા સમગ્ર વિસ્તારમાં સનસનાટી મચી જવા પામી છે. ઘટનાની જાણ થતાં જ પોલીસ કાફલો સ્થળ પર પહોંચી આવ્યો હતો અને મૃતદેહને પોસ્ટમોર્ટમ માટે ખસેડી કાયદેસરની કાર્યવાહી હાથ ધરી છે. જોકે, આ ઘટનાએ માછલી વેપારીઓ અને એસોસિએશનના લાંબા સમયથી ચાલી રહેલા આક્ષેપોને વધુ મજબૂત કર્યા છે. ત્રણ વર્ષથી તૈયાર માર્કેટ શરૂ ન કરાતા એસોસિએશને સવાલ ઉઠાવ્યોફિશ મર્ચન્ટ એસોસિએશનના પ્રમુખ કલ્પેશ નવસારીવાલાએ આ ઘટના અંગે તંત્ર પર ગંભીર આક્ષેપો કર્યા હતા. તેમણે જણાવ્યું હતું કે, સુરત મહાનગરપાલિકા દ્વારા નવનિર્મિત ફિશ માર્કેટની અંદરથી આ મૃતદેહ મળી આવ્યો છે. આ માર્કેટ માછી સમાજના લોકોના આર્થિક વિકાસ માટે બનાવવામાં આવ્યું હતું, જે રોડ પર બેસીને વેપાર કરે છે. પરંતુ ત્રણ વર્ષથી તૈયાર હોવા છતાં અત્યાર સુધી આ માર્કેટ શરૂ કરવામાં આવી નથી. બંધ પડેલું માર્કેટ અસામાજિક તત્વોનો અડ્ડો બન્યાનો આક્ષેપતેમણે વધુમાં જણાવ્યું કે, માર્કેટનું ઉદ્ઘાટન ન થવાના કારણે આ સ્થળ દારૂડિયા, જુગારી, ચરસી અને ડ્રગ્સનું સેવન કરનારા લોકોનો અડ્ડો બની ગયું છે. નવસારીવાલાએ આક્રોશ વ્યક્ત કર્યો કે, આજે જે મૃતદેહ મળ્યો તે આ અસામાજિક તત્વોના અડ્ડાનું જ પરિણામ છે. એસોસિએશન તરફથી અમે વારંવાર લેખિતમાં અને મૌખિક રીતે સ્થાનિક કોર્પોરેટરથી લઈને સાંસદ સુધી રજૂઆત કરી ચૂક્યા છીએ. અમે મ્યુનિસિપલ કમિશનરને પણ વિનંતી કરી છે કે તાત્કાલિક માર્કેટ શરૂ કરાવો. ટેન્ડર પ્રક્રિયા પૂર્ણ થયા બાદ દુકાનોની ફાળવણી કરાશેકરોડોના ખર્ચે બનેલું માર્કેટ ખંડેર હાલતમાં ફેરવાઈ રહ્યું છે અને તેમાં દારૂ-જુગાર જેવી પ્રવૃત્તિઓ ચાલતી હોવાના આક્ષેપો વચ્ચે સ્થાનિક કોર્પોરેટર વ્રજેશ ઉનડકરે આ મામલે પોતાનો પક્ષ રજૂ કર્યો હતો.કોર્પોરેટરે જણાવ્યું હતું કે, છ મહિનાથી માર્કેટનું બાંધકામ તૈયાર છે અને ટૂંક સમયમાં ટેન્ડર પ્રક્રિયા પૂર્ણ થશે. ટેન્ડર પ્રક્રિયા પૂર્ણ થયા બાદ દુકાનોના ભાવ નક્કી કરવામાં આવશે અને ત્યારબાદ જ માર્કેટની દુકાનો વેપારીઓને ફાળવવામાં આવશે. જોકે, માછી સમાજની આર્થિક પ્રગતિ માટે બનાવાયેલું ઇન્ફ્રાસ્ટ્રક્ચર અસામાજિક તત્વોનો અડ્ડો બની રહ્યું હોવાના ગંભીર આક્ષેપો વચ્ચે તંત્રની ધીમી ગતિની કાર્યવાહી સામે સવાલો ઊભા થઈ રહ્યા છે. માર્કેટ ઝડપથી શરૂ થાય અને માછીમારોને રોડ પર વેપાર ન કરવો પડે તેવી માછી સમાજની માંગ છે.

રાહી ફાઉન્ડેશન દ્વારા 800 શ્રમજીવીઓને ખીચડી-છાશ વિતરણ:દાણીલીમડામાં આંગણવાડી કેન્દ્ર ખાતે વેજીટેબલ ખીચડી અને મસાલા છાશ અપાઈ.

રાહી ફાઉન્ડેશન દ્વારા દાણીલીમડાના આબાદ નગર સ્થિત આંગણવાડી કેન્દ્ર ખાતે 203મા 'ખીચડી વિતરણ પ્રોજેક્ટ'નું આયોજન કરવામાં આવ્યું હતું. આ કાર્યક્રમ અંતર્ગત 800થી વધુ શ્રમજીવી લાભાર્થીઓને વેજીટેબલ ખીચડી અને મસાલા છાશનું વિતરણ કરવામાં આવ્યું. આ કાર્યક્રમ વર્ષાબેનની યાદમાં દિલીપભાઈ પરીખના સહયોગથી યોજાયો હતો. આ પ્રસંગે, આંગણવાડી કેન્દ્રના જાસોદાબેન ડિસેમ્બર માસમાં સેવા નિવૃત્ત થતા હોવાથી રાહી ફાઉન્ડેશન દ્વારા તેમને સાડી ભેટ આપી સન્માનિત કરવામાં આવ્યા અને શુભેચ્છાઓ પાઠવવામાં આવી. રાહી ફાઉન્ડેશન તરફથી જયેશ પરીખ, નિહારિકા પરીખ, શરદ જાદવ, સ્વપ્નિલ, બાબુલકાકા, માર્કણ્ડભાઈ, વસંતરાવ, જ્યોત્સ્નાબેન અને વિજય દલાલ સહિતના સભ્યો ઉપસ્થિત રહ્યા હતા. તેમણે વિતરણ કાર્યક્રમનું સફળ સંચાલન કર્યું હતું. આંગણવાડીની કાર્યકર્તા બહેનોએ પણ વ્યવસ્થામાં સહયોગ આપ્યો હતો.

કાંકરિયાની દીવાન-બલ્લુભાઈ શાળામાં વનભોજનનું આયોજન:બાળકોએ સાથે બેસી ભોજન વહેંચી પારિવારિક ભાવના કેળવી

કાંકરિયા સ્થિત દીવાન-બલ્લુભાઈ પૂર્વ પ્રાથમિક શાળા (ગુજરાતી માધ્યમ)માં વનભોજનની ઉજવણી કરવામાં આવી. આ કાર્યક્રમમાં બાળકોએ ઉત્સાહભેર ભાગ લીધો હતો. ઉજવણીના ભાગરૂપે, બાળકો ઘરેથી આરોગ્યપ્રદ અને પૌષ્ટિક ગરમ નાસ્તો લાવ્યા હતા. શાળાના વાતાવરણમાં બેસીને બાળકોએ એકબીજા સાથે ભોજન વહેંચીને ખાધું હતું. આ આયોજનનો મુખ્ય હેતુ બાળકોમાં પારિવારિક ભાવના અને સહભાગિતાના ગુણોનો વિકાસ કરવાનો હતો. શાળાના કો-ઓર્ડીનેટર ઇન્ચાર્જ પીનલબહેન રાવળે આ સુંદર આયોજન બદલ શિક્ષકોના પ્રયાસોને બિરદાવ્યા હતા અને તેમને ધન્યવાદ પાઠવ્યા હતા.

અંબે સ્કૂલ્સનો 35મો વાર્ષિકોત્સવ 'અનહદ' ઉજવાયો:MSU ઉપકુલપતિ ભાલચંદ્ર ભાંનગે મુખ્ય મહેમાન તરીકે ઉપસ્થિત રહ્યા

વડોદરાની અંબે ગ્રુપ ઓફ સ્કૂલ્સ સંચાલિત અંબે વિદ્યાલય, જય અંબે વિદ્યાલય (ગુજરાત બોર્ડ) અને અંબે સ્કૂલ (CBSE), હરણી શાખા દ્વારા તા. 28મી નવેમ્બરના રોજ 35મો વાર્ષિકોત્સવ 'અનહદ - Beyond the Boundaries' ઉજવાયો. આ કાર્યક્રમ આજવા રોડ પર આવેલા પંડિત દીનદયાળ ઓડિટોરિયમ ખાતે યોજાયો હતો. આ વાર્ષિકોત્સવની થીમ 'અનહદ' હતી. જેમાં એકલવ્યના પાત્ર દ્વારા આજના વિદ્યાર્થીઓની મનોદશા અને આધુનિક સમયમાં વિદ્યાર્થીનું પ્રતિનિધિત્વ સુંદર રીતે રજૂ કરવામાં આવ્યું હતું. વિદ્યાર્થીઓએ પોતાની સીમાઓ ઓળંગીને કંઈક નવું કરી બતાવવાનો સંદેશ આ થીમ દ્વારા આપ્યો. કાર્યક્રમ બે સત્રમાં યોજાયો હતો. સવારે 10:10 કલાકે યોજાયેલા પ્રથમ શોમાં અંદાજિત 500 વિદ્યાર્થીઓએ ભાગ લીધો, જ્યારે બપોરે 3:15 કલાકે યોજાયેલા બીજા શોમાં ૪૦૦ વિદ્યાર્થીઓએ પોતાની કલાનું પ્રદર્શન કર્યું. આ પ્રસંગે મહારાજા સયાજીરાવ યુનિવર્સિટી (MSU) ના ઉપકુલપતિ પ્રોફેસર ભાલચંદ્ર ભાંનગે મુખ્ય મહેમાન તરીકે ઉપસ્થિત રહ્યા હતા. ઉપકુલપતિ પ્રોફેસર ભાંનગેએ વિદ્યાર્થીઓ અને વાલીઓને સંબોધતા શિક્ષણનો સાચો અર્થ સમજાવ્યો. તેમણે જણાવ્યું કે, શિક્ષણ એટલે માત્ર પુસ્તકિયું જ્ઞાન કે પરીક્ષાના ગુણ નહીં, પરંતુ એકલવ્યની જેમ સ્વયંની જિજ્ઞાસાથી શીખવાની વૃત્તિ. તેમણે ઉમેર્યું કે, આજના યુગમાં ગુરુનું સ્થાન માર્ગદર્શકનું છે, પણ શીખવાની ધગશ શિષ્યમાં એકલવ્ય જેવી જ હોવી જોઈએ. તેમણે અંબે ગ્રુપ ઓફ સ્કૂલ્સના સંચાલકો અને વાલીઓને બાળકોને કલા, સંગીત અને અભિનય દ્વારા 'સંપૂર્ણ માનવી' બનાવવાની તક આપવા બદલ અભિનંદન પાઠવ્યા. આ પ્રસંગે અંબે ગ્રુપ ઓફ સ્કૂલ્સના ચેરમેન અમિતભાઈ શાહ, ફાઉન્ડર ચેરમેન, કે.જી. વિભાગના નિયામક ભાવેશાબેન શાહ, અંબે વિદ્યાલયના નિયામક મિતલબેન શાહ, અંબે અને જય અંબે વિદ્યાલયના નિયામક વિવેકભાઈ શાહ અને અંબે વિદ્યાલયના નિયામક આશિષભાઈ શાહ સહિતના મહાનુભાવો ઉપસ્થિત રહી વિદ્યાર્થીઓને પ્રોત્સાહિત કર્યા હતા. શાળાના આચાર્યો, શિક્ષકગણ અને મોટી સંખ્યામાં ઉપસ્થિત વાલીઓએ પણ વિદ્યાર્થીઓના ઉત્સાહમાં વધારો કર્યો હતો.

રવિશંકર મહારાજ શાળાના બાળ વૈજ્ઞાનિકો URC કક્ષાએ પ્રથમ:'સોલર ગ્લાસ ટ્યુબ' કૃતિમાં ઉત્કૃષ્ટ પ્રદર્શન કરી શાળાનું ગૌરવ વધાર્યું

શ્રી રવિશંકર મહારાજ પ્રાથમિક શાળાના બાળ વૈજ્ઞાનિકોએ URC-01 (રાંદેર-સેન્ટ્રલ) ઝોન કક્ષાના બાળ વૈજ્ઞાનિક પ્રદર્શન-2025માં ઉત્કૃષ્ટ પ્રદર્શન કર્યું છે. તેમણે વિભાગ-3માં 'સોલર ગ્લાસ ટ્યુબ' કૃતિ રજૂ કરીને પ્રથમ સ્થાન પ્રાપ્ત કર્યું. શાળાની બાળ વૈજ્ઞાનિકો હનીશાકંવર રણજીતસિંહ રાઠોડ અને પ્રિયા ભરતભાઈ કેરાસિયાએ આ સિદ્ધિ મેળવી છે. તેમના ઉત્કૃષ્ટ પ્રદર્શને શાળાનું ગૌરવ વધાર્યું છે. આ સિદ્ધિ બદલ બાળ વૈજ્ઞાનિકો અને તેમના માર્ગદર્શક શિક્ષક આરતીબેન સારંગને અભિનંદન પાઠવવામાં આવ્યા. શાળાના આચાર્ય રોશનીબેન ટેલર, CRC અમિતભાઈ ટેલર અને URC રમેશભાઈ પટેલે તેમને શુભેચ્છાઓ આપી. આ ટીમને જિલ્લા કક્ષાના બાળ વૈજ્ઞાનિક પ્રદર્શન-2025 માટે પણ શુભકામનાઓ પાઠવવામાં આવી છે.

મેવાણીએ કહ્યું- 'પટ્ટા ઉતરવાની વાત પર આજે પણ અડગ':દારૂ-જુગારની ફરિયાદ માટે કોંગ્રેસ ટૂંક સમયમાં હેલ્પલાઈન નંબર જાહેર કરશે, લોકોને કહ્યું- સો. મીડિયામાં વીડિયો પોસ્ટ કરો

પોલીસ કર્મચારીઓના પટ્ટા ઉતરી જવાને લઈ કોંગ્રેસના ધારાસભ્ય જિજ્ઞેશ મેવાણીએ કરેલા નિવેદનને લઈ છેલ્લા કેટલાક દિવસથી વિવાદ છેડાયો છે. ગુજરાતના પોલીસ વડા પણ કહી ચૂક્યા છે કે, કોઈ પોલીસનું મોરલ તોડવાનો પ્રયાસ કરે તો તેને ટોલરેટ કરવાની જરુર નથી. ત્યારે આજે મેવાણીએ પ્રેસ કોન્ફરન્સ યોજી વધુ એકવાર કહ્યું કે, જે દારૂ-જુગારથી કમાતા હોય તેના પટ્ટા ઉતરશે તે વાત પર આજે પણ અડગ છું. દારૂ-જુગારની લડતને આગળ લઈ જવા માટે કોંગ્રેસે આગામી સમયમાં હેલ્પલાઈન નંબર જાહેર કરવાની જાહેરાત કરી છે. આ ઉપરાંત મેવાણીએ લોકોને અપીલ કરતા કહ્યું કે, તમે મને અથવા કોંગ્રેસના શહેર-જિલ્લા પ્રમુખને ટેગ કરી સોશિયલ મીડિયામાં વીડિયો અપલોડ કરો અમે તમને મદદ કરીશું. 'દારૂ-જુગારથી કમાય એના પટ્ટા ઉતરે એ બાબત પર આજે પણ અડગ'મેવાણીએ આજે વધુ એકવાર કહ્યું હતું કે, દારૂ-જુગારથી જે કમાય તેના પટ્ટા ઉતરે એ બાબત પર આજે પણ અડગ છું. દારૂ-જુગાર સામે લડતને વધુ મજબૂત કરવા કોંગ્રેસ આગામી સમયમાં હેલ્પલાઈન નંબર જાહેર કરવાની જાહેરાત કરી છે. આ ઉપરાંત મેવાણીએ લોકોને દારૂ-જુગારના વીડિયો સોશિયલ મીડિયા પર પોતાને અથવા કોંગ્રેસના નેતાને ટેગ કરી અપલોડ કરવા અપીલ કરી છે. ગુજરાતમાંથી ઝડપાયેલા ડ્રગ્સ અંગે સરકાર શ્વેતપત્ર જાહેર કરેમેવાણીએ કહ્યું કે, ગુજરાતના દરિયાકાંઠેથી હજારો કરોડો રૂપિયાનું ડ્રગ્સ ઝડપાયું છે. મારી માગ છે કે, સરકાર આ બાબતે ખાસ સત્ર બોલાવી શ્વેતપત્ર જાહેર કરે. દ્વારકા અને સોમનાથ જેવા ધાર્મિક ક્ષેત્રોની આસપાસની 3 કિમીની ત્રિજ્યામાં પણ દારુ વેચાતો હોવાનો આક્ષેપ કરાયો છે. શું છે સમગ્ર મામલો?કોંગ્રેસે ગત 22 નવેમ્બરથી વાવ-થરાદ જિલ્લાના ઢીમા ગામથી જનઆક્રોશ રેલીની શરૂઆત કરી છે. આ દરમિયાન થરાદના શિવનગર ખાતે દારૂના દૂષણને લઇ જિજ્ઞેશમેવાણી લોકો સાથે થરાદ પોલીસ સ્ટેશન પહોંચ્યા હતા અને થરાદ એસ.પી. સહિતના પોલીસ સ્ટાફને પોલીસના પટ્ટા ઉતારી દેવાની વાત કરી હતી. એમાં તેમણે જણાવ્યું હતું કે, બધા પોલીસવાળા ધ્યાન રાખી લેજો. પટ્ટા તમારા છે, તમારા ઉતરશે મારા નહીં. આ વડગામનો ધારાસભ્ય કહી રહ્યો છે. હું પાછળ પડીશ એટલે છોતરા કાઢી નાંખીશ. તમે કહો તો 24 કલાકમાં વર્તમાન અને ભૂતકાળના તમામ વહીવટદારોનાં નામ સાથેનું લિસ્ટ આપીશ. ડીજીપીએ કહ્યું હતું- 'પોલીસનું મનોબળ તોડવાનું કામ કરનારને ટોલરેટ કરવાના નહીં' DGPએ કહ્યું હતું કે, આપણી પાસે મોટી સંખ્યામાં કામ કરતા કર્મચારીઓ છે. તેમનું મનોબળ તોડવાનો કોઈ વ્યક્તિ કે સંસ્થા પ્રયાસ કરે તો લીડર તરીકે તમારે ટોલરેટ કરવાનું નથી. આપણે વટથી, ભય વગર અને આત્મસન્માન સાથે કામ કરીએ. કર્મચારી કે અધિકારીઓથી નાની મોટી ભૂલ થતી હશે. જો ભૂલ થાય તો તેમને સજા આપવા માટે ડિપાર્ટમેન્ટ છે, પણ ડિપાર્ટમેન્ટ બહારનો કોઈ વ્યક્તિ મારા અધિકારી કે કર્મચારીને કહી જાય તો એ ટોલરેટ કરવાની જરૂર નથી. (સંપૂર્ણ સમાચાર વાંચો) ત્રણ દિવસ પહેલા મેવાણીના સમર્થનમાં થરાદમાં જનઆક્રોશ રેલી યોજવામાં આવી થરાદ ખાતે ત્રણ દિવસ પહેલા વડગામના ધારાસભ્ય જિજ્ઞેશ મેવાણીના સમર્થનમાં કોંગ્રેસના આગેવાનો અને મોટી સંખ્યામાં લોકો દ્વારા જનઆક્રોશ રેલીનું આયોજન કરવામાં આવ્યું હતું. આ રેલી નશીલા પદાર્થોના વેચાણ સામે તાત્કાલિક અને કડક કાર્યવાહીની માગ સાથે કાઢવામાં આવી હતી અને થરાદની કલેક્ટર કચેરી ખાતે અધિકારીઓને આવેદનપત્ર સુપરત કરવામાં આવ્યું હતું. આવેદન આપીને થરાદને ડ્રગ્સના દૂષણને પગલે 'ઊડતા ગુજરાત' બનતું અટકાવવાની માગ કરાઈ હતી. આ કાર્યક્રમમાં સાંસદ ગેનીબેન, જિલ્લા કોંગ્રેસપ્રમુખ ગુલાબસિંહ રાજપૂત, માંગીલાલ પટેલ સહિત કોંગ્રેસના અનેક આગેવાનો ઉપસ્થિત રહ્યા હતા. આ ઉપરાંત પાટણ અને ભુજમાં પણ જિજ્ઞેશ મેવાણીના સમર્થનમાં કલેક્ટરને આવેદન અપાયું હતું.(સંપૂર્ણ સમાચાર વાંચો)

NIMCJ વિદ્યાર્થીઓએ ભવાઈનું પ્રદર્શન કર્યું:પરંપરાગત કલાને આધુનિક મુદ્દાઓ સાથે જોડીને રજૂ કરી

અમદાવાદ, 28 નવેમ્બર: નેશનલ ઇન્સ્ટિટ્યૂટ ઓફ માસ કમ્યુનિકેશન એન્ડ જર્નાલિઝમ (NIMCJ), અમદાવાદ ખાતે તાજેતરમાં પરંપરાગત લોકકલા ભવાઈનો વર્કશોપ યોજાયો હતો. BAJMC અભ્યાસક્રમના ભાગરૂપે વિદ્યાર્થીઓએ આધુનિક સમય સાથે સુસંગત વિષયો પર ભવાઈના વિવિધ 'વેશ' રજૂ કર્યા હતા. વિદ્યાર્થીઓએ 'જસમા ઓડણ' અને 'કજોડાનો વેશ' જેવા પરંપરાગત ભવાઈના મૂળ સ્વરૂપને જાળવી રાખીને વર્તમાન સામાજિક મુદ્દાઓ સાથે સાંકળીને રજૂ કર્યા હતા. આ નિદર્શનને ઉપસ્થિત સૌએ સરાહના કરી હતી. આ પ્રદર્શનમાં ઇન્ડોનેશિયાની વિદ્યાર્થીની સકીના રિયાનડેએ પણ ભાગ લીધો હતો. તેણે ભારતીય લોકકલાના આ પ્રકારને સંગીત, તાલ અને લય સાથે સ્થાનિક મુદ્દાઓ પર લોકજાગૃતિ લાવવાનું ઉત્તમ ઉદાહરણ ગણાવ્યું હતું. સકીનાએ વેશ ભજવણી દરમિયાન ગુજરાતી લોકગીત પણ ગાયું હતું અને આ અનુભવને આનંદદાયક ગણાવ્યો હતો. આ પ્રસંગે સંસ્થાના નિયામક પ્રો. ડો. શિરીષ કાશિકાર, નાયબ નિયામક ઇલાબેન ગોહેલ, પ્રાધ્યાપકો કૌશલ ઉપાધ્યાય, ડો. ગરિમા ગુણાવત અને ભવાઈ લોકકલાના નિષ્ણાત હર્ષદીપસિંહ જાડેજા સહિત મોટી સંખ્યામાં વિદ્યાર્થીઓ ઉપસ્થિત રહ્યા હતા અને વિવિધ વેશનો આનંદ માણ્યો હતો.

ચિલ્ડ્રન્સ રિસર્ચ યુનિવર્સિટી દ્વારા અંડર-11 એથ્લેટિક્સ મીટ:સીઝન 4.0નું આયોજન, 22 લાખના ઇનામો અને DLSSમાં સીધી તક

ચિલ્ડ્રન્સ રિસર્ચ યુનિવર્સિટી, ગાંધીનગર દ્વારા એનજે ઇન્ડિયા ઇન્વેસ્ટ પ્રા. લિ.ના આર્થિક સહયોગથી રાજ્ય કક્ષાની અંડર-11 એથ્લેટિક્સ મીટ સિઝન 4.0નું આયોજન કરવામાં આવ્યું છે. આ અંતર્ગત તાજેતરમાં પોસ્ટર અને લોગોના વિમોચન સમારોહ યોજાયો હતો, જેમાં ગાંધીનગર ઉત્તરના ધારાસભ્ય રીટાબહેન પટેલ મુખ્ય અતિથિ તરીકે ઉપસ્થિત રહ્યા હતા. અંડર-11 એથ્લેટિક્સ મીટ સિઝન 4નું આયોજન 09 થી 12 જાન્યુઆરી, 2026 દરમિયાન સુરત સ્થિત વીર નર્મદ સાઉથ ગુજરાત યુનિવર્સિટી ખાતે થશે. આ કાર્યક્રમમાં સ્પોર્ટ્સ ઓથોરિટી ઓફ ગુજરાત, ગુજરાત સ્ટેટ એથ્લેટિક્સ એસોસિયેશન, ક્રીડા-ભારતી ગુજરાત પ્રાંત અને વીર નર્મદ સાઉથ ગુજરાત યુનિવર્સિટી જેવી સંસ્થાઓનો સહકાર પ્રાપ્ત થયો છે. આ મીટમાં અંડર-11 અને અંડર-9 ભાઈઓ અને બહેનો એમ ચાર કેટેગરીમાં કુલ 11 એથ્લેટિક્સ સ્પર્ધાઓ યોજાશે. જેમાં 400 મીટર, 200 મીટર, 100 મીટર, 60 મીટર, 60 મીટર હર્ડલ રેસ, ટેનિસ બોલ થ્રો, મેડિસિન બોલ થ્રો, સ્ટેન્ડિંગ બ્રોડ જમ્પ, લોંગ જમ્પ, હાઈ જમ્પ અને જેવલિન થ્રોનો સમાવેશ થાય છે. આ તમામ સ્પર્ધાઓમાં કુલ 1056 વિજેતાઓને ₹22,00,000/- ની ઇનામી રાશિ એનાયત કરાશે. આ ઉપરાંત, વિજેતાઓને સ્પોર્ટ્સ ઓથોરિટી ઓફ ગુજરાત દ્વારા લેવાતી DLSS પ્રવેશ પરીક્ષા માટે સીધી તક પણ મળશે. બાળ ખેલાડીઓ અને વાલીઓ આ એથ્લેટિક્સ મીટમાં ભાગ લેવા માટે ચિલ્ડ્રન્સ રિસર્ચ યુનિવર્સિટીની વેબસાઈટ www.cugujarat.ac.in ઉપર ઓનલાઈન રજિસ્ટ્રેશન કરી શકશે. ઓનલાઈન રજિસ્ટ્રેશન 28 નવેમ્બરથી 25 ડિસેમ્બર, 2025 વચ્ચે ખુલ્લું રહેશે. વર્ષ 2030ની કોમનવેલ્થ ગેમ્સ અમદાવાદમાં અને 2036ના ઓલિમ્પિક ગેમ્સની દ્રષ્ટિને ધ્યાનમાં રાખીને રાજ્યના બાળખેલાડીઓમાં ઓલિમ્પિક ગેમ્સ માટેની ક્ષમતા અને ખેલભાવનાનો વિકાસ થાય તે હેતુથી ચિલ્ડ્રન્સ રિસર્ચ યુનિવર્સિટી દ્વારા વર્ષ 2022થી અંડર-11 એથ્લેટિક્સ મીટનું આયોજન કરવામાં આવી રહ્યું છે. આ ચોથું સંસ્કરણ છે, જેમાં રાજ્યભરના 10 હજારથી વધુ બાળ ખેલાડીઓ ભાગ લે તેવી અપેક્ષા છે.

ચેક રીર્ટન કેસમાં સજા પામેલો વોન્ટેડ આરોપી ઝડપાયો:આધેડ પાસેથી ક્રાઈમ બ્રાંચે એક પિસ્તોલ અને 45 કારતુસ જપ્ત કર્યા, અમદાવાદ હથિયાર વેચવા આવ્યો ને પકડાયો

અમદાવાદ ક્રાઈમ બ્રાન્ચે 85 લાખના રૂપિયા ચેક બાઉન્સના કેસમાં અઢી વર્ષની સજા પામેલા આધેડને એક પિસ્તોલ, બે મેગેજીન અને 45 કારતુસ સાથે ઝડપી પાડ્યો છે. ત્રણ વર્ષ પહેલા આધેડ 15 દિવસના જામીન પર બહાર આવ્યો હતો અને ત્યારબાદ નાસતો ફરતો હતો. ક્રાઈમ બ્રાન્ચની ટીમ દ્વારા તેની ધરપકડ કરી વધુ તપાસ હાથ ધરી છે. બેગમાંથી એક પિસ્તોલ, 2 મેગેજીન અને 45 કારતૂસ મળ્યાપાલડી વિસ્તારમાં આવેલા નરસિંહ ભગતના છાત્રાલય પાસેથી કિરીટ પ્રભુદાસ પટેલ નામના વ્યક્તિ જેઓ મૂળ સાબરકાંઠા જીલ્લાના ઈડર તાલુકામાં આવેલા ઉમેદપુરા ગામમાં રહે છે. કિરીટ પટેલ પાસે મળેલી બેગમાંથી એક પિસ્તોલ, 2 મેગેજીન અને 45 કારતૂસ મળી આવ્યા હતાં. આ સિવાય કિરીટ પટેલ પાસેથી 16 હજાર રૂપિયા પણ મળી આવ્યા છે. અમદાવાદ હથિયાર વેચવા આવ્યો ને પકડાયોપોલીસ તપાસમાં બહાર આવ્યું હતું કે, એક વર્ષ પહેલા તે વડોદરા ખાતે રહેતો હતો ત્યારે તેણે હથિયાર ખરીદી કર્યુ હતું. અમદાવાદ હથિયાર વેચવા માટે આવ્યો હતો પરંતુ ક્રાઈમ બ્રાંચના હાથે ઝડપાઈ ચુક્યો હતો. 15 દિવસના વચગાળાના જામીન પર જઈ ને નાસી ગયોવર્ષ 2021માં હિંમતનગર કોર્ટે 85 લાખ રૂપિયાના ચેક રીર્ટન કેસમાં કિરીટ પટેલને અઢી વર્ષની સજા ફટકારી હતી. કિરીટ પટેલ ત્યારથી અમદાવાદની સાબરમતી સેન્ટ્રલ જેલમાં પાકા કામના કેદી તરીકે હતો. વર્ષ 2022માં કિરીટ પટેલ 15 દિવસના વચગાળાના જામીન પર છુટીને બહાર આવ્યો હતો. નાસતા ફરતા આરોપીને હથિયાર સાથે દબોચ્યોજામીન પુરા થઈ ગયા બાદ કિરીટ પરત જેલમાં નહી જતા નાસી ગયો હતો. આ સિવાય તલોદ પોલીસ સ્ટેશનમાં વર્ષ 2016માં તેના વિરૂદ્ધ મારમારી તેમજ ધમકીની ફરિયાદ નોંધાઈ છે. ક્રાઈમ બ્રાંચે તેની હથિયારના સાથે ધરપકડ કરીને વધુ તપાસ શરૂ કરી છે.

સુરતમાં જળ જાગૃતિ કાર્યક્રમ યોજાયો:રાજકોટની ડો. કુમાર વિશ્વાસની જલકથા પૂર્વે જળ સંરક્ષણનો સંદેશ

ગીરગંગા પરિવાર ટ્રસ્ટ દ્વારા જળ સંરક્ષણના સંદેશને સૌરાષ્ટ્ર અને ગુજરાતના અન્ય વિસ્તારોમાં પહોંચાડવા માટે સુરત ખાતે 'જલજાગૃતિ કાર્યક્રમ'નું આયોજન કરવામાં આવ્યું હતું. આ કાર્યક્રમ ગત 20 નવેમ્બરના રોજ યોજાયો હતો, જે રાજકોટમાં ડિસેમ્બરમાં યોજાનારી ડો. કુમાર વિશ્વાસની 'જલકથા' પૂર્વેનો એક મહત્વપૂર્ણ પ્રયાસ હતો. ટ્રસ્ટે સુરતવાસીઓને 1,11,111 જળ સ્ટ્રક્ચર તૈયાર કરવાના સંકલ્પમાં જોડાવા અપીલ કરી હતી. આ કાર્યક્રમનો મુખ્ય ઉદ્દેશ જળસંચયની આવશ્યકતા, ગામડાના તળાવોને ઊંડા કરવા માટે ગીરગંગા પરિવાર ટ્રસ્ટ દ્વારા અપાનાર હિટાચી-જેસીબી મશીનના સહયોગની જાણકારી આપવાનો અને રાજકોટની 'જલકથા' અંગે માહિતી આપવાનો હતો. સુરતના રામકૃષ્ણ હોલ, એમ.એસ. ખેની ભવન, સમસ્ત પાટીદાર સમાજની વાડી, આંબાતલાવડી, કતારગામ ખાતે યોજાયેલા આ કાર્યક્રમમાં ઉદ્યોગપતિઓ, આગેવાનો, વિવિધ સમાજના પ્રમુખો સહિત લગભગ 700 સુરતવાસીઓએ હાજરી આપી હતી. ગીરગંગા પરિવાર ટ્રસ્ટ, પ્રમુખ દિલીપભાઈ સખીયાના નેતૃત્વમાં, સૌરાષ્ટ્રની પાણીની સમસ્યા હલ કરવા માટે ચેકડેમોને ઊંડા કરવા, રીપેર કરવા અને ઊંચા કરવાની ઝુંબેશ ચલાવે છે. જનભાગીદારીના મોડેલ પર કાર્ય કરીને સંસ્થાએ અત્યાર સુધીમાં 8,500થી વધુ જળસંચયના સ્ટ્રક્ચરો પૂર્ણ કર્યા છે.જળસંચયના સંકલ્પને સમાજ શ્રેષ્ઠીઓ અને યુવાનો સુધી પહોંચાડવાના આ ઉદ્દેશના ભાગરૂપે, રાજકોટના રેસકોર્સ મેદાન ખાતે આગામી 15, 16 અને 17 ડિસેમ્બર દરમિયાન દરરોજ રાત્રે 8 થી 12 વાગ્યા સુધી ડો. કુમાર વિશ્વાસ તેમની 'જલ કથા: અપને અપને શ્યામ કી' પ્રસ્તુત કરશે.આ પ્રસંગે સૌરાષ્ટ્ર પટેલ સેવા સમાજ, સુરતના પ્રમુખ કાનજીભાઈ ભાલાળા, કિરણ હોસ્પિટલના ચેરમેન પદ્મશ્રી મથુરભાઈ સવાણી, જેન્તીભાઈ સરધારા અને ધીરુભાઈ રામાણીએ જણાવ્યું હતું કે, ગીરગંગા પરિવાર ટ્રસ્ટનું કાર્ય માત્ર જળ સંરક્ષણ પૂરતું સીમિત નથી, પરંતુ આ જનજાગૃતિનું એક મહાન અભિયાન છે. કાર્યક્રમમાં સૌરાષ્ટ્ર પટેલ સેવા સમાજ સુરતના ઉપપ્રમુખ સવજીભાઈ વેકરીયા, લોકસમર્પણ બ્લડ બેંકના પ્રમુખ હરિભાઈ કથીરિયા, વરાછા કો.પો. બેંકના ચેરમેન ભવાનભાઈ નવાપરા, સુરત ડાયમંડ એસોસિએશનના પ્રમુખ જગદીશભાઈ ખુંટ, જલારામ સ્ટીલ ફર્નીચરના ગોવિંદભાઈ સાવસીયા, હરસુખભાઈ અકબરી, રામજીભાઈ જેતાણી, નરેશભાઈ લુણાગરિયા, વિપુલભાઇ દોંગા, વિપુલભાઈ પારખીયા વગેરે મહાનુભાવો ઉપસ્થિત રહ્યા હતા. સમારોહની આભારવિધિ હરસુખભાઈ અકબરીએ કરી હતી.આ કાર્યને વેગ આપવા માટે ગીરગંગા પરિવાર ટ્રસ્ટના પ્રમુખ દિલીપભાઈ સખીયા, વિરાભાઈ હુંબલ, જમનભાઈ ડેકોરા, પ્રતાપભાઈ પટેલ, રમેશભાઈ ઠક્કર, વસંતભાઈ લીંબાસીયા, જેન્તીભાઈ સરધારા, શૈલેષભાઈ જાની અને કૌશિકભાઈ સરધારા સહિતના સભ્યો જહેમત ઉઠાવી રહ્યા છે.

15મા નાણાપંચના બીજા હપ્તામાં 741.90 કરોડની ફાળવણી:રાજ્યભરમાં 45 હજારથી વધુ વિકાસ કામો હાથ ધરાશે, ગામડાના વિકાસને મળશે નવી ગતિ

ગુજરાત સરકાર દ્વારા ગ્રામ્ય વિકાસને વેગવન્તો બનાવવા એક મહત્વપૂર્ણ નિર્ણય લેવામાં આવ્યો છે. મુખ્યમંત્રી ભૂપેન્દ્ર પટેલના માર્ગદર્શન હેઠળ રાજ્ય સરકારે 15મા નાણાપંચની ભલામણ મુજબ પંચાયતી રાજ સંસ્થાઓને બીજા હપ્તા તરીકે રૂ. 741.90 કરોડની ફાળવણી કરી છે. ગામડાઓમાં પાયાની સુવિધાઓના કાર્યોપંચાયત મંત્રી ઋષિકેશ પટેલે જણાવ્યું હતું કે, આ રકમ દ્વારા સમગ્ર રાજ્યના ગ્રામ્ય વિસ્તારોમાં આશરે 45,000થી વધુ વિકાસ કામો હાથ ધરવામાં આવશે. જેમાં પીવાના પાણીની સુવિધા, સ્વચ્છતા, ગામડાઓમાં પાયાની સુવિધાઓના વિકાસ સહિતના કાર્યોનો સમાવેશ થશે. ત્રણેય સ્તરે ફાળવણીનું વિભાજન 'છેલ્લા એક વર્ષમાં કુલ રૂ. 2,619 કરોડની રકમ ફાળવાઈ'મંત્રીએ વધુમાં જણાવ્યું કે, રાજ્ય સરકાર ગ્રામ્ય વિસ્તારોના નાગરિકોને જરૂરી તમામ સુવિધાઓ સરળતાથી મળી રહે અને જીવન ધોરણમાં સુધારો થાય તે દિશામાં સતત પ્રતિબદ્ધ છે. આ ભંડોળનો અસરકારક ઉપયોગ થાય તે માટે સરકાર ખાસ ધ્યાન આપી રહી છે. 15મા નાણાપંચ હેઠળ ગ્રામ્ય વિકાસ માટે છેલ્લા એક વર્ષમાં કુલ રૂ. 2,619 કરોડની રકમ ફાળવાઈ છે. સરકારના આ પગલાથી ગ્રામ્ય સ્તરે નાણાકીય સશક્તિકરણ વધશે અને વિકાસ કાર્યો વધુ વેગવંતાં બનશે એવી આશા વ્યક્ત કરવામાં આવી છે.

કુમકુમ મંદિરના સાધુ પ્રેમવત્સલદાસજીની રક્તદાન અપીલ:રક્તદાન મહાદાન છે, દિવ્ય ભાસ્કરની શિબિર પ્રશંસનીય: સાધુ પ્રેમવત્સલદાસજી

અમદાવાદના મણિનગર સ્થિત શ્રી સ્વામિનારાયણ મંદિર કુમકુમના સાધુ પ્રેમવત્સલદાસજીએ સૌને રક્તદાન કરવા અપીલ કરી છે. તેમણે જણાવ્યું કે, વસ્ત્રદાન અને અન્નદાન જેવા અનેક દાનો છે, જે કરવા જોઈએ. જોકે, રક્તદાનને મહાદાન ગણવામાં આવે છે, કારણ કે તેનાથી માનવ જીવન બચાવી શકાય છે. આથી, દરેક વ્યક્તિએ રક્તદાન કરવું જોઈએ. સાધુ પ્રેમવત્સલદાસજીએ ભારપૂર્વક જણાવ્યું કે, જો વ્યક્તિનું સ્વાસ્થ્ય સારું હોય તો તેણે રક્તદાન અવશ્ય કરવું જોઈએ, કારણ કે તેનાથી અન્યના જીવન બચાવી શકાય છે. તેમણે રક્તદાન અંગેની ગેરમાન્યતાઓ દૂર કરતા કહ્યું કે, માનવ શરીરમાં 5 થી 6 લીટર રક્ત હોય છે. રક્તદાન દરમિયાન માત્ર 300 થી 450 મિલીલીટર રક્ત જ લેવામાં આવે છે, જે 24થી 48કલાકમાં ફરીથી બની જાય છે. આથી, રક્તદાન કરવાથી શરીરમાં લોહી ઘટી જશે કે અશક્તિ આવશે તેવી ચિંતા કરવાની જરૂર નથી. પુરુષો દર 2-3 મહિને અને સ્ત્રીઓ 4-6 મહિને રક્તદાન કરી શકે છે. રક્તદાન કરવાથી હૃદયરોગોની શક્યતા ઘટે છે અને શરીરમાં આયર્નનું સ્તર નિયંત્રિત રહે છે. આ ઉપરાંત, રક્તદાન શારીરિક સ્વાસ્થ્ય માટે પણ ફાયદાકારક છે. દિવ્ય ભાસ્કર દ્વારા 29 અને 30 નવેમ્બરના રોજ રક્તદાન શિબિરનું આયોજન કરવામાં આવ્યું છે. સાધુ પ્રેમવત્સલદાસજીએ સૌને આ શિબિરમાં ભાગ લઈને રક્તદાન કરવા અપીલ કરી છે. આ પ્રસંગે સાધુ પ્રેમવત્સલદાસજીએ દિવ્ય ભાસ્કર ગ્રુપના ચેરમેન સ્વ. રમેશચંદ્ર અગ્રવાલના 81મા જન્મદિવસ નિમિત્તે 'પ્રેરણા ઉત્સવ' હેઠળ 209 શહેરોમાં આયોજિત રક્તદાન શિબિરને પ્રશંસનીય ગણાવી હતી. તેમણે આ અભિયાનમાં સૌને સહયોગ આપવા પણ જણાવ્યું હતું.

કપરાડા આશ્રમ શાળામાં કાર્યવાહી:પૈસા લેવાના કેસમાં બે ઇન્ચાર્જ પ્રિન્સીપાલ ફરજ મોકૂફ

વલસાડ જિલ્લાના કપરાડા તાલુકામાં આવેલી આશ્રમ શાળાઓમાં પૈસા લેવાના ગંભીર આક્ષેપો બાદ કાર્યવાહી કરવામાં આવી છે. સુથારપાડા આશ્રમ શાળાના ઇન્ચાર્જ પ્રિન્સીપાલ શશિકાંત પટેલ અને આસલોણા આશ્રમ શાળાના ઇન્ચાર્જ પ્રિન્સીપાલ અરવિંદ પટેલને તાત્કાલિક અસરથી ફરજ મોકૂફ કરવામાં આવ્યા છે. પ્રાથમિક વિગતો અનુસાર, મંડળ દ્વારા નવા નિમણૂક પામેલા શિક્ષકો પાસેથી “વિકાસ ફાળા”ના નામે ગેરકાયદેસર રીતે પૈસાની માંગણી કરવામાં આવી હતી. આ મામલે ફરિયાદ નોંધાવવામાં આવી હતી. ઘટનાની ગંભીરતાને ધ્યાનમાં રાખીને પોલીસમાં પણ ફરિયાદ દાખલ કરવામાં આવી છે. પોલીસે નીરા તાડ ગોળ અને ખાદી સંઘના પ્રમુખ વસંત પટેલ, મંત્રી ધુરીયા પાડવી, તેમજ શશિકાંત પટેલ અને અરવિંદ પટેલ વિરુદ્ધ ગુનો નોંધી વધુ તપાસ હાથ ધરી છે. આ ઘટનાથી કપરાડા વિસ્તારમાં આશ્રમ શાળાઓના સંચાલન પર પ્રશ્નાર્થ ઊભા થયા છે. પોલીસની વધુ તપાસ બાદ આ મામલે નવા ખુલાસા થવાની શક્યતા છે.

સહાયમાં વિલંબથી ખેડૂતોની ચિંતા વધી, રવિ પાક જોખમમાં:ખેડૂતોને વહેલી સહાય ચૂકવાઇ તો જ શિયાળુ પાકનું વાવેતર શક્ય; કોંગ્રેસ આક્ષેપ સામે ખેતીવાડી અધિકારીનો રૂ.6 કરોડ ચૂકવ્યાનો દાવો

ગુજરાતમાં છેલ્લા ઘણા વર્ષોથી કમોસમી વરસાદે ખેડૂતની હાલત કફોડી કરી નાખી છે. ખેતરમાં તૈયાર થયેલા પાક પર માવઠાનો માર પડવાથી ખેડૂતને મોઢે આવેલો કોળિયો છીનવાઈ જાય છે અને તેની પાસે નિરાશા તથા નુકસાની સિવાય કંઈ બચતું નથી. ઓગસ્ટ અને ઓક્ટોબર માસમાં કમોસમી વરસાદે જુનાગઢ જિલ્લાના ખેડૂતોને ભારે નુકસાન પહોંચાડ્યું હતું. આ નુકસાનના કારણે ખેડૂતો હવે સરકારની સહાય પર નિર્ભર રહેવા મજબૂર બન્યા છે, કારણ કે શિયાળુ પાક (રવિ પાક)ના વાવેતર માટે તેમની પાસે પૂરતા પૈસા નથી. ખેડૂતોની વ્યાપક માંગ છે કે જો વહેલી તકે સહાય ચૂકવવામાં આવે તો જ તેઓ રવિ પાકનું વાવેતર શરૂ કરી શકે. સહાયની જાહેરાત સામે સમયસર ચૂકવણીનો પ્રશ્ન સરકાર દ્વારા કમોસમી વરસાદની નુકસાની બદલ રાહત પેકેજની જાહેરાત તો કરવામાં આવી છે અને ખેડૂતોએ ફોર્મ પણ ભરી દીધા છે, પરંતુ સહાય સમયસર ન મળતા ખેડૂતોમાં કચવાટ અને મૂંઝવણ જોવા મળી રહી છે. ઓગસ્ટ મહિનામાં જે ખેડૂતોએ ફોર્મ ભર્યા હતા, તેમને હજી સુધી પૈસા જમા ન થતા શિયાળુ પાકનું વાવેતર અટકી ગયું છે. બીજી તરફ, ઓક્ટોબર માસમાં કમોસમી વરસાદના કારણે જે નુકસાન થયું, તેના માટે પણ સરકારે રાહત પેકેજ જાહેર કર્યું છે, પરંતુ આ રકમ પણ ખેડૂતોના ખાતામાં જમા ન થતાં વાવેતર માટે જરૂરી બિયારણ અને ખાતર ખરીદવા માટે ખેડૂતો પાસે પૂરતા પૈસા ન હોવાનું જાણવા મળ્યું છે. આથી, ખેડૂતો સહાયની રકમ તાત્કાલિક ચૂકવવામાં આવે તેવી આક્રમક માંગણી કરી રહ્યા છે. કોંગ્રેસના આક્ષેપો: રવિ પાક લેવો બન્યો મુશ્કેલ કેશોદ શહેર કોંગ્રેસ પ્રમુખ ભરત લાડાણીએ આ મામલે જણાવ્યું હતું કે, સમગ્ર રાજ્યમાં માવઠાના મારથી ખેડૂતો રોડ પર આવ્યા ત્યારે સરકાર સફાળી જાગી અને સહાયની જાહેરાત કરી. જોકે, આ જાહેરાત પછી પણ ઘણા દિવસો વીતી ગયા છે. ઓગસ્ટ મહિનામાં થયેલી પાક નુકસાનીની વિગતો આપવા છતાં ખેડૂતોના ખાતામાં હજી સુધી સહાય આપવામાં આવતી નથી. અમુક ખેડૂતોને ઓગસ્ટ મહિનામાં થયેલી નુકસાનીનો માત્ર એક હપ્તો જ મળ્યો છે, જે પૂરતો નથી. લાડાણીએ ભારપૂર્વક જણાવ્યું કે, ખેડૂતને તેની પાક નુકસાનીની પૂરતી સહાય મળે તો જ તે શિયાળુ પાક વાવી શકે, કારણ કે બિયારણ અને ખાતરના ભાવો હાલ ખૂબ મોંઘા છે. તેમણે ચેતવણી આપી કે, જો વહેલી તકે ઓગસ્ટ મહિનાની સહાય ન મળે તો ખેડૂતોને પ્રમાણિત બિયારણના બદલે નીચી ગુણવત્તાવાળું બિયારણ ખરીદવાની નોબત આવે તેમ છે. તેમણે સરકાર દ્વારા અગાઉ જુનાગઢ જિલ્લા માટે જાહેર કરાયેલા 950 કરોડના પેકેજ પૈકી ગેડ વિસ્તારના ખેડૂતોને ઓગસ્ટ મહિનાની સહાય ન મળી હોવાનો પણ આક્ષેપ કર્યો હતો અને માગ કરી કે ઓગસ્ટ મહિનાની સહાય તાત્કાલિક ચૂકવવી જોઈએ. ખેતીવાડી અધિકારીનો ખુલાસો: 6 કરોડથી વધુની સહાય ચૂકવાઈ કેશોદ શહેર કોંગ્રેસ પ્રમુખ લાડાણીના આક્ષેપો સામે જુનાગઢ જિલ્લા ખેતીવાડી અધિકારી જીગર ભટે ખુલાસો આપ્યો છે. તેમણે સહાય ચૂકવાઇ હોવાનો દાવો કરતા જણાવ્યું હતું કે, સરકારે કરેલી જાહેરાતને પગલે ઓગસ્ટ માસમાં થયેલા ભારે વરસાદને કારણે જુનાગઢ જિલ્લાના છ તાલુકાઓમાં સર્વે કરવામાં આવ્યો હતો અને સ્પેશિયલ પેકેજ પણ જાહેર કરાયું હતું. આ પેકેજ હેઠળ 156 ગામડાઓના 2170 ખેડૂતોએ અરજી કરી હતી, જેમાંથી 27.50 લાખ રૂપિયાનું ચુકવણું કરી દેવામાં આવ્યું છે. વધુમાં તેમણે ઓક્ટોબર માસના કમોસમી વરસાદને લઈને રાહત પેકેજ અંગેની વિગતો આપતા કહ્યું કે, તેમાં 521 ગામડાઓના 1,39,000 ખેડૂતોએ નોંધણી કરાવી છે. જેમાંથી તાજેતરમાં ગ્રાન્ટ આવતા ચુકવણું શરૂ કરી દેવાયું છે. અત્યાર સુધીમાં 2500 થી વધુ ખેડૂતોને રૂ. 6 કરોડથી વધુની રકમ ચૂકવી દેવામાં આવી છે. અધિકારી જીગર ભટે હૈયાધારણા આપી છે કે ફોર્મ ભરવાનો અંતિમ દિવસ પૂરો થતાં જ ટૂંક સમયમાં તમામ ખેડૂતોને તેમના ખાતામાં રકમ જમા કરાવી દેવામાં આવશે અને સહાયની પ્રક્રિયા સતત ચાલુ છે. વહેલી સહાયની ચૂકવણી જ ખેડૂતોને મોંઘવારી વચ્ચે પ્રમાણિત બિયારણ અને ખાતર ખરીદી શિયાળુ પાકનું વાવેતર કરવાની આશા પૂરી પાડી શકે છે

ડૉ. દત્તા મદમવારને પ્રતિષ્ઠિત એવોર્ડ મળ્યો:ચારુસેટ યુનિવર્સિટીના ડિરેક્ટર સન્માનિત થયા

ચારુસેટ યુનિવર્સિટી રિસર્ચ સેન્ટરના ડિરેક્ટર અને વિખ્યાત બાયોટેકનોલોજીસ્ટ ડૉ. દત્તા મદમવારને વર્ષ ૨૦૨૫ માટે પ્રતિષ્ઠિત ફાઉન્ડર્સ રિસર્ચ એક્સેલન્સ એવોર્ડ (સિનિયર રિસર્ચર્સ/મેન્ટર્સ કેટેગરી હેઠળ) માટે નોમિનેટ કરવામાં આવ્યા હતા. આ એવોર્ડ તેમને થાઇલેન્ડના બેંગકોકમાં યોજાયેલી સિન્થેટિક બાયોલોજી એન્ડ ફ્યુચર ફૂડ નેટવર્કિંગ ફોરમ એન્ડ સબ્જેક્ટ કોન્ફરન્સ ૨૦૨૫ દરમિયાન એનાયત કરવામાં આવ્યો હતો. આ કોન્ફરન્સમાં ડૉ. દત્તા મદમવારને સાયનોબેક્ટેરિયામાંથી ફાયકોબિલિપ્રોટીનના સ્ટ્રક્ચરલ કેરેક્ટરાઇઝેશન અને થેરાપ્યુટિક એપ્લીકેશન્સ વિશે મુખ્ય ભાષણ આપવા માટે પણ આમંત્રિત કરવામાં આવ્યા હતા. કોન્ફરન્સનું મુખ્ય કેન્દ્રબિંદુ સિન્થેટિક બાયોલોજી, ફ્યુચર ફૂડ, કાર્બન કેપ્ચર એન્ડ યુટિલાઇઝેશન (CCU), નેક્સ્ટ એનર્જી અને ક્લાઇમેટ ટેકનોલોજી જેવા નવતર વિષયોમાં શોધ અને પ્રગતિ હતી. આ ફોરમનો હેતુ વિશ્વભરના અગ્રણી વૈજ્ઞાનિકો, ઇનોવેટર્સ અને હિતધારકોને એકસાથે લાવીને ઉજ્જવળ ભવિષ્ય માટે સહયોગને પ્રોત્સાહન આપવાનો અને અસરકારક ઉકેલો વિકસાવવાનો હતો. ઇન્ટરનેશનલ બાયોપ્રોસેસિંગ એસોસિએશન અને ઇન્ટરનેશનલ ફોરમ ઓન ઇન્ડસ્ટ્રિયલ બાયોપ્રોસેસીસ (IBA-IFIBiop) સંયુક્તપણે દર બે વર્ષે વિવિધ પુરસ્કારો માટે નોમિનેશન આમંત્રિત કરે છે. ડૉ. દત્તા મદમવાર વલ્લભ વિદ્યાનગર સ્થિત સરદાર પટેલ યુનિવર્સિટીના પોસ્ટ ગ્રેજ્યુએટ ડિપાર્ટમેન્ટ ઓફ બાયોસાયન્સિસમાં યુજીસી બીએસઆર ફેકલ્ટી ફેલો રહી ચૂક્યા છે. તેમણે બિટ્સ, પિલાનીમાંથી પીએચડીની ડિગ્રી મેળવી છે. તેઓ બાયોસાયન્સિસ વિભાગના ભૂતપૂર્વ પ્રોફેસર અને વડા તેમજ સાયન્સ ફેકલ્ટીના ભૂતપૂર્વ ડીન પણ છે. તેમને TIFR, મુંબઈ અને ફ્રેન્કફર્ટ યુનિવર્સિટીમાં પોસ્ટડોક્ટરલ ફેલો તરીકે વ્યાપક સંશોધન અનુભવ છે. તેમનું મુખ્ય સંશોધન માઇક્રોબાયલ બાયોરેમીડિયેશન, એન્વાયર્નમેન્ટલ બાયોટેકનોલોજી, નોન-એકવીઅસ એન્ઝાઇમોલોજી અને સાયનોબેક્ટેરિયલ બાયોટેકનોલોજી પર કેન્દ્રિત છે. તેમનું મુખ્ય કાર્ય જોખમી ઔદ્યોગિક વેસ્ટ વોટરની ટ્રીટમેન્ટ માટે ઇકો-સસ્ટેઈનેબલ બાયોટેકનોલોજીકલ સોલ્યુશન્સ વિકસાવવાનું છે.

માવઠાથી ખેડૂતોને 30 કરોડનો ફટકો:સુરત જિલ્લામાં ડાંગરના ઉત્પાદનમાં બે લાખ બોરીનો જંગી ઘટાડો, ખર્ચની સામે સરકારી સહાય અપૂરતીઃ મનહર પટેલ

દિવાળીના સમયગાળા દરમિયાન સુરત જિલ્લામાં વરસેલા કમોસમી વરસાદને કારણે ખેડૂતોને માથે આભ ફાટ્યા જેવી સ્થિતિ સર્જાઈ છે. ખાસ કરીને ખરીફ ડાંગરના પાકને વ્યાપક નુકસાન થતાં તેની સીધી અસર ઉત્પાદન પર જોવા મળી છે. માવઠાના કારણે જિલ્લાના ડાંગરના ઉત્પાદનમાં અંદાજે બે લાખ બોરીનો મોટો ઘટાડો નોંધાયો છે, જેના પરિણામે ખેડૂતોને 30 કરોડથી વધુનો આર્થિક ફટકો પડ્યો છે. જીનોમાં આવક પર ગંભીર અસરસુરત જિલ્લામાં ડાંગરના પાકની મુખ્યત્વે ખરીદી અને પ્રક્રિયા કરતી ઓલપાડ અને જહાંગીરપુરાની જીનોમાં આ નુકસાનનો અંદાજ સ્પષ્ટપણે દેખાય છે. સામાન્ય રીતે આ જીનોમાં ચોમાસું પાક તરીકે અંદાજે 11 લાખ જેટલી ડાંગરની ગુણોની આવક થતી હોય છે, પરંતુ આ વર્ષે કમોસમી વરસાદના વિનાશક પ્રભાવને કારણે માત્ર 9 લાખ ગુણો જ આવી છે, જે સ્પષ્ટપણે બે લાખ ગુણીનું નુકસાન દર્શાવે છે. ખેડૂતોની સૂકવેલી​​​​​​ ડાંગર પણ પાણીમાં તણાઈ ગઈઃ મનહરભાઈજહાંગીરપુરા જીનિંગ મિલના પ્રમુખ મનહરભાઈ પટેલે આ પરિસ્થિતિ અંગે માહિતી આપતાં જણાવ્યું હતું કે, ડાંગરનો પાક કાપણી કરવાની શરૂઆત થઈ હતી, તે વખતે દિવાળી પર જ કમોસમી વરસાદ વરસતા ખેડૂતો દુઃખી થઈ ગયા હતા. કેટલાકના ખેતરોમાં ડાંગર ઊભી ને ઊભી પલળી ગઈ હતી, તો કેટલાકની ખેતરમાં પડેલી ડાંગરની ગુણો પણ પલળી ગઈ હતી. વળી, કેટલાકે રસ્તાઓ પર સૂકવવા માટે રાખેલી ડાંગર કમોસમી વરસાદના પાણી સાથે તણાઈ ગઈ હતી. વાવેતરના આંકડા અને નુકસાનની વિગતોસુરત જિલ્લાના ખેડૂતો વર્ષમાં બે વખત (ઉનાળુ અને ચોમાસુ) ડાંગરનો પાક લે છે, પરંતુ ચોમાસું ડાંગરનો પાક વધુ લે છે, કારણ કે તે વાવેતર માટે માફકસર હોય છે. આ વર્ષે સુરત જિલ્લામાં અંદાજે 40 હજાર હેક્ટરમાં ડાંગરનું વાવેતર થયું હતું. જોકે, ગત વર્ષે 24 હજાર હેક્ટરનું ઉત્પાદન હતું અને આ વર્ષે 28 હજાર હેક્ટરનું ડાંગરનું ઉત્પાદન થયું હતું, તેમ છતાં માવઠાના કારણે ખેડૂતોને કમ્મરતોડ ફટકો પડ્યો છે. ખેડૂતોની વિશેષ પેકેજની માગરાજ્ય સરકારે ખેતીપાકને થયેલા નુકસાનમાં એક હેક્ટર દીઠ 22,000 ચૂકવવાનું નક્કી કર્યું છે, જેનાથી ખેડૂતોને થોડી સહાય મળશે. જોકે, મનહરભાઈ પટેલે વધુમાં જણાવ્યું હતું કે, ડાંગરની રોપણીથી લઈને કાપણી, માવજત, ખાતરનો ખર્ચો અને ખેડૂતની પોતાની મહેનત આ બધાની ગણતરી કરીએ તો સરવાળે ખેડૂતોને કોઈ લાભ થતો નથી. ખેડૂતોની મહેનત અને ખર્ચની સામે સરકારી સહાય અપૂરતી સાબિત થઈ રહી છે. આથી, ડાંગરના પાકને થયેલા વ્યાપક નુકસાનને ધ્યાનમાં લઈને રાજ્ય સરકાર દ્વારા ડાંગરના પાક માટે વિશેષ રાહત પેકેજ જાહેર કરવામાં આવે તેવી પ્રબળ માંગ ખેડૂત આલમ દ્વારા કરવામાં આવી રહી છે.

BAPS સ્વામિનારાયણનગર સંસ્કારધામનું નિર્માણ પામશે:મહંત સ્વામી મહારાજની પ્રેરણાથી ભાવનગરના દેસાઈનગર વિસ્તારમાં સંસ્કારધામનું ખાતમુહૂર્ત યોજાયું

સનાતન ભારતીય સંસ્કૃતિના મુખ્ય ત્રણ આધાર સ્તંભો છે. મંદિર, શાસ્ત્ર અને સંત. સ્વામિનારાયણ સંપ્રદાયમાં ભગવાન સ્વામિનારાયણે મંદિર નિર્માણની પરંપરાનો પ્રારંભ કરેલો જે આ જ પર્યંત ચાલી રહેલ છે, મહંત સ્વામી મહારાજની પ્રેરણા અને આશીર્વાદથી દેશ-વિદેશમાં ભવ્ય મંદિરો તથા સંસ્કારધામો નિર્માણ પામી રહ્યા છે જેના ભાગરૂપે શહેરના દેસાઈનગર વિસ્તારમાં બીએપીએસ સ્વામિનારાયણનગર સંસ્કારધામના નિર્માણ માટે સંતો હસ્તે ઈંટોનું પૂજન તથા વાસ્તુ દેવતાઓનું પૂજન કરવામાં આવ્યું હતું, મંદિરોની આ પરંપરામાં ભાવનગર શહેરના દેસાઈનગર વિસ્તારમાં બીએપીએસ સ્વામિનારાયણનગર સંસ્કારધામ નિર્માણ પામશે. આ સંસ્કાર ધામની ખાતમુહૂર્ત વિધિ સંત પ્રમુખસ્વામી મહારાજના 104 માં જન્મદિવસના પવિત્ર દિવસના રોજ અક્ષરવાડી સ્વામિનારાયણ મંદિરના વરિષ્ઠ સંત સોમપ્રકાશ સ્વામી, કોઠારી સંત યોગ વિજય સ્વામી, સંતો, મહાનુભવો તથા હરિભક્તોની ઉપસ્થિતિમાં સંપન્ન થઈ હતી, પ્રારંભમાં ગર્ત માં પધરાવવામાં આવનાર ઈંટોનું પૂજન, વાસ્તુ દેવતાઓનું પૂજન તથા સૌનું હિત થાય એવી શુભભાવના સાથે વૈદિક મહાપૂજા કરવામાં આવેલ, આ વેળાએ મોટી સંખ્યામાં હરિભક્તો ઉપસ્થિત રહ્યા હતા. આ પ્રસંગે સોમપ્રકાશ સ્વામીએ મંદિરોની જરૂરિયાત જણાવતા કહ્યું કે, જેમ કોઈપણ કાર્ય કરવા માટે સ્થાનની જરૂર પડે છે તેમ ભગવાન ભજવા માટે, સંતાનોમાં સંસ્કારોના સિંચન માટે, આદર્શ સમાજના નિર્માણ તેમજ સેવા કાર્યો માટે મંદિરોની જરૂર પડે છે અને આ મંદિરો તથા સંસ્કારધામ અધ્યાત્મની સાથે સાથે સંસ્કાર, સમાજસેવા, શિક્ષણ અને સ્વાસ્થ્યની ગંગોત્રી વહાવી રહ્યા છે. આ નૂતન સંસ્કાર ધામ દ્વારા સૌને આગામી સમયમાં લાભ પ્રાપ્ત થશે.

કરચીયામાં ગેરકાયદે પ્લાસ્ટિકનું ઉત્પાદન કરતી ફેક્ટરીમાં એસઓજી અને GPCBનો દરોડો:માલિક સામે કાર્યવાહી, લાયસન્સ વગર કેરીબેગ તથા પેકેજિંગ બેગનું ઉત્પાદન કરતા

વડોદરાના જવાહરનગર પોલીસ સ્ટેશન હદ વિસ્તારના કરચીયા ગામે આવેલી ક્રિષ્ના એન્ટરપ્રાઇઝ નામની યુનિટમાં લાયસન્સ વગર ગેરકાયદેસર રીતે પાતળા પ્લાસ્ટિકનું ઉત્પાદન ચાલતું હોવાની બાતમીના આધારે વડોદરા શહેર એસઓજી અને ગુજરાત પોલ્યુશન કંટ્રોલ બોર્ડ (GPCB)ની સંયુક્ત ટીમે મોડી રાત્રે દરોડો પાડ્યો હતો. જેમાં માલિક સામે કાર્યવાહી કરવામાં આવી છે. ગેરકાયદે પ્લાસ્ટિકનું ઉત્પાદન કરતી ફેક્ટરીઆ સંયુક્ત દરોડામાં ફેક્ટરીમાંથી માત્ર 30 માઇક્રોન જાડાઈની પ્લાસ્ટિક કેરીબેગ તથા પેકેજિંગ બેગનું ઉત્પાદન ચાલુ હોવાનું ઝડપાયું છે. પ્લાસ્ટિક વેસ્ટ મેનેજમેન્ટ એમેન્ડમેન્ટ રુલ્સ-2021 મુજબ કેરીબેગ માટે ન્યૂનતમ 120 માઇક્રોન અને પેકેજિંગ માટે 50 માઇક્રોન જાડાઈ ફરજિયાત હોવા છતાં અહીં તેનું સ્પષ્ટ ઉલ્લંઘન થતું જોવા મળ્યું હતું. એસઓજી અને GPCBનો દરોડો, માલિકની ધરપકડએસઓજીના પોલીસ ઇન્સ્પેક્ટર એસ.ડી. રાતડા અને ટીમે બાતમી સ્થાને જઈ રેડ કરી હતી. તપાસ દરમિયાન ફેક્ટરીના માલિક નિખિલ નરેન્દ્રભાઇ ઠક્કર (રહે. અનગઢ કોલોની, બાજવા, વડોદરા)અને તેના બે મજૂરો હાજર મળી આવ્યા હતાં. માલિક પાસે કોઇપણ પ્રકારનું લાયસન્સ કે પરવાનગી ન હોવાનું બહાર આવતાં GPCBના અધિકારીઓને જાણ કરવામાં આવી હતી. પ્લાસ્ટિક બેગનું ગેરકાયદેસર ઉત્પાદન કરતાંGPCBના ડેપ્યુટી એન્વાયર્નમેન્ટ એન્જિનિયર આર.પી. રાણા તથા આસિસ્ટન્ટ એન્વાયર્નમેન્ટ એન્જિનિયર કે.આર. રાઠવાએ સ્થળ પર પહોંચીને થિકનેસ ગેજ મીટર વડે પ્લાસ્ટિકની જાડાઈનું માપન કર્યું હતું અને તે ગેરકાયદેસર રીતે ઉત્પાદન થતું હોવાનું સામે આવતું હતું. જેના આધારે એન્વાયર્નમેન્ટ પ્રોટેક્શન એક્ટ-1986 પ્લાસ્ટિક વેસ્ટ મેનેજમેન્ટ રુલ્સ હેઠળ કડક કાયદેસર કાર્યવાહી કરવામાં આવી છે.

બોટાદની શાળાઓમાં ભૂકંપ મોકડ્રીલ યોજાઈ:વિદ્યાર્થીઓ-શિક્ષકોને જીવનરક્ષક પગલાંનું માર્ગદર્શન અપાયું

બોટાદ જિલ્લા આપત્તિ વ્યવસ્થાપન કેન્દ્ર દ્વારા ગઢડા તાલુકાની ચાર શાળાઓમાં ભૂકંપ અંગેની મોકડ્રીલનું આયોજન કરવામાં આવ્યું હતું. આ શાળાઓમાં વનાળી પ્રાથમિક શાળા, અનિડા પ્રાથમિક શાળા, પૂર્વ ગઢાળી પ્રાથમિક શાળા અને ગઢાળી કેન્દ્રવર્તી શાળાનો સમાવેશ થાય છે. આ મોકડ્રીલ દરમિયાન જિલ્લા આપત્તિ વ્યવસ્થાપન કેન્દ્રના ડિસ્ટ્રિક્ટ પ્રોજેક્ટ ઓફિસર મેહુલ બોટાદરાએ વિદ્યાર્થીઓ અને શાળાના સ્ટાફને ભૂકંપ સમયે લેવાના જીવનરક્ષક પગલાં વિશે માર્ગદર્શન આપ્યું હતું. વિદ્યાર્થીઓને ભૂકંપ આવે ત્યારે તરત જ ડેસ્ક કે ટેબલ નીચે 'ડ્રોપ, કવર એન્ડ હોલ્ડ ઓન' પદ્ધતિ અપનાવી આશ્રય લેવા, માથું સુરક્ષિત રાખવા, શાંતિ જાળવીને પરિસરમાંથી બહાર નીકળી ખુલ્લા મેદાનમાં પહોંચવા અને વીજળીના સાધનો તથા કાચની વસ્તુઓથી દૂર રહેવા જેવી મહત્વપૂર્ણ બાબતો શીખવવામાં આવી હતી. આ મોકડ્રીલમાં શાળાના શિક્ષકો, વિદ્યાર્થીઓ અને સ્ટાફે સક્રિયપણે ભાગ લીધો હતો.

સુરતના કવાસ ક્રિકેટ ગ્રાઉન્ડમાંથી નવજાત બાળકી મળી:મોડીરાતે રડવાનો અવાજ સાંભળી લોકો દોડી આવ્યા, માસૂમ ICUમાં દાખલ; નિર્દયી માતા-પિતાને શોધનારને 11,000નું ઇનામ

સુરતના ઇચ્છાપોર વિસ્તારમાં આવેલા જુના કવાસ ક્રિકેટ ગ્રાઉન્ડમાંથી 28 નવેમ્બરની મોડીરાત્રે એક તાજી જન્મેલી બાળકી ત્યજેલી હાલતમાં મળી આવતા સમગ્ર વિસ્તારમાં ચકચાર મચી જવા પામી છે. બાળકીનો રડવાનો અવાજ સાંભળીને લોકો તે તરફ દોડી ગયાં હતા અને પોલીસને જાણ કરી હતી. હાલમાં બાળકી સુરત સિવિલમાં ICUમાં સારવાર હેઠળ છે. કોઈ અજાણ્યા વ્યક્તિ કે મહિલા દ્વારા પોતાના પાપને છુપાવવાના ઇરાદાથી આ ફૂલ જેવી બાળકીને ત્યજી દેવામાં આવી હોવાનું પ્રાથમિક અનુમાન લગાવાઈ રહ્યું છે, જેને લઈને સમાજમાં ભારે રોષ જોવા મળી રહ્યો છે. આ માસુમને ત્યજી દેનારને શોધનારને 11 હજારનું ઈનામ આપવાની ઇચ્છાપોર પોલીસે જાહેરાત કરી છે. બાળકી હાલ ICUમાં છે અને સારવાર ચાલી રહી છે: PIઇચ્છાપોર પોલીસ મથકના ઇન્સ્પેક્ટર અનિરુદ્ધસિંહ ગોહિલે બાળકી બાબતે જણાવ્યું હતું કે, બાળકી હાલ ICUમાં છે અને સારવાર ચાલી રહી છે. બાળકીને કોણ મૂકી ગયું છે તે અંગેની તપાસ ચાલી રહી છે. હાલ ગ્રાઉન્ડના એક્ઝિટ અને એન્ટ્રી ગેટ પર સીસીટીવી કેમેરા ન હોવાથી અમે દૂરના વિસ્તારોમાં લાગેલા સીસીટીવી ફૂટેજને ચકાસી રહ્યા છીએ. એટલું જ નહીં, અમે આશાવર્કરો સાથે પણ સંપર્કમાં છીએ. નજીકમાં આવેલી તમામ હોસ્પિટલોમાં પણ અમે તપાસ કરી રહ્યા છીએ. બાળકીનો રડવાનો અવાજ સાંભળી લોકોએ તપાસ કરીજુના કવાસ ક્રિકેટ ગ્રાઉન્ડ પાસેથી પસાર થતા સ્થાનિક લોકોએ અચાનક બાળકીના રડવાનો અવાજ સાંભળ્યો હતો. જે બાદ લોકોએ અવાજની દિશામાં જઈને તપાસ કરતા તેમને તાજી જન્મેલી એક બાળકી ત્યજેલી અને નિઃસહાય હાલતમાં મળી આવી હતી. ક્રિકેટ ગ્રાઉન્ડ જેવી ખુલ્લી જગ્યાએ નવજાત શિશુ મળી આવતા જ આસપાસના લોકો મોટી સંખ્યામાં ઘટનાસ્થળે ભેગા થઈ ગયા હતા. લોકોમાં દયાની સાથે-સાથે બાળકીને ત્યજી દેનાર માતા-પિતા પ્રત્યે ભારે ગુસ્સો જોવા મળ્યો હતો. પોલીસે તાત્કાલિક બાળકીને સારવારમાં ખસેડીઆ ગંભીર અને અમાનવીય કૃત્યની જાણ થતાં જ ઇચ્છાપોર પોલીસ સ્ટેશનનો સ્ટાફ સમય બગાડ્યા વિના તાત્કાલિક સ્થળ પર દોડી આવ્યો હતો. પોલીસે સૌપ્રથમ કાયદેસરની કાર્યવાહી બાજુ પર મૂકીને માનવતાનું ઉત્તમ ઉદાહરણ પૂરું પાડ્યું હતું. બાળકીની નાજુક હાલતને જોતા પોલીસે તેને તાત્કાલિક સારવાર મળી રહે તે હેતુથી સુરત સિવિલ હોસ્પિટલ ખસેડી હતી. હાલમાં, તબીબી સ્ટાફ દ્વારા બાળકીની સઘન સારવાર ચાલી રહી છે. પોલીસ બાળકી સ્વસ્થ થાય તે માટે પ્રાર્થના કરી રહી છે. માતા-પિતાને શોધી કાઢનારને 11,000નું ઇનામઆ અમાનવીય કૃત્ય કરનાર નિર્દયી માતા-પિતાને શોધી કાઢવા માટે ઇચ્છાપોર પોલીસે કાયદેસરની કાર્યવાહી શરૂ કરી દીધી છે. ઇચ્છાપોર પોલીસ દ્વારા સત્તાવાર જાહેરાત કરવામાં આવી છે કે, જે કોઈ વ્યક્તિ આ નવજાત શિશુના માતા-પિતાને શોધી કાઢવામાં મદદ કરશે અથવા તેમની સચોટ માહિતી આપશે તેને 11,000નું રોકડ ઇનામ આપવામાં આવશે. પોલીસની અન્ય દિશામાં પણ તપાસ તેજપોલીસ દ્વારા જાહેર કરાયેલું આ ઇનામ સમાજને આ તપાસમાં સહકાર આપવા માટે પ્રેરિત કરશે. પોલીસે આસપાસના વિસ્તારોમાં લગાવેલા સીસીટીવી ફૂટેજની તપાસ, હોસ્પિટલોમાં તાજેતરમાં પ્રસૂતિ થયેલી મહિલાઓની વિગતો અને સ્થાનિક લોકોની ઊંડાણપૂર્વક પૂછપરછ શરૂ કરી દીધી છે. પોલીસને આશા છે કે, જલ્દીથી આ નવજાત બાળકીના માતા-પિતા મળે અને તેમને તેમના કૃત્ય માટે કાયદાકીય સજા થશે.

ગાળિયામાં ફસાતા જ મગર ખૂંખાર બન્યો, VIDEO:ત્રણ લોકોએ માથે બેસી કાબૂમાં લીધો, વડોદરાના પાદરામાં મગરનું દિલધડક રેસ્ક્યૂ

વડોદરા જિલ્લાના પાદરા તાલુકાના સરસવણી ગામમાં એક ખુંખાર મગર રાત્રિના સમયે માનવ વસાહતની નજીક આવતા ગામમાં ભયનું વાતાવરણ જોવા મળ્યું હતું. આ અંગેની રેસ્ક્યુ ટીમને જાણ થતા તાત્કાલિક ટીમ પહોંચી મહાકાય મગરનું મહા મહેનતે રેસ્ક્યૂ કરી વનવિભાગમાં લાવી સલામત સ્થળે ખસેડવામાં અવ્યો હતો. રહેણાંક વિસ્તારમાં મગર ઘૂસી આવતા અફરાતફરી મચી હતીઆ મહાકાય મગર ગામમાં રહેણાંક વિસ્તારમાં પ્રવેશતા જ ગામના સરપંચ દ્વારા પ્રાણી જીવરક્ષક સંસ્થાની હેલ્પલાઇનનો સંપર્ક કર્યો હતો. આ અંગેની માહિતી મળતા જ સંસ્થાના અનુભવી રેસ્ક્યૂ ટીમ રાત્રે જ ગામે પહોંચી માનવ વસાહતમાં લટાર મારતા મહાકાય મગરના રેસ્ક્યૂની કાર્યવાહી હાથ ધરી હતી. મહાકાય મગર જે સ્થળે હતો ત્યાં લાઇટ ન હોવાથી રેસ્ક્યુ ટીમે ટોર્ચના અજવાળે રેસ્ક્યુ કામગીરી હાથ ધરી મહાકાય મગરના ગળે ગાળિયો નાખતા મગર વિફર્યો હતો અને વધુ ખુંખાર બની એક પછી ગુલાંટ મારતા અફરાતફરી મચી ગઈ હતી. રેસ્ક્યૂ ટીમે મગરને શાંત રાખવા માટે તેની આંખો પર સતત ટોર્ચથી લાઈટ મારી ભારે જેહમત બાદ નિયંત્રણ સાથે બે ચાદરો વિફરેલા મગરની આખો પર નાખવામાં સફળતા મેળવી હતી. ત્યારબાદ એક પછી એક ત્રણ રેસ્ક્યૂ ટીમના સભ્યો મગર પર બેસી ગયા અને તેને સંપૂર્ણ રીતે કાબૂમાં લઈ લીધો હતો. મહાકાય મગર ગાળિયો નાખતા ખૂંખાર બન્યો અને રેસ્ક્યૂ ટીમને પસીનો છોડાવ્યો હતો. મગરનું રેસ્ક્યૂ કરી વનવિભાગને સોંપાયોમહા મહેનતે રેસ્ક્યૂ કરાયેલ મગરને પ્રાણી જીવરક્ષક સંસ્થાએ તેને વન વિભાગને સોંપ્યો હતો. પાદરા વન વિભાગ દ્વારા મગરની સ્થિતિની તપાસ કરી તેને સુરક્ષિત સ્થળાંતરણ માટે જરૂરી પ્રક્રિયા હાથ ધરવામાં આવી હતી. ઉલ્લેખનીય છે કે અવાર નવાર વડોદરા સહિત જિલ્લામાં મગર આવવા વડોદરા વાસીઓ માટે સમાન્ય બાબત બની ગઈ છે. વિશ્વામિત્રી નદીમાં 400થી વધુ મગરો ઉલ્લેખનીય છે કે, વર્ષ 1960માં વિશ્વામિત્રી નદીમાં 50 મગરો હતા. જોકે, આજે વિશ્વામિત્રી નદીમાં 400થી વધુ મગરો છે. વડોદરા જિલ્લામાં વિશ્વામિત્રી નદી ઉપરાંત પણ દેવ, ઢાઢર, નર્મદા નદી અને વિવિધ તળાવોમાં મળીને કુલ 1 હજાર કરતાં વધુ મગરો છે. મગર શેડયૂલ-1નું સંરક્ષિત પ્રાણી છે. નદી કે તળાવ તેના કુદરતી આવાસ છે. મગર જ્યારે પાણીમાં ઊતરે છે ત્યારે એ એની આંખ પર ગ્લેન્સ નાખે છે. તેથી એની વિઝિબિલિટી 60થી 70 ટકા ઘટી જાય છે. મગર પાણીમાં ઊઠતા તરંગોના આધારે શિકાર નક્કી કરે છે. જ્યારે કોઇ નદીમાં કપડાં કે વાસણ ધોવે અથવા છબછબિયા કરે ત્યારે મગરને લાગે છે કે કિનારે તેનો કોઇ શિકાર પાણી પીવા આવ્યો છે. આ સંજોગોમાં મગર તેના પર હુમલો કરે છે. નદી કિનારે શું સાવચેતી રાખવી?

જામનગરમાં યુવતીનો પીછો કરી ઈશારા કરનાર સામે ગુનો:અગાઉ માતાએ પણ પોક્સો હેઠળ ફરિયાદ નોંધાવી હતી

જામનગરમાં એક યુવતીનો પીછો કરીને એકલા મળવા માટે ઈશારા કરનાર શખ્સ વિરુદ્ધ પોલીસે ગુનો નોંધ્યો છે. આ કેસમાં જામનગરના ફૂલિયા હનુમાન મંદિર પાસે રહેતા રાજ દેવશીભાઈ માતંગ સામે ફરિયાદ નોંધાઈ છે, જેની વધુ તપાસ ખંભાળિયા ગેટ પોલીસ ચોકીના પી.એસ.આઈ. એમ. કે. બ્લોચ ચલાવી રહ્યા છે. ફરિયાદ મુજબ, 18 વર્ષીય યુવતી તેના પિતા સાથે ખંભાળિયા ગેટ વિસ્તારમાં આવેલા એક સ્ટુડિયોમાં ફોટા પડાવવા ગઈ હતી. જ્યારે યુવતીના પિતા ફોટા લેવા અંદર ગયા, ત્યારે આરોપી રાજ યુવતીનો પીછો કરીને તેની પાસે આવીને ઊભો રહ્યો હતો અને પાછળથી તેને એકલા મળવા માટે ઈશારા કર્યા હતા. આ દરમિયાન યુવતીના પિતા બહાર આવ્યા અને આરોપીને જોયો હતો. પિતા યુવતીને લઈને ઘરે પહોંચ્યા બાદ યુવતીએ તેની માતાને સમગ્ર ઘટના જણાવી હતી. ત્યારબાદ આ મામલો સિટી એ ડિવિઝન પોલીસ મથકે લઈ જવામાં આવ્યો હતો અને પોલીસ ફરિયાદ નોંધાવવામાં આવી હતી. ઉલ્લેખનીય છે કે, ફરિયાદી યુવતીની માતાએ અગાઉ પણ આ જ આરોપી વિરુદ્ધ પોક્સો સહિતની કલમો હેઠળ ફરિયાદ નોંધાવી હતી, જેનો કોર્ટ કેસ હાલ ચાલી રહ્યો છે. પોલીસ ફરિયાદમાં જણાવાયું છે કે, આ અગાઉના મનદુઃખના કારણે આરોપી યુવતીનો પીછો કરી રહ્યો હતો.

ભિલાડ રેલવે સ્ટેશન પર રિક્ષા સ્ટેન્ડનો અભાવ:રિક્ષા ચાલકોની અચોક્કસ મુદતની હડતાળ, પોલીસ કનડગતનો આક્ષેપ

વલસાડ જિલ્લાના ઉમરગામ તાલુકાના ભિલાડ રેલવે સ્ટેશન ખાતે રિક્ષા સ્ટેન્ડની ફાળવણી ન થવા અને પોલીસ દ્વારા કનડગતના વિરોધમાં રિક્ષા ચાલકોએ અચોક્કસ મુદતની હડતાળ શરૂ કરી છે. રિક્ષા ચાલકોએ ચીમકી ઉચ્ચારી છે કે જ્યાં સુધી કાયમી નિરાકરણ નહીં આવે ત્યાં સુધી હડતાળ ચાલુ રહેશે. ભિલાડ રિક્ષા સ્ટેન્ડ પર રિક્ષા ચલાવતા અશોક કુમાર દુબેએ જણાવ્યું હતું કે, રિક્ષા ચાલકો માટે સૌથી મોટી સમસ્યા રેલવે સ્ટેશન પર અધિકૃત રિક્ષા સ્ટેન્ડનો અભાવ છે. તેમણે પોતાની વ્યથા ઠાલવતા કહ્યું કે, જ્યારે અમે સ્ટેશનની અંદર ધંધો કરવા જઈએ છીએ ત્યારે રેલવે પોલીસ અમને બહાર કાઢે છે, અને જ્યારે અમે બહાર ઊભા રહીએ છીએ ત્યારે સિટી પોલીસ અમને હેરાન કરે છે. રિક્ષા ચાલકોના જણાવ્યા મુજબ, તેમને બંને તરફથી મુશ્કેલીનો સામનો કરવો પડી રહ્યો છે. રેલવે હદમાં રેલવે પોલીસ અને બહારના વિસ્તારમાં સિટી પોલીસ દ્વારા દંડ કે અન્ય કાર્યવાહીના નામે પરેશાન કરવામાં આવતા હોવાનો તેમણે આક્ષેપ કર્યો છે. વર્ષોથી ભિલાડ રીક્ષા સ્ટેન્ડ પર વેપાર કરતા આ ચાલકોને સ્ટેન્ડ માટે જગ્યા ન ફળવતા રેલવે પોલીસ અને GRPની ટીમ વચ્ચે પીસાતા રહ્યા છે. હડતાળ પર ઉતરેલા રિક્ષા ચાલકોની સ્પષ્ટ માંગ છે કે તંત્ર દ્વારા તેમને સ્ટેશનની અંદર અથવા બહાર, કોઈ એક જગ્યાએ કાયદેસરનું સ્ટેન્ડ ફાળવવામાં આવે જેથી તેઓ શાંતિથી પોતાનો રોજગાર કરી શકે. અશોક કુમારે ભારપૂર્વક જણાવ્યું હતું કે, જ્યાં સુધી અમારી આ સમસ્યાનું કોઈ ચોક્કસ નિરાકરણ કે ફેંસલો નહીં આવે, ત્યાં સુધી અમે હડતાળ પર જ રહીશું. આ હડતાળને પગલે ભિલાડ રેલવે સ્ટેશન પર આવતા-જતા મુસાફરોને ભારે હાલાકી ભોગવવી પડે તેવી શક્યતા છે.

મોરવા હડફના હડપ ડેમમાંથી પાણી છોડાયું:21 ગામની 4000 હેક્ટર જમીનને રવિ પાકનો લાભ મળશે

પંચમહાલ જિલ્લાના મોરવા હડફ તાલુકામાં આવેલા હડપ ડેમમાંથી રવિ સિઝનની ખેતી માટે સિંચાઈનું પાણી છોડવામાં આવ્યું છે. ધારાસભ્ય નિમિષાબેન સુથારના હસ્તે જળપૂજન કરીને આ પાણી છોડવામાં આવ્યું હતું. આ નિર્ણયથી તાલુકાના 21 ગામોની અંદાજે 4000 હેક્ટર જમીનને સીધો લાભ મળશે. આ પ્રસંગે મોરવા હડફના ધારાસભ્ય નિમિષાબેન સુથાર ખાસ ઉપસ્થિત રહ્યા હતા. તેમણે વિધિવત રીતે જળપૂજન અને શ્રીફળ વધેરીને હડપ ડેમની ડાબા કાંઠા તેમજ જમણા કાંઠાની નહેરોમાં પાણી છોડવાની શરૂઆત કરાવી હતી. આ તકે સિંચાઈ વિભાગના અધિકારીઓ અને સ્થાનિક અગ્રણીઓ પણ હાજર રહ્યા હતા. હડપ ડેમ આ વિસ્તારના ખેડૂતો માટે જીવાદોરી સમાન છે. ડેમમાંથી છોડવામાં આવેલું આ પાણી મોરવા હડફ તાલુકાના અંદાજિત 21 જેટલા ગામોમાં પહોંચશે, જેના કારણે આશરે 4000 હેક્ટર જમીનને સિંચાઈનો સીધો લાભ મળશે. ખેડૂતોની લાંબા સમયથી રવિ પાકના વાવેતર અને માવજત માટે ડેમમાંથી પાણી છોડવાની માંગણી હતી. આ માંગણીને ધ્યાનમાં રાખીને વહીવટી તંત્ર અને સરકાર દ્વારા આ મહત્વનો નિર્ણય લેવામાં આવ્યો છે. શિયાળુ રવિ પાક માટે જ્યારે પાણીની તાતી જરૂરિયાત હતી ત્યારે જ નહેરોમાં પાણી વહેતું થતા ખેડૂતોને પાક નિષ્ફળ જવાનો ભય દૂર થયો છે. આનાથી મબલખ ઉત્પાદનની આશા બંધાઈ છે અને 21 ગામોના ખેડૂતોની આર્થિક સ્થિતિમાં સુધારો થશે.

શામળાજી પોલીસે ₹13.20 લાખનો દારૂ ઝડપ્યો:ટ્રકમાં પ્લાસ્ટિક વેસ્ટની આડમાં લઈ જવાતો હતો, એક આરોપી પકડાયો

શામળાજી પોલીસે આજે (29 નવેમ્બર) વહેલી સવારે અણસોલ ચેકપોસ્ટ પરથી વાહન ચેકિંગ દરમિયાન ₹13.20 લાખનો વિદેશી દારૂ ઝડપી પાડ્યો છે. પ્લાસ્ટિક વેસ્ટ અને કાપડના ટુકડા ભરેલા થેલાની આડમાં ટ્રકમાં સંતાડીને લઈ જવાતો આ દારૂ જપ્ત કરાયો હતો. પોલીસે આ મામલે એક આરોપીની પણ ધરપકડ કરી છે. પોલીસ સૂત્રો પાસેથી મળતી માહિતી મુજબ, શામળાજી પોલીસ ગુજરાત-રાજસ્થાન સરહદે આવેલા અણસોલ ચેકપોસ્ટ પર નિયમિત વાહન ચેકિંગ કરી રહી હતી. તે સમયે એક ટ્રક શંકાસ્પદ જણાતા તેને રોકવામાં આવ્યો હતો. ટ્રકની તલાશી લેતા, તેમાં પ્લાસ્ટિક વેસ્ટ અને કાપડના થેલાઓની નીચે વિવિધ બ્રાન્ડની દારૂની 4800 બોટલો છુપાવેલી મળી આવી હતી. જપ્ત કરાયેલા દારૂની કુલ કિંમત ₹13.20 લાખ આંકવામાં આવી છે. પોલીસે દારૂના જથ્થા સાથે પકડાયેલા આરોપીની વધુ પૂછપરછ હાથ ધરી છે. પ્રાથમિક તપાસમાં આ દારૂ ક્યાંથી ભરવામાં આવ્યો હતો અને ગુજરાતમાં કોને પહોંચાડવાનો હતો તે દિશામાં તપાસ ચાલી રહી છે.

પતિના પ્રેમ પ્રકરણથી કંટાળી પત્ની બાળકી સાથે જીવન ટૂંકાવવા દોડી:કામ છોડી પતિ પ્રેમિકા સાથે ચેટિંગમાં મશગુલ રહેતો; અભયમે માતા-પુત્રીનો જીવ બચાવી દંપતીનો તૂટેલો સંસાર ફરી સાંધ્યો

મહેસાણા પંથકમાં પતિ,પત્ની અને વોના કિસ્સાઓ સતત વધતા જઈ રહ્યા છે, ત્યારે એક 22 વર્ષીય મહિલાને તેના લગ્ન જીવનના 4 વર્ષમાં પતિના આડા સબંધોને લઈ ઘર કંકાસ શરૂ થયો હતો. મહિલાએ દીકરીને જન્મ આપ્યા બાદ પરિવારમાં ગૃહિણી અને માતા તરીકેની જવાબદારી નિભાવવામાં વ્યસ્ત રહી હતી, ત્યાં તેનો પતિ સોશિયલ મીડિયામાં મળેલી પ્રેમિકા સાથે ચેટિંગ કરી ગુલછડીયા ઉડાડવામાં વ્યસ્ત રહેતો હતો. જોત-જોતામાં મહિલાને તેના પતિના કોઈ સ્ત્રી સાથેના આડા સબંધો હોવાની જાણ થતાં ઠપકો આપ્યો હતો. તો પતિને સમજવવા ઘણો પ્રયાસ કર્યો હતો. જોકે તેમ છતાં તેના પતિમાં કોઈ સુધારો આવ્યો ન હતો. પરિણીતા એક વર્ષની દીકરી સાથે આપઘાત કરવા પહોંચીપતિના પરસ્ત્રી સાથેના આડા સબંધોમાં પત્ની માનસિક રીતે અસ્વસ્થ બની હતી. તો તેમના ઘરમાં આર્થિક સંકડામણ પણ ઉભી થઈ હતી. પરસ્ત્રી પાછળ ઘેલા બનેલા પતિએ પોતાના ડ્રાઇવિંગના વ્યવસાયને પણ પડતો મૂકી માત્ર પ્રેમ પ્રકરણમાં જ સમય વિતાવતો હતો. વારંવારની ટકોર બાદ પણ પતિ સુધરતો ન હોઈ અંતે આ પરિસ્થિતિને લઈ તંગ આવી જતા મહિલાએ પોતાની 1 વર્ષની દીકરી સાથે આપઘાત કરવાનો વિચાર કર્યો હતો. જોકે તે દીકરી સાથે આપઘાત કરવા જતાં 181 અભયમની ટીમને જાણ થઈ હતી, જેથી 181ની ટીમે તે મહિલાને આપઘાત કરવાથી રોકી દઈ માતા અને માસૂમ પુત્રી બન્નેનો જીવ બચાવી લીધો હતો. કાઉન્સેલિંગ બાદ પતિએ પ્રેમ સબંધ તોડી પત્ની સાથે સમાધાન કર્યુંજ્યાં મહિલાએ આપઘાતના વિચાર માટે તેના પતિના આડા સબંધોની સમસ્યા જણાવી હતી, જેથી 181ની ટીમ મહિલા અને તેની બાળકીને યોગ્ય સમાધાન મળે માટે PBSCમાં રજૂઆત કરવા લઈ આવ્યા હતા. જ્યાં કાઉન્સેલર નીલમ પટેલે મહિલાની રજૂઆત આધારે તેના પતિને બોલાવતા તેને પોતાની ગુમ થનાર પત્ની અને પુત્રી મળી ગયા હોવાનું જણાવ્યું હતું. જે બાદ તેનું કાઉન્સેલિંગ કરવામાં આવ્યું તેને પોતાની પત્ની અને પુત્રીની જવાબદારી અંગે ભાન કરાવવામાં આવ્યું હતું. બાદમાં પતિએ પોતાના અન્ય સ્ત્રી સાથેના સબંધો તોડી પાડી સમાધાન કરતા પતિ પત્ની અને પુત્રીના જીવનમાં પુનઃ સુખ શાંતિ સ્થપાઈ હતી. પતિએ પ્રેમીકા સાથે આશ્રિત કરાર કરી લગ્ન કર્યાનું પરિવારને કહ્યુંમહિલાને એવું તો શું થયું કે, આપઘાતનો વિચાર આવ્યો ને કેમ કોઈની મદદ ન માંગી? તે અંગે ઊંડાણ પૂર્વક કાઉન્સેલિંગ કરતા PBSCના અનુભવી કાઉન્સેલર નીલમ પટેલે મહિલા અને તેના સાસરિયાઓને પૂછતાં મહિલાના પતિએ એક કાગળ બતાવી તેની પ્રેમિકા સાથે લગ્ન કર્યા હોવાનું કહ્યું હતું. ત્યારે ના સમજ પત્ની અને પરિવારે તે માની પણ લીધું હતું. જ્યારે સેન્ટર પર પતિને તે અંગે પૂછતાં તે કાગળ માત્ર તેની પ્રેમિકા સાથેના આશ્રિત કરાર હોવાનું સામે આવ્યું હતું. ત્યારે મહિલા અને અન્ય પરિજનોને લગ્ન ન થયા હોવાની જાણ થતા આશ્રિત કરાર પણ રદ કરાવ્યા હતા.

ઇનોવાચાલકે બાઇકને ટક્કર મારતાં આધેડનું મોત:પંચાસર રોડ પર અકસ્માત, પોલીસે ગુનો નોંધી તપાસ શરૂ કરી

મોરબી નજીકના પંચાસર ગામ પાસે શિવનગરમાં રહેતા એક આધેડનું બાઇક પર ઘરે પરત ફરતી વખતે અકસ્માતમાં મૃત્યુ થયું છે. ઇનોવા ગાડીના ચાલકે પાછળથી બાઇકને અડફેટે લેતા આ બનાવ બન્યો હતો. મૃતક આધેડના પુત્રએ આ અંગે મોરબી એ ડિવિઝન પોલીસ સ્ટેશનમાં ફરિયાદ નોંધાવી છે. પ્રાપ્ત માહિતી અનુસાર, શિવનગરમાં રહેતા શીવાભાઈ ભુરાભાઈ કાનાણી (ઉંમર 58) પંચાસર રોડ પર આવેલી તેમની ઉમાવંશી પાનની દુકાન પરથી પોતાના બાઇક નંબર GJ 36 Q 4834 પર ઘરે જઈ રહ્યા હતા. તે સમયે પાછળથી આવી રહેલી ઇનોવા ગાડી નંબર GJ 36 AF 1252 ના ચાલકે તેમના બાઇકને ટક્કર મારી હતી. આ ગમખ્વાર અકસ્માતમાં શીવાભાઈ કાનાણીને માથામાં અને શરીરના અન્ય ભાગોમાં ગંભીર ઇજાઓ થઈ હતી, જેના કારણે તેમનું ઘટનાસ્થળે જ મોત નીપજ્યું હતું. આ બનાવ અંગે મૃતકના પુત્ર ધવલભાઈ શીવાભાઈ કાનાણી (ઉંમર 26) એ ઇનોવા ગાડીના અજાણ્યા ચાલક વિરુદ્ધ મોરબી એ ડિવિઝન પોલીસ સ્ટેશનમાં ફરિયાદ નોંધાવી છે. પોલીસે ફરિયાદના આધારે ગુનો નોંધીને આરોપી ઇનોવા ચાલકને પકડવા માટે વધુ તપાસ અને કાર્યવાહી હાથ ધરી છે.

વિશ્વ એઈડ્સ દિવસ:રાજકોટની વિરાણી સ્કૂલના 1,000થી વધુ છાત્રો દ્વારા રેડ રિબન બનાવી જાગૃતિનો પ્રયાસ, જાણો આગામી કાર્યક્રમો

રાજકોટમાં છેલ્લા 38 વર્ષથી જનજાગૃતિનું કામ કરતી એઇડ્સ પરિવેનશન ક્લબ દ્વારા તા.1 ડિસેમ્બરના રોજ વિશ્વ એઈડ્સ દિવસ હોવાથી રેડ રિબન, માનવ સાંકળ, સેમિનાર સહિતના અનેક વિવિધ કાર્યક્રમોનું આયોજન કરાયું છે. આ વર્ષે 'વિક્ષેપ પર કાબૂ મેળવવો, એઇડ્સ પ્રતિભાવનું પરિવર્તન કરવું' સૂત્ર છે. દર વર્ષ સંસ્થા એક મહિના આ કાર્યક્મ કરતી હોય જે આ વખતે આગામી 31 માર્ચ 2026 સુધી શાળા કોલેજો તેમજ વિવિધ સંસ્થાઓમાં કાર્યક્રમો યોજાનાર છે. જે અંતર્ગત આજે રાજકોટની વિરાણી સ્કૂલના 1,000 વિદ્યાર્થીઓએ રેડ રિબન બનાવી લોકોમાં જાગૃતિ લાવવાનો પ્રયાસ કર્યો હતો. રાજકોટની વિરાણી હાઈસ્કૂલ દ્વારા છેલ્લા 15 વર્ષથી એઇડ્સ પ્રિવેન્શન ક્લબના સંયુક્ત ઉપક્રમે વિશ્વ એઇડ્સ દિવસ (1લી ડિસેમ્બર) નિમિત્તે જનજાગૃતિ માટે કાર્યક્રમોનું આયોજન કરવામાં આવે છે. આ વર્ષે પણ તેના પૂર્વ પ્રભાતે શાળાના મેદાનમાં ધોરણ 9 થી 12ના 1000થી વધુ વિદ્યાર્થીઓ અને શિક્ષકો દ્વારા એક વિશાળ 'રેડ રિબિન' બનાવવામાં આવી હતી. શાળાના પ્રિન્સિપાલ નરેન્દ્રસિંહ ડોડિયાએ માહિતી આપી હતી કે આ રેડ રિબિનના આયોજનનો મુખ્ય હેતુ બાળકો અને સમાજમાં એઇડ્સ પ્રત્યે જાગૃતિ ફેલાવવાનો છે. પ્રિન્સિપાલ નરેન્દ્રસિંહ ડોડિયાએ એઇડ્સને લઈને લોકોમાં રહેલી ગેરમાન્યતાઓ વિશે સ્પષ્ટતા કરતા જણાવ્યું હતું કે, એઇડ્સ ચેપી રોગ નથી. ખાસ કરીને સાથે બેસીને નાસ્તો કરવાથી, જમવાથી કે બાજુમાં બેસીને ભણવાથી તે ફેલાતો નથી. સરકાર અને આરોગ્ય વિભાગ દ્વારા પણ આ અંગે પુષ્કળ પ્રયત્નો કરવામાં આવ્યા છે, જેના પરિણામે રાજકોટમાં સમયાંતરે એઇડ્સના દર્દીઓનું પ્રમાણ ઘટ્યું છે. એઇડ્સ પ્રિવેન્શન ક્લબના ચેરમેન અરુણ દવેએ આ તકે જણાવ્યું હતું કે, આ દરેક કાર્યક્રમ યોજવાનો હેતુ કે, એઇડ્સને સંપૂર્ણ પણે નાબૂદ કરવાનો છે. તેમજ પહેલા કરતા હાલના સમયમાં જોઇએ તો વૈશ્વિક સ્તર કરતા ભારતમાં એઇડ્સનાં દર્દીઓનું પ્રમાણ ઘટ્યું છે. લોકોમાં પણ જાગૃતિ જોવા મળે છે. વિશ્વમાં પ્રથમવાર 1981થી એઇડ્સ જોવા મળેલો હતો અને આપણા દેશમાં 1986થી જોવા મળેલો, ત્યારથી સંશોધન થતું હતું જેમાં હવે સફળતા મળતી દેખાઇ છે. ભારત સરકારના સઘન પ્રયાસોને કારણે અહીં કોઈપણ દવાઓની અછત જોવા મળતી નથી. તેમજ સંશાધકોએ શોધેલી રસીને વિશ્વમાં સૌપ્રથમ વાર્ષિક બે વાર HIVનાં નિવારણની રસીને મંજૂરી મળી છે. જે એચઆઇવી નેગેટિવ છે તેમને આ રસી લેવાની રહેશે. લેનાકાપાવીર નામની આ રસી ભારતમાં પણ બની શકે છે. આજે યોજાયેલા કાર્યક્રમમાં વિરાણી સ્કૂલના ધો.6થી 8 અને 9થી 12ના 1,000થી વધુ વિદ્યાર્થીઓ આ જનજાગૃતિ ઝુંબેશમાં જોડાયા હતા. જેમાં વિજ્ઞાન શિક્ષકો એઇડ્સ સંબંધી માહિતી આપી હતી. એઈડ્સ અંગે જાગૃતિનાં આગામી કાર્યક્રમો એઈડ્સ અંગે જાગૃતિનાં આગામી કાર્યક્રમો અંગે વધુ માહિતી આપતા અરુણ દવેએ જણાવ્યું કે, સોમવારે શહેર જિલ્લાની તમામ શાળાઓમાં છાત્રો રેડ રિબન નિર્માણ કરશે. તેમજ વિશ્વ એઈડ્સ દિવસે સોમવારે સવારે 9:30 વાગ્યે લોક વિજ્ઞાન કેન્દ્ર રેસકોર્સના સામેના ગ્રાઉન્ડમાં માનવ સાંકળ રચવામાં આવશે, જેમાં પણ રાજકોટ હોમિયોપેથિક કોલેજ, ખાનગી યુનિવર્સિટીના વિદ્યાર્થીઓ, ડોક્ટરો અને વિવિધ સંસ્થાના પ્રતિનિધિઓ જોડાશે. આ ઉપરાંત આ જ દિવસે જિલ્લા શિક્ષણ અધિકારીના સહયોગથી જિલ્લાની તમામ શાળાઓમાં વિદ્યાર્થીઓ રેડ રિબન બનાવશે. આજ દિવસે બપોરે 2:30 વાગ્યે એલ.આર.શાહ હોમિયોપેથિક કોલેજ ખાતે સેમિનાર યોજાશે જેમાં સાંજે 5 વાગ્યે લાઈક બ્લડ સેન્ટર, રેસકોર્સ રોડ ખાતે આ અંગે માર્ગદર્શન આપી 500 લાલ ફુગ્ગાની મોટી રેડ રિબન હવામાં તરતી મુકાશે. તા.2ને મંગળવારે સવારે 9:30 વાગ્યે જી.ટી. શેઠ સ્કૂલ કે.કે.વી ચોક ખાતે રેડ રિબન બનાવાશે, આજ દિવસે બપોરે 2:30 વાગ્યે જિલ્લા શિક્ષણ તાલીમ ભવન ખાતે ભાવિ શિક્ષકો માટે સેમિનાર યોજાશે. તા.3ને બુધવારે સવારે 10 વાગ્યે ઠાકોર મૂળવાજી વિનિયન કોલેજ કોટડાસાંગાણી સરકારી કોલેજમાં સેમિનાર યોજવામાં આવ્યો છે. તથા 1000 કેન્ડલની ઝગમગતી રેડરિબન પંચશીલ સ્કૂલમાં પણ બનાવવામાં આવનાર છે.

કોમનવેલ્થ ગેમ્સ પહેલાં મોદી સ્ટેડિયમ પાસે ડિમોલિશન:પોલીસ બંદોબસ્ત વચ્ચે મોટેરા આસપાસ મકાનો તોડવાનું શરૂ, ટીપી રોડ પરથી દબાણ હટાવાયું

કોમનવેલ્થ ગેમ્સની યજમાની અમદાવાદમાં થવા જઈ રહી છે, ત્યારે શહેરના મોટેરા વિસ્તારમાં આવેલા નરેન્દ્ર મોદી સ્ટેડિયમની બાજુમાંથી પસાર થનારા ટીપી રોડને ખોલવાની કામગીરી મ્યુનિસિપલ કોર્પોરેશન દ્વારા આજે 29 નવેમ્બરના રોજ કરવામાં આવી છે. મોટેરા વિસ્તારમાં આવેલા બળદેવનગરમાં આવેલા મકાનોને તોડવાની કામગીરી વહેલી સવારથી કરવામાં આવી છે. સાબરમતી પોલીસના ચુસ્ત બંદોબસ્ત વચ્ચે મ્યુનિસિપલ કોર્પોરેશનના પશ્ચિમ ઝોનના એસ્ટેટ વિભાગ દ્વારા ડિમોલિશન કરવામાં આવી રહ્યું છે. મોટેરા બળદેવ નગરના 29 જેટલા મકાનો ટીપી રોડમાં આવતા હોવાના પગલે મ્યુનિસિપલ કોર્પોરેશનના એસ્ટેટ વિભાગ દ્વારા તેને નોટિસ આપી અને ખાલી કરવા માટેની સૂચના આપવામાં આવી હતી, છતાં પણ રહીશો દ્વારા મકાન ખાલી કરવામાં આવ્યા નહોતા. હાઇકોર્ટમાં અરજી કરવામાં આવી હતી, જેને હાઇકોર્ટે નકારી દીધી હતી. સાંજ સુધીમાં 29 મકાન ધ્વસ્ત કરી દેવામાં આવશે. સાબરમતી વિસ્તારમાંથી પસાર થતા 24.0 મીટર પહોળાઈનો ટીપી રસ્તો ખુલ્લો કરવામાં આવશે. આ ટીપી રોડ નરેન્દ્ર મોદી સ્ટેડિયમ પાસે કોમનવેલ્થ ગેમ્સ માટે બનનારા એકવાટિક સ્ટેડિયમ નજીક ખુલશે. આ રોડ પરથી સીધા એક્વેટિક સ્ટેડિયમ તરફ જઈ શકાશે. જેથી આ રોડને ખુલ્લો કરવો જરૂરી હોવાથી મ્યુનિસિપલ કોર્પોરેશનના એસ્ટેટ વિભાગ દ્વારા રહેણાંક તથા વાણિજ્ય પ્રકારના મળી કુલ 29 જેટલા દબાણો દૂર કરવાની કામગીરી શરૂ કરી છે. આગામી કોમનવેલ્થ ગેમ્સને લઈને અમદાવાદ શહેરને સ્પોર્ટ્સ સિટી બનાવવાની તૈયારીઓ શરૂ કરી દેવામાં આવી છે. મોટેરાના નરેન્દ્ર મોદી સ્ટેડિયમની પાછળ કરોડો રૂપિયાના ખર્ચે નવું SVP એન્કલેવ બનવાનું છે, ત્યારે આજુબાજુના વિસ્તારને પણ ડેવલોપ કરવાની કામગીરી શરૂ થઈ ગઈ છે. નરેન્દ્ર મોદી સ્ટેડિયમ પાસે આવેલા બળદેવનગર પાસેથી ટીપી રોડ ખોલવાની કામગીરી મ્યુનિસિપલ કોર્પોરેશનના પશ્ચિમ ઝોન દ્વારા કરવામાં આવી છે. અચેર ડેપોથી ટીપી રોડ સીધો ટોરેન્ટ પાવર પાસે ખુલે છે. ટીપી રોડમાં સાબરમતી બળદેવનગર વિસ્તાર અને સુભાષનગર વિસ્તારના કેટલાંક મકાનનો સમાવેશ થાય છે. મ્યુનિસિપલ કોર્પોરેશનના પશ્ચિમ ઝોનના એસ્ટેટ વિભાગ દ્વારા સ્ટાફ સાથે આજે (29 નવેમ્બર) વહેલી સવારથી 4 હિટાચી મશીન, બે જેસીબી અને મજૂરો સાથે ડિમોલેશનની પ્રક્રિયા શરૂ કરવામાં આવી હતી. વહેલી સવારે જે પણ રહીશો હતા તે તમામ રહીશોના મકાનો ખાલી કરાવી દેવામાં આવ્યા હતા. મકાનો ખાલી કરાવ્યા બાદ એસ્ટેટ વિભાગ દ્વારા ડિમોલેશન શરૂ કરવામાં આવ્યું હતું. સવારથી 15 જેટલા મકાનો મ્યુનિસિપલ કોર્પોરેશન દ્વારા ડિમોલિશન કરી દેવામાં આવ્યા છે. આજે સાંજ સુધીમાં તમામ 29 મકાનો તોડી પાડવામાં આવશે. મ્યુનિસિપલ કોર્પોરેશનના એસ્ટેટ વિભાગ દ્વારા ટીપી રોડ પર આવતા અચેર વિસ્તારના સુભાષનગરના મકાનોનું ડિમોલિશન પહેલા કરી દેવામાં આવ્યું હતું. જે ભાગ ખુલ્લો થઈ ગયો હતો, પરંતુ એક માત્ર મોટેરાના બળદેવનગરના આ મકાનો તોડવામાં આવ્યા નહોતા. રહીશો ગુજરાત હાઇકોર્ટમાં ગયા હતા, જેના કારણે ડિમોલિશન થયું નહોતું. ગુજરાત હાઇકોર્ટ દ્વારા અરજી નકાર્યા બાદ ડબલ બેંચમાં તેઓ દ્વારા અરજી કરવામાં આવી છે અને સુનાવણી પહેલા જ આ ડિમોલિશન પ્રક્રિયા કરી દેવામાં આવી છે.

ડૉ. અમિત ભીમડાએ ભરૂચનું ગૌરવ વધાર્યું:જયપુરમાં આયોજિત 'આયુષ કોન્ક્લેવ 3.0' માં આયુષ ગોલ્ડ એવોર્ડ અને વર્લ્ડ રેકોર્ડ પાર્ટિસિપેશન સર્ટિફિકેટથી સન્માનિત

ભરૂચ શહેરના લિંક રોડ વિસ્તારના નિવાસી ડૉ. અમિત ભગુભાઈ ભીમડાએ રાષ્ટ્રીય સ્તરે ભરૂચનું ગૌરવ વધાર્યું છે. તેમને જયપુરમાં આયોજિત 'આયુષ કોન્ક્લેવ 3.0' માં આયુષ ગોલ્ડ એવોર્ડ અને વર્લ્ડ રેકોર્ડ પાર્ટિસિપેશન સર્ટિફિકેટથી સન્માનિત કરવામાં આવ્યા છે. આયુષ મંત્રાલય દ્વારા આયોજિત આ કોન્ક્લેવમાં વિવિધ પદ્ધતિઓના 150 થી વધુ વિશેષજ્ઞો, શોધકર્તાઓ અને ડોક્ટરોએ એક જ મંચ પર પોતાના વિશ્લેષણ, સિદ્ધાંતો, કેસ સ્ટડી અને મંતવ્યો રજૂ કર્યા હતા. આ કોન્ક્લેવમાં આયુર્વેદ, હોમિયોપેથી, નેચરોપેથી, યોગ અને કાયોરોપ્રેક્ટિક જેવા ક્ષેત્રોમાં સામૂહિક ચર્ચા અને માર્ગદર્શન સાથે વર્લ્ડ રેકોર્ડનો પ્રયાસ પણ કરવામાં આવ્યો હતો. ડૉ. અમિત ભીમડાએ 'ડેઈલી રૂટીન' વિષય પર પોતાનો સંશોધન આધારિત અહેવાલ અને સિદ્ધાંત રજૂ કર્યા હતા. તેમના આ યોગદાન બદલ તેમને આયુષ ગોલ્ડ એવોર્ડ અને વર્લ્ડ રેકોર્ડ પાર્ટિસિપેશન સર્ટિફિકેટ એનાયત કરાયા હતા. આ સન્માન જયપુરના ધારાસભ્ય બાલમુકુંદજી અને આયુષ મંત્રાલયના એમ.એમ. કુરેશીના હસ્તે પ્રદાન કરવામાં આવ્યું હતું. ડૉ. અમિત ભીમડાની આ સિદ્ધિ સમગ્ર ભરૂચ જિલ્લા માટે ગૌરવનો વિષય બની છે.

મંત્રીઓએ ઊંબાડિયાનો સ્વાદ માણ્યો:ધરમપુરમાં 12મી ચિંતન શિબિરમાં 'ઊંબાડિયા પાર્ટી', DyCm સંઘવીએ ઊંબાડિયું પીરસીને સૌનું ધ્યાન ખેંચ્યું

વલસાડ જિલ્લાના ધરમપુર ખાતે ચાલી રહેલી રાજ્ય સરકારની 12મી ચિંતન શિબિર દરમિયાન મંત્રીઓએ સ્થાનિક પરંપરાગત વાનગી ઊંબાડિયાનો સ્વાદ માણ્યો હતો. શુક્રવારે રાત્રે આયોજિત આ વિશેષ કાર્યક્રમમાં નાયબ મુખ્યમંત્રી હર્ષ સંઘવી અને નાણામંત્રી કનુભાઈ દેસાઈ સહિત અનેક મંત્રીઓ ઉપસ્થિત રહ્યા હતા. ધરમપુરમાં ખાસ આયોજિત 'ઊંબાડિયા પાર્ટી'માં મંત્રીઓએ ઉત્સાહભેર ભાગ લીધો હતો. આ પ્રસંગે હર્ષ સંઘવીએ સ્વયં મંત્રીઓ અને અધિકારીઓને ઊંબાડિયું પીરસીને સૌનું ધ્યાન ખેંચ્યું હતું. વલસાડ જિલ્લામાં ખાસ પ્રસિદ્ધ ગણાતી આ પરંપરાગત વાનગીનો સ્વાદ માણતા મંત્રીઓએ સ્થાનિક રસોઈ પરંપરાની ખૂબ પ્રશંસા કરી હતી. આનાથી સ્થાનિક સંસ્કૃતિ અને ભોજન પ્રત્યે તેમનો આદર પ્રગટ થયો હતો. ચિંતન શિબિરના વ્યસ્ત કાર્યક્રમો વચ્ચે મંત્રીઓએ આ અનોખી પાર્ટીમાં હાજરી આપીને સૌહાર્દપૂર્ણ માહોલમાં વિરામનો આનંદ માણ્યો હતો. ધરમપુરમાં રાત્રે પડી રહેલી ગુલાબી ઠંડીમાં ઊંબાડિયાની મજા માણીને મંત્રીઓએ તાજગી અનુભવી હતી.

પાટણ યુનિવર્સિટી કેમ્પસમાં પરીક્ષકોને રાહત:માત્ર ₹50માં મળશે રહેવાની સુવિધા, કુલપતિનો નિર્ણય

હેમચંદ્રાચાર્ય ઉત્તર ગુજરાત યુનિવર્સિટી, પાટણના કુલપતિએ પરીક્ષા કામગીરી માટે આવતા અધ્યાપકોને યુનિવર્સિટી કેમ્પસમાં જ રહેવાની સુવિધા પૂરી પાડવાનો મહત્વપૂર્ણ નિર્ણય લીધો છે. હવે પરીક્ષકોને રૂસાની બોયઝ હોસ્ટેલમાં દૈનિક માત્ર 50 રૂપિયાના નજીવા ભાડામાં રૂમની સગવડ મળશે. યુનિવર્સિટી દ્વારા વિવિધ પરીક્ષાઓ લેવાય છે અને તેના પેપરો તપાસવાની કામગીરી પણ ચાલી રહી છે. આ કામગીરી માટે વિવિધ કોલેજોના અધ્યાપકો યુનિવર્સિટી કેમ્પસમાં આવે છે. ઘણા પરીક્ષકો દૂરના વિસ્તારોમાંથી આવતા હોવાથી તેમને રહેવાની સગવડ મેળવવામાં મુશ્કેલી પડતી હતી. આચાર્ય એસોસિએશન દ્વારા કુલપતિ ડો. કિશોર પોરીયા સાથે આ અંગે ચર્ચા કરવામાં આવી હતી. તેમની રજૂઆતને ધ્યાનમાં લઈને કુલપતિએ પરીક્ષાની કામગીરી માટે આવતા પરીક્ષકોને ગેસ્ટ હાઉસના બદલે કેમ્પસમાં આવેલી રૂસાની બોયઝ હોસ્ટેલમાં પ્રતિદિન માત્ર ₹50 ભાડું લઈને રૂમ ફાળવવાનો નિર્ણય કર્યો છે. અગાઉ, પરીક્ષા કામગીરી માટે આવતા અધ્યાપકો પાસેથી યુનિવર્સિટી ગેસ્ટ હાઉસમાં રોકાવાના રોજના રૂપિયા અઢીસોથી વધુ ભાડું લેવામાં આવતું હતું. નવી વ્યવસ્થા હેઠળ, રૂસા હોસ્ટેલમાં પલંગ, ગાદલા, ઓશિકા અને ચાદર સહિતની સુવિધા માત્ર ₹50ના ભાડેથી પૂરી પાડવામાં આવશે. ઉત્તર ગુજરાત વિસ્તાર કોલેજ પ્રિન્સિપાલ એસોસિએશનના પ્રમુખ ડો. જયેશ બારોટે કુલપતિના આ નિર્ણયને આવકાર્યો છે. તેમણે જણાવ્યું કે, યુનિવર્સિટી પાંચ જિલ્લામાં વિસ્તરેલી હોવાથી દૂર દૂરથી આવતા અધ્યાપકોને રહેવાની તકલીફ પડતી હતી અને ગેસ્ટ હાઉસમાં ઊંચું ભાડું ચૂકવવું પડતું હતું. ડો. બારોટે ઉમેર્યું કે, હવે યુનિવર્સિટી કેમ્પસની બોયઝ હોસ્ટેલમાં જ માત્ર 50 રૂપિયામાં રહેવાની વ્યવસ્થા ઉપલબ્ધ કરાઈ છે, જે ખૂબ સારી બાબત છે અને બધાને પોસાય તેમ છે. પાટણ જેવા શહેરમાં આટલી ઓછી કિંમતમાં આવી સુવિધા મળવી એ ખૂબ મહત્વપૂર્ણ છે.

ડીસામાં પોષણ અને જનઆરોગ્ય જાગૃતિ કાર્યક્રમ:કેન્દ્રીય સંચાર બ્યુરો દ્વારા ઇન્ટિગ્રેટેડ આઉટરીચ પ્રોગ્રામ યોજાયો

ભારત સરકારના માહિતી અને પ્રસારણ મંત્રાલય હેઠળ કાર્યરત કેન્દ્રીય સંચાર બ્યુરો, પાલનપુર દ્વારા ડીસાના સરદારબાગ ખાતે પોષણ અભિયાન અને સમૃદ્ધ જનઆરોગ્ય વિષય પર ઇન્ટિગ્રેટેડ કમ્યુનિકેશન એન્ડ આઉટરીચ પ્રોગ્રામનું આયોજન કરવામાં આવ્યું હતું. આ કાર્યક્રમ બનાસકાંઠા જિલ્લા સંકલિત બાળક વિકાસ સેવા વિભાગના સહયોગથી સફળતાપૂર્વક પૂર્ણ થયો હતો. આ કાર્યક્રમનો મુખ્ય હેતુ દેશમાંથી કુપોષણ દૂર કરવા સાથે બાળકો, કિશોરીઓ અને મહિલાઓ માટે સશક્ત તથા સ્વસ્થ જીવનની દિશામાં પોષણ અભિયાન અને જનઆરોગ્ય સંબંધિત યોજનાઓ અંગે વ્યાપક જનજાગૃતિ ફેલાવવાનો હતો. કાર્યક્રમ હેઠળ શહેર અને ગ્રામ્ય વિસ્તારોમાં પોષણ અને જનઆરોગ્ય વિષયક વકતૃત્વ સ્પર્ધા, સમૂહ ચર્ચા, મેહંદી સ્પર્ધા અને પૌષ્ટિક વાનગી સ્પર્ધા જેવી પ્રવૃત્તિઓ યોજાઈ હતી. જેમાં વિજેતાઓને કેન્દ્રીય સંચાર બ્યુરો દ્વારા પુરસ્કારો આપવામાં આવ્યા હતા. જિલ્લા યુવા પરિવાર દ્વારા મહિલા સશક્તિકરણ, પોષણ અને વૈદિક પરંપરાગત આહાર આદતોના મહત્વ વિશે સંદેશ આપતી મનોરંજક નાટિકા પણ પ્રસ્તુત કરવામાં આવી હતી. કેન્દ્રીય સંચાર બ્યુરો, પાલનપુરના અધિકારી જે.ડી. ચૌધરીએ કાર્યક્રમ વિશે માહિતી આપતા જણાવ્યું કે, કુપોષણ દૂર કરવું અને સમાજમાં આરોગ્ય જાગૃતિ લાવવી એ દેશના ઉજ્જવળ ભવિષ્ય માટે અત્યંત જરૂરી છે. આવા કાર્યક્રમો દ્વારા અમે મનોરંજનાત્મક પ્રવૃત્તિઓ સાથે લોકો સુધી મહત્વપૂર્ણ માહિતી પહોંચાડવાનો પ્રયત્ન કરીએ છીએ. સીડીપીઓ ચેતનાબેન ગઢવીએ જણાવ્યું કે, પોષણ અને જનઆરોગ્ય માટે તાલીમ તથા જનસંપર્ક દ્વારા સતત જાગૃતિ ફેલાવવામાં આવે છે. સહિયારા પ્રયાસોથી કોઈ પણ લાભાર્થી વંચિત ન રહે તે દિશામાં વધુ સઘન કામ કરવાની જરૂર છે. કાર્યક્રમ દરમિયાન ઉપસ્થિત મહિલાઓ સાથે પોષણ સંવાદ યોજાયો હતો, જ્યાં 0 થી 6 વર્ષના બાળકો, કિશોરીઓ, સગર્ભા અને ધાત્રી માતાઓના પોષણ સંબંધિત મુદ્દાઓ પર માર્ગદર્શન અપાયું હતું. સાથે જ, જાહેર જનતાને પોષણ અને જનઆરોગ્ય પ્રત્યે જાગ્રત રહેવા શપથ લેવડાવવામાં આવ્યા હતા. ભારત સરકાર દ્વારા 2028 થી અમલમાં મૂકાયેલ પોષણ અભિયાન તથા 2021 થી શરૂ થયેલ પ્રધાનમંત્રી આયુષ્માન ભારત સ્વાસ્થ્ય મિશન અંગે વિસ્તૃત માહિતી સમેત સાહિત્યનું વિતરણ પણ કરાયું હતું. આ કાર્યક્રમમાં આંગણવાડી બહેનો, ડીસાના નાગરિકો, વિવિધ સામાજિક સંસ્થાના હોદ્દેદારો તથા અધિકારીઓ મોટી સંખ્યામાં ઉપસ્થિત રહ્યા હતા.

પાટણમાં ભાઇ-બહેન 'ડિજિટલ એરેસ્ટ'નો શિકાર:મુંબઈ પોલીસ બની સાયબર ગઠિયાઓએ 7 દિવસ નિગરાનીમાં રાખી 20.93 લાખની છેતરપિંડી કરી

પાટણની ધારપુર મેડિકલ કોલેજના ક્વાર્ટર્સમાં રહેતા એક ભાઈ-બહેન 'ડિજિટલ એરેસ્ટ' કૌભાંડનો ભોગ બન્યા છે. સાયબર ગઠિયાઓએ મુંબઈ પોલીસની ઓળખ આપી, તેમના નામે નોંધાયેલા સિમ કાર્ડનો ઉપયોગ દેહ વ્યાપાર અને મની લોન્ડરિંગમાં થતો હોવાનું જણાવી ડરાવ્યા હતા. આ છેતરપિંડીમાં ભાઈ-બહેને કુલ 20.93 લાખ રૂપિયા ગુમાવ્યા છે. બનાવની વિગતો મુજબ, ધારપુર મેડિકલ કોલેજમાં સ્ટાફ બ્રધર્સ તરીકે ફરજ બજાવતા અબ્દુલમુનાફ મન્સુરીના મોટા બહેન રૂબીનાબાનુંના મોબાઈલ પર 31 ઓક્ટોબર, 2025ના રોજ એક કોલ આવ્યો હતો. ફોન કરનારે પોતાની ઓળખ મુંબઈ બાંદ્રા પોલીસ સ્ટેશનના કોન્સ્ટેબલ અરુણકુમાર તરીકે આપી હતી. તેણે રૂબીનાબાનુંના નામે રજિસ્ટર થયેલા મોબાઈલ નંબર પરથી દેહ વ્યાપાર અને મની લોન્ડરિંગ જેવા ગંભીર ગુનાઓ થતા હોવાનું જણાવ્યું હતું. ત્યારબાદ ફોન સિનિયર અધિકારી ઇન્સ્પેક્ટર સંદીપ શર્માને ટ્રાન્સફર કરવામાં આવ્યો હતો, જેમણે ભોગ બનનારને ડરાવી વોટ્સએપ પર કોલ ચાલુ રાખવા ફરજ પાડી હતી. ગઠિયાઓએ વિશ્વાસમાં લેવા માટે બોગસ આઈડી કાર્ડ, કેનેરા બેંકના એકાઉન્ટનો ફોટો (જેમાં 3.16 કરોડનું બેલેન્સ હતું), નેશનલ સિક્યુરિટી ટ્રસ્ટનો લેટર અને કોન્ફિડેન્શિલિટી એગ્રીમેન્ટ જેવા બનાવટી દસ્તાવેજો મોકલ્યા હતા. સાયબર અપરાધીઓએ અબ્દુલમુનાફ અને તેમના બહેનને અલગ અલગ વોટ્સએપ નંબર તથા ARATTAI એપ્લિકેશન મારફતે 31 ઓક્ટોબર, 2025થી 7 નવેમ્બર, 2025 સુધી સતત ઓડિયો/વીડિયો કોલ પર નિગરાની (હોમ એરેસ્ટ)માં રાખ્યા હતા. તેમણે ધમકી આપી હતી કે જો તેઓ કોઈને જાણ કરશે તો આ રાષ્ટ્રીય સ્તરનો ગુનો હોવાથી આખો પરિવાર જેલમાં જશે અને નોકરી પણ ગુમાવવી પડશે. આરોપીઓએ ભોગ બનનારને તેમના ખાતામાં રહેલા પૈસા 'બ્લેક મની' નથી તે સાબિત કરવા માટે 'ફંડ વેરિફિકેશન' કરાવવું પડશે તેમ જણાવ્યું હતું. આ માટે તેમણે ફરિયાદી અને તેમના બહેન પાસેથી 31 ઓક્ટોબર, 2025 થી 5 નવેમ્બર, 2025 દરમિયાન અલગ અલગ બેંક એકાઉન્ટમાં કુલ 20,93,047.20 રૂપિયા ટ્રાન્સફર કરાવ્યા હતા. તેમને આ રકમ પરત મળી જશે તેવો વિશ્વાસ અપાયો હતો. જોકે, 6 નવેમ્બર, 2025ના રોજ ગઠિયાઓએ મકાન વેલ્યુએશનના નામે વધુ 10 લાખ રૂપિયાની માંગણી કરતા ફરિયાદીને શંકા ગઈ હતી. છેતરાયા હોવાનો અહેસાસ થતા તેમણે સાયબર ક્રાઈમ હેલ્પલાઈન 1930 પર જાણ કરી હતી અને ત્યારબાદ પાટણ સાયબર ક્રાઈમ પોલીસ સ્ટેશનમાં વિધિવત ફરિયાદ નોંધાવી હતી.

આપઘાત પહેલાના CCTV:અમદાવાદમાં ગુપ્તાનગરની સિદ્ધિવિનાયક બિલ્ડિંગના 5મા માળેથી યુવતીએ કૂદી આપઘાત કર્યો, કારણ અકબંધ

અમદાવાદના વાસણાના ગુપ્તાનગર વિસ્તારમાં આવેલી બિલ્ડિંગમાં પાંચમાં માળેથી યુવતીએ કૂદીને આપઘાત કર્યો છે. યુવતી ગઇકાલે(28 નવેમ્બર) સાંજના સમયે બિલ્ડિંગમાં આવી હતી જે બાદ એન્ટ્રી કરીને ઉપર ગઈ હતી. યુવતી કોને મળવા આવી હતી અને કઈ ઓફિસમાં ગઈ હતી તે મામલે તપાસ ચાલી રહી છે. વાસણા પોલીસે સમગ્ર મામલે તપાસ હાથ ધરી છે. આત્મહત્યાનું કારણ અકબંધમળતી માહિતી અનુસાર અજાણી યુવતી ગુપ્તાનગરમાં આવેલા સિદ્ધિ વિનાયક બિલ્ડીંગમાં આવી હતી. સાંજે લગભગ 5:45 વાગ્યે બિલ્ડિંગમાં દાખલ થઈ હતી અને ગણતરીના સમયમાં જ આત્મહત્યાનું પગલું ભર્યું હતુ.યુવતીએ બિલ્ડિંગના રજિસ્ટરમાં પોતાનું નામ પણ સ્પષ્ટ લખ્યું ન હતું. યુવતી જે કામ અર્થે આવી હતી, તે સંબંધિત ઓફિસ પણ બંધ હતીયુવતીએ જે કામ અર્થે આવવાનું જણાવ્યું હતું, તે સંબંધિત ઓફિસ પણ બંધ હતી. હાલમાં યુવતીની ઓળખ, તે ક્યાંની રહેવાસી છે અને આત્મહત્યા પાછળનું ચોક્કસ કારણ અકબંધ છે. યુવતી પાસેથી કોઈ સ્યુસાઇડ નોટ પણ મળી આવી નથી. યુવતી બિલ્ડિંગમાં આવી હતી તે સમયના CCTVયુવતી જ્યારે બિલ્ડિંગમાં આવી રહી હતી તે સીસીટીવી ફૂટેજ પણ સામે આવ્યા છે. યુવતીના આપઘાતનું કારણ અને મોતનું કારણ જાણવા માટે તપાસ ચાલી રહી છે. પોલીસે પ્રાથમિક તપાસના આધારે અકસ્માતે મોતનો ગુનો નોંધીને આગળની કાર્યવાહી હાથ ધરી છે.

નર્મદા કેનાલમાંથી વૃદ્ધનો મૃતદેહ મળ્યો:થરાદના રડકા પાસે ત્રણ દિવસ બાદ મૃતદેહ તરતો દેખાયો

વાવ થરાદ જિલ્લા નજીકથી પસાર થતી નર્મદાની મુખ્ય કેનાલમાંથી એક વૃદ્ધનો મૃતદેહ મળી આવ્યો છે. આ મૃતદેહ થરાદના રડકા ગામ પાસે કેનાલમાં તરતો જોવા મળ્યો હતો, જેને પરિવારજનોએ બહાર કાઢ્યો હતો. મળતી માહિતી મુજબ, આ મૃતદેહ મસાભાઈ માજીરાણા (ઉંમર આશરે 60, રહેવાસી ગોલપ, વાવ અને હાલ થરાદ લખાપીર હોટલ પાછળ)નો હોવાનું જાણવા મળ્યું હતું. તેઓ 27 નવેમ્બર, 2025ના રોજ સવારે 10 વાગ્યે ગુમ થયા હતા. ત્રણ દિવસ પહેલા કેનાલ પર લૂંગી મૂકી કોઈએ ઝંપલાવ્યું હોવાનો કોલ મળ્યા બાદ શોધખોળ શરૂ કરવામાં આવી હતી. આજે વહેલી સવારે રડકા પાસે કેનાલમાં મૃતદેહ તરતો જોવા મળ્યો હતો. આ ઘટનાનો વીડિયો સોશિયલ મીડિયામાં વાઇરલ થતાં પરિવારજનો ઘટનાસ્થળે પહોંચ્યા હતા અને મૃતદેહને બહાર કાઢ્યો હતો. થરાદ ફાયર ઓફિસર વિરમજી રાઠોડે જણાવ્યું હતું કે, બે દિવસ પહેલાં અમને કેનાલ પર લૂંગી મૂકી કોઈએ ઝંપલાવ્યું હોવાનો કોલ મળ્યો હતો. અમારી ટીમે કેનાલ પર પહોંચી સતત શોધખોળ હાથ ધરી હતી, પરંતુ કોઈ મળી આવ્યું ન હતું. આજે વહેલી સવારે મૃતદેહ તરતો જોવા મળતા પરિવારજનોએ તેને બહાર કાઢ્યો હતો. મૃતકના કપડાં મુખ્ય નર્મદા કેનાલના આજાવાડા પુલ નજીકથી મળી આવ્યા હતા, જેના આધારે ગઈકાલે સાંજે પણ એક કલાક જેટલી શોધખોળ કરવામાં આવી હતી. આ ઘટનાને પગલે પંથકમાં ચકચાર મચી ગઈ છે.

BLOની ઓળખ આપી અમદાવાદ પોલીસે આરોપીને ઝડપ્યો:સગીરાને લઈ 2 વર્ષથી ફરાર આરોપીના પિતા પાસેથી નંબર લઈ લોકેશન મેળવ્યું, મહેસાણાથી સગીરા સાથે ઝડપી લીધો

અમદાવાદના નરોડામાં 2 વર્ષ અગાઉ સગીરાના અપહરણની ફરિયાદ નોંધાઈ હતી જે મામલે પોલીસે ગુનો નોંધ્યો હતો. પોલીસને એક યુવક પર શંકા હતી પરંતુ યુવકનું લોકેશન પોલીસ પાસે નહોતું. જેથી પોલીસે યુવકના પિતા સાથે BLO તરીકે ઓળખ આપી ઇલેક્શન કાર્ડને લગતી વાતચીત કરી પિતા પાસેથી પુત્રનો નંબર મેળવી લીધો હતો. જે બાદ લોકેશનના આધારે સગીરાને લઈને ફરાર થયેલા યુવકને પણ શોધી કાઢ્યો હતો. યુવકની ધરપકડ કરવામાં આવી છે જ્યારે સગીરાને યુવકથી મુક્ત કરાવવામાં આવી છે. આરોપીનું કોઈ લોકેશન કે વિગત પોલીસ પાસે નહોતીઅમદાવાદના નરોડામાં રહેતી સગીરાને અજાણ્યો વ્યક્તિ લગ્ન કરવાના બહાને ભગાડીને લઈ ગયો હતો.આ અંગે સગીરાના પિતાએ નરોડા પોલીસ સ્ટેશનમાં ફરિયાદ નોંધાવી હતી.સગીરાના પિતાને દહેગામના રોહિત ઠાકોર પર શંકા હતી જેથી તેમને પોલીસને પણ જાણ કરી હતી. જોકે રોહિત ઠાકોરનું કોઈ લોકેશન કે વિગત પોલીસ પાસે નહોતી જેથી આરોપી શરૂઆતમાં પકડાયો હતો. કોન્સ્ટેબલે ફોન કરીને કહ્યું કે, કલેક્ટર ઓફિસમાંથી BLO બોલું છુંનરોડા પોલીસ સ્ટેશનના PI પી.વી ગોહિલની સૂચનાથી પોલીસ કોન્સ્ટેબલ પરેશભાઈએ રોહિતના પિતા શનાજીને ફોન કર્યો હતો. કોન્સ્ટેબલે ફોન કરીને કહ્યું હતું કે કલેક્ટર ઓફિસમાંથી BLO બોલું છું,તમારે ચૂંટણી કાર્ડ કઢાવવું હોય તો ફોર્મ ભરવું પડશે,તમારા ઘરમાં કેટલા સભ્યો છે તેમ જણાવી વિશ્વાસમાં લઈને પહેલા દીકરા દીપકનો નંબર માંગ્યો હતો. જોકે શનાજી પાસે દીપકનો નંબર નહોતો. રોહિતનો નંબર મળતા પોલીસે નંબર વેરીફાઈ કરી લોકેશન મેળવ્યુંજે બાદ બીજા દીકરા રોહિત ઠાકોરની વિશે પૂછપરછ કરી હતી અને રોહિત ઠાકોરનો નંબર માંગ્યો હતો. શનાજીએ રોહિતનો નંબર કોન્સ્ટેબલને આપ્યો હતો. રોહિતનો નંબર મળતા પોલીસે નંબર વેરીફાઈ કરી લોકેશન મેળવ્યું હતું. લોકેશન મહેસાણાના શોભાસણ ગામનું હતું જેથી PIએ ગોહિલે તાત્કાલિક એક ટીમ મહેસાણા મોકલી હતી.લોકેશન પરથી સગીરાને ભગાડી જનાર રોહિત અને સગીરા મળી આવ્યા હતા. આરોપીની ધરપકડ કરી સગીરાના મેડિકલની પ્રોસેસ હાથ ધરાઈનરોડા પોલીસ સ્ટેશનના PI પી.વી ગોહિલે જણાવ્યું હતું કે આરોપી 2 વર્ષ અગાઉ સગીરાને ભગાડીને લઈ ગયો હતો.આરોપીનું લોકેશન પોલીસ પાસે નહોતું, જેથી BLO તરીકે ઓળખ આપીને આરોપીનો મોબાઇલ નંબર મેળવ્યો. જેના આધાર લોકેશન મળતા આરોપીને ઝડપી પાડ્યો છે. આરોપીની ધરપકડ કરવામાં આવી છે જ્યારે સગીરાને મેડિકલ હોસ્પિટલ મોકલવામાં આવી છે. મેડિકલ રિપોર્ટ આવ્યા બાદ આગળની કાર્યવાહી કરવામાં આવશે.

બોટાદમાં બ્લોક કક્ષાનું બાળ વૈજ્ઞાનિક પ્રદર્શન યોજાયું:100 બાળવૈજ્ઞાનિકે ગણિત-વિજ્ઞાનના નવતર પ્રોજેક્ટ રજૂ કર્યા

બોટાદમાં બ્લોક રિસોર્સ સેન્ટર (BRC) દ્વારા ગુરુકુલમ ઇન્ટરનેશનલ સ્કૂલ ખાતે બાળ વૈજ્ઞાનિક પ્રદર્શન 2025નું આયોજન કરાયું હતું. ગુજરાત શૈક્ષણિક સંશોધન અને તાલીમ પરિષદ (GCERT), ગાંધીનગરના માર્ગદર્શન હેઠળ, જિલ્લા શિક્ષણ ભવન બોટાદ અને જિલ્લા પ્રાથમિક શિક્ષણાધિકારી કચેરી બોટાદની પ્રેરણાથી આ પ્રદર્શન યોજાયું હતું. આ પ્રદર્શનમાં બોટાદ ગ્રામ્ય અને શહેરના કુલ 10 ક્લસ્ટર્સની વિવિધ સરકારી પ્રાથમિક શાળાઓમાંથી આશરે 100 બાળ વૈજ્ઞાનિકોએ ભાગ લીધો હતો. તેમણે પોતાના માર્ગદર્શક શિક્ષકો સાથે ગણિત, વિજ્ઞાન અને પર્યાવરણ સંબંધિત નવીન પ્રોજેક્ટ્સ રજૂ કર્યા હતા. પ્રદર્શનનું આયોજન પાંચ વિભાગોમાં કરવામાં આવ્યું હતું. જેમાં વર્તમાન સમયને અનુરૂપ અનેક નવીન, વૈજ્ઞાનિક અને સર્જનાત્મક પ્રોજેક્ટ્સ પ્રદર્શિત કરાયા હતા. પ્રદર્શનમાં ભાગ લેનાર તમામ બાળ વૈજ્ઞાનિકો અને તેમની શાળાઓને શિલ્ડ અને પ્રમાણપત્રો આપી સન્માનિત કરાયા હતા. દરેક વિભાગમાં પ્રથમ સ્થાન મેળવનાર કૃતિઓ હવે આગામી જિલ્લા કક્ષાના બાળ વૈજ્ઞાનિક પ્રદર્શનમાં બોટાદ બ્લોકનું પ્રતિનિધિત્વ કરશે.

ઉપલેટામાં હિટ એન્ડ રનની ઘટના:કારે પિતા-બે પુત્રીને અડફેટે લીધા, ચાલક ઘટનાસ્થળેથી ફરાર

ઉપલેટાના કોલકી રોડ પર રાત્રે નવ વાગ્યા આસપાસ હિટ એન્ડ રનની ઘટના બની હતી. પુરપાટ ઝડપે આવતી એક કારે મોટરસાઇકલને ટક્કર મારી હતી, જેમાં પિતા અને તેમની બે પુત્રીઓ ઘાયલ થયા હતા. અકસ્માત સર્જીને કાર ચાલક ઘટનાસ્થળેથી ફરાર થઈ ગયો હતો. ઇલેક્ટ્રિકનું કામ કરતા અને શાકુંતલ સોસાયટીમાં રહેતા એક વ્યક્તિ પોતાની બે પુત્રીઓ સાથે મોટરસાઇકલ પર ઉપલેટા તરફ આવી રહ્યા હતા. લાભશુભ એપાર્ટમેન્ટ પાસે સ્પીડ બ્રેકર નજીક પહોંચતા સામેથી આવતી કારે તેમને જોરદાર ટક્કર મારી હતી. ટક્કર એટલી ભયાવહ હતી કે પિતા અને પુત્રીઓ ફંગોળાઈ ગયા હતા. આ અકસ્માતમાં મોટરસાઇકલ ચાલક પિતાના પગમાં ફ્રેક્ચર થયું છે, જ્યારે બંને બાળકીઓને પણ ઇજાઓ પહોંચી છે. ઘટના બાદ સ્થાનિક લોકોએ ઘાયલ બાળકીઓને તાત્કાલિક ખાનગી વાહનમાં ઉપલેટાની એક ખાનગી હોસ્પિટલમાં સારવાર અર્થે ખસેડી હતી. ઘટનાની જાણ થતાં ઉપલેટા પોલીસ પણ ખાનગી હોસ્પિટલ પહોંચી હતી. પોલીસે ઇજાગ્રસ્તોની પૂછપરછ કરીને નિવેદન નોંધવાની અને ફરિયાદ નોંધવાની કાર્યવાહી હાથ ધરી છે. પોલીસે અકસ્માત સર્જીને નાસી છૂટેલા કાર ચાલકને શોધવા માટે આસપાસના સીસીટીવી ફૂટેજ તપાસવા સહિતના ચક્રો ગતિમાન કર્યા છે.

ગિરનારના હરણ પ્લાસ્ટિક ખાતા હોવાનો વીડિયો વાઇરલ:વન વિભાગના અધિકારીની લોકોને 'સુફિયાણી સલાહ', ભવનાથ ક્ષેત્રમાં જંગલ પ્રાણીઓની અવરજવર છતાં એકપણ સાઇન બોર્ડ નહિ

પ્રકૃતિ અને પરમેશ્વરની અનુભૂતિનું ધામ ગણાતા જૂનાગઢના ગિરનાર પર્વત અને ભવનાથ ક્ષેત્રમાં અત્યંત ચિંતાજનક એક વીડિયો સોશિયલ મીડિયામાં વાઇરલ થયો હતો. ગિરનાર જંગલના ચિત્તલ (હરણ)નું એક ટોળું રેવન્યુ વિસ્તારમાં કચરાના ઢગલામાં પ્લાસ્ટિક પડ્યું હોય ત્યાં ખાતા હોય તેવા દૃશ્યો એક વ્યક્તિએ પોતાના કેમેરામાં કેદ કર્યા હતા. આ વીડિયો હાલ સોશિયલ મીડિયામાં ખૂબ જ વાઇરલ થઈ રહ્યો છે અને વન્યજીવોના અસ્તિત્વ સામે ગંભીર સવાલો ઊભા કર્યા છે. આ મામલે જૂનાગઢના વન વિભાગના અધિકારી અક્ષય જોશીએ અચાનક જાગૃતિનો સંદેશો અને 'સુફિયાણી સલાહ' આપી રહ્યા હોય તેમ લોકોને પ્લાસ્ટિક મામલે જાગૃતિ લાવવા સંદેશો આપવામાં આવ્યો હતો. તો બીજી તરફ ભવનાથ ક્ષેત્રમાં પ્રવેશ દ્વારા નજીક રાત્રિના 12:32 વાગ્યે સાબર જંગલ વિસ્તાર છોડી ભવનાથના રસ્તા પર આંટાફેરા મારતું જોવા મળ્યું હતું, જેનો રાહદારીએ વીડિયો બનાવ્યા હતો. ગિરનાર આસપાસના વિસ્તારમાં સિંહ, દીપડા સહિતના જંગલી પ્રાણીઓની અવરજવર હોવા છતાં પણ વન વિભાગ દ્વારા રસ્તાઓ પર હજુ સુધી લોકો અને પ્રાણીઓની સુરક્ષા-સલામતીને લઈ સાઈન બોર્ડ મારવામાં આવ્યું નથી, જેના કારણે લોકો અકસ્માતનો ભોગ બને તેવો ભય ફેલાયો છે. ખોરાકની શોધમાં હરણા બહાર આવ્યાઃ અક્ષય જોશીજૂનાગઢ ડીસીએફ અક્ષય જોશીએ હરણના પ્લાસ્ટિક ખાતા હોવાના વાઇરલ વીડિયો અંગે ખુલાસો આપતા જણાવ્યું હતું કે, હાલ જે વીડિયો વાઇરલ થયો છે, તેમાં ગિરનાર અભયારણ્યમાંથી બહાર નીકળીને રેવન્યુ વિસ્તારમાં ચિત્તલ (હરણા) જંગલ નજીક પ્લાસ્ટિક ખાઈ રહ્યું છે. ખોરાકની શોધમાં આ ચિત્તલ હરણા બહાર આવ્યા હોય અને તે ખોરાકની શોધમાં ફરતા હોય છે. ‘લોકો જમવાનું બચે, તેને ઘરની બહાર ન રાખે’ડીસીએફ અક્ષય જોશીએ તમામ ગામવાસીઓ અને શહેરવાસીઓને અપીલ કરતાં જણાવ્યું કે, લોકો પોતાના ઘરમાં જે જમવાનું બચે, તેને પોતાના ઘરની બહાર ન રાખે. બચેલા ખોરાકનો વૈજ્ઞાનિક અને યોગ્ય પદ્ધતિથી નિકાલ કરવામાં આવે. ગિરનાર જંગલ નજીક વસતા ગામના લોકો પ્લાસ્ટિકનો ઉપયોગ કરતા હોય તો યોગ્ય રીતે તેનો નિકાલ કરે અને કચરાપેટીમાં જ નાખે. જેવી રીતે માનવજાતને સ્વચ્છ અને સુરક્ષિત જીવન જીવવાનો હક છે, તે રીતે પશુ-પ્રાણીઓને પણ જીવવાનો પૂરતો હક છે. આપણા બંધારણનું મૂળ કર્તવ્ય છે કે સ્વચ્છ પર્યાવરણ પ્રત્યે પોતાનું કર્તવ્ય નિભાવવું. દાતાર ડુંગર પર તપાસ, પણ અન્ય રસ્તાઓનું શું?ડીસીએફ અક્ષય જોશીએ માહિતી આપી કે, દાતાર ડુંગર નજીકથી જ ગીર અભયારણ્ય વિસ્તાર શરૂ થાય છે, જેને લઈને દાતાર પર્વત પર જનારા લોકોને પ્લાસ્ટિક પ્રતિબંધને લઈ ચેક કરવામાં આવે છે અને આવા લોકોને પ્લાસ્ટિક પણ લઈ જવા દેવામાં આવતું નથી. જોકે, પ્રશ્ન એ છે કે ભવનાથ ક્ષેત્ર અને અન્ય પ્રવેશ માર્ગો જ્યાં માનવ અવરજવર વધારે છે, ત્યાં વન્ય પ્રાણીઓની સુરક્ષા માટે સાઇનેજ બોર્ડ કેમ લગાવવામાં આવતા નથી? અંતે તેમણે કહ્યું કે, પર્યાવરણનું જતન કરવું એ આપણી મૂળ ફરજ અને કર્તવ્ય છે. ત્યારે લોકોએ જાતે જ પ્લાસ્ટિકના યોગ્ય રીતે નિકાલ કરવો જોઈએ, જેનાથી પર્યાવરણ પણ દૂષિત ન થાય અને વન્ય પ્રાણીઓને પણ આનાથી કોઈ નુકસાન ન થાય. વન વિભાગ હવે આ મુદ્દે માત્ર સલાહ નહીં, પરંતુ જમીની સ્તરે કામગીરી કરે તે જરૂરી છે. વન વિભાગની 'સુફિયાણી સલાહ' અને વાસ્તવિકતાચિત્તલના પ્લાસ્ટિક ખાવાના વીડિયો વાઇરલ થયા બાદ, વન વિભાગના અધિકારીઓ અચાનક જાગૃતિનો સંદેશો અને 'સુફિયાણી સલાહ' આપી રહ્યા હોય તેમ લોકોને પ્લાસ્ટિક મામલે જાગૃતિ લાવવા સંદેશો આપવામાં આવ્યો હતો. પરંતુ ભવનાથ ક્ષેત્રમાં પ્રાણીઓ અને લોકોની સલામતી અને સુરક્ષાને લઈ હજુ સુધી એક પણ સાઈન બોર્ડ મારવામાં નથી આવ્યું. આ સવાલો પાછળનું કારણ એ છે કે, વન વિભાગ દ્વારા વર્ષો વીત્યા છતાં પણ ભવનાથ ક્ષેત્રો માટે ગિરનાર જંગલ નજીક રસ્તાઓ પર કે જંગલમાં હિંસક પશુ-પ્રાણીઓ કે અન્ય પશુઓની અવરજવર રહે છે, તેવા એક પણ સૂચનાના સાઇન બોર્ડ માર્યા નથી. પ્રવાસીઓ જંગલ વિસ્તારની નજીક હોવા છતાં, કોઈ સ્પષ્ટ ચેતવણીના બોર્ડ લગાવવામાં આવ્યા નથી. છતાં આજે વીડિયો વાયરલ થતાં અચાનક જ જાગૃતિનો સંદેશો આપી રહ્યા છે. વન વિભાગ વર્ષોથી હિંસક પશુ-પ્રાણીઓની અવરજવરના વિસ્તારોમાં ચેતવણી આપતા બોર્ડ લગાવવામાં નિષ્ફળ ગયું છે, ત્યારે માત્ર પ્લાસ્ટિકના નિકાલ માટેની સલાહ આપીને તંત્ર પોતાની જવાબદારીમાંથી છટકી રહ્યું હોય તેવું લાગી રહ્યું છે.